View Full Version : السلام عليكم....اريد توضيح عن نظام التامين الجديد على السيارات
أبو نايف
07-10-2002, 06:34 AM
كيف حال الشباب ان شاء الله تمام... وتيغا:)
اريد توضيح عن نظام التامين الجديد على السيارات ( في السعوديه )
هل هو الزامي
هل نظام الدفع سنوي او شهري
هل التامين على السياره ذاتها...... ام على رخصة القياده كما سمعت
هل يدفع من يملك سياره قيمتها عشرة الاف نفس المبلغ اللي يدفعه مالك سياره قيمتها مائة الف!!
ام ان مبلغ التامين يعتمد على قيمة السياره
ثم ,,,,,,,,
ماهي فوائد التامين عند حصول حادث
هل يغطي التامين قيمة الضرر الحاصل على السياره مهما كانت اسباب الحادث
هل هناك سقف اعلى لهذا المبلغ
هل سيكون هناك عدة شركات تامين ....ام شركة تامين واحده
على غرار شركة اتصالات واحده
رجاء اللي عنده اي معلومه لايبخل علينا فيها
وتسلمووو:)
هلا أبو نايف ... حياك الله
حيالله القريب البعيد :)
بالنسبة للتأمين الالزامي الجديد ما عندي معلومات مؤكده عنه ... لكن بقولك باللي سمعته :
- التأمين الزامي على جميع المواطنين
- التأمين على الرخصه ،، وليس محصوراً بالسيارة فقط .. يمكن أن يشمل الأرواح البشرية والخسائر مادية اللي تسببت فيها انت ...
- الدفع سنوي .. ومحسوب على أساس 1 ريال في اليوم تقريباً ،، يعني تدفع 360 ريال سنوي
- ما أدري اذا كان هناك سقف يحدد المبلغ أو لا !
- أعتقد والله أعلم .. انها شركة واحده مبدئياً وهي التعاونية للتأمين
هذا اللي عندي وأنا خوك .. واللي ما جاوبت عليه ..... يعني مدري :D
تحياتي لك :)
هلااااااااااااااااااااااااااااااااااااااا
أقول وش الي يخليك تسأل عن شي مالك فيه ... أنت هناك .. يعني ماتحتاج هالشي :D
شف التأمين إلزامي على الجميع ..
وقالوا ((ترى هذى وكلة موثقة للأنباء)) إنها راح تكون على الرخصة . وأي سيارة تركبها تعتبر واقعة تحت التأمين .
بتقولي وشلون كذا . بقولك لأن الشركات . راح تطلع الربح بنسبة مليون في المية . وإحسبها بالعقل ..
وهم ما راح يعانون من دفع نسبة عشرين في المية على الحوادث . لأنهم ياخذون من الجميع .. صح ..:D
هناك الآن عدة شركات ..
بالنسبة لتغطية المبلغ . راح تكون كاملة . لأنهم راح يتحملون الخطأ لو إنت سويته . ولو غيرك سواه . تتحمله شركة التأمين الي تابعلها هو ..
حدود التأمين من قبل الإلزام .. كانت لحد مليون ونصف .
الله يغنينا عن التأمين ... ويستر علينا ..
تحياتي يابو نايف ياعسل ..والله إنك نورت المنتدى النايم ذا ..:D
MAXIMA 020
08-10-2002, 03:19 AM
كيف الكلام هذا مو ثقه الا ثقه ونص كل الاعلانات الي في الشوارع تقول ان التأمين راح يبدأ من تاريخ 15 من رمضان ولاصحح ما قاله الشباب التأمين شامل للغير بمعنى اخر تأمين الرخصه والي راح يصير اجباري راح يصلح سيارت اي واحد انته تصدمه ولا عليهم بسيارتك انت الي تصلحها اذا بغيت التأمين يصلحها لازم تدخل في نوع ثاني من التأمين الا وهو التأمين الشامل وهو يشمل الصادم والمصدوم سواء انت غلطان او مغلوط عليك كذالك يشمل الارواح ومش مثل ما قال خوينا ان تأمين الرخصه شامل للارواح بس التأمين الشامل وسعر التأمين الشامل غالي شوي يعني انا علشان اامن على سيارتي تأمين شامل دفعت لهم حول ال 2000 ريال سنويا
يعني حطوا تأمين الرخصه حق الناس الى تصدم في العالم واذا صدم وعدم لك السياره وصار الغلط عليه 100% قالي ما عندي فلوس طيب وش ذنب الرجال المصدوم ان ما عندك فلوس عشان كذا حطوا التامين هذا يعني يجيك واحد عنده ددسن مديل 82 وتقطع منتهيه وواحد عنده فياقرا مديل 2001 يروح راعي الددسن ويصقع الفياقرا ويقول راعي الددسن انا ماعندي فلوس نقوله مع التأمين الجديد ما راح يصير الكلام هذا هم راح يدفعون تكلفة تصليح الفياقرا
انت فقط اعقلها وتوكل
شركة التعــــــــــــــــــونية للتأمين
(صرت وكيل لهم في منتدى سوالف اسوي لهم دعايات :D :D :D :D
أبو نايف
08-10-2002, 06:42 AM
ابوعبدالله
حياك الله ياغالي.......... والمهلي مايولي:):)
التامين على الرخصه ,,,,,, يعني اللي معاه سياره واللي مامعاه راح يدفع
طيب افهم من كذا انه تجديد الرخصه راح يكون سنوي مادام التامين يدفع سنويا
يعني وانت تجدد الرخصه تدفع مبلغ التامين او انها معامله مستقله وطابور جديد:rolleyes:
تسلم اخوي:)....
عليك خصم 4 درجات عشانك ماجاوبت باقي الاسئله:D
أبو نايف
08-10-2002, 06:50 AM
عليكم السلام ورحمة الله وبركاته
هلا والله وغلا :)
يعني انا ابظل هناك طول عمري...:D.... مصيري راجع وودي استوعب القرار الجديد هذا واقارنه مع المعمول فيه في امريكا
يعني مثلا انا مؤمن على سيارتي بحوالي 70 دولار شهريا واخترت اقل تامين ممكن لانه مشاوري قليله...... وبعدين تراني طاااااره:)
:)<-------- واثق من نفسه
انت تقول انها اكثر من شركة تامين...... والاخوان يقولون شركة تامين واحده..... واتمنى انه كلامك صحيح لانه بيكون المواطن له حرية الاختيار بين الشركات بعد المقارنه :)
المنطقي انه التامين يكون على السياره موب على الرخصه .....على اساس ان التامين يتفاوت من سياره لاخرى حسب قيمة السياره
وحتى لو كان التامين على الرخصه المفروض يكون متفاوت من شخص لشخص يعني شاب مراهق تحت العشرين احتمالية عمله لحادث اكبر من رجل تجاوز الاربعين مثلا..
تحياتي لك اخوي:)
أبو نايف
08-10-2002, 07:04 AM
افهم من كلامك انه فيه نوعين من التامين واحد اجباري والثاني اللي هو التامين الشامل هذا اختياري
صحيح ?
لكن مادام التامين الاجباري اللي هو النوع الاول ( التامين يغطي مبلغ اصلاح السياره المصدومه وماله شغل بالصادم )
اقول مادام هذا التامين اجباري على الجميع معناتها لو اتصادم انا واي واحد راح يغطي التامين قيمة سيارتي وسيارته لاننا الاثنين داخلين في التامين
يعني اذا كان الخطا مشترك معناتها شركة التامين راح تدفع لي وتدفع له
شكرا لك :)
الحقيقه لازلت مستغرب كيف يدفع شخص معه ددسن 79 نفس المبلغ اللي يدفعه شخص معه فياغرا 2002
اذا كان النظام جامد بهذه الطريقه يعني مبلغ سنوي محدد على كل حامل رخصه فالله يعيننا على كثرة الحوادث
على الاقل لما يسوي شخص حادث او عدة حوادث يفترض ان النظام يرفع عليه قيمة التامين
ولما شخص يقود لمدة عشر سنوات بدون حادث وبدون او بقليل من المخالفات يفترض ان النظام يخفظ قيمة التامين اللي بيدفعه سنويا
MAXIMA 020
08-10-2002, 08:49 PM
يا اخ ابو نايف
انت تقول اذا افترضنا انك انت وصاحب سياره ثانيه تصادمتوا وكان كلكم مأمن تامين رخصه (لاحض قلت رخصه ) انت تقول ان التامين يصلح سيارتك وسيارته :D ;)
;)
:D
;)
:D
;)
:D
لا كلامك مش صحيح لان تأمين الرخصه شامل للمغلوط عليه مش على الغلطان
بمعى اخر حتى واذا انت مأمن رخصه وصدمت واحد مأمن على رخصه فا التأمين يصلح سيارته لانك الغلطان
متى نقول عن كلامك صح يا ابو نايف اذا كان الغلطان مأمن تأمين شامل
وعلى فكره التأمين الشامل تكون قيمته بنا على قيمة السياره فيه لهم حسبه خاصه
أبو نايف
08-10-2002, 09:08 PM
طيب اذا كان الخطا مشترك يعني مثلا ....فيفتي فيفتي!!!
50% علي و 50% عليه
كيف يكون التامين
هذا اللي بغيت اعرفه :)
وبالنسبه للتامين الشامل هل هو اجباري او اختياري!!
وشكرا لك يامفتري;)
قال ( قلت تامين رخصه ) قال :D
MAXIMA 020
08-10-2002, 09:29 PM
اها
اذا كان الخطا 50-50 والله من الناحيه هذي مدري بس منطقيا انهم راح يصلحون كل السيارتين اذا كان 50 - 50 والعلم عند الله ثم عند شركة التامين
وبالنسبه للتامين الشامل هو مش اجباري اختياري ويشمل سيارتك واي شي يتعلق فيها حتى سعر 3000,000
ويشترط ان عمر المؤمن يكون من ال 22 سنه فما فوق
silver
09-10-2002, 11:01 AM
إلي فهمته أنا ان التأمين الإجباري هو التأمين على الرخصة ...
لكن إذا بتأمن تأمين شامل ... ماراح تكون مجبور انك تأمن على الرخة ...
يعني هو اهم شيء ... ان المصدوم ما يراكض وراك يبغي حقه
طيب ... في سؤل انا سئلته من قبل ... هل يوجد تأمين شامل على الرخصة... يصلح سيارتي وسيارة الشخص الثاني إذا كنت انا الصادم ؟؟؟
E-55 AMG
09-10-2002, 11:10 PM
من قال أن التأمين الشامل 22 سنة وفوق أنا (وأعوذ بالله من كلمة أنا) مأمن على سيارتي تأمين شامل وعمري الأن 18 ونص والتأمين حق تصليح وكالة يعني مو حق ورش يعني إذا صدمت يصلحون سيارتك في الوكالة وسيارة المصدوم .
E-55 AMG
09-10-2002, 11:13 PM
وعلى فكرة أنا مأمن عند شركة التأمين الوطنية السعودية والتأمين شااااااااااااااامل
majedss
10-10-2002, 11:38 AM
السلام شباب
طبعا انا مسوي تامين على الرخصة صراحه شعوري شعور اي مواطن :D
احم احم :) طبعا تخليك تسوق وانت مطمن واطلاق فياقرا ما تهزلك شعره لو تصدمها
طبعا هذا مواقع حصلي خارج السعودية واول ما جيت هنا على طول امنت على الرخصة
صارلي حادث بسوريا صدمت واحد سوري سيارته كلفت 20000 الف ريال سعودي
وسيارتي 1700 ريال
ماودي اكثر بالتفاصيل (الي يبغى القصه كامله يرسلي على الايميل طلب ويرسل معها 50 ريال:D )
الخطا 100% علي
طبعا النظام عندهم زفت
مو زي عندنا تجيب تقرير المرور والتامين يدفع بموجبه
يوم رحنا للتامين ومعي تقرير المرور قالولي بله واشرب مويته
احنا نشوف الحادث ونقرر من الغلطان
حطو 75 % علي و25% على السوري
دفع التامين عني 75 % ودفعت عن ابو شكيم 25% بموجب تقرير الزفت المرور
الي طلعت بعد المفاوضات مع شركة التاجير الي لها السياره الي صدمتها
55000الف ليره سوري
اطرف المواقف انه المرور جو على تاكسي :D
اقهر شي :mad: انه المرور وراعي الونش وحقين التامين
كلهم اخذو بخشيش مني ومن السوري
المميز
11-10-2002, 03:00 AM
حي الله ابو نايف
كيف حالك؟
أبو نايف
11-10-2002, 04:19 AM
شكرا ياشباب على اثراء الموضوع
سيتضح النظام اكثر عند التطبيق وياخبر اليوم بفلوس
في 15 رمضان عند الاشارات ببلاش
المميز
هلا والله فيك ياعزيزي:)
الحمد لله بخير الله يسلمك:)
بشرنا عنك
السلام عليكم يابن ذو أبو نايف :D
أبو نايف
11-10-2002, 05:31 AM
صاير زي الجني
كل موضوع تطلع لي فيه:D
بسم الله الرحمن الرحيم
يركدووووووووووون ياخوي يركدووووووووووووووون
:D:D
FORD MUSTANG
11-10-2002, 05:34 PM
رد مقتبس من M5
هلا أبو نايف ... حياك الله
حيالله القريب البعيد :)
بالنسبة للتأمين الالزامي الجديد ما عندي معلومات مؤكده عنه ... لكن بقولك باللي سمعته :
- التأمين الزامي على جميع المواطنين
- التأمين على الرخصه ،، وليس محصوراً بالسيارة فقط .. يمكن أن يشمل الأرواح البشرية والخسائر مادية اللي تسببت فيها انت ...
- الدفع سنوي .. ومحسوب على أساس 1 ريال في اليوم تقريباً ،، يعني تدفع 360 ريال سنوي
- ما أدري اذا كان هناك سقف يحدد المبلغ أو لا !
- أعتقد والله أعلم .. انها شركة واحده مبدئياً وهي التعاونية للتأمين
هذا اللي عندي وأنا خوك .. واللي ما جاوبت عليه ..... يعني مدري :D
تحياتي لك :)
مصرقع باشا
11-10-2002, 07:19 PM
تأمين الرخصه حدودها مليون دولار يعني 3 ملايين و750 الف ريال
وتقدم تامين الرخصه التعاونيه وميثاق
العنيد<=>
12-10-2002, 12:00 AM
E-55 AMG
بالنسبة لك يا E-55 AMG
اذا كنت مأمن تأمين شامل
فكم المبلغ المطلوب
هل هو 2000
أو اكثر او اقل:)
MAXIMA 020
12-10-2002, 07:49 PM
يا E_55 انا اقولك ان العمر المطلوب للتأمين الشامل هو 22 سنه اذا منت مصدق رح لشركة التأمين او تدري شلون كلمهم وعشان اريحك ابي اكلمهم عنك :
طووووووووو
905
السلام عليكم
وعليكم السلام
بالله اذا سمحت يا اخوي ابي الرقم المجاني لشركة التعاونيه للتأمين
ابشر
(لطعني دقيقه ) ورد علي الكمبيوتر
الرقم هو 8001249990
وعشان اريحك اجريت المكالمه عنك
طوووووووو
8001249990
طوووط......طوووط.....طووووط.....
السلام عليكم
(تفشلت محد رد السلام لانه مسج)
شكرا لاتصالكم بالتعاونيه للتأمين ... مركز خدمة العملاء ... يرجى الانتظار
(وبعدين قالها بالانجليزي)
طررط طرررط ..... طرررط طرررط ....
ما قال السلام عليكم ) الو مرحبا ( الله يهديه بس )
و عليكم السلام ياخوي حبيت اسأل عن العمر المطلوب للحصول على التأمين الشامل
قال يالنسبه للعمر الي نطلبه هو 21 سنه قلت
قلت طيب انا معي مكسيما وعمري 20 سنه هل اقدر احصل على التأمين الشامل
قال في طريقه ثانيه تقدر تحصل على التأمين والي هي تدفع مبلغ معين على حسب سعر سيارتك المبلغ هذا يعتبر اضافي على سعر التأمين بس عشان الي اعمارهم تحت ال 21 سنه ويصير التأمين باسمك
طيب مشكور على هلمعلومات وما قصرت
حياك الله
مع السلامه
مع السلامه
هذي مكالمه اجريتها وانا اكتب الموضوع والي مو مصدق يتصل
بس انا الى الان ما عطيتك الي ابغاه من المكالمه هذي وهو قانونيا او النظام الماشي على التأمين الشامل هو ان يكون عمر المؤمن من ال 21 وفوق وفيه طريقه اخرى ( بالعربي يبون فلوس زياده ) انك تدفع مبلغ معين اذا عمرك تحت ال 21 هذا الي ابغى اوصله لك يا اخ E_55
أخوك
MAXIMA 020