View Full Version : شباب تنصحوووني بجيب رانجلر !!!!!!!!!!!!!!!!! ولافيه عيوب ومشاكل
TOYOTA
21-08-2002, 12:44 AM
اهلا انا معزم اشتري رانجلر ,,
بس الي يعرف ان في موديل جديد راح ينزل يقولي وابي صور للجيب
وابي اعرف عيوبة
وشكراااا
MAXIMA 020
21-08-2002, 04:03 AM
بالنسبه للرنجلر المعروف عنه في المشاكل الصليب حقه دايم يخرب بس خلني اقولك
انا بنفسي مريت وكالة جيب على طريق الدمام الخبر ودخلت هناك فقط اتفرج على السيارات وكان معاي الموضف يعطيني بعض المعلومات عن السيارات ويوم جينا عند الرنجلر سألته قلت له ان الناس دايم يتشكون من الصليب حقه يخرب بسرعه قالي من الناحيه هذي ارتاح شركة جيب سوت تعديل لسياره بحيث ان الصليب ما يخرب يعني ما راح تتشكى من السياره هذا الكلام للمديل 2002 بس
وسألته ايضا سؤال خارج عن موضوعنا قلت له ليش ما يتم اضات انوار الزينون للسيارات الامريكيه عموما قالي جميع المصانع في امريكا رافضه رفض قطعي فكرة انوار الزينون لتأثيرها على النظر وقوتها
ولكن حاجه فعلا غريبه ليش السيارات المريكيه ما تتعامل مع الزينون اذا كان السبب زي ما تفضل الاخ الي في الوكاله فا ما اضن ان فيه ناس يهتمون بالسلامه والمن والراحه اكثر من الامان الي يستخدمون الاضائه هذي
TOYOTA
21-08-2002, 01:36 PM
بس السيارة هل فيها عيوب غير الصليب مثلا ... القرقرة وغيرها
اذاا احد الاخوان يعرف يخبرنا ..... لا يبخل علينا
وووشوو احلى لون
ابو محمود
22-08-2002, 03:40 AM
انا اعرف واحد عنده جيب رانجلر!
يشتكي من شيء واحد!
وهو ان السقف حق السياره غير مبطن فالحراره الداخليه تكون شديده بسبب السقف حق السياره!!
لذلك اذا شريت وحده الله يعينك على الحر!!
اما من ناحية المشاكل فيقول لي ما فيه مشاكل اذا اهتميت بالسياره!!:rolleyes:
DR-JEF
22-08-2002, 08:40 AM
يالحبيب
خذ الرانج وانت مرتاح ولا فيه عيوب ولا شي اترك عنك
واحد صاحبي عندعه واحد ولد عمه عنده واحد
مو ديل 91-92
والسياراة مافيها أي عيب وعلى طول انسافر فيها وتونا رادين من الكويت فيها
واذا بتاخذ الموديل الجديد هنيا لك يالحبيب انت سيد الشارع
بو دمعة
22-08-2002, 11:07 AM
السلام عليكم
لا تشتريها
لانها بكل بساطة
امريكية وسخة
حياك الله اخوي
Online_7
22-08-2002, 11:43 AM
هل هو قوي
وعلى اي سيارات قام
BMW M3
22-08-2002, 06:13 PM
بصراحه الجيب قوي وعلى كيفك وانا انصحك به خاصه رانجلر احسن جيب
L.O CUSTOMS
22-08-2002, 09:31 PM
:o :o يــــــــــا شين الفلسفه الزايده عن حدها:mad: :mad:
مع إحترامي للجميع لاكن انا معاي رانجلر 2001 صحارى
ممكن اعرف إنتم تتكلمون على أي أساس:mad: :mad: :mad:
إسمحولي بردي العنيف بس هذي سيارتي وانا اعرف فيه كل مسمار كيف يدور:o <--------------بالغ شوي:D :D :D
على العموم يا أخ تويوتا
انا بقولك شغله الرانجلر حسب ما تعامله يعني لو كان إستعمالك سلبي له السياره بعد 20000 كيلو تبدى تصرف:rolleyes: وهذا الكلام بنأن على تجربه موب كلام من الشارع وعفواً باللفظ:(
على العموم في البر والطعوس 100%100
وفي الطريق العادي رايق مافيه مشاكل بس اللهم بيكون في صوت خفيف من الغطى لإن السياره تنكشف
بالنسبه للغطى مثل ما بعض الإخوان وبدون ذكر أسامي قالو إن فيه حراره وكذا
هذا الكلام مو صحيح (إختلاف وجهات نظر)
انا الإن على إستعداد اخليك تشوف السياره بنفسك عشان تتأكد;) بنفسك
لاكن الحراره او تقدر تقول ظعف او قلة تبريد المكيف بالنسبه لمنافساتها من تويوتا ونيسان
من مميزات السياره:
تقدر تكشف السياره متى ما حبيت.
خفة وزنه وقوة مكينته ما شاء الله تقدر تقاوم مع جيوب ثانيه وتقوم بالراحه مثل اللاند كروزر والباترول
بالطعوس انا تقاومت مع لاندكروزر وقمت عليه بفارق نص عامود (طعس التحدي):D :D :D .
اما بالنسبه لإستهلاك البنزين فهو متوسط يعني.
الحراره تكون على النص وتزود في الصيف تحت الشمس وباليل تكون نص بالضبط;)
عيب السياره :
عدم توفر كامل قطع الغيار عند الوكيل يعني لازم يطلب لك من أمريكا:( .
الناس وكثير منهم الله يهديم يكونون غشمان فيه يعني بمعنى اوضح الناس تركب جنوط عراض ولا تعرف كم وزنها!! هل هي اثقل من الإساس او لا ؟
وبكذا يتأثر الدفرنس وهو حساس مرررررره والقير كذلك!
بعدين كثرة تدعيسك على السياره يؤدي إلى إنفصال العامود وهذا من قوة عزمه ما شاء الله;)
في السفر:
انا سافرت عليه لجده مرتين يعني صرفيته ممتازه 3 مرات عبيت بنزين اممممم السياره راكزه ولا عليها ملاحظات يمكن بعض الناس(الشياب)يرونها غير مريحه لاكن بالنسبه لي مافي اي تعب الحمد لله (القرد بعين امه غزال:D :D )
بس فيه شغله لو تدقق فيها بتتعب الصوت السفر يمكن يزعجك نوعاً ما إذا تابعت التركيز فيه. وهو بصراحه يزيد الصوت كل ما زادت السرعه.
الطبلون يجيبه بلراحه ما شاء الله:eek:
بس هذا كل الي أقدر اقولك عليه وانا ما أقولك إشتر انا اقولك فكر إنت كيف يكون إستخدامك للسياره إذا إشتريتها؟؟
وبعدين إشتر:D
على العموم لو إحتجت صور او اي إستفسارات عن السياره اكون مبسوط لو ساعدتك.;)
وهذا إيميلي والماسنجررررررررررررررررررررررر:
lh_taz876@hotmail.com
وآسف على الإطاله
:rolleyes:
Online_7
23-08-2002, 03:08 PM
هلا والله شكراااا على المعلووومات القيمة !!!!
اذاااا عندك صور للسيارة ولسيارتك حطها كلها اتمنى تكون كشف :D :D :D
لاني انا ودي اشتري وحدة بعد !!! هذا الاسبوع ....
بس اي لون اخذ .....
ووشوووو احلى بشراع ولا هارتووب :confused: :confused:
ومشكووور على المعلومات .....
يا شباب هل تعتبروون السيارة رزة اذا شفتوها ....
والله ما ادري ....
في ناس يقولوون لي عيب تاخذ هذي السيارة بس والله انا احبها ....
هل تقول على المكسيما او الاوبل ..... او اللومينا
وشكرااااا
Net Master
23-08-2002, 03:29 PM
مكيف السيارة ما عليه كلام ويبرد مظبوط لو درجة الحرارة 100
بس فعلا لو سبت السيارة في الشمس ورجت تلاقها مولعة من جوة
طبيعي زي اي سيارة بس خمسة دقايق مع المكيف وتلاقي السيارة بردت ..الحل لهذه المشكلة وقف في الظل او ظلل القزاز بعازل
-------
Shamlan
الهارد توب في رايي احلى بكثير وتقدر تكشفها براحتك واصلا انت ما حتكشف السيارة الا كل مدة مع الجو الحلو اللي عندنا:D
L.O CUSTOMS
23-08-2002, 04:48 PM
Shamlan:
حياك اخوي والله هذا واجبي بصراحه :D :D
بس بالنسبه للصور إنت شف موقعي تحت تحصل فيه صور للجيب وهو كشف كمان!;)
والإن انا قبل يومين مركب جنوط 8 إنش وكفرات شاهين طالع شكل السياره جنان COOOOOOOOOOOOOOOOOOOOOOOOOOOOL
ما شاء الله
اما بالنسبه للهارد توب ولا الشراع هو بصراحه حسب المنطقه الي إنت فيها مع *****ملاحظة إنهم كلهم يصيرون كشف***********
لاكن بإختلاف طريقة كشف السياره
عندك الشراع ينكشف بسرعه اكبر من الهارد توب;)
لاكن بجو الرياض صعب جداًً تاخذ سياره شراع لإرتفاع درجة الحراره وقلة عزله للحراراه:( مع كثرة الرياح :rolleyes:
الرزه:
:rolleyes: اممممممممممممممممممممم:rolleyes: ما أعتقد رزه لإن فيه مثل اللاند كروزر والإكس 5 وسيارات غيرها ارز
بس تقدر تقول سياره شبابيه يعني تيكت إييييزي:D :D
لاكن بالنسبه للتميز ما أعتقد يكون سياره مميزه مره يعني ممكن قليل تشوفها لاكن مو نادر يعني:cool:
ممكن أعرف ليش عيب؟؟ :confused:
ما دام هذا الجيب اول سياره تصنع دفع رباعي إيش تبغى أكثر من كذا فخر؟؟
امممممممممممممممم والله تبي الصراحه
انا جربت اقاوم مع كامري وقمت عليه فكتوريه 96 وقمت جيوب ولا جيب قام وأولهم الشاص:D
بس المكسيما سياره قويه ولا أتوقع تقوم ونفس الكلام مع اللومينا الـSS
اما العادي والله ما ادري
بس إنت فكر فيها شوي تلقى في إختلاف كبير بين السيارتين الي هي الماكس والرانج تلقى كلهم له إستخدام خاص فيه مع الفارق الكبير بين القوه الحصانيه;)
وأي إستفسارات يا Shamlan انا حاضر
اللون الزيتي هو الإكثر بس في ألوان ما نزلت الا على الموديلات الحديثه
مثل العنابي ما نزل الا على 2001 و 2002
وغيره ما يحظرني
بس انا اشوف العنابي والزيتي والإسود هم الإفضل ويتبعهم الإبيض
Net Master:
كلمك عــــــــــــــــــــــــــــــــســـــــــــــــــــل
يا عسل:)
وأي إستفسارات يا شباب انا حاظر
ومتأسفين على الإطاله
sahara2000
23-08-2002, 05:36 PM
والله حيرتوا الرجال
بس ترا كل سياره لها اللي يمدحها ولها اللي يذمها ولو تسأل اللي جربوها تلقاهم طايرين بها في السماء
هي بصراحه سياره ماعليها كلام في الوناسه لما تكون عندك بس اذا انت تبيها تكون سيارتك لفتره طويله اتوقع بتزهق منها لأنها ماهي عمليه لفترات بعيدة المدى.....بدا يتفلسف
وياليت يا LH الله لا يهينك تزود لنا ملاحظاتك عن السيارة وياليت تحط صورها بالكفرات الجديدة وهل تقدر تركب الكفرات شاهين على جنوط الوكاله؟؟ لاني اشوف ناس مركبينها على نفس الجنوط وكيف السيارة بالكفرات القديمه ولا الجديدة احسن
اي شي يعجل بخراب السياره نبهنا عليه لان كل واحد يفتي من عنده وحنا نبي كلام من ثقات;)
وهل تقدر تعشق الدبل وانت ماشي مايضر السياره ولا لازم توقف
Online_7
23-08-2002, 06:44 PM
الله يباركلك فيه ....
يا اخ LH ,,, وبكل صراحة ,,,, ما حسيت انك ندمت انك شريت الرانجلر بصراحة ......
وهل السنه الجاية راح يتغير شكله ....
وشووو البنزين مكشوووووووف ... ___ خطر ____
وكم التسارع من 0 إلى 100
وهل خرابه واجد ......
ووشوو الكفرات الى تقول عنها حط لنا صور منها ...
ومشكرووووور 100000000000000
Online_7
23-08-2002, 06:46 PM
ودي اكلمك بالماسنجر ضروووري .....
حدد الساعة كم ........
ضرووور ي
:D :D :D :D
الشرقاوي
23-08-2002, 08:41 PM
الرانجلر حلو للشباب بس:D
انا اقوللك ليش انت شاب ولاهمك شي بالنسبه للصوت فعادي تتعود عليه :D
انا اضربلك مثال معاي لندكروزر مكسر وعليه تنسيم هوا من كل الجهات ومع هذا عادي جدا لانو مادام مرتاح بالسياره ومسجل والشباب مونسينك منت مهتم للشي هذا :D
علشان كذا بس اللي يهم انو السياره صغيييييره جدا يعني هذي راجعه لك واكيد انك حاطها بالاعتبار عشان كذا اقوللك خذ السياره وانت متتطمن ببس لازم تجربها:D
L.O CUSTOMS
23-08-2002, 09:47 PM
sahara2000:
الله يخليك
بالنسبه للكفرات:
حصلت كفرات على قياس الجنوط الي على السياره يعني شد بلد وقياسهم هذا طبعاً للشاهين 275×70×16
بس انا والله ما أنصح لإنهم يعدمون السياره على مدى البعيد مثل الدفرنسات والقير والهوبات:(
هذا بالنسبه للكفرات!!
اما الجنوط او ما يسمون بالرنكات:
فمشكلتهم أكبر بكثير:( :(
الناس تشوف الجنط (الرنك) الحلو وتركبه بغظ النظر عن السعر وهي تجهل إن الجنط له وزن المفروض ما يتعداه!!!! :eek: لإن بتعديه يعمل مشكله مع الدفرنسات والقير والقير بوكس والهوبات ولازم توزن الإذرعه بين فتره وفتره وطبعاً مشاكل مع الصليب ورجه في السياره:o
بس هذا المشاكل يمكن تفاديها لو ركبنا جنوط أخف وزن !!
تكون السياره افضل تسارع وما يكون فيه رجه مثل الجنط الثقيل !
امممممممممم
بالنسبه للملاحظات
والله في شوية ملاحظات:
1- المسجل إذا قعدت تحوس فيه يعني تطلع شريط بسرعه ودخل واحد بسرعه يعلق ويعطيك إيرور.
2- ظيق المرتبه الخلفيه ممكن يزعج الكاب خصوصا الطوال مثلي هههههههههههه.
3- كثرة فك الغطى يزيد الصوت عن اول مره لإنها ربله وتخرب مع التركيب والتفكيك.
4- إرتفاع صوت المكينه إذا السياره كانت واقفه لمده طويله وهي شغاله
بس بعدها بدقايق يختفي لإنها مراوح تبريد تطفى إذا مشت السياره.
بالنسبه للي يخرب السياره في أشياء أساسيه موجوده بكل السيارت وفي أشياء تخص سيارات عن سيارات ثانيه .
بالنسبه للرانجلر سؤ او غشامة إستعماله في البر هو الي يخربه وانا اول الظحايا غيرت الكلتش بعد 20000 كيلو لإني كنت أسحب الناس كثير على حساب صحة السياره:( :(
على العموم المشي بركاده هو الزبده فيه حتى في البر
لإن لو تقعد تدعس على السياره كثير ممكن يتأثر او ينفك عامود الدوران وهذا ناتج من قوة المكينه!!
الدبل:
الشروكي والرانجلر الدبل المفروض ما يعشق الا والسياره واقفه تفادي لإي مشاكل ممكن تحصل.
لاكن لو كان لازم لا تتعدى سرعة 40 كلم في الساعه
والثقيل لازم تكون السياره واقفه!!!!!!!!!!!!
بس لو عشقته على الخفيف وإنت تحت الـ40 ممكن يفصل وأحتمال كبير يفصل!!;)
بس ما تفرق لو وقفت دقيقه وشبكته ومشيت على إيش مستعجل؟؟
Shamlan:
اعصابك حبيبي
هههههههههههههههه:D :D :D
والله تبي الصراحه انا الحمد لله ما ندمت على سياره عشقتها 10 سنوات
بالنسبه للتسارع والله بالظبط ما أدري لإن ما عمري حسبت ولا أعتقد إني بجرب اشوف قومته!<---------------- تاب بعد ما غير الكلتش
هههههههههههههههههههههههههههههههههههههههههههه:D
*********** الموديل الجديد***************
في تعديلات بسيطه مثل نظام المكابح
الإمام ديسكات والخلف طبله
لا غيرو الي في الخلف وخلوها ديسكات
;)
وحطو اقفال للدفرنسات بسوتش لتشغيله وفصله
هذا الي يحظرني الحين !!
والله صور بصراحه غير انزلهم على النت يعني يبيلهم يومين لإني مظغوط شوي:(
بس انا برد عليكم وقتها اوكي!!
;)
وحنا تحت آمركم:)
L.O CUSTOMS
23-08-2002, 09:54 PM
رد مقتبس من الشرقاوي
الرانجلر حلو للشباب بس:D
انا اقوللك ليش انت شاب ولاهمك شي بالنسبه للصوت فعادي تتعود عليه :D
انا اضربلك مثال معاي لندكروزر مكسر وعليه تنسيم هوا من كل الجهات ومع هذا عادي جدا لانو مادام مرتاح بالسياره ومسجل والشباب مونسينك منت مهتم للشي هذا :D
علشان كذا بس اللي يهم انو السياره صغيييييره جدا يعني هذي راجعه لك واكيد انك حاطها بالاعتبار عشان كذا اقوللك خذ السياره وانت متتطمن ببس لازم تجربها:D
الهوى شرقي وقلبي هاوي الشرقااااااااااااااوي
كلامك صح×صح وطول عمرك صح قل آمين:D :D
مللك الليل 20
23-08-2002, 09:59 PM
ولله صراحه ارانجلر ما عليه كلم واذا تبي نصيحتي اخده وانت مغمض
:) :) :) :) :) :)
مع تحياتي
اخوك ملك الليل
Net Master
23-08-2002, 11:26 PM
على حسب مانيوال السيارة
تقدر تحط الدبلlow ===>اقل من 5
high ===>اي سرعة
والله يابن الحلال انا واحد من الربع عنده رانجلر كل يوم يصلح الكهربه مالته او دايم يوقف فيه بل طريج او نسحبه دايم تخرب كهربته او صغير مايشيل بس احلى شي فيه الضغط بسرعه يصك الحمر يعجبك هذا الي اعرفه :cool:
L.O CUSTOMS
23-08-2002, 11:43 PM
رد مقتبس من Net Master
تقدر تحط الدبلlow ===>في اي سرعة
high ===>سرعة اقل من 30
ممكن صح كلامك:D :D :D
L.O CUSTOMS
23-08-2002, 11:48 PM
رد مقتبس من فاهم
والله يابن الحلال انا واحد من الربع عنده رانجلر كل يوم يصلح الكهربه مالته او دايم يوقف فيه بل طريج او نسحبه دايم تخرب كهربته او صغير مايشيل بس احلى شي فيه الضغط بسرعه يصك الحمر يعجبك هذا الي اعرفه :cool:
ممكن وإحتمال يكون مركب جهاز او أي جهاز كهربا زياده على السياره وظربت الظفيره عنده
أو إن السياره موقفه لها فتره طوييييييييله
ما شاء الله هذا من قوته يطق الإحمر بسرعه ;) :D
لا لا مو مركبله شي والله اهو لاقي ياكل عشان يضبط سيارته :D :D :Dبعدين بل مطر يفتر حيل قبل كنا واقفين عند الاشاره يوم بطلت دعس وله الي ورانا صاروا قدامنى لووووول افتر فينا :D
L.O CUSTOMS
24-08-2002, 02:06 AM
والله شي غريب بصراحه هذي اول مره اسمع فيها ممكن تقولي الي معه كم موديله؟؟؟ وكم ماشي ؟؟ المسأله مهمه لو سمحت يعني تستفسره لو ما تعرف!!
بالنسبه للإفترار عند الإشاره هذا راجع على نوع الكفرات وردائتها
بعدين هو أكيد شب على الرانج شبه أليمه;)
هههههههههههههههههه
على العموم انا أنتظر منك يا أخ فاهم رد
بس وين TOYOTA???
صاحب الموضوع كتب الموضوع ولا عااااااااد بين
ههههههههههههههه:D :D
اتنمى إن يكون بخير وعافيه:( :(
لإن قطعته للموضوع بصراحه تخوف:(
هههههههههه لا توايره جدد مديل 93:D :D :D :D :D
L.O CUSTOMS
24-08-2002, 01:40 PM
وتلوم الجيب ليش إفتر
ههههههههههههههههههههههههههههههه:D :D :D
شكل خويك ميزانيته على الحديده
هههههههههههههه:D :D
L.O CUSTOMS
25-08-2002, 02:18 AM
شباب للرفع
أي إستفسار انا حااااااااضر
بس
في أحد عنده موقع اضيف صوري عنده؟؟؟:confused: :confused:
sahara2000
25-08-2002, 05:29 AM
بس كذا يا LH
الطالب LH والطلب رخيص
http://www.jeeran.com
بس عجل علينا بالصور الله لا يهينك:D
Online_7
25-08-2002, 01:13 PM
هذي بعض الصور الى صورتها امس في الوكالة !!!!
http://www.arab3.com/images1/62950988.jpg
http://www.arab3.com/images1/97833286.jpg
http://www.arab3.com/images1/43907889.jpg
http://www.arab3.com/images1/26522745.jpg
يا اخ LH
اذهب لموقع arab3 (http://www.arab3.com)
وتقدر تحمل الصورة بسهوووله جدااااا
ولكن الصورة لا تستمر الا اسبوع واحد فقط
واي خدمة انا حاضر ,,,,:D :D :D :D
L.O CUSTOMS
25-08-2002, 03:38 PM
بسم الله
آتمنى بصراحه كل من يشوف الصور يقول ما شاء الله ولا عليه أمر لإني اخااااااااااااااااااااااااااااااااااااااااااااااااااااااااااااااااااااف من شي إسمه عييييييييييييييين:( :( :( :(
على العموم تفضلو ولا أكثر عليكم حكي:D :D
http://jeeps.jeeran.com//pic43.jpg
http://jeeps.jeeran.com//wrang47.jpg
http://jeeps.jeeran.com//wrang45.jpg
http://jeeps.jeeran.com//wrang52.jpg
http://jeeps.jeeran.com//wrang54.jpg
http://jeeps.jeeran.com//wrang63.jpg
http://jeeps.jeeran.com//wrang36.jpg
http://jeeps.jeeran.com//wrang65.jpg
http://jeeps.jeeran.com//wrang68.jpg
http://jeeps.jeeran.com//wrang70.jpg
http://jeeps.jeeran.com//wrang67.jpg
http://jeeps.jeeran.com//wrang35.jpg
وإي إستفسار انا حاضر!!
Online_7
25-08-2002, 10:18 PM
هذا جيب ولا ايش !!!!!!!!!! :eek: :eek: :eek: :eek: :eek:
ما شاء اللله
احلى صورة اخر وحدة ,,,, ,
حط صور زيادة يا LH ,,,,,, وانت تطعس في البر غير الى في موقعك
حط بس صور ,,,,,,,,,,,,
:D :D :D :D :D :D :D
حط كل الصور الى عندك للرانجلر كل الالوان
L.O CUSTOMS
26-08-2002, 02:21 PM
هههههههههههههههههههههههههههههههههههههههه
لهادرجه اعجبك ههههههههه
ما شاء الله
على العومو انا عندي حول 1000صوره للرانجلر بس طبعاً مو رانجلري
بس بحط افضل 20 اوكي؟;)