نداء عاجل الى اهالي الشرقية

[بن عيدان]

السلام عليكم تم بعون الله تلغيم سيارة كورفيت طبعا راعي السيارة (ابو مراد) السيارة الحقيقة متعوب عليها بحوالي 90 الف ريال وهو الأن يقول انه يتحدى اي سيارة تحب تطلع قومة وليكن موديل اي موديل لايهم المهم يريد سيارة قوووووووووووووية جدا بمعنى الكلمة وطبعا تم تجربة السيارة مع دباب رايسنج حجم 600 وكانت النتيجة الكورفت متقدم بمسافة 4 عواميد كهرباء(لمبات) ولكم جزيل الشكر :o :D

[بن عيدان]

شباب وين الردود:confused: الظاهر احنا مانستاهل او مافي احد فيه الشجاعة انه يطلع بسيارته قومة على الأقل اهل صفوى يردوا وسلامتكم

[Oettinger]

عندك King_SS

[bad95killer]

والله تبغى الصراحة حبيبي بن عيدان الموتر مال ابو مراد ماحد يقدر عليه من الشرقية ماعدا الكمارو تبع السويدي مال ويش اسمه نسيته اللي يشارك ابه في الكويت المهم انا واحد منسحب الين ماركب اليي فورتيك مثله وبعدين اطلع معاه:cool:
خلوا علي خلف يطلع معاه بالـ ZR-1

[بن عيدان]

السلام عليكم يااخOettinger انا حاط الموضوع في المنتدى علشان كنج اسس وغيره بس الظاهر كنج اسس للحين ماشاف الموضوع اتمنى تقولوا ليه وانت ياbad95killer تعجبني ردودك والله واذا تركب فورتيك اكون اول الناس الي تشجعك على طول واتمنى اني اسمع اخبار حلوة عن موترك وسلامتكم:p

[Oettinger]

والله عنوان الموضوع "نداء عاجل الى اهالي الشرقية"!!!!

[بن عيدان]

انا معاك في صحة كلامك بس انا كنت اقصد با الأخص اهل الشرقة لأنهم اقرب الى مكان السيارة o.k

[فوردLX]

اي والله كورفت ابو مراد وحش اسود كاسر يالله ياحبيب المنتدى يا(ياملك الا SS) شد حيلك وخلنا نشوف قوت سيارتك مع هذا الكورفت ولا تخاف ترى قوة ده الكورفت ما تتزايد عن 450 حصان يعني فرق بينك وبين سيارتك على العموم اتمنى اشوف ردك

[bad95killer]

والله أنا أشوف وبدون زعل الشباب بأنه وخصوصا أهالي صفوى بأنه إذا جى الكينجSS الله يعين ابو مراد لأنه الكابريس اللي عنده موسهل الى درجة اليي قاعدين تتوقعوها :confused: وبعدين كورفيت ابو مراد قوته تزيد عن 500 حصان لأنه عليه أغراض غير الفورتيك فمثلا Exhaust مركب نوعية ماحد يقدر يتكلم عليها وهي من نوعية بورلا وهي نوعية جامدة وتزيد حوالي 40 حصان او 35 حصان يعني ماهم سهلين وبعدين مركب هدرزات من نوعية هوكر يعني الله واكبر عليه بيزيد فوق 20 الى 30 حصان غير طبعا الأغراض الباقية وعلى راسهم الفورتيك اللي عليه وهو بالراحة يزيد على مكينة الكورفيت اللي على ابو مراد LT1 تزيده حوالي 158 الى 160 حصان :cool: :cool:
وبعيدن الكينج كل اللي تشوفوه يطلع ويصور وهو يحط البوست على LOW يعني مابيطلع القوة اللي حاطنها فيه والله يعين اذا جى الى ابو مراد وحط البوست High وبعيد هو تيربو ومليون غرض مو بس فورتيك وخلاص :cool:

والله أنا احب أول أشوف القومة بين أبومراد ويا علي خلف وبعدين ويا كينج اس اس :D .

وتقبلوا تحياتي ولا أبغى أحد يزعل من كلامي.

أنا موتري إذا حطيت فيه اللي ابغى احطه بعدين باطلع ويا الكل;)

تحيـــــــH+Hــــــاتي=========>Bad '95 Killer:mad:

http://www.arab3.com/upload/images/Nov02/bad95kille_ss.jpg

[King_SS]

يا هلا والله بالشباب

كيف حالكم وايش اخباركم
كيفك يا bad95killer يسعدلي طلة هالكمارو يعطيك خيره ويكفيك شره
ويا Oettinger
وايش اخبارك يا فوردLX


يا هلا والله ب بن عيدان ..
انت تقول انو ابو مراد صارف على الكورفت 90 الف ريال ..
بينما انا صارف على الكابرس 263 الف ريال

انا على ضغط منخفض يمكن على 10psi كنت مقدم الكابرس على السيكل 600 السيارة كاملة

وعلى 20psi صكيته تقريبا 3 اعمدة
وعلى 25psi صكيت المرسيدس ال SL55 AMG عامود
والمرسيدس هذي جرب قدامنا مع دباب 750 وطلع عليه عامود

فما بالك لو جربت مع ابو مراد على 40psi
وش رايك :D :D :D :D :D :D :D :D :D :D :D :D
على الرغم اني عملت تجربة للسيارة على بوست 65psi يعني
full boost

المهم نسمع اخبار من ابو مراد زينة وربنا اعطيه خير الكورفت واكفيه شره

http://ksa-super-cars.com/king-pics/DSCF0021.jpg
هذي ابتسامتي يوم التواعد :)
ويوم اقابل الشخص :p
ويوم اصف بجنبه بالكابرس ومليون عيون تناظرنا:cool:
وهذي ابتسامتي يوم اخلص السباق ( يطلع الرجال متفاجأ):D
وبعد مرور ايام على السباق يقولولي جرب معاه ثاني :o :o :o

وسلامتكم ....

[بن عيدان]

السلام عليكم هلا والله باالشباب يااخوي King_SS انا والله ماقلت لك خصيصا انا قلتها الى العامة كلهم الي يبي يجرب مع الأسود يتقرب ويشوف وعلى فكرة طال عمرك احنا نقوم 0 _400 او0_700 مانقوم على الخط وسلامتكم

[King_SS]

سلامتك والله يا بن عيدان بس حبيبي انا سويت السيارة خصيصا لاهل جدة ..
ما انوي احد في الشرقية او مكان اخر ..
ومهما كان الكورفت قوية وسيارة صعبة الميراث .. انا عندي كورفت واعرف ايش معنا كلمة كورفت ...
سيارة غنية عن التعريف

[bad95killer]

ويش الحين وين شباب سوالف عن هالموضوع نبي متحدي لهالكورفيت
الوحش وينكم مانبي بس من الشرقية نبي من المملكة كلها لانه
يقولوا مو صاحي ويطوف اي سيارة في السعودية ماعدا سيارات القومات
اللي تعرفوها لالالا يبون سيارات شوارع يعني مو اللي ديك الدرجة
تجيبون سيارات مضامير لا نبي سيارة شوارع وتقوم مع هالكورفيت
المجنون
يالله يالله عطونا موتر ميه% وخلينا نشوف مطارحة وحوش......
شوفوا لينا فايبر ملغوم لو شيء كذا:help: .


تحيــــــH+Hــــــاتي=======>Bad '95 Killer :mad:

[corvette indiana police]

يا اخ بن عيدان

انا كلمت واحد من الشباب اللي قال عنه باد كيلر

وهو هشام الملا وعنده كومارو 79 ملغوم من الصدام للصدام

وهشام معروف عند اهل الكويت وتعذيبه لهم والراعي الرسمي له شركة السويدي القابضه

المهم يقول الرجال عطني رقمه ومتى ما بغى نتقابل حياه الله

انا وهشام موجودين في راس تنوره يعني حذفة عصا عنكم

لا تنسى يا بو عيدان وخل خويك يصمل لان هشااااااااام مرعب وسيارته مرعبه وما ابتعد ان قلت انها تشر سيارة كنق اس اس :D

تشااااااااااااو

[Mr.Zr-1]

اولاً السلام عليكم ورحمه الله وبركاته اخواني الاعزاء

ثانياً انا اعتقد انه الموضوع طلع عن حده الجدي وصراحه انا شايف ان الموضوع خرج عن نطاقه المتوقع وهذا الي ابي اوضحه وفي حاجه ثانيه الكل يتكلم ويتحدى وكأن هذه الكورفيت سيارتكم يا شباب الله يرضى عليكم الي يبي يتحدى يتحدى بسيارته هو وليس بسياره غير ماعدا ان يكون نسيبك او خويك صحيح وهذا الي ابي اوضحه من هذه الناحيه

اخوي corvette indiana police صراحه كلامك صحيح وانا اعرف هذا الكومارو واعرفه بقوتة الجباره وصراحه ابو مراد موتره قوي ومعروف وبعدين اعتقد انك نسيت نقطه مهمه وهي انك تقول هشام الملا تعب الكويتين لان هشام يشارك في البرابطه هناك عندهم وبعدين قوة هذا الكورمارو تفوق 800 حصان وبالغاز تصل الى 1300 حصان او اكثر شوي اعتقد ومن هذا المنطلق القومه محسومه صح و لا واذا كلامي فيه نوع من الغلط ارجوا التصحيح ؟ وشكراً وفي النهايه تقبلوا تحياتي لكم اخوكم المخلص لكم Mr.Zr-1

ملاحظه مهمه / انا ما ادافع عن ابو مراد علشان انه صديقي ولا علشان ان عنده كورفيت لا والف لا لان ابو مراد انا متأكد انه مايعلم بالي يصير في المنتدى من تحدي بالسياره بدون علمه

والله ولي التوفيق :) :) :)

[corvette indiana police]

اخ عدنان الموضوع لا كبر ولا شي ولا طلع عن حده كله كلام على الهامش لغاية الان

لكن بذكرك بالكلام اللي قاله بن عيدان نصا

((( ريال وهو الأن يقول انه يتحدى اي سيارة تحب تطلع قومة وليكن موديل اي موديل لايهم المهم يريد سيارة قوووووووووووووية جدا بمعنى الكلمة )))

هذا يعني ان الرجال واثق من نفسه ومن سيارته

وما يمنع انه يتقاوم مع هشام

تشاو

[بن عيدان]

السلام عليكم الظاهر للحين مااحد عنده سيارة قوية وينكم شباب نبغا سيارات قوية يالله اخلصوا علينا :confused: :confused: :confused:

[بن عيدان]

السلام عليكم يااخcorvette indiana police طيب بتجيب لي سيارة تدعمها شركة السويدي وسيارة هشام الملا سيارة مضمار يعني الى رابطة ويكفيك انو تدعمها شركة السويدي طال عمرك لو عندنا ناس تدعمنا وتعطينا مبالغ كاااااان لاهشام ولا غيره يوقف قدامنا وسلامتك:help: :help: ;) ;) :D