فلوكس واجن وخطأ في التصنيع !! "شرايكم"

[vip-women]

السلام عليكم والرحمة ،،،

واخيرا لقيت موضوع اقدر ادخل فيه معاكم ،،
تصدقون اخوني قبل كم شهر شريت سيارة "بورا" فولكس واجن" وامس ثالث مرة ارجعها من الوكالة بسبب ان الدريشة "الجامه" الأمامية مالت السايق تطيح !!! تخيلوا ثلاثة مرات واخيرا قالوا لنا ان هذا خطأ عندهم ان المكينة الداخلية مالت الدريشه "الشباك" مصنوعه من مادة قابله للذوبان بس قالوا لي اول مرة انهم غيروها بس طاحت بعد !!! والغريب ان بس جامة وحدة الي تطيح دايما وان عندنا سيارة ثانية نفس النوع بس هي من احسن مايكون !!!
في ناس قالوا لي اني اقدر ارجها للشركة واطالبهم بفلوسي بما انه خطأ منهم !!! شرايكم يصير !!!

[PT Cruiser]

اهلين اختي vip-women
حياك معنا بوسالف للسيارات ( مسوي المراقب خخخخخخخخ )

بالنسبه للفولوكس واجن الدرايش حقته دايم كذا
ولد عمي معاه فولكس واجن ( بيتل ) نفس حكايتك الدرايشتين كانت تطيح عنده - راح واحدها للوكاله قالو له ان القطعه مب موجوده عندنا وانتظر ولد عمي شهر لين وصلت القطعه وركبوها له بس الحمد لله ما اشتكى منها مره ثانيه

بالنسبه لسؤالك انك ترجعين السياره عشان عيب التصنيعي الي فيها _ الي هو ان الدرايش تطيح )
ما اظن انهم راح يقبلون
لان في شركات ثانيه العيوب بسياراتها اكبر من حكاية الدرايش
والي يسونه انهم يصلحون السياره بس

عندك مثلا سيارتي
سويت فيها حادث قبل فتره والحادث كان قوي مره ونزلت صور السياره على النت وشافوها الشباب
كان كبوت سيارتي ( وجه سيارتي ) كله رايح فيها
ولا طلع الاير باق
وديتها للوكاله
بررو لي ان الاير باق ما طلع
بعذر سخيف
بس الي سووه
انهم راح يغيرون حساس الاير باق على حسابهم بس


وان شاء الله اكون افتدك
باي

[vip-women]

مشكور اخوي على الرد،،، والله انك تستاهل تصير مراقب لايبا خلاص خذها مني انت مراقب الف الف مبروك،،،
والله يحيك ويحي غاليك ،،،
شكرا على الرد ،،،
اخوي تدري قبل فترة بل الكويت وحدة صار لها حادث وماطلع الاير باق قاضت الشركة وعطوها تعويض بل مبلغ الفلاني !!
اخوي ،،
يعني الدرايش عيب شرعي ومعروف بل فلوكس واجن كله !!!
وولد عمك شسوى بل السيارة خلال شهر !!!

[PT Cruiser]

اهلين اختي مره ثانيه
:D :confused:
ترا كبر راسي
يعني الحين انا مراقب

مراقبين امزح العين ما تعلى على الحاجب

ابقولك عن حكاية التعويض شي
واحد اعرفه معاه لكزس GS300
سوا حداث وما طلع الاير باق تكلم معاهم ما عطوه وجه
رجع وقال لهم انه راح يشتكيهم ف هيئة المواضفات ( نسيت اسمها بالكامل
وانه راح يفظحهم بالجرايد طبها مو هو الي راح قالهم
المحامي تبع شركة ابوه
بالفعل عوضوه مبلغ 150 الف ريال سعودي + ان سيارته المصدومه تكون عنده يسوي فيها ايل يبيه شرط ما يطلع الخبر عند احد ( بس طبع االخبر انتشر )

بالنسبه لحادثي جبتها عن طريقي انا باسلوب المسايره والتفاهم واقنعهم ان الغلط من سيارتهم
ما سوو لي شي
جبتها عن طريق محماي شركة الوالد
بعد ما سوو شي

يعني حكاية التعويضات مو دايم تصير

بس طبعا اكثر التعويضات تكون اذا كان العيب المصنعي الي عندهم كبير مره

بااي

[UAE-Warrior]

السلام عليكم

عن موضوع الفوكس واجن اخوي ماخذ "بورا" رقم واحد فل ابشن من اسبوع تقريبا و مب مكمله 1500 كلو و بدأ القير يحن يعني يعلج في التبديل ويوم سار الوكاله قالوله القير خربان ولازم نبدله كله والحين ماشي قير في الأمارات وبنطلب من المانيا وبيوصل بعد شهر ونص؟!!!:D :D :D
طبعن اخوي انتحر :p المسكين:(
كنت اقوله خلك عن هاي البورا وخذ بي ام او مرسيدس بس كان يقول البورا الماني بعد .
لكن نفس ما قال المثل الروماني "الماني عن الماني يفرق مب كل الماني في القار يحرق" :D


والسلام

[vip-women]

افالون ،،،،
لو اني بمكانك " الله لايقول " جان سويت لي بسطه عند الوكالة الي ان يرجعوا فلوسي اقلها اطلع منهم فواتير مكالمات الجوال"
ولد الامارات،،،
الصراحة اخوك ماعنده سالفه احد يقارن بين البورا والمرسيدس او البي ام ،، انا والوالد جزاه الله خير شراها لي من دون لا ادري قال صغيرة زينه واحسن لبنية تدري الحين شويت قليتها عليه وخذيت لاند كروزر سيارتة!!

[PT Cruiser]

اهلين اختي vip-women

هههههههههههههه تصدقين حركه اسوي بسطه واقعد اقول للي رايح والي جاي
لاحد ياخذ افالون ترا تسون حادث مب طالع لكم الاير باق وهذه صور الحادث
احسن ولا احد يقو يشتري من عندهم
لين يقولون لي يرحم والدك خلاص نعوضك قمية السياره بس فكنا
خخخخخخخخخخخخخخخخخ
مخ اجرامي

صادق ابوك فولكس واجن سياره دلوعه تليق للبنات
بس مو لايقه بنت تسوق لاندكروزر

[vip-women]

هلا فيك افالون ،،
لالا تلوق ياخوي انا سياقتي دفشة يعني مستحيل تقول الي تسوق بنت وماتصلح لي سيارة صغيرة حتى على قولت وحدة من البنات مافي فرق بين سياقتج وسياقة اخوي وعلى فكرة الوالد ماترضي تركب وياي

[PT Cruiser]

اهلين

اختي VIP-WOMEN جابت على بالي سؤال ابسئله لاعضاء وراح اجاوب عليه بعد

الوالد او الاهل بصفه عامه يحبون يركبون معاك ؟
اذا كان الجواب نعم ؟ خلاص ما نبي شي زياده
واذا كان الجواب لا ؟ نبي نعرف ليه م ايحبو نيركبون معاك وايش الاشياء الي تسير لك اذا تسرع معاهم

---
راح ابدء واجاوب عن نفسي
ابوي ركب معاي مره وحده بس طول حياته وكان مضطر كان تعبان ورحت اوديه للمستشفى بعدها حرم يركب معاي

بالنسبه لاهلي اوكي داخل الرياض يركبون معاي عادي ما يسير مني شي اسوق باحترام
بس اذا مثلا سفر مافي امل يركبون معاي
مره كنت مودي اهلي للشرقيه
واهلي معاي
ما اقدر ازيد عن 100 او 120
غافت امي نامت شوي
وزت سرعتي الى 160
فجاءة بدون اي مقدمات شلون صحت الوالده من النوم ما ادري
والا عينك ما تشوف الا النور احلى كف حلاقه
خخخخخخخخخخخخخ
:p

[hesham69]

والله ما عندكم سالفة:mad:

[PT Cruiser]

اخوي هشام
ليه طيب كذا

اذا ودك تشار حياك باسلوب متحظر
واذا كان على قولتك ما عندنا سالفه في مليون موضوع يتشرف انك ترد عليه

[SwordWord]

عفوا بس انا اوافق الاخ hesham69 واقول :

والله ما عندكم سالفة :rolleyes:

[vip-women]

عفوا ،،، بس للي عندهم سالفه اذا عندكم اتحفونا

وباك لك اخوي افالون ،،،
امي ماتحب تركب معي ولا اختي العودة بس اخوي يستانس على سياقتي لاني تدريبه ،،،
تصدق ابوك جنة امي ماتركب معاي الا للطبيب ،، بس بدون كف بس بزف

[SwordWord]

وايش ذا الهرج :

" ابوك جنة امي " ! ! !

[Lamborghini]

السلام عليكم .. :)

ماشاء الله شو كالهردود ... :eek:

بس عسب woman في السالفـة .. :rolleyes:

خلف الله علينا رحنـى المساكين .. نحط موضوع ونرجع بعد سنـه وإنت وحظك يمكن واحد رد عليه يمكن كلهم لبسوك .. لا والواحد داش الموضوع غلط بعد .. :o

=============================

المهم ندش الموضوع ....

إن ثلاثـة من أخواني عندهم فولكسواغنات و إنشاء الله ناوي علـى الرابعـة ( طوارق فول ابشن ) .. :)

واحد عنده بيتل والثاني باسات والثالث قولف GTI

شو رايك إنه ولا واحد إشتكى من السيارة ولا واحد خرب عليه أي شي .. :rolleyes:

يعني ماطلعت العيوب غير الحين ؟؟ خلنـى من هالسوالف شباب .. ;)

[hesham69]

http://members.lycos.co.uk/hesham6/index.htm

[PT Cruiser]

اهلين اختى VIP-WOMEN

[PT Cruiser]

اهلين اختى VIP-WOMEN
صادقه يالله الي عندهم صدق سالفه يقولها لنا

اخوي SwordWord
اضنك ما تنبهت ان الاخت VIP-WOMEN من الامارات او من البحرين
ف لفظهم للكلمات تختلف عن لفظنا
فقولها : ابوك جنة امي :
معناتها : ابوك كنه امي===>ابوك مثل امي

اخوي Lamborghini
تعرف مو كل الانواع تجي فيها خرابات
في دف تنزل فيها خرابات وي دفع مافيها خرابات

اخوي hesham69
ترا الموقع فاشل
لولا اختلاف الاذواق لبارت السلع

[vip-women]

السلام عليكم والرحمة ،،،
نبرقيني ماقول لك الا """" قل عوذ برب الفلق """"
حسام ،، تشكرات
افالون ،،،
شكرا اخوي على التوضيح اولا،، ثانيا : انا من الكويت ،،