View Full Version : غرائب المقاومات في شارع التحليه بالرياض
PT Cruiser
10-10-2002, 02:21 AM
اليوم الأربعاء
تجمعنا في شارع التحليه بالرياض عند محطة ميد
سيارات سبورت كثيره
انا كنت مع راعي كاماروz28 موديل 95 ملغمه
وكان موجود كامارو 94 ابيض ملغم
و BMW Z8
و BMW M5 2002 ملغمه
كابرس موديل 79 ما غلطت بالأرقام تسعه وسبعين ملغمه الي يسوقها رجال كبير بالسن تقريبا عمره 45 سنه جاي مع ولده الصغير
و كديلك DTS
المهم
----
المقاومات الي سارت
1- خويي بالكامارو z28 مع الكامارو الأبيض مع الكابرس
كانت القومه والخط في صالح الكابرس :confused:
2- z8 مع m5بصراحه توقعنا ان ال m5 تروح
بس كانت النتيجه القومه والخط لصالح ال z8
3- راعي الـ DTS طالب قطع من امريكا بحيث انه راح يخلي سيارته دفع رباعي تكلفه القطه 18 الف دولار بحيث ان يسير اسمها DTS I
هذه اهم المقاوامت الي سارت
وكانت في مقاوامات ثانيه بين كوابرس اسا اس ولوميانت اس اس
---
اسوء شي صار اليوم
---
واحد راعي شبح من النوع الصغير ما ادري بالضبط كم موديله
طلع فجاءة من عندنا وقام يفحط
نطل النطله الاولى والثانيه
زحفت فيه السياره طلعت فوق الرصيف وكسرت نخله كبيره وطارت السياره والنخله على الشارع الثاني
ثاني اسوء شي ان النخله لما طاحت طاحت فوق سياره فورد كراون فكتوريا كان فيها رجال مع زوجته وبنته الصغيره
الفورد ما تضررت كثير بس طلع ال اير باق
الي من جد دهشني وخلاني اقعد مده طويله اناظر في الحادث
ان الشبح الصغير مع انه كسر نخله كبيره وعلى سرعه كبيره غير كذا طلع فوق رصيف وطاح على شارع ثاني
انه ابد ما تضرر
غير انكسر نوره اليسار
غير كذا عفطات عاديه في الصدام والرفرف والكبوت
يعني اغلب الظن تصليحها ما يكلف فوق ال 2000 ريال سعودي
وسلامتكم
طبعا نسيت اقولكم
ان لقائنا الثاني راح يكون بكرا الساعه 11 باليل في نفس المكان شارع التحليه عند محطه ميد
الي عنده سياره سبورت او اي سياره ملغمه ويبي يقاوم حياه
والا يبي يتفرج بعد حياه
اقول لا تخاوفن من حكاية التجمهرات مافي دوريه راح تتحرش
خخخخخخ
عرفتو ليه
:p
يالله نشوفكم على خير
majedss
10-10-2002, 02:37 AM
والجمعه فيه شي :D
PT Cruiser
10-10-2002, 02:43 AM
لا اخوي ماجد
الجمعه عندا off
Dentist
10-10-2002, 03:12 AM
هلاااا AVALON2000XLS
أقول انت كنت مع راعي الكمارو الحمرا ؟؟؟
وبعدين وينكم اليوم قاعد ادور ماشفتكم لو شفتكم كان جيت ومعي واحد من اعضاء المنتدى الله يستر عليه بس ..
وبعدين شفت اللمبورقيني مورسيلاقو الصفرا اللي قاعده تدور في التحليه :eek: :eek: :eek: روووووعه
عموما بكره إذا فضيت أبشطفكم انشالله اشوف وش عندكم :D :D
PT Cruiser
10-10-2002, 03:26 AM
هلا ماكسيما درايفر
اخبارك عساك بخير
حنا من الساعه 11 واحنا مرتزين هناك
لالالالا مو الكامارو الحمرا
كنت في الكامارو الزيتيه وفيها خطين لونهم اسود
م اشفتها
اذا ما شفتها اكيد سمعت صوت شكمانها او صوت السستم الي مركبه
خلنا نشوفك بكرا
باااي
majedss
10-10-2002, 11:12 AM
=
=
=
شارع التحلية =
=============================
=
=طريق الملك فهد
=
=
وين ميد الي انت تتكلم عنها
من هنا ولا من هنا
(=========================)
كل ربوع وخميس الاجتماع هذا
VIPER GTS-R
10-10-2002, 11:35 AM
اثاريك منت بسيط يا افليون هههههههههههههههههههه
بعدين كل يوم اربعاء وخميس كذا لاني دايم امر مع الشارع بس ما اشوف شي ؟؟؟؟
على العموم ان شاء الله امر اليوم واشوف بس هاه تنصحني اكي بالاكسكيرجن واقاوم :o اذا كان فيه جموس انا مستعد ....
ويعطيك العافية اخوي ......
E-55 AMG
10-10-2002, 01:09 PM
وين الموقع بالظبط كيف بعني محطة ميد وينها بالظبط لايكون قصدك شارع الضباب المهم الرجاء التوضيح
اليوم إنشاء الله جاي والسيارة هي E-320 Avantgarde 2003 على فكرة أنا جاي للمشاهدة فقط وليس للمشاركة ...........
:) :) :) تحيــــــــــا للجميع تــــــــــي :) :) :)
bad95killer
10-10-2002, 01:17 PM
بصراحة ياشباب انا من اعضاء المنطقة الشرقية يعني ما اقدر اجي للأسف ولا القهر معايي كومارو Z28 ملغومة و موديل 95 كمان بس المسافة طويلة لولا اقدر اجي :( :( :( :( .
بس لو تقدروا عاد لو تصوروا التجمع والمقاومات وخصوصا مطارحات الكماروات;) وتحطوهم لينا في المنتدى :cool: اتمنى تسمعوا كلامي وتحطوا لينا كم فيديو وصور بعد ان استطعتم.
تحيـــــH+Hــــــاتي=========>Bad '95 Killer :mad:
VIPER GTS-R
10-10-2002, 04:10 PM
اخوي
الموقع هو امتداد شارع الضباب يعني تقريبا عند تقاطع الضباب وع التحلية فيه محطة ميد معروفه على نفس الخط والقومات من اول الشارع الى الاشارة والعكس ...
ارجو اني اكون وصفتك زين .........
وتقبل تحياتي
;)
E-55 AMG
10-10-2002, 04:20 PM
مشكور أخوي VIPER GTS-R على التوصيف
vip-women
10-10-2002, 04:54 PM
السلالالالالالالالالالالام عليكم ،،،
داشة عرض وطول بعد ،،،
تدرون اللقافة والي تسويي ،،،
بس وانا اقرى راودتني فكرة سيئة :cool: :cool: :D :D
majedss
10-10-2002, 05:01 PM
اليوم متى تبدا متى المقاومات
VIPER GTS-R
10-10-2002, 08:34 PM
اخوي majedss
دايم تبدا المقاومات من الساعة 11 بالليل الى اخر الليل ....
هذا اللى اعرفة ......
PT Cruiser
11-10-2002, 02:28 AM
هلالالالالالالالالالالالالالالالالالالا شباب
كيفكم عساكم بخير ا نشاء الله مبسوطين
اسف والله ما دريت اني كاتب شارع التحليه
الموقع الصحيح هو شارع الضباب
ابوصفلكم وصف ما يخروش الميه( على قولتهم )
اكيد تعرفون مطعم ( ماما نوره ) الي بشارع الضباب
خلي المطعم على يدك اليمين امشي على طول
بتقابل اشاره
اذا كانت حمرا وقف عندها الييييين تسير خضرا
لما تسير خضرا عشق وامشي
امشي على طول
بتقابلك اشاره ثانيه الي يسير على يمينك مطعم ماكدونلدز
برضه امشي على طول
على طول بتشوف قدامك ( ميد )
هناك نكون مجتمعين
بتشوف هناك انوا السيارات السبورت
اسف لتاخري بالرد بس كنت مشغول كثير
انا توني راجع من هناك
سارت هناك كم مقاومه خفيفه
بعدين انتقلنا لشارع التخصصي لان كان التجمعات هناك اكثر وسيارات اقوى
---
اقوووووووووووووووووووووول
لازم نشوفكم الاسوبع الجاي الاربعاء والخميس اوكيك
ايه نسي اقولكم ديري بالكم اذا كنتو ملغمين ومركبيت فلاتر رياضيه
لان خويي راعي الكامارو امس واليوم لاحظ تغير بعزم سيارته
فتح الكبوت كل شي على احسن ما يكون
شرت عليه يفتح الفلتر يمكنه وصخ او شي
تخيلو وش طلع
هو مركب فلتر رياض نسيت وش نوعه
المهم قبل كم يوم كان مودي سيارته يسون لها صيانه بالجميح
طلعو مستبدلين الفلتر الرياضي بفلتر عادي :confused:
المهم
ترا الوضع مره فري وكلهم شبابا حبوبين خخخخخخخ
المهم الاسبوع الجاي ملتقانا
والي م ايقدر يجي الاسبوع الجاي الي بعده
لانها ما سارت مجرد مقابلات ومقاومات
سرنا اصحاب
فاجتمعاتنا بكل وقت
والاجتماعات الكبيره تكون ايام الاربعاء والخميس
ابو محمود
11-10-2002, 03:43 AM
اوكي
انشاء الله تلقوني هناك!
عموما فاتني الملتى الاول لكن انشاء الله مايفوتني الثاني!
:D
PT Cruiser
11-10-2002, 03:57 AM
ان شاء الله يا رب نشوف وجيه كثيره
دكتور / مجنون
11-10-2002, 07:25 AM
رد مقتبس من AVALON2000XLS
المهم
ترا الوضع مره فري وكلهم شبابا حبوبين خخخخخخخ
ما يعضووووون !!
خخخخخخخخخخخخخخخخخخخخخ :D
PT Cruiser
12-10-2002, 01:09 AM
ياكلون لحوم بشر
مصرقع باشا
12-10-2002, 01:35 AM
نصيحه شباب لاحد يروح لهذي التجمعات ولا يغريكم وجود السيارات الفخمه عشان ما يلحق منذر القاضي الله يرحمه :(
ابعد عن الشر وغني له وخليك بالتجمعات الشعبيه من اصحاب الكوامري وانت جاي وحدهم ان تهاوشت معاهم عجرا :D
مو مثل اصحاب اللمبرقيني والبورشات تحده ولا شكلك ما يعجبه ويطلع من تحت المرتبه كلاشنكوف يرشك وتروح فطيس :( لا ويمكن يصير الخطا عليك 100% :D
PT Cruiser
12-10-2002, 02:03 AM
اهلين مصرقع باشا
-----
كلامك مو منطقي ابد
اي احد معاه بورش لمبرقيني معاه كلاشن وسار من المجرمين
وخر عنه ترا يقتل
ترا قبل كم يوم ذابح له واحد
داري تقصد مين بالضبط
واعتقد كل الي هنا عرفو تقصد مين
كل طبقه بالمجتمع فيها الشين والزين
من جد ما ادري شلون ارد عليك
لان مافي رد
هذا معه بورش وخر عنه تراه يذبح
الثاني معاه ددسن خاويه تراه حبوب وان تطاق معك طلع عجرا
اهل العقول براحه
مصرقع باشا
12-10-2002, 02:16 AM
ليش مو منطقي ياخوي انت ما تعرف ان راعي الددسن لو جرح اصبعك تاخذ حقك منه ثالث ومثلث وتوديه في ستين مصيبه
لكن راعي اللمبرقيني لو يقطعك اوصال وكباب بيقولون له تفضل طال عمرك وقضاء وقدر :rolleyes:
ابعد عن الشر وغني له
PT Cruiser
12-10-2002, 02:33 AM
مصرقع باشا برضه انت غلطان
------
المشكله اخاف اني اخذ راحتي بالكلام
يقفلون الموضوع او يمنعوني من المشاركه
والموضوع ما يستاهل انه يتقفل بالعكس يستاهل انه يتسوى له رفع
اذا انت ما ودك تتعرف على شباب المنتدى
وتتعرف على ناس ثانين
وتوسع معارفك وصداقاتك .... مشكلتك
ترا معرفة الرجال تنشرى
اخوي مصرقع ( مع اني اشك انك مصرقع )
تخيل معاي
انت يا حبيبي مشترك بالمنتدى هذا وفي واحد سبحان الله من يوم تشوف مشاركاته تحب انك ترد على مواضيعه
عجبك كلامه واسلوبه
سرتو تسولفون مع بعض بالماسنجر
تطورت علاقتكم
تبون تتعرفون على بعض اكثر ويسير بينك عيش وملح
اوكي جا اليوم المحدد
دقيت على جواله وينك يا فلان انا بالمكان الفلاني
يرد عليك ويقول
انا هنا واقف انت وينك
وينكما اشوفك
يرد ويقول انا راعي البورش والا المبرقيني والا الكاديلاك والا الفياقرا
وش بترد وتقول له
يؤ انت فلان بن فلان
انت اكيد كلاشن تحت مرتبتك
وش الخرابيط هذه
صدقني لا تقول لي احب المظاره ولا شي
انا انسان امشي مع الانسان الي مرتاح له
الخير موجود
عندي وعند ان شاء الله كل المشتركين خير
ياخي ممكن تحصل راعي ددسن شايف حاله على اناس ليه ما تدري ليه
وتشوف راعي دتسن بياع
وشتوف واحد ثاني يمشي جنب الجدار ما عليه من احد
برضه تشوف راعي بورش شايف حاله مدري على ايش
وتشوف راعي بورش بياع
وتشوف راعي بورش يمجي جنب الجدار ما عليه من احد
ياخي انت لما تقيم الرجال ما تقيمه بسيارته والا بلبسه
تقيم الرجال بعقله وطريقته
خليني انتكلم بصراحه
انا ( اعوذ بالله من كلمة انا ) درست بفصل كان فيها عيال ال سعود
حاليا الي كنت ادرس معاهم اعرفهم لين اللحين - محترمين لابعد الحدود
والله العظيم كان معاي وحد منهم ينقاله خالد
مرينا على واحد انا اعرفه بس هو م ايعرفه
ركب خويي وسلم
عرفتهم على بعض
فيصل هذا خالد
خالد هذا فيصل
والنعم ومن الكلام هذا
اذخو على بعض بطريقه مو طبيعيه
وساليف وضحك ومدري ايش
بعد ما نزل خالد
سالني فيصل مين خالد هذا
قلت هذا خالد الامير الي اسولف لك عنه
قال اتحداك مو مصدق
انا اقولك
في ناس منهم متواضعين مره
وفي ناس منهم شايفين نفسهم
واحنا يالشعب السعودي
في ناس مننا متواضعين مره
وفي ناس مننا شافيني نفسهم مره
شكلي طولت الموضوع وهو ماله داعي يطول
بس نظرتك مالها اي اساس من الصحه
خخخخخخخخخخ
ضحكتني يا شيخ
PT Cruiser
12-10-2002, 02:44 AM
اهلين شباب
حبيت اقولك ما عليكم من كل الي انقال
الي يبي يجي حياه
والي ما يبي مش مشكله
كل الي بغيناه نكسب رجال جدد
يالله نشوفكم على خير
مصرقع باشا
12-10-2002, 02:45 AM
براحتك حبيبي واختلاف وجهات النظر لا يفسد للود قضيه وهذي لك امممممممممممممممممممممممه :D
PT Cruiser
12-10-2002, 02:53 AM
:o
بروح انااام
Dentist
12-10-2002, 03:01 AM
من هالناحيه صح يامصرقع باشا
وهالشي صار قدام عيني بين شباب في X5 وراعي ددسن :o :o
اللي صار انهم جايين خاشين بالعرض يبغون يخشون للصّراف قبل راعي الددسن ويوم قدّم راعي الددسن مسوي بطل مادرينا الا واثنين نازلين من المرتبه الخلفيه من الX5 ومعاهم البتاع !!
والله ستر بس راعي الددسن انحاش والا كان صارت بلوه !!
لكن مهما كان .. ماتحكم على هالفئة من موقف او موقفين وحتى لو صار اغلبهم لكن يبقى فيه فئة محترمة عاقلة بعيده عن هالحاجات ..
وياكثر اصحاب الكوامري من هالنوع واكيد انت عارف واذا مو مصدق روح شوارع التفحيط او عند مدارس الثانويه وقت خروج الطلاب وشوف اللي صاير وشوف وش سياراتهم كوامري والا بورشات !!
خلاصة القول .. ماتحكم على احد من موقف واحد صارلك معاهم ولو كان تفكير الناس كذا كان صارت علوم ..
وتحياتي لكم مصرقع باشا و AVALON2000XLS
majedss
12-10-2002, 11:10 AM
معليش افالون فاتني استعراض الاسبوع الي راح لكن الاسبوع الجاي ولا يهمك محضر عندكم
Dentist
13-10-2002, 01:41 AM
رد مقتبس من majedss
معليش افالون فاتني استعراض الاسبوع الي راح لكن الاسبوع الجاي ولا يهمك محضر عندكم
majedss
13-10-2002, 02:10 AM
maxima driver
لا تقلد
ابوهلال
13-10-2002, 05:10 PM
على فكرة ياشباب اللمبرقيني المورسييلاجو
حقت محمد ولد الامير سلمان :cool: :cool:
Dentist
14-10-2002, 01:50 AM
ياخوي احمد ربك اني اقلدك :D :D
وبعدين ترا اسمي Dentist ماشفت الاعلان في الجريده :p
تحياتي
الأخ ابو هلال : مشكووور على المعلومة لكن انت متأكد ؟ اللمبورقيني مورسيلاجوو البرتقاليه اللي كانت تدور في التحليه الاسبوع اللي فات ..
ابوهلال
14-10-2002, 07:36 PM
Dentist
هلا اخوي ايه متاكد محمد في نفس مدرستي ودايم اشوفه