PDA

View Full Version : الى الخبراء في ميكانيكا السيارات NFS $ KING SS والشباب

STS4ever
16-12-2002, 03:25 PM
السلام عليكم ..

اول شي اشكركم على مجهودكم في تثقيفنا من ناحية اعطال السيارات وكيفية اصلاحها وعشان كذا انا حبيت اسالكم يمكن الاقي حل وانشاء الله حلاقي ..

طبعا انا معي كاديلاك STS وكانت اول ماشريتها قويه وطرحت فيها كابريس LTZ 2000 وماكسيما 2002 المهم بعد فتره حسيت فيها ثقل خفيف في المشي وجربت مع الثقل هاذا مع كابرس LTZ نفس الاولى بس فرق علي فرق بسيط قلت يمكن عادي مو مشكله وبعد فتره زادت السياره في ثقلها لدرجة اني جربت مع ماكسيما وطرحني قلت يالله عديها المره هاذي لاكن اللي صار اليوم مايحتمل لاني في الفتره الاخيره حسيت فيها بثقل مو طبيعي وواضح وانطرحت من كابرس 96 LTZ !!!!!

فالمشكله اللي في السياره انه صار صوتها قوي بدون مشي يعني صوتها مو على مشيها المفروض اللي كانت عليه اول ماشريتها فياليت منكم خبرا الامريكي والميكانيكا تشوفوا حل لي لان الوضع بكذا خلالالاص ماينطاق

ولكن في شي ماادري له دخل في المشكله هاذي وهو اني غيرت طرمبة البنزين حقة كابرس 96 ماادري لها دخل في الثقل هاذا

واتمنى الاقي الحل الشافي لهذي المشكله المشهوره في السيارات الامريكي خاااصه

والسلام
deaddly 99 yukon
16-12-2002, 07:40 PM
جرب سوي تنظيف بخاخات بالوكاله انا عندي جمس و صار معاي نفس الشي و اي على فكره لاتنسى فلتر الهوا يمكن يبغاله تغيير .
وانشالله الشباب يفيدوك اكثر
King_SS
16-12-2002, 10:02 PM
رد مقتبس من deaddly 99 yukon
جرب سوي تنظيف بخاخات بالوكاله انا عندي جمس و صار معاي نفس الشي و اي على فكره لاتنسى فلتر الهوا يمكن يبغاله تغيير .
وانشالله الشباب يفيدوك اكثر

صحيح كلامك .... روح نظف البخاخات ..

بس ايش دخل طرمبة البنزين حقة الكابرس ال 96 ...؟؟
مين اشار عليك تركبها .. وليش غيرت حقة بلدها


على العموم روح نظف بخاخات في الوكالة .. او اذا انت من سكان جدة .. ممكن تروح لمقر شركة بوش وتنظف عندهم ..
الوكالة تنظف البخاخات وهيا راكبة في السايرة .. وانما شرطة بوش ينظفو البخاخات خارج السيارة .. وبالتالي افضل ..

وترا هذي طبيعية نظرا لجووووووووووودة البزين العالية هنا في السعودية ..

الكابرس حقي ايام زمان .. لما كان ستوك .. كنت شهريا والله انظف بخاخات .... شهرياااا
STS4ever
17-12-2002, 03:11 PM
مشكورين على الردود ياشباب وانا بجرب وانظف البخاخات واشوف حتنفع وبرد لكم خبر
NFS
17-12-2002, 03:28 PM
أخوي أنت تغير زيوت المحرك والقير والفلاتر بأنتظام؟

ليش غيرت لطرمبة البنزين تبع الكابريس؟
يمكن يكون الدفع حقها مش بقوة الطرمبة الأصلية.
xg30
17-12-2002, 03:40 PM
احرص على فلتر القير والزيت لانها مهمه مره انا كان معاي كادليك sts 2000 3شهور والقير طايح من المقاومات والمطارحات .
STS4ever
17-12-2002, 05:07 PM
مشكورين على الردود

NFS : والله يخوي انا اغير زيت المكينه لاكن القير ولا مره غيرته والفلاتر ماغيرت ولا شي ماعدا فلتر الزيت حق المكينه

بالنسبه للطرمبه انا سافرت وخليت السياره عند واحد لانه يحتاجها فتعطلت معه الطرمبه وركب حقت الكابرس وانا اتوقع لها يد في موضوع الضعف اللي في السياره الحين

xg30 : والله يخوي انا ماكنت حق مطارحات الصراحه لاكن لما خذت السياره هاذي صرت مجنون مطارحات والله يستر على القير لانه تعذب معاي الصراحه يعني لازم كل يوم مطارحه او 2 لان السياره كانت مغريه مرررره لاكن الحين :(

وبالنسبه لفلتر القير اخذته وان شاء الله اركبه قريب يعني على يوم الاربعاء او الخميس لاني مشغول الحين وبرد لكم خبر على الموضوع

ولكم الف شكر
Net Master
17-12-2002, 11:50 PM
رد مقتبس من King_SS




على العموم روح نظف بخاخات في الوكالة .. او اذا انت من سكان جدة .. ممكن تروح لمقر شركة بوش وتنظف عندهم ..
الوكالة تنظف البخاخات وهيا راكبة في السايرة .. وانما شرطة بوش ينظفو البخاخات خارج السيارة .. وبالتالي افضل ..


ممكن مقر شركة بوش؟وكم يكلف التنضيف عندهم
King_SS
18-12-2002, 02:39 AM
رد مقتبس من Net Master

ممكن مقر شركة بوش؟وكم يكلف التنضيف عندهم

في طريق مكة القديم ... يا اما في كيلو 10 او كيلو 8 .. ماني فاكر بالظبط لاكن في نفس المسار هادا ...

وطبعا السيارة توقف عندهم ويفكو البخاخات وينظفو البخاخ الواحد ب 35 ريال .. بس الله اعلم الان بكم سار