000 وينك البارح 000

[عشاق]

فديتك وينك البارح تراك أشغلتـني بالحيل
هلا بعمري فديت هالصوت وحشني صوتك الدافي

نطرتك من مغيب الشمس إلى آخر سواد الليل
نطرتك والأمل فيني حسبتك على الوعد وافي

مجافيني منامي ولا بقا بي يا غرامي حيل
تعبت وغالني الهاجوس وملت كل أطرافي

ترى بعض الغلا يذبح وفي شرع المحبه ويل
كفاني من دلالك يا غرامي أعتقد كافي

دخيلك بس طمني عن أخبارك يا نجم سهيل
ترى بالحيل أنا ولهان وأشوفك داله وجافي

وبترجاك ترحمني ترى طافح بصدري الكيل
لاعاد اتطول الغيبه وخلي جونا صافي

وسولف لي عن البارح قضيته مثلي حط وشيل ؟!
أو إن عيونك الحلوه سرقها جفنك الغافي

وعلى كل حال أنا أحبك .. أحبك موت .. أحبك حيل
وبأفضفض لك أحاسيسي وعشق (ن) بالحشا خافي

عـــشّاق

http://qe9ayed.jeeran.com/wenek.wav

[العسلي]

والله ياعاشق انت اللي بالحشا خافي
مشكور على كلامك والقائك الرائع والجميل وبصراحه انبهرت يومني سمعتها بالقائك.بالتوفيق

[عشاق]

أخي الفاضل العسلي :)

اسعد الله ايامك وأرجو اخي بان اكون دائما عند حسن الظن :)

[لوزه]

رائع كما عهدتك ولم تتغير ابدا ولن تتغير 00 دائما مهندس ومبدع للكلمه :)

[عشاق]

يسرني كما هو دائما حضورك وردودك وتعمدت عدم الرد على الموضوع الىخر لأرى اسمك مشرقا في صفحات المنتدى وأرجو أن يستمر هذا التواصل مجددا :)

[ارمينيا]

جميل روعه
يسلم هالصوت


روعـــــــــــــــــــــــــــــــــــه ( يعجز التعبير عن انتقاء الكلمات التي توصف مدى أعجابي بالشعر و الألقاء)

تمنياتي لك بالتوفيق

[عشاق]

هذا والله من ذوقج اختي :)

[ابو الفياصل]

وووووعه..اخوي عشاق

لكن وين جديدك.!؟

تحياتي لك..

[دانا]

ما شاء الله .... إبداااااااع .... وكلمات وااااااااااايد حلوة ....ما يقولها غير شاعر .....

هذي قصيدة للشاعرة مطلع الشمس أتمنى تعجبك أخوي عشاق


قال الغلا وما درى إنه الغلا كلَّه ... وحبه بقلبي من سنينٍ قديماتي

في خافقي له غلا غيري فلا شلَّه ... يفوق حبٍ تصوِّره الخيالاتي

من وين ما انظر نظيري هو تصوَّر له ... يصبح ويمسي بقلبي وعيني وذاتي

أنظر خياله وارسم له وارسم له ... حبٍ جميلٍ يصوِّر له معاناتي

هو غايتي ومنيتي ما ينوجد مثله ... هو راحتي وهو بداياتي ونهاياتي

العين تشتاق له والقلب يضحك له ... حبَّه حياتي وإنسي وابتساماتي

لو يطلب العمر كل العمر يرخص له ... غالي عليَّه وشوفه يسعد اوقاتي



تحياتي :):D

[عشاق]

مشكووووره وايد اختي وكنت اتمنى لو ان عندج (( يا نور قلبي وروحي وقطعة مني )) اللي غناها راشد وميحد 00 فعلا روعة

[دانا]

أهليــــــــــــــن عشــــــــــــــــاق

للاسف مب عندي هذي القصيدة ..... بس هذي قصيدة وصيــــــــــت قلبـــــــــــــــــــي إذا كنت تحبها :)


وصّيتْ قلبي عليك وفكري وظنِّي ... ان غبت عنهم عليك عتابهم هادي

ما ودِّي تجرح شعورك كلمةٍ منِّي ... وانته حياتي وعمري وومهجةْ فوادي

ودي تعيش العمر راضي ومتهنِّي ... مرفوع راسك عليك العز متبادي

يا تاج راسي وانته منِّي وعنِّي ... تامر وتنهي وامرك أول البادي

من كثر حبِّي عليك الخوف يمحنّي ... وافقد شعوري واشوفك غاية مرادي

ان غاب صوتك أناجي الليل واونِّي ... واتخيِّلك واتذكّر هامةْ بلادي

مديون لك بالغلا والحب متجنِّي ... يا مستحل الفواد العاشق الغادي

من يشبهك في البشر يا ذوقي وفنِّي ... يا راحتي وبسمتي وموتي وميلادي

وصّيتْ قلبي عليك وقال مبلنِّي ... واحذر غيابك على قلبي مَهُبْ عادي

تحياتي :)

[عشاق]

عاد تصدقين ان هذي هي القصيده اللي ادور عليها:D

يعطيج العافيه اختي :)