زمردة في سوالف السيارات للمرة الثانية

[زمردة]

السلام عليكم ..

يا سيايجيرية :)

أبغي منكم معلومات عن الكامري الجديدة 2003 .. لو تكرمتوا ..

هل المواصفات الخليجية كما هي في هذه الصورة ؟؟؟

http://www.toyota.com/images/shop/vehicles/camry/main/ph_camry_main.jpg

وهل نزلت للأسواق حالياً ؟؟؟

وكم قيمتها في الإمارات ؟؟؟

[مجنون بورش]

اهلا وسهلا
الكامري الجديدة نزلت في اسواق السعودية بس لسا مو للبيع:(
وممكن تلاقي معلومات عنها في هذا الموضوع
http://64.191.4.10/sforum1/showthread.php?s=&threadid=148838
:)

[سردال]

طبعاً وكيل السيارة في الإمارات هو الفطيم، والسيارة نزلت عنده
والمواصفات الخليجية لا تختلف في الشكل الخارجي عن مواصفات
الصورة التي وضعتي، لكنها تختلف من الداخل، مثلاً لا توجد شاشة
وهناك بعض الفروق البسيطة :)

[vette4ever]

السلام عليكم..
انا ابي اعرف ليش المواصفات اللي تجي للخليج يغيرون فيها ، مثلا الشاشه والديكور من الداخل ما تلاقيها .....الخ

شنو احنى ما نستاهل ولا شنو السالفه بالضبط:mad: :mad: :confused:

[زمردة]

جزاكم الله خيراً على المعلومات المهمة ..

ومعذرة على تأخر الرد ..

[MAXIMA 020]

يا اخت زمرده وش لك في الكامري وعوار الراس انا اقول اذا ودك تشترين سياره انصحك بالسيارات الصغيره مثل ايكو كورلا صني وما شابهها يعني السيارات هذي وعلى حسب علمي هي الي يركزون البنات عليهم وايد واذا انت ملزمه على سياره من النوع المتوسط خذي مكسيما احسن لك واكشخ من الايكو المطور ( كامري 2003 ) مع احترامي لمحبي الكامري لانه بصراحه خلفيتها مالها داعي مره لاحظ اكثر الناس الي يعرضون صورتها باي منتدى يحاول يتجنب وبقدر الامكان انه يطلع خلفيتها تلقاه يجيبلك الوجهيه زي الاخت زمرده.

كلامي هذا سحبني لسؤال
يا اخت زمرده بناء على معرفتك للبنات وصديقاتك ايش اكثر السيارات رواجا عند البنات وهل البنت تبحث على السياره السريعه والقويه مثلنا يالشباب او انها تخاف اذا عدت ال 80 كلم :D ارجو من الاخت زمرده ان تجواب عليه وما هو اللون المفضل للبنات هل يتقيدن بلون واحد منتشر بينهن او ان الاذواق مختلفه ؟

[Lamborghini]

أنا أنصحج الصراحـة تشترين مرسيدس e كلاس أو فولكسواقن باسات .. :)

هالسيارتين بالذات يموتون عليها البنات .. وخصوصا عندنا في الدولـة ..
:D

[زمردة]

أنا رضيت بالكامري على مضضضضضض .. :(

أروح أسوق صني :confused:

بعدين تغيرت خلفية الكامري وصارت مثل المرسيدس ..

http://www.toyota.com/images/shop/vehicles/gallery/camry/default.jpg

عاد أنا ما أدري عنهن البنات .. لأني ما أتجرأ أركب مع بنت :D ( لا تصدق )

أعرف نفسي ..

الجيب عندي ما تزيد سرعته عن 180كلم بس :(

وإذا فتحنا كاتم السرعة بسوق أكثر إن شاء الله :D

سؤالك عن الألوان ..

يختلف من أخت إلى أخرى ..

ولو لاقية الوحدة منهم تغير لون سيارتها كل شهر ما عندها مانع .. لكن صعب :(

يا ليت يسوون للسيارات أغطية ملونة .. مثل التلفونات .. :D

[زمردة]

صدق أنك لامبورجيني ..

هيه هذا هو الشور ..

مب صني :(

لكن ما بشتري باصات .. لأنها اسمها يذكرني بباصات المواصلات ( الله يغنينا ) :rolleyes: