الدموع السود

[رمادي]

شفتها .. جالسه ..
ولابسه لون السواد
ودموعها.. مثلها..
لابسه ثوب الحداد
شفتها ..
وياليتني ما شفتها ..
يا دموعها ..
آه .. آه..
يا دموعها
سودا ..
يخالطها كحل
على خدها صارت تهل
ويومن درت ..
أني قريب ..
سابقت يدها الزمن ..
وامسحت ذيك الدموع..
وغطى السواد خدودها ..
وخلى معالم وجهها ..
كلها .. حزن فحزن
**************
اتبسمت ..
وياليتها ما اتبسمت ..
كرهتني الابتسام
تبي تخبي حزنها ..
لكن شفايفها كذبت..
وضيعت مني الكلام
خانتها رعشات البكى ..
وحطمت فيني الرجى ..
اننا فيوم الفراق ..
ما نسمح لآية شعور ..
يشوه فذكرانا الفرح
بس للأسف
صار السواد فوجنته ..
يضحك .. ويستهزي .. ويقول :
معليش حبيبك انجرح
*************
قالت حبيبي : آسفة ..
والله اني حالفة ..
ما ابكي انا فيوم الوداع
من غير منتا ترتجي
بس ما دريت ان الحزن ..
حالف بعد مثلي انا ..
انه فيوم فراقنا ..
لازم يجي


http://silvergold.jeeran.com/rmady.jpg

[ارمينيا]

جميله و روعة يا رمادي

تحياتي لك و تمنياتي لك بالتوفيق
;)

[ولد حمد]

نص جميل ومميز لايقل عن تميز شاعره.....
ءالى الأمام يارمادي ولاتحرمنا تواصلك.