بياع القلوب
10-08-2002, 03:01 PM
هلا بكم
هالقصة حدثت وقائعها قبل كم يوم وهي حقيقية 100 بالمائة
حدث يا اخوتي أنني ذهبت إلى دولة البحرين بزيارة خاصة لإحدى دور النشر والتوزيع لكني أعطيهم بعض الأوراق الخاصة بي .
عموما وبعد الالتقاء بالاخوة هناك وانتهاء مهمتي رجعت إلى السعودية في المساء
طبعا لان سيارتي جديده ولم يكن لها أوراق تأمين خاصة للذهاب بها لدولة البحرين
فاضطررت أن استأجر سيارة صغيرة من نوع مرسيدس ، ويا ليتها ما كانت سيارة استأجرتها ..
المهم كنت ماشي بالطريق ومستانس إني أديت مهمتي بنجاح ، ما حسيت إلا بالسيارة تروح يمين ويسار
وش صاير؟
لا يكون بنشر ؟
لا
اكره البنشر
ما اعرف أصلحه لوحدي ...
قلا خلني امشي يمكن إذا وصلت الأراضي السعودية ألقى أحد من ربعي يساعدني
هنا ما اعرف أحد
المهم عديت محطة تحصيل رسوم جسر الملك فهد ( من جهة البحرين ) وبعد كم متر نام الكفر على الأرض وقمت اسمع طرطعة الكفر
حسبي الله على ابليسك سيارة
وقفت وأنا ما خليت كلمة بذيئة ما قلتها للكفر
هذا وقتك ؟؟
قعدت أفكر واقول وش الدبره ؟
الساعة الحين 11 بالليل وربعنا ما شاء الله إلي رايحين السعودية ماشين ومروقين المنجه
كل واحد يمشي الهوينا على سرعة 160 تقول حريمهم ينتظرونهم من الجهة الثانية من الجسر يعني الساعة 12 بينامون برا البيت ؟
محد ابن حلال ولا ابن ( حلال ) يوقف ؟
محد حولك
آمنت بالله وقلت يا عامر ما الك إلا هيـ
قصدي يدك
صلح الفكر والله يعينك
وبعد ساعة من الكر و الفر
والفك والتركيب
ركبت السبير تاير
ونزلت السيارة وشديت البلوط قصدي الصواميل
وركبت السيارة وقلت الحمد لله هانت
أبي هالسياره تمشي ؟ ما بغت
يا بنت الـ وش فيك ما تمشي ؟
الكفر قفل وما رضي يمشي تقول صبيت عليه صمغ مدري مربوط بسلاسل
يا الهي ليش ؟؟؟
ونزلت فكيت الكفر وركبته مره ثانيه
ونفس الشي ما مشت
وبعدين ؟
المشكلة مب عارف وش صاير معي ولا مع هالكفر التعيس هذا
قلت يمكن عشان الحرارة قفل الكفر على الهوبات
انتظرت ساعة ثانيه ما فاد
جت دوريه من الأمن البحريني وقالوا وش عندك واقف هنا من ساعة ؟
قلت لهم بدري ؟
قصدي هلا بكم أنا عطلان وقلت لهم السالفة
ما قصروا أخواني البحرينيين نزلوا وساعدوني بس ماكو فايده
اتصلوا بالأجهزة ألا سلكيه عشان يدورون لي سطحه
يعني سيارة نقل تنقلها لي للجسر أو للسعودية ( على حسابي )
طيب رضينا بالهم بس فكوني من هالكابوس
راحوا الشباب وقالوا لي نص ساعة وهي عندك
قلت طيب
الساعة احين 3 الفجر
واتصل بصديق
وبنك يا جورج قرداحي
والصديق مقفل جواله
وجع وقتك يا سلوم ؟
ودق على تلفونه الخاص لان عنده كاشف
ما رد
شوي وادق على جواله ولا رد علي
وجع نايم ؟
وشفيك مقفل جوالك
لا ابد بس كنت أبي أنام وشفت رقم غريب فقلت أشوف مين
يا تعبان إلى الحين تفكر إن وحده من إلي رقمتهم بتتصل بك ؟ هذا أنا ..
وش تبي ؟
جب جوازك وتعال البحرين وخذني
نعم اجي البحــ .
أقول اقطع واخس ولا تكثر الهرج وتعال وأنت ساكت وبتفهم السالفة بعدين
نص ساعة سامي وصلني
سلامات
واحكي له السيناريو كله مع توزيع الأدوار ..
الساعة 4
عامر مشينا هذولي راعين طويلة ما عندهم شي وبكره الصباح نيجي نسحبها
طيب مشينا لاني فعلا تعبت مره
وفعلا مشينا الدمام وتركنا السيارة مكانها بالبحرين ...
وحنا ما ندري انه في الجزء الثاني من القصة ( ...بكره ... )
( وزارة الداخلية البحرينية ترفع شكوى على سيارة بياع وتتهمها باشتباه مشروع تفجيري إرهابي )
يتبع .......
هالقصة حدثت وقائعها قبل كم يوم وهي حقيقية 100 بالمائة
حدث يا اخوتي أنني ذهبت إلى دولة البحرين بزيارة خاصة لإحدى دور النشر والتوزيع لكني أعطيهم بعض الأوراق الخاصة بي .
عموما وبعد الالتقاء بالاخوة هناك وانتهاء مهمتي رجعت إلى السعودية في المساء
طبعا لان سيارتي جديده ولم يكن لها أوراق تأمين خاصة للذهاب بها لدولة البحرين
فاضطررت أن استأجر سيارة صغيرة من نوع مرسيدس ، ويا ليتها ما كانت سيارة استأجرتها ..
المهم كنت ماشي بالطريق ومستانس إني أديت مهمتي بنجاح ، ما حسيت إلا بالسيارة تروح يمين ويسار
وش صاير؟
لا يكون بنشر ؟
لا
اكره البنشر
ما اعرف أصلحه لوحدي ...
قلا خلني امشي يمكن إذا وصلت الأراضي السعودية ألقى أحد من ربعي يساعدني
هنا ما اعرف أحد
المهم عديت محطة تحصيل رسوم جسر الملك فهد ( من جهة البحرين ) وبعد كم متر نام الكفر على الأرض وقمت اسمع طرطعة الكفر
حسبي الله على ابليسك سيارة
وقفت وأنا ما خليت كلمة بذيئة ما قلتها للكفر
هذا وقتك ؟؟
قعدت أفكر واقول وش الدبره ؟
الساعة الحين 11 بالليل وربعنا ما شاء الله إلي رايحين السعودية ماشين ومروقين المنجه
كل واحد يمشي الهوينا على سرعة 160 تقول حريمهم ينتظرونهم من الجهة الثانية من الجسر يعني الساعة 12 بينامون برا البيت ؟
محد ابن حلال ولا ابن ( حلال ) يوقف ؟
محد حولك
آمنت بالله وقلت يا عامر ما الك إلا هيـ
قصدي يدك
صلح الفكر والله يعينك
وبعد ساعة من الكر و الفر
والفك والتركيب
ركبت السبير تاير
ونزلت السيارة وشديت البلوط قصدي الصواميل
وركبت السيارة وقلت الحمد لله هانت
أبي هالسياره تمشي ؟ ما بغت
يا بنت الـ وش فيك ما تمشي ؟
الكفر قفل وما رضي يمشي تقول صبيت عليه صمغ مدري مربوط بسلاسل
يا الهي ليش ؟؟؟
ونزلت فكيت الكفر وركبته مره ثانيه
ونفس الشي ما مشت
وبعدين ؟
المشكلة مب عارف وش صاير معي ولا مع هالكفر التعيس هذا
قلت يمكن عشان الحرارة قفل الكفر على الهوبات
انتظرت ساعة ثانيه ما فاد
جت دوريه من الأمن البحريني وقالوا وش عندك واقف هنا من ساعة ؟
قلت لهم بدري ؟
قصدي هلا بكم أنا عطلان وقلت لهم السالفة
ما قصروا أخواني البحرينيين نزلوا وساعدوني بس ماكو فايده
اتصلوا بالأجهزة ألا سلكيه عشان يدورون لي سطحه
يعني سيارة نقل تنقلها لي للجسر أو للسعودية ( على حسابي )
طيب رضينا بالهم بس فكوني من هالكابوس
راحوا الشباب وقالوا لي نص ساعة وهي عندك
قلت طيب
الساعة احين 3 الفجر
واتصل بصديق
وبنك يا جورج قرداحي
والصديق مقفل جواله
وجع وقتك يا سلوم ؟
ودق على تلفونه الخاص لان عنده كاشف
ما رد
شوي وادق على جواله ولا رد علي
وجع نايم ؟
وشفيك مقفل جوالك
لا ابد بس كنت أبي أنام وشفت رقم غريب فقلت أشوف مين
يا تعبان إلى الحين تفكر إن وحده من إلي رقمتهم بتتصل بك ؟ هذا أنا ..
وش تبي ؟
جب جوازك وتعال البحرين وخذني
نعم اجي البحــ .
أقول اقطع واخس ولا تكثر الهرج وتعال وأنت ساكت وبتفهم السالفة بعدين
نص ساعة سامي وصلني
سلامات
واحكي له السيناريو كله مع توزيع الأدوار ..
الساعة 4
عامر مشينا هذولي راعين طويلة ما عندهم شي وبكره الصباح نيجي نسحبها
طيب مشينا لاني فعلا تعبت مره
وفعلا مشينا الدمام وتركنا السيارة مكانها بالبحرين ...
وحنا ما ندري انه في الجزء الثاني من القصة ( ...بكره ... )
( وزارة الداخلية البحرينية ترفع شكوى على سيارة بياع وتتهمها باشتباه مشروع تفجيري إرهابي )
يتبع .......