ثورة الاشواق

[هديل الحمام]

حبيبي لا تعاتبني وتجرح خاطر مشتاق
مدام انك بداية دنيتي لين اخر ازماني

ترى بعض العتب يا سيدي للمبتلى حراق
يكفيني حبيبي عن عتابك زحمة احزاني

حنيني جابني عندك اضم الود بالخفاق
اسابق خطوتي واحمل بقلبي معظم اشجاني

على هادي شواطيك اشتكي لك ثورة الاشواق
واداري جرحي اللي من عناد الوقت بكاني

حبيبي والكلام اطول من الايام..والميثاق
عطاك الحب واعطاني ظماي ويبس اغصاني

بغيتك للفرح معنى..هذاك الحزن ما ينطاق
وعلى الطاري..حبيبي شف عتابك وين وداني



هديل الحب

[كهرمانة العين]

السلام عليكم ورحمه الله وبركاته:


أختي هديل الحمام ...... قصيدة رائعة.....




مع تحياتي:)

[حوران]

كلمات رائعة

من قلب صادق

أروع منها صاحبتها

[lovely apple]

صح لسانج
ايش ذا و الله انج عسل يا عسل ;)

[عشاق]

أقدم صفوة اعجابي وفخري من قلم عشّاق
ابختم لك علانيه وأقدم كل عرفاني

أنا اشهد لك بطيب القول ونهر(ن) بالعطا دفّاق
وأصفق لك وأهلي بك وجنبك دوم تلقاني
;)

[هديل الحمام]

اختي كهرمانه


مشكورة عيوني وتسلمين;)

[هديل الحمام]

اخي حوران تسلم

الله يحفظك:)

[هديل الحمام]

تفوحة تسلمي يا عيوني


والله انتي عسل مصفى:)

[هديل الحمام]

تسلم على البيت الرائع

والله ما ادري شنو ارد عليك


لك كل الاحترام والتقدير وان شاء الله حازت القصيدة على اعجابك


تقبل ارق تحياتي


اختك

هديل الحب:)

[عشاق]

أختي أنتي مبدعه وتستاهلين كل خير :)

[هديل الحمام]

مبدعة مرة وحدة شوي شوي علي


عموما مشكور والله لا يحرمنا:) :)