View Full Version : تعالو شوفو ايش عمل فيني الجميح(الله لايوفقه)
760IL
28-11-2002, 04:51 AM
بعا تعرفون الوكالة الزفت الي اسمها وسمعتها المتلطخه في كل مكان لاكن
مااحديقتنع وانا احد المخدوعين به ..والله على ماقول شهيدان السافة هذي صارت لي شخصيا ...علشان ماتقولون سمع من الناس او زي كذا .....زي مايقولون نبدا من الاخر...سيارتي هي لومينا ال اس 2002 السيارة ماشية الحين 17500كلم
طبعا السيارة الحين فيها البلاوي الاتية ...السيارة تقطع وكانك ماتعطيها بنزين وترتج بقوة تقول زلزال في الشارع والخراب الثاني صوت الهواء من جهة السائق والخراب الثالث صوت ظربة حديد اذا مشيت على مطبة زي كذ (طنننننق) والانتل حق المسجل مايرتفع والخرابات هذا طلعت في اول 5000 كلم .....السالفة توها تبدا ..وديتها ثلاث مرات متتالية وكل مااروح يقولي مالك مكان؟؟؟؟ لدرجة اني ولا مرة سويت لها صيانة في الوكالة وانا بيتي يبعد عن الوكالة رايح جايي 300 كلم يعني 3 مرات اروح ويقولي مالك مكان الصيانة مزحومة ومن هالكلامة يعني 900 كلم راحت على الفاضي المهم...
اكمل لكم يوم رحت للمرة الرابعة امس يوم الثلاثاء قعدت هناك ساعة الاربع
منطق هناك وانتضر احد يعطيني وجه المهم شفت واحد لبناني والله لو تشوفون
وجهه تقولون يهودي ..وجهه نذل وحجاجه طالع فوق ..المهم يوم قلتله الخرابات هذي قالي نشوف ...ركب هو ومشى بالسيارة اقل من دقيقة ..قالي
يبغالها تصفية بواجي وتغيير فلتر زيت وهواء ...توقعو بكم!!ب800 ريال
انا اول ماسمعت ان فيها فلوس استجنيت وانا وافكر انهم بيصلحونها ببلاش
قالي الضمان يغطي عيب المصنع والبدي ..قلت له ايش تسمي العيوب هذي مو من المصنع وقمت وشتمته شتم الين ضاق صدري ومشيت ...بالله عليكم سيارة ماكملت
18000 يصير فيها الخرابات هذا زمن شهر اروح لهم واجي ولايعطون اعتبار ومرة من المرات وداه الوالد ولا احترموه علشان شيباته ...الله لايوفقهم وانا في هذا الشهر وانصحكم اخواني نصيحه لوجه الله لاتشترون من حثالة الجميح.....وسلامتكم...واسف جدا على الاطالة..لاكن من حر مافيني...:mad: :mad: :mad:
كابريس
28-11-2002, 05:05 AM
دوبك تدري انو الجميح زبالة ؟؟
صح النوم الجميح كان زبالة ودحين صار مرتع فضلات ومجمع نفايات
Blue King 903
28-11-2002, 09:01 AM
يارجال هونها وتهون...
كان طلعتها ووديتها التوكيلات ؟
صحيح وكالة الجميح زفت . . بس على المهندس نفسه اللي يكشف عالسياره ..
انا سيارتي مثل سيارتك لومينا ... كان الجلنط مرتخي مرره .. قلت للمهندس شدوا عليه شوي .. قالي مش عالضمان :o
قلت طيب .. عندي لمبات الريوس ماتشتغل.. قالي مش عالضمان :o
قلت طيب .. الشياره تحذف عاليمين دايم .. قال مش عالضمان :o
انا قفلت اخلاقي وقلت وش اللي عالضمان اجل :mad:
المهم انا طلعت من عندهم وماجيتهم الا بعد 8 شهور ..
والسيارة والله على نفس حالتها ,, كلمت واحد اردني من المهندسين .. وشرحت له السالفة وقالي اوكي ..
حتى المسجل كان خربان وصلحوه ...
حتى لما طلعت السيارة مادفعت ولا ريال :glasses:
UAE-Warrior
28-11-2002, 11:14 AM
السلام عليكم ورحمة الله وبركاته
الله يعينكم ياشباب علي مشاكل سياراتكم وهالوكالات الخربطيشن:D
بس مع احترامي لأذواقكم وسياراتكم بس يوم السيارة في الاصل امريكي شوه ترجي منها خير من متا الأمريكان صنعو سيارات زينه ولا اهتموا في الوكيل المعتمد حق سياراتهم.
انا اخوي ماخذ لومينا 2002 وما كملت عندة شهر الا وطله صوت في فيها مثل الدقه وصوة قوي يوم يلف وراح الوكالة وقالوله بنصلحة بس بعد يومين نفس المشكله. وراحلهم مره ثانيه وثالثه وهم كله يقولون صلحناة الين ما اخوي عصب على الفورمن مالهم"كبير المهندسين" فقاله الفورمن يافلان بقولق شي بصراحه!!! قاله ان السياره فيها عيب في التصنيع وهذه المشاكل موجوده عند ناس وايدين... أخوي ماكذب خبر قام وباعها باسبوع بعد هاسالفة.
وشتراله مرسديس 2002 حجم صغير 240 والله ياشباب شوه الدلع كل مايروح يسوي حق السياره فحص دوري ايدقله مدير خدمة العملاء بعد يوم او يومين ويقوله انت راضي عن الخدمه في شي مزعلنك شوه السياره وياك ولا تقولون الفحص غالي .. بالعكس موزون على قدر الخدمه الا اذا السالفه فيها تبديل قطع مستهلكه نفس درام الويل او السفايف وهاذا مايكون الا كل نصف سنه تقريبن وتعرفون اي شي في السياره خربان مايسوله سالفه عندهم شي واحد بس "بدل على حساب الوكاله"... مره احترق الكشاف الامامي الصغير راحلهم اخوي وبدلوه وشربوه شاي بعد:D ((اي شي في السيارة موجود يوم اشتريتها وحترب مضمون على حساب الوكاله الا اذا انت مخربنه ولا كاسرنه)) مره التلفزيون الى في السياره يطلع صوة بسيط راحلهم اخوي وطلعله المدير الالماني وفحص التلفزيون وقاله بنبدل التلفزيون وسستم السيارة اخوي قالهم بكم قاله 15000 :OO: اخوي ين بس الالماني لحق عليه قبل مايموت وقاله علي الوكاله :)
ضمان مفتوح لمدة ثلاث سنوات. اخوي الكبير يوم شاف الدلع والخدمه قام وباع سيارته وشتراله مرسدس بعد.
:confused: بل انا كتبت كل هذا؟؟!!! شكلي تعبتكم.
المهم الواحد منا يبي سياره تريحه مب اطيح في جبده ويبي خدمه سريعه وفعاله وعنايه بسيارته ولو بيدفه شوي اكثر. وانا ابد ما اتوقع هال اشياء من سيارة امريكيه ولا من وكيلها
واسمحولي طولت عليكم والله يبارك لكم في سياراتكم ويحفظكم.
دكتور / مجنون
28-11-2002, 11:27 AM
السلام عليكم :)
مساااكين :(
صاحبي عنده لومينا 2002 LTZ .. خرب عليه الجيربوكس .. من اول رمضان الى اليوم و السياره بالوكاله ..... :(
CAMARO4EVER
28-11-2002, 12:41 PM
رد مقتبس من كابريس
دوبك تدري انو الجميح زبالة ؟؟
صح النوم الجميح كان زبالة ودحين صار مرتع فضلات ومجمع نفايات
تحياتي camaro4ever
majedss
08-12-2002, 04:34 PM
ارفع شكوى للاداره الاقليمة في الشرق الاوسط
وهم يادبون لك الجميح تاديب
فيه لهم رقم خدمه عملاء بالبحرين كلمهم والجميح يجي ياخذ السياره من بيتكم
لانه اي شكوى توصلهم ياخذون من الوكيل غرامه مالية
واحد من اخوياي صارت معه مشكله في سيارته الماليبو (مادري وش تبي هذي السياره ) المهم خربت عليه السياره ترتفع عليه الحراره وثلاث مرات يوديها للوكالة وبعد الزحمه والتعطيل بعد يومين ترتفع ثانية كلمهم بالبحرين ورفع شكوى عليهم بعد ساعه اتصل فيه الجميح وارسلو سطحه وخذو السياره وبعد يومين جابوها والى يومك مافيها شي
اذا كنت مهتهم اسئل خويي عن الرقم واعطيك اياه
1100R
08-12-2002, 04:57 PM
والله من حقك تلعن والديهم كمان وزي ما قالو ااخوان اشتكيهم عى جنرال موتورز وهم يأدبونهم:mad: :mad: :mad: :mad: :mad: :mad:
سفير الشوق
08-12-2002, 05:46 PM
رح للعيسى و على ضمانتي :):OO:
دكتور / مجنون
08-12-2002, 06:23 PM
اخوووي،، ممكن التلفون ؟؟
corvette indiana police
08-12-2002, 08:14 PM
صممت خصيصا للخليج :cool:
وشهد شاهد من اهلها
يوه يوه محمد انت هنا هلا والله بكورفيت انديانا بوليس وينك وين هالغيبات يارجل
عالعموم الحمد على السلامة
بالنسبة لتعليقي على الموضوع الرائع هذا فما يسعني الان وانا مستعجل الا ان اقول عظم الله اجرك واحسن الله عزاك
وان شاء الله انها تكون درس قوي لك حتى لا تكررها وتشتكري سيارة الخليج الاولى
او بمعنى اصح صناعة امريكية تعيسة
محرك قوي والباقي الله بالخير
لا فائدة للقوة بدون تحكم
:(
الى اللقاء غدا
الله يعينك كل شي يتعوض :)
ابو دانه
09-12-2002, 02:16 AM
الجميح عمره ما راح يسئل في المستهلك العادي وشعاره ( طز )
لانه معتمد على الهبر في المبيعات الحكوميه (سيارات الشرطه والمرور كلها منه ) وكذلك على طبقة الناس الهاي هاي
اما الناس العاديين ما يعبرونهم ولا بقرش
mill_955
09-12-2002, 04:18 AM
السلام عليكم
الموضوع واضح ولا محتاج كلام زياده بس حبيت اضم بالبيد الى القائمه السودا من تجاربي معه
Pure_Intimidation
09-12-2002, 05:23 AM
معليش بس اسمحولي, في الى الان نــاس بشتروا هادي السيارات؟ ياما قولنا و ياما عدنا و الناس ليسع مصممه على شراء السيارات المضروبه!! له في خلقه شوؤن!!
:rolleyes:
ACCORD_559
09-12-2002, 06:49 AM
انا اخوووي كاانت معي لومممممينا Ltz 2000
وكنت انا والجميح زي
اسرئيل وفلسطين
اول صيانه طبعا 1000كيلو
دخلتها الشرركه
والله ولمن خللصوها منها جيت ابي استلمها والله والف على السياره واحصل الاصطب الخلفي مكسوووور ايش هذا
والله ويجيك واحد مصرري اخذ الكروكي الي فيه رسم للسياره
يقولي هذي راح تكلفه 400 ريال قالت انتم صادمينها وتقو له لي ادفع
راح شووي ورجع ويقولي خصمنا منها 200 ريال انت ادفع الباقي
والله قالت خذ المفتاح وسلام عليكم
وشوي يجي واحد سعوودي اتفاهمنا معه والله سوها على حساااب الشرركه
ومن بعد هذي الحرركه في الصيانه الي من الجمييح
قررة انا lumani_ssان احول الصيانه على التوكيلات العالميه
والله وشغلهم نظيف
وماافي ززززحمه
والجميح كل سياااااارته
لومينات دوررريها
هي الي مسببه الزززحمه ويقول صيانه في الجميح تاخذ موووعد قبل الصيانه بي اسبووووع :confused: شووووفه كيف
وانصح اي واحد انه مايتعااامل مع الجميـــــــح
يوه يوه يوه
مرة وحده اسرائيل وفلسطين؟
عسى بس وقفوا معاك العرب؟:rolleyes:
ACCORD_559
09-12-2002, 09:40 PM
والله ماقصرروه
بوخشيم
10-12-2002, 03:21 AM
يا اخووووووووووووووي كان سألت قبل تشتري السيارة ولا تحرج الجميح يـــــــــــــــــــــــــــــــاخووووي
كانت معاملت الجميح لاباس فيها وعندك عبد اللطيف بن جميل
أخسسسسسسسسسس :( :( :D :D
بوخشيم
10-12-2002, 03:52 AM
يا اخوي يقولون اللي جالسين جنبي ان من كلامك انه ابوك مش شايب فلا تقول شبات ابوي و قل شباب ابوي وقوته واحترامه;) ;) ;) ;) مع تحيات ع . س سلام سلام
760IL
10-12-2002, 04:05 AM
الاعضاء المبتدئين دايما ماارد عليهم:o
رد مقتبس من mill_955
السلام عليكم
الموضوع واضح ولا محتاج كلام زياده بس حبيت اضم بالبيد الى القائمه السودا من تجاربي معه
بس اهون من الجميح العفن :)
Infiniti Q45
10-12-2002, 03:41 PM
احنا بالاحسا عندنا التوكيلات العالميه للسيارت
صيانه عال العال
الجميح ماجربتها ولا ابي اجربها من كلامكم
بس على العموم في عندكم العيسى او التوكيلات تقدرون
تخلون صيانتكم عندهم لانهم حبوبين :)
و اللي يبي واسطه في العيسى
انا اساعده لاني اقرب لهم من قريب
BLUE_STEEL
11-12-2002, 09:32 PM
رد مقتبس من camaro4ever
تحياتي camaro4ever
كابريس
11-12-2002, 09:38 PM
شوف هنا المسخرة حقت الجميح الي من جد مسخرة
http://www.swalif.net/sforum1/showthread.php?s=&threadid=149630
:glasses: