سوالف للجميع - خمن ما هي هذه السيارة؟؟

بو دمعة

26-08-2002, 12:28 AM

السلام عليكم ورحمة الله تعالى بركاته

الاخوة الاعزاء احببت ان اطرح بين ايديكم هذا الموضوع المفيد ومنه تستفيدون

قبل الشرح اقول لكم الفوائد

من خلاله معرفة انواع السيارات

تشجيع روح المنافسة بين الاعضاء

معرفة خبرة الاعضاء بالسيارات

اما فكرة الموضوع فهو

ان يقوم عضو بشرح مواصفات نوع من السيارات"بدون ذكر اسم السيارة" مثل قوتها عدد سلندراتها مكان الصنع وغير ذلك من المواصفات

ويقوم الاعضاء بالتخمين باسم السيارة

والذي تكون اجابته صحيحه

يبدأ الدور عنده في طرح نوع جديد من السيارات

فاذا تاخر قليلا"بعد 6 ساعات من الاجابة او اي وقت تريدون تحديده" يمكن لاي عضو اخر وضع نوع اخر من السيارات حتى يتحرك الموضوع والا نضطر للانتظار الى ان ياتي صاحبنا لوضع السؤال

هذا اللي يحب يشارك

اترك الباب مفتوح لاي عضو بالبدء

تحياتي:)

NFS

26-08-2002, 01:01 AM

أنا موافق ومتحمس "وخر عنه:) "....

بس بشرط أنك أنت أول من يبدأ بهذا الموضوع.

بو دمعة

26-08-2002, 01:24 AM

السلام عليكم

من عيوني يا NFS "مشرفنا سابقا" ولا تزعل انت اشر بس :)

سيارة صغيرة جدا

طولها 3.6 متر

عرضها 1.9 متر

سعة المحرك 1.5 لتر مزود بشاحن تيربو

وزنها 1.14 طن

قوتها الحصانية مقارنة بالوزن 141 حصان مقابل الطن

سرعة الانطلاق من 0 - 100 كيلو متر خلال 7.2 ثانية

تحتوي على علبة تروس يدوية بست سرعات

والمعلومة الاخيرة والتي سوف تساعدكم كثيرا هو

انه رفعت قضية عليها بسبب تسميتها فقط

تحياتي:)

NFS

26-08-2002, 01:39 AM

أممم بعد تفكير والأستعانة بالآلة الحاسبة............

1.14×141=160.74 حصان

ومحرك 1.5 لتر توربو

مش هذي الميني كوبر؟؟

بو دمعة

26-08-2002, 01:54 AM

عفارم عليك اخوي

وهذي صورتها الشخصية:D

http://www.edmunds.com/media/roadtests/firstdrive/2002/mini/02.mini.cooper.f34.500.jpg

يلا دورك واريدك تدوخ الشباب بسيارتك:D

حياك الله يالطيب

26-08-2002, 01:58 AM

تصدق هذي الفكرة كانت في بالي من زمان لكن كويس انك طرحتها قبلي لان اسلوبك احلى:)

وأنا متحمس للفكرة وأنتظر NFS

760IL

26-08-2002, 03:43 AM

والله فكره ولااحلى منها تخلى الواحد يذبح عمره من البحث بس اقدر احط مشاركه الحين ولا بتحطون موضوع جديد

NFS

26-08-2002, 03:46 AM

الصراحة أنا تعبت أبغى سيارة أدوخ فيها الشباب بس مالقيت

إلا هذي :

سيارة بمحرك 4 سليندر سعة 2.3 بقوة 197 حصان "على ذمة مجلة سبورأوتو".
مزودة بضاغط.
الوزن 1.5 طن.
التسارع : 8 ثواني
تتوفر بناقل متتالي "سكوانشيال أو sequential" من ستة سرعات.
كوبيه

ورنا شطارتكم

760IL

26-08-2002, 03:51 AM

طيب انا احس اني لازم اشارك مااقدر اتحمل عندي 20 مجله سعودي اوتو يعني بدوخكم .......نبدا

المحرك:-5.5 ليتر 8 اسطوانات
القوه:- 347 حصان
الورن 1620 كيلو جرام
الطول :-4567

العرض :- 1722
الانطلاق من 0-100 خلال5.4 ثانيه
السرعة القصوى ::::- حساد مراح اقولك
حزرو فزرو ماهي السياره

:D
لاااااااااااا توني كاتب الرد الا حطيت رد يا NFS سامحوني ماعليش

بو دمعة

26-08-2002, 05:26 PM

السلام عليكم

يمكن اكورد كوبيه؟:rolleyes:

حياكم الله

26-08-2002, 05:37 PM

أبو دمعه

فكرتك رائعه .. بس ياريت يكون بدل الصوره ، رابط ..
لأني حاس ان المشاركات راح تزيد .. ويصعب عندها فتح الصفحه :)

بس معقول اخوي الميني كوبر عرضها 1.9 متر :confused: :confused:

جاسم
والله شكلك راح تدوخنا فعلاً .. سؤالك صعب شويه .. غير اني ما أثق في ذمة بكر أزهر :p

ينفع نقول " مرسيدس C 230 KOMPRESSOR (http://www.mercedesbenz.com/globpics/photos_cl203/e1.jpg) " ؟؟

26-08-2002, 05:55 PM

760IL

هذي المواصفات محفوظه عن ظهر قلب لأصحاب سيارات الـ AMG ..
لأن ما عندهم غير هذا المحرك V8 :rolleyes:

بس أبعاد السياره اللي انت حاطها صغيره شوي ..

ينفع تكون " مرسيدس CLK55 AMG (http://www.mbusa.com/brand/image/models/CLK55C_main.jpg) " ؟؟

خليل أبو سمرة

26-08-2002, 06:06 PM

فكرة رائعة واتمنا من المراقب يتبت الموضوع

رد مقتبس من NFS
الصراحة أنا تعبت أبغى سيارة أدوخ فيها الشباب بس مالقيت

إلا هذي :

سيارة بمحرك 4 سليندر سعة 2.3 بقوة 197 حصان "على ذمة مجلة سبورأوتو".
مزودة بضاغط.
الوزن 1.5 طن.
التسارع : 8 ثواني
تتوفر بناقل متتالي "سكوانشيال أو sequential" من ستة سرعات.
كوبيه

ورنا شطارتكم

هذي مواصفات

مرسيدس E230 كومبريسر

انا الفايز يلا قول

SL 55 AMG

NFS

26-08-2002, 08:23 PM

برافو يا أبو عبدالله

السيارة هي مرسيديس كوبيه C230 كومبريسور.

الدور عليك:)

760IL

27-08-2002, 09:11 AM

احسنت M5 جوابك صحيح تحب تثبت .....اديني بطاقه على قولة ايمن زيدان
لأن ما عندهم غير هذا المحرك V8
صدقت

صوره للسياره
http://www.ultimatecarpage.com/large/856-1.jpg
يالله دورك يا M5

27-08-2002, 04:11 PM

المحرك : V6 بسعة 2.7 ليتر

القوة : 183 حصان عند 6000 د . د

العزم : 244 نيوتن . م عند 4000 د . د

الوزن : 1700 كلغ .

الأبعاد : ط 4.66 متر / ع 1.78 متر / أ1.72 متر / قاعدة العجلات 2.79 متر

و أسهل من كده بأه مفييييييش :cool:

شرشور

27-08-2002, 11:47 PM

روفر

28-08-2002, 08:51 AM

شرشور

جواب نهائي ?؟ :)

ترا فيك تستعين بالجمهور :D

NFS

28-08-2002, 06:21 PM

أنا أعتقد أنها الجاكوار X-type ، بس المعلومات إللي أنت حطيتها أظن أنها مش كافية يعني لازم تحط علامة مميزة:)

28-08-2002, 06:54 PM

علامة مميزة زي ايش مثلاً .. ؟؟!! السياره دفع رباعي .. ويابانيه :eek:

وعلى فكره ..
العلامه المميزه راح تلاقوها في المواصفات اللي أنا حاطها :)

==================================
المحرك : V6 بسعة 2.7 ليتر

القوة : 183 حصان عند 6000 د . د

العزم : 244 نيوتن . م عند 4000 د . د

الوزن : 1700 كلغ .

الأبعاد : ط 4.66 متر / ع 1.78 متر / أ1.72 متر / قاعدة العجلات 2.79 متر
==================================

ركزوا على كل شيء يا شباب ;)
والله السياره بسيــــــــــطه جداً :D

LAND CRUISER

28-08-2002, 08:28 PM

M5

اظن انها

Suzuki

خليل أبو سمرة

29-08-2002, 12:24 AM

انها هيونداي كوبيه الجديدة

بس لا تفشلوني

SL 55 AMG

MAXIMA 020

29-08-2002, 02:50 AM

موضوع حلوا

والي ابتكوه احلى

طيب خلوني اعطيكم السياره الجايه سهله مرررررررره وما يبيلها تفكير

227 حصان

تتوفر بأربع فأت

تباع عندنا في الخليج(معلومه مهمه لازم تذكر في المسابقه)

دفعها امامي(ايضا معلومه مهمه لازم تذكر)

3 لترات

تستخدم انوار الزينون

اعتقد اني قلت لكم السياره

fist302

29-08-2002, 03:35 AM

M5

يبدو لي انها سوبارو....... :D

ليجاسي صح :p

طمني اجابتي صح ولا اتصل بصديق;)

تحياتي للجميع

30-08-2002, 07:32 PM

مرحبا شباب ..

انتوا الله يهديكم بس .. معلوماتكم لا بأس بها .. ولكن يبغالكم شوية تركيز :)

ليييييييييييييييييش ؟؟؟؟

سيارة دفع رباعي ارتفاعها 1.72 متر .. يعني مافي أمل تكون غير " جيب "

طيب .. يابانيه ... كم جيب ياباني 6 سلندر .. .... ... ... ... كثير ..

طيب محرك 2.7 ليتر ... يعني :) ؟!!!؟!؟!؟!

يعني جواب الأخ LAND CRUISER هو الصحيح :)

السياره هي سوزوكي قراند فيتارا XL-7 (http://a332.g.akamai.net/f/332/936/12h/www.edmunds.com/pictures/208961.jpg)

والآن دورك يا LAND CRUISER :)

تحياتي للجميع ،،
على فكره MAXIMA 020 السياره اللي انت ذكرتها مش ماكسيما :D

بو دمعة

03-09-2002, 10:57 AM

السلام عليكم

نظرا لتاخر الاخ LAND CRUISER

فالمجال مفتوح للاعضاء الاخرين في وضع الاسئلة

تحياتي

03-09-2002, 12:08 PM

مواصفات السيارة:

وزنها 18450كيلو

محرك V8

اكثر من 300 حصان

نظام تيتترونك في الجير

تسارع بين 6.0 ثواني و 6.7

:cool:

LAND CRUISER

03-09-2002, 06:31 PM

السلام عليكم يا شباب آسف على التأخير

V8

مب مرسيدس S500?????

05-09-2002, 09:06 PM

LAND CRUISER

للأسف الأجابة غلظ

خيرها بغيرها:)

ازيدكم معلومة بتسهل عليكم كثيييييييير:

السيارة بدفع رباعي دائم:rolleyes:

سوناتا

07-09-2002, 08:28 AM

V8..

على فكره الوزن صحيح :eek:

18450 كيلو :confused:

إذا فيه خطاء ننتظر مزيد من التوضيح كعقوبه :D

ويعطيك العافية بو دمعه على الفكره ..

:)

07-09-2002, 11:43 AM

تأكدت من الوزن من الموقع الرئيسي للشركة

ولكن ولا يهمك بعطيك مزيدا من التوضيح:)

القوة 360 حصان

سعة المحرك 4.2لتر

التسارع 6.3 ثواني

تبغون صورة؟

:D

xenon

07-09-2002, 12:51 PM

اولا اشكر بو دمعة على اللعبة الحلوة هذه.

الاخ v8والله يا ريت تحط الصورة:D

انا اقول لك ايش السيارة بس ترى ما عندي خبرة كبيرة بالسيارات

يمكن تكون نيسان باترول:D :D

07-09-2002, 04:53 PM

اذا لقيت باترول 360 حصان جبلي واحد:D

وهذي وحده زيادة

للسيارة 3 محرات

xenon

07-09-2002, 05:53 PM

طيب اعطينا موقع الشركة وانا اقولك ايش هي السيارة:D :D

والله الباترول هذا انا كان عندي واحد زيه بس ما عجبني لأنه المحرك مو شي 360 حصان بس واذا تبيه ارسلك هو بالبريد عادي.

LAND CRUISER

07-09-2002, 09:14 PM

السلام عليكم

اظن انها

AUDI S8

سوناتا

08-09-2002, 05:12 AM

مشكور على تجاوبك V8 ..

بس ممكن تكتب الرقم كتابه ...:eek:

(( وزنها 18450كيلو )) ...؟ ثمانيه عشر ألف و أربعمائه وخمسين كيلو..! معقول ..؟
لايكون الصفر غلطه مطبعيه ...؟؟

وشكل LAND CRUISER جاب الإجابه الصحيحه ..؟

4.2 لتر و 360 حصان S8.. زي ماتفضل .

:)

09-09-2002, 10:59 AM

جواب الأخ LAND CRUISER صحيح ..

لكن للأسف .. V8 راح يقوله ان الجواب غلط :(

لأن الأودي S8 .. ما يوصل وزنها لـ 18450 كلغ ( يعني 18 طن :p )

تحياتي لك أخوي V8 :D

10-09-2002, 11:17 PM

اوبس.......من وين جاء الصفر:rolleyes:

سوري شباب

معد اعيدها:D

LAND CRUISER

الدور عندك:)

M5

لك تحياتي:)

LAND CRUISER

11-09-2002, 02:46 PM

السلام عليكم

سياره امريكيه

Turbo-Diesel 6.5-Liter, V8, 16-Valve, OHV, EFI Engine

Horsepower@rpm:195@3400

وهي سياراه دفع رباعي

؟؟؟؟؟!!!

11-09-2002, 03:21 PM

الله يخليك لا تخبـّص !

الشغله ماهي شغلت تعجيز .. أنا ممكن أبحث في النت عن سياره موديل 1939 وأحط مواصفاتها .. أو حتى باص هيونداي 2002 واحط مواصفاته ..

السياره اللي تحط مواصفاتها .. لازم تكون معروفه ومشهوره لدى الغالبية من الأعضاء .

تحياتي لك :)

11-09-2002, 04:33 PM

195 حصان

6.5 لتر توربو ديزل

مافي غيرها

همر:D

بو دمعة

14-09-2002, 10:50 AM

وين الثلاثي الكوكباني المرح LH و عاشق التظبيط و Oettinger:D?

ما اشوف مشاركاتهم الرائعة

ام لهم اهتمامات فقط في التفحيط والرسم و المطارحات والتزويد:D?

انتظركم

تحياتي

LAND CRUISER

14-09-2002, 02:51 PM

السلام عليكم والرحمه

يا M5
انا لا خبصت الشغله ولا شي

السياره الي حطيته انا سياره مشهوره جددددددددددااا
والاخ V8 جاب الاجابه صح

وهي الهمر
حد ما يعلرف الهمر

:)

16-09-2002, 11:47 PM

سيارة رياضية بمحرك في الوسط

سعة 5.5 لتر

12 سلندر

485 حصان

ABS اساسي

جنوط 18

سعرها فوق 700000 (هاذي المرة مافي خطاء:) )

والله يعينكم:)

Crower

17-09-2002, 12:56 AM

ان كانت وضعيه المحرك خاطئه
اكيد المارانيلو

18-09-2002, 02:04 AM

يوووووووووووه يعني لازم يكون فيه غلط؟؟:mad::D

Crower

اجابتك صحيحة السيارة هي فيراري 550 مارلينو

هات الي عندك

:)

Crower

18-09-2002, 02:38 AM

سياره رياضيه , لا تباع في الخليج, توقف انتاجها في 95 4 سلندر دفع رباعي 220 حصان و توربو؟؟؟؟( يابانيه)و تعتبر شقيقه لاحدى السيارات المشهوره الصغيره في الخليج؟؟؟
عرفتوها:D