View Full Version : اريد رأيكم في الباثفايندر2003(ضروري الرد)
black scorpion
12-12-2002, 03:03 AM
انا عندي باثفايندر 2001 جير عادي وفتحة في السقف بس المشكله ان المكينه اللي فيه 3.3 يعني 185 حصان
الجديد 2003 3.5 لتر و 250حصان للجير العادي(الفرق 65 حصان)
سعر الجير العادي وفتحة في السقف بس مو الفل اوبشن ب 84000ريال
رحت الشركة على اساس ابيع سيارتي لهم وادفع الفرق بس اعطوني سعر طايح وسيارتي ماشية 41000كم اعطوني فيها 55000ريال يعني الفرق يطلع 29000ريال
ايش رأيكم ابيعها واخد 2003 ؟ابغى ارآكم بسرعة الله يوفقكم
بس بصراحة 55000 قليل في سيارتي:mad: :mad: :mad:
majedss
12-12-2002, 04:06 AM
ما ادري كم تجيب لكن لا تهمك الوكالة نزلها المعارض وش حضك يمكن تجيب اكثر وانشاء الله تتوفق
لكن لا تتوهق ويغيرو موديل 2004 وتروح فيها صدق
SL500
12-12-2002, 05:40 AM
عندي سؤال هي السيارة تتحمل 7 ركاب ايه ولا لأ؟؟؟
عموما اذا تكفي انا باشريها منك...ب 56:D
PRINCEMQ
12-12-2002, 08:58 AM
والله النيسان بشكل عام ممتازه كمكينه وجير ولكن أهم شيئ خدمة الوكالة... في قطر أخس وكالة هي وكالة النيسان بكل المقاييس ولكن عندكم ما أدري اذا كان الوكيل ممتاز توكل على لله.
بثفايندر سيارة قوية وشكلها جميل جدا
والحكم لك
تحياتي
الباثفايندر الجديد أبو 3.5 قير عايدي ... جبار في الطعوس
Speeeed
12-12-2002, 05:45 PM
الباثفايندر الحالية لن تكمل العام 2003 بأكمله، وسيتم استبدالها في منتصف العام الجديد بجيل جديد يحمل 3 صفوف مقاعد وهي أكبر حجم من الحالية وبمحرك كبير، وستدخل بالتدريج مكان باترول التي نزلت مبيعاتها بشكل كبير جدا.. هذه معلومات مؤكدة. ويقال ان التعديلات الأخيرة على باترول لم تنجح في منافسة لاندكروزر، لذلك نيسان قررت أن تكون باثفايندر هي الاهم بمجموعتها لسيارات الدفع الرباعي.
Mr_CoRvEtTe
13-12-2002, 02:32 PM
رد مقتبس من majedss
ما ادري كم تجيب لكن لا تهمك الوكالة نزلها المعارض وش حضك يمكن تجيب اكثر وانشاء الله تتوفق
لكن لا تتوهق ويغيرو موديل 2004 وتروح فيها صدق
silver
13-12-2002, 10:43 PM
بصراحة ما تسوى تبيع سيارتك علشان 65 حصان ...
بهذي الطريقة كأنك راح تدفع 29000 علشان تزيدها 65 حصان
ليش ما تحاول ترفع قوة السيارة بهذي الـ 29000 ؟؟؟
ويمكن تقدر توفر من هذا المبلغ شيء تحطة في جيبك
وانت وإلي يريحك
Dreams_Maker
15-12-2002, 01:37 AM
رد مقتبس من silver
بصراحة ما تسوى تبيع سيارتك علشان 65 حصان ...
بهذي الطريقة كأنك راح تدفع 29000 علشان تزيدها 65 حصان
ليش ما تحاول ترفع قوة السيارة بهذي الـ 29000 ؟؟؟
ويمكن تقدر توفر من هذا المبلغ شيء تحطة في جيبك
وانت وإلي يريحك
mill_955
15-12-2002, 02:54 AM
جرب رح لاوتو ستار راح يعطونك سعر حلو باذن الله
جرب تبيعها على حد تعرفه أو وكالة بيع تعطيك سعر اكثر
لف بها وكالات بيع السيارات و اختار احسن سعر
لأن النيسان مرغوب حاول تبيعها قبل ما تجي السنة الجديدة
بعدها بجد سعرها بينزل
ابو دانه
15-12-2002, 03:38 PM
سيارتك تجيب لك بالرااااااحه 60 الف واذا نظيفه ومشيها قليل تجيب 65
واذا تبي تبيع اعرضها في المعارض ولا تروح للوكالات لانهم نصابين
وبالنسبه للفرق بين سيارتك و 2003 ما تفرق معاك كثير الا اذا كنت راعي تطعيس
اما اذا كنت مستخدم عادي فما تفرق معاك وما تستاهل انك تغير
ويقال ان موديل 2004 بيتغير شكله ولا تنسى ان السياره من موديل 98 وشكلها ثابت
ولك الخيار
black scorpion
16-12-2002, 06:06 PM
السلام عليكم ياشباب مشكورين ماقصرتوا
من ناحية التطعيس انا اسبوعياً تقريباً في التطعيس
بس جلست جلسة تفكير بالعقل وقلت ادفع 29000 ريال عشان 65 حصان
طيب السيارة اللي عندي الحمدلله ماشيه
اذا اخدت 3.5 طبعأً اكيد حيكون في سرعة بالتالي اخطار تجي عليا ومخالفات
وكمان عيون الناس ماترحم ( الحسد) يقولوا كل سنه سيارة
و اخيراً قررت اني ما ابيعها واخليها وفي مثل (ارضى بقردك لا يجيك اقرد منه)
و الله يبارك لي فيها والله يوفقك الجميع
لمن سألت في الشركة قالوا ان 2004 ماراح يتغير
الموضوع مازال يحتاج للنقاش
خُردة
17-12-2002, 01:40 AM
اهلين black scorpion ......
موترك يجيب 65000 بالراحه خصوصا اذا كان نظيف مثل ما قال الاخ ابو دانه ...
زي ما شاروا عليك الشباب اذا انت راعي طعوس غير لكن غيره ما يفرق واجد ...
ولاحظ جيب الربع اللاندكروزر كيف تغيرت قوته بعد ما حطوا مكينته بخاخات تغيرت القوه تغير موووووب طبيعي ..
عموما انا انصحك اذا جاب لك سعر زين بع واشتر الجديد خصوصا انك راعي طعوس...
الا اذا كان بيتغير الشكل 2004 .
مشكوووور اخوي.