View Full Version : سؤالين، جاغوار S تايب، ولكزس GS300
سردال
08-12-2002, 08:20 PM
سلام عليكم
أريد معرفة رأيكم في سيارة جاغوار S تايب، ما هي مميزاتها، ما هي
عيوبها؟ هل سعرها عند إعادة البيع جيد؟
ومتى ستتغير سيارة لكزس GS300؟
في انتظاركم :)
SUBARU AWD
08-12-2002, 10:14 PM
مميزاتها كثيرة... اولها ان السيارة مميزة وغير منتشرة ( انا اعتبرها ميزة)
ومحركها نشيط. والامان ما خذ منها مكان كبير (6 اكياس هواء- ABS+AST+DSC) الاول للفرامل والثاني للتسارع الامن والاخير للمنعطفات)
وجمال خذ جمال وفخامة واسم راقي ورساوة
العيوب: قطع غيار ناااااااااااااااااااااااااااااار (كان معي جاكوار سوفرين)
سيارة حساسة ويببي لها عناية خاصة.
سعر بعد البيع يطيح كثير والله ... اعرف لك واحد شاري موديل 2000 سنة 2001 ماشية 22000 ب 125000 الف ريال..
مجنون بورش
08-12-2002, 11:18 PM
وعليكم السلام
بالنسبة للجاكور ما اعرف شي عنها
اما GS300 يمكن يتغير شكلها 2004او 2005 :cool:
مدردش متقاعد
09-12-2002, 01:01 AM
الحين كل ما فكرنا بسيارة قالوا شكلها بيتغير:(
ما صدقت رسيت على الـ GS300 تفاجأت إنها شكلها بيتغير السنة الجاية...يا ريت لو حد من الشباب يجيب صور الشكل الجديد.. و يقول إيش المميزات الإضافية الي بيكون فيها:(
طيييييييييييييب
انا اريح بالك في سيارة جدا ممتازة ومميزة في نفس الوقت
رخيييييييييييييصة بالنسبة الى تجهيزاتها
حتى ان من تجهيزاتها افضل من الجي اس وارخص منها كمان
سعرها 110 لاالاف ريال سعودي .....كم بالالامارات الله اعلم
عموما هذا موضوعها وان شاء الله انك تستفيد واي استفسار ابشر والله
http://www.arab3.com/upload/images/Oct02/majed945_ENTER.jpg
http://www.swalif.net/sforum1/showthread.php?s=&threadid=148658
مدردش متقاعد
09-12-2002, 02:16 AM
بصراحة سيارتك ماشاء الله عليها روعة .. الله يبارك لك فيها و يبقيها لك..و الموضوع الي طرحته عنها شيق جدا اسمتعت بقراءته و الصور الي موجودة فيه حلوة وايد:)
الشكل الخارجي حلو.. لو إنه شكل اللكزس الجي إس عاجبني أكثر:)
الديكور الداخلي: فخم جدا..و بصراحة ما يقارن مع الجي إس 300
عندي سؤال لو سمحت...... الإضاءة الأمامية.. هل هي هالوجينية عادية.. و للا زينون.؟
و سءال ثاني.. ما رأيك في المقولة الي تقول بأن السيارات الأوروبية لا تناسب جو الخليج الحار.. مقارنة مع السيارات اليابانية؟
و سؤال أخير... تعرف متى شكل الجي إس 300 بيتغير؟:)
تجياتي لك:):glasses:
CAMARO4EVER
09-12-2002, 02:38 AM
السلام عليكم ورحمة الله وبركاته
بالنسبة للجاكوار s-type في له نوعين
الاول s - type v8 sport
وهذه صورته
ومميزاته والعيوب ما عندي فكرة عنها..
http://www.ultimatecarpage.com/large/511-2.jpg
http://www.ultimatecarpage.com/large/511-6.jpg
Engine: AJ 90º V8
Engine location :Front, longitudinally mounted
Displacement : 3.996 liter / 243.9 cu in
Valvetrain :4 valves/cylinder, DOHC
Fuel feed :Fuel injection
Aspiration :Naturally Aspirated
Gearbox: 5 Speed Automatic
Drive :Rear wheel drive
Power : 281 bhp / 209.6 kW @ 6100 rpm
BHP/Liter :70.3
Torque : 390 Nm / 287.6 ft lbs @ 4300 rpm
Power to weight ratio : 0.16 bhp/kg
Top Speed : 149.1 mph / 240.0 km/h
Weight : 1719 kg / 3789.7 lbs
والنوع الثاني : s-type r
http://www.ultimatecarpage.com/large/1137-1.jpg
http://www.ultimatecarpage.com/large/1137-3.jpg
http://www.ultimatecarpage.com/large/1137-5.jpg
وهذه مميزاتها
Engine: AJ 90º V8
Engine location: Front, longitudinally mounted
Displacement : 4.196 liter / 256.1 cu in
Valvetrain :4 valves/cylinder, DOHC
Fuel feed: Fuel injection
Aspiration: Eaton supercharger
Gearbox :ZF 6HP62 6 Speed Automatic
Drive :Rear wheel drive
Power : 400 bhp / 298.4 kW @ 6100 rpm
BHP/Liter: 95.3
Torque : 553 Nm / 407.9 ft lbs @ 3500 rpm
Power to weight ratio : 0.22 bhp/kg
(Top Speed : 155.3 mph / 250.0 km/h (limited)
Weight : 1800 kg / 3968.3 lbs
وانشاء الله تفيدك المعلومات
وانشاء الله الشباب يعطونك العيوب
آسف على الاطالة
تحياتي :camaro4ever
SL500
09-12-2002, 03:36 AM
اذا كنت تفكر بالجاكوار...S_TYPE مثل ماهي معروفة بمعذبة قلوب العذارى
فهي بصراحة سيارة من الناحية الشكلية والترفيهية وبس..اما من الناحية الاقتصادية فانسى الموضوعhttp://smilies.sofrayt.com/1/0/buzzsaw.gif[Automated by GetSmile]
واللكزس GS 300 اضننا في هذا المنتدى تكلمنا عنها كثير...
وبس.
هلا مدردش
الله يخليك ويسلمك على هذا الشعور الطيب
الاضائة الامامية زينون مع ارتفاع وانخفاض الكتروني
اما عن امكانية تحملها لجونا الحار فماشاء الله على السيارة الى الان عال العال ولا قد اشتكيت من الحرارة وانا عمري ماقد سمعت احد قد اشتكى من البيجو في الحرارة وخاصة الموديلات الحديثه
ولا انسى ان اعطيك معلومة جدا عن مكيفها الالكتروني بالكااااااامل ...ماشاء الله من ابرد وافضل مايكون سواء في الليل او عز الظهر
وبالنسبة لمقارنتها مع الجي اس من ناحية الشكل فشكل اللكزس افضل بكثيييييييير منها لكن عيب الـgsيقة وغير مريحة ابدا ابدا ابدا واسأل مجرب
من ناحية هل سيتغير شكل اللكزس فهذا الله اعلم
عموما للا تنسى تزور شركة بيجو لديكم في الامارات وتجرب السيارة وتجرب ثباتها في الخط ورساوتها وحاول انك تجربها على سرعة فوق الــ200 واستمتع بالثبات ....
ولا تنسى تاخذ لفه على قطع الغيار عشان تستانس من اسعارها الرخيصة والزهيدة ....
والخيار لك
تحياتي
زورو الامارات
09-12-2002, 05:29 PM
السلام عليكم ورحمة الله وبركاته
حيالله الشباب
هالمره موضوعك يا سردال شيق ادري ان الاخ مدردش متقاعد يدور له موتر ومب راسي له على شي قبل فتره بغى لكزس 400 بس ماحصل الظاهر
هالمره انحصر اختياره على سياره مترفه متوسطه الحجم من 6 اسطوانات
الجاكوار حلوه ومتميزة بس مثل ماقال لك SUBARU AWD
سعر قطعها ناااااااااااااار وماتييب سعر عند اعاده البيع
اما اللكزس انا اعتبر موديل الجي اس 300 سياره عباقره لان فيها شي عجيب مادري شو بالضبط بس متميزه جدا وبمواصفاتها تنافس المرسيدس إي كلاس والفئة الخامسة من بي ام
يعني لو رتبت شو الاحسن بقول لك كأستخدام في الخليج
المرسيدس تتفوق برخص قطع غيارها
اللكزس جودة عاليه وقيمه عند البيع بس يقولون والله اعلم ان قطعها اغلى من التويوتا
البي ام قطعها غاليها وماتييب سعر وقت اعاده البيع
اذا ارشح لك الفئة اي من مرسيدس لو تحصل مستعمله من المانيا تمام
واللكزس لكن مثل ماقالوا لك الشباب شكلها بيتغير السنه الجايه
لكن بتصير 3500 سي سي المكينه وبشكل اكبر
لكن استثمر فلوسك بموديل جديد الي هو المرسيدس لانها تعمر عندك اذا حافظت عليها واسأل مجرب
اذا عندك فلوس اشتر 320 لاتشتري ال 240 لانك مابتحس انها 6 سلندر تثقل عليك يوم تحملها وتتعبك شوي في التجاوزات على الخطوط تجاوبها يكون ابطأ
الخيار لك في النهايه بس المرسيدس واللكزس ماعليهم كلام
وانسى سالفة الجاكوار نصيحه اخويه لو انها حلوه ومواصفاتها تمام
لكن مرسيدس ولكزس والبي ام بعد احسن الموجود واثبتوا وجودهم في اسواقنا
ادري طولت عليك وجلبت لك مخك بعد
هذا شوري والله ايسر لك الخير قول آمين
مدردش متقاعد
09-12-2002, 11:30 PM
أخوي S8:)
اليوم رحت أنا و سردال وكيل البيجو و شفت السيارة على الطبيعة..عاد الي لقيناها في الوكالة زرقا سماوية نفس الي عندك..بس من داخل جلد أسود..ماشاء الله عليها حلوة... بس تصدق موديل 2003 ما نزل.. و ما بينزل إلا يعد 10 أيام أو أسبوعين..و الي في الوكالة لين الحين ما يدرون وش هي مواصفات سيارات الـ2003.. بس إذا سيارتك موديل 2003.. معناها ما تغير شي في السيارة.. لأنهم يتوقعون إنه يكون في السيارة شاشة و نظام النافيجاتير.. بس على حسب ما شفت في سيارتك.. مو موجودة.. و للا عندكم في السعودية موجودة بس كخيار إضافي؟
موديل 2002 ينباع هنا بحوالي 110 آلاف..
و موديل 2001 الي ما تغير أبدا في 2002 موجود منه كم سيارة .. و عرض علي بسعر 97 ألف قابل للتخفيض..أما موديلات 2003.. فما يعرف قيمتها!
أخوي زورور الإمارات:)
مشكور على نصايحك الثمينة:).. أنا في رأيي إنه سعر المرسيدس الفئة E مبالغ فيها وايد صراحة... يعني الـ 240E معقول يوصل سعرها في الوكالة لـ 180 ألف للإليجانز.. و 185 ألف للأفنحار!
أما الـ320 فسعرها فوق الـ 210 آلاف! ..إذا عندي هالمبلغ....أحسن لي أشتري لي يودمعة مستعمل صراحة..ما بحطها في بو عيون!
لأني ما أشوف إنه مواصفاتها تستحق إنك تحط فيها هالمبلغ!
خلنا في الـ GS300 أحسن:)
هل إنت متأكد إنه شكلها بيتغير السنة الياية 2004 أم هي مجرد كلام و إشاعات.. و إذا فعلا بيتغير.. هل تنصحني أشتريها.. أم أنتظر للسنة الياية؟
الظاهر آخر شي بشتري لي ES300 مضمون شكلها ما بيتغير إلا عقب 4 سنوات على الأقل!
تحياتي للجميع:glasses:
ههههههه
خلاص الله ييسر لك اللكزس وبالتوفيق والله
وسيارتي موديل 2003 ولم يتغير فيها اي شي عن 2002 سوى ان 2003 صار يجيي بانتل خارجي خاص بالتلفون
760IL
10-12-2002, 02:39 AM
بس اللكزس بسرررررعة تمل منه انا كان عندي موديل 2001 وبعته لانه بصراحة مافيه تكنولوجيا حتى العدادات ممله وكانها من بلاستيك رديء والشي الاهم منتشرة زي النمل
بوخشيم
10-12-2002, 03:44 AM
يا 760IL يسألون الي جالسين يمي بكم بعته ولا هذا سر ترى لك الحق تعلم ولا ماتعلم وأحنا ترى مش زعلانين اذا ما علمت ومش سائلينك مره ثانية :D :D :D :D :D ;) ;) سلام سلام
760IL
10-12-2002, 04:06 AM
رد مقتبس من بوخشيم
يا 760IL يسألون الي جالسين يمي بكم بعته ولا هذا سر ترى لك الحق تعلم ولا ماتعلم وأحنا ترى مش زعلانين اذا ما علمت ومش سائلينك مره ثانية :D :D :D :D :D ;) ;) سلام سلام
؟؟؟؟؟؟؟؟؟
أخوي مدردش
خلك على اللكزس وريح بالك .. ولو ان المرسيدس أفضل
أنا أشوف ان الـ ES أفضل من الـ GS .. أقوى في المشيء .. أكبر في الحجم .. وشكلها متناسق نوعاً ما أحسن من الـ GS
( هذا رأي الشخصي )
بس اللي يميز الـ GS انها دفع خلفي
على العموم ..
بالنسبة لشكل الـ GS الجديد راح يكون فيه شبه من الـ ES الحالية
وهذا هو الشكل المتوقع لها في 2004 واذا تأخرت في 2005
http://www.thehollywoodextra.com/lexus/GS300.jpg
محركها على حسب كلام الموقع .. بيكون 3.4 ليتر بـ 6 اسطوانات
على فكرة .. ..
ليش ما تفكر في مرسيدس E 320 موديل 99 أو 2000 أو 2001 مستعمله ونظيفه وسعرها معقول ومحركها قوي في المشي
وتجيك فل أوبشن - زينون - فتحة سقف - جلد - وانت ماشي
وأتوقع سعرها يكون حول الـ 95 ألف
تحياتي لك وبالتوفيق ان شاء الله
ومبروك مقدماً :)
اخوي s8
=============
ولا تنسى تاخذ لفه على قطع الغيار عشان تستانس من اسعارها الرخيصة والزهيدة
=============
SURE ?!:o :o
abu_nasser
11-12-2002, 07:15 AM
شرايكم في الفولفو :) خصوصاً اني يوم كنت في الامارات ( امس راجع منها )
شفت انه الفولفو سيارة نادره عندكم و مو كثير تنشاف :)
560SEL
12-12-2002, 03:47 PM
الجاكوار من اكثر السيارت اللي يهبط سعرها هبوط حاااد
واحد كان يبغى يلعب علينا يبادلنا نعطيه VXR ويعطيناS-TYPR لكن فآخر
لحظة لم تتم المبادلة
المسكين باعها بـ62000 ريال
وفيه وحده شفتها قبل كم يوم فالمعرض بس جنااااااااااان
لونها احمر موديل 2001 بسعر 80000
تحياتي
مدردش متقاعد
13-12-2002, 05:16 AM
بعد ما صليت استخارة.. قررت إني أشتري لكزسES300 .. و إن شاء الله أستلمها يوم السبت:)
أشكر جميع الأخوة الي تكرموا بالمشاركة و إبداء النصح و المشورة.. و أخص بالذكر الأخ العزيز سردال الذي رافقني في إلى الوكالة.. و إن شاء الله يكون معي لحظة استلامها:):)
تحياتي للجميع:glasses:
SL500
13-12-2002, 05:53 AM
مبرووووووووووووووك ويا عيني عليك. أقوي المدردش المتقاعد..
الا اخوي غريبة ما احترت بالنسبة للون؟؟؟؟
اقول الله يعطيك خيرها ويكفيك شرها.:D
زورو الامارات
13-12-2002, 09:55 AM
السلام عليكم
مبروووووووووووووووووووووك يا مدردش متقاعد
وتستاهلها ونص :)
السياره ماعليها كلام من الداخل روعه الخشب لونه عنابي على احمر جميل جدا وعلى فكره السياره تخدم معاك فتره طويله
بس حافظ عليها بشكل طبيعي