قبل دقائق، رأيت هذه السيارة

[سردال]

سلام عليكم

خرجت لصلاة العصر، فرأيت سيارة متوقفة قريباً من البيت، السيارة جديدة ولأول مرة أراها في الإمارات، وقد سبق وأن رأيتها في ألمانيا، بعد الصلاة عدت واختلست بعض النظرات للسيارة عن قرب، وقد كانت سوداء اللون، وهو اللون المحبب لي، إلا أنه لا يصلح لمثل مناخ الخليج، على أي حال، التصميم عندما رأيته في المجلات لم يعجبني كثيراً، إلا أنني أعجبت به عندما رأيت السيارة أمامي، ومن نظرة سريعة عرفت أن السيارة مزودة بمحرك سعة 2,2 لتر وخمنت أنه بأربع اسطوانات، هناك "حساسات" خلفية، ومن الداخل التصميم جميل جداً، الكراسي جلد، والمساحة جيدة، وهناك شاشة، هذا ما رأيته.


السيارة هي أوبل فيكترا :) وهذه بعض الصور:
http://www.cardesignnews.com/autoshows/2002/geneva/preview/opel-vectra/images/opel-vectra109s.jpg http://www.cardesignnews.com/autoshows/2002/geneva/preview/opel-vectra/images/opel-vectra108s.jpg
http://www.cardesignnews.com/autoshows/2002/geneva/preview/opel-vectra/images/opel-vectra883s.jpg http://www.cardesignnews.com/autoshows/2002/geneva/preview/opel-vectra/images/opel-vectra965s.jpg

قياسات السيارة بالمليمتر:
http://www.cardesignnews.com/autoshows/2002/geneva/preview/opel-vectra/images/opel-vectra322.jpg


- محرك 4 أسطوانات سعة 2.2 لتر بقوة 147 حصان (هناك محرك 6 أسطوانات بقوة 210 حصان)
- أقصى سرعة: 210 كلم/ساعة (محرك الست أسطوانات: 246 كلم/ساعة)
- الانطلاقة من 0 إلى 100 كلم: 10,8 ثواني (محرك الست أسطوانات: 7,5 ثواني)

مواصفات السيارة:
http://www.gmarabia.com/arabic/opel/vectra/vectra_features_ara.htm

المحركات المتوفرة:
http://www.gmarabia.com/arabic/opel/vectra/vectra_performance_ara.htm

الألوان المتوفرة:
http://www.gmarabia.com/arabic/opel/vectra/vectra_colors_ara.htm

[Infiniti Q45]

انتوا كل يوم تطلعون بسياره جديده

يوم سكودا

و يوم ماأدري شنو

انت و العم المتقاعد

[سردال]

Infiniti Q45: وهل هذا شيء إيجابي أم سلبي؟ لأنني لم أفهم ماذا تقصد بالضبط :)

[خليل أبو سمرة]

الله يخليك لشبابك

دائما مواضيع كافية و وافية

مرات يجي واحد يقولك انا شفت سيارة بس ما عرف شو هيه , و يسكت

بس سردال مبدع دوما

SL 55 AMG:glasses:

[Infiniti Q45]

بما انت المشرف

اكييد ايجابي ;)

لا بس كان قصدي للحين المتقاعد ماشرى سيااره

و سامحني على اسلوبي البايخ

على العموم شكراً على المعلومات

احلى مافيها انها من داخل مميزه

و لاحظت انه في فتحات تكييف في الخلف

و فخامه مو طبيعيه بالنسبه حق سياره بهالحجم و السعه

[كـيـمـو]

رد مقتبس من SL 55 AMG
الله يخليك لشبابك

دائما مواضيع كافية و وافية

مرات يجي واحد يقولك انا شفت سيارة بس ما عرف شو هيه , و يسكت

بس سردال مبدع دوما

SL 55 AMG:glasses:



وأنا اشهد

[سردال]

SL 55 AMG: تسلم على الكلمات الطيبة :)

Infiniti Q45: شكراً لك، العم مدردش أشترى سيارة من 3 أيام :) لكزس ES300 وأنا كنت معاه، أما الأوبل فهي فعلاً سيارة فخمة بالنسبة لفئتها، ويبقى نعرف سعرها وعلى الأقل يجربها شخص حتى يخبرنا بإيجابياتها وسلبياتها.


TIWNCAM: شكراً لك :)

[خليل أبو سمرة]

اشترى لكزس ولا اوبل ؟؟؟؟؟؟؟؟؟؟

SL 55 AMG :glasses:

[سردال]

SL 55 AMG: لا لا... اشترى لكزس :) بعدل اللي كتبته حتى ما يفهمني أحد خطأ :)

[Infiniti Q45]

يوووه اجل على البركه

موتر ماعليه كلام صراحه

بس عاد نبي ناخذ فره فيه

الله يعطيه خيره و يكفيه شرره

بس العم مدردش شكله مايسرع و نظامي

اتوقع انه مايتعدى الميه الا بعد سنه !

:laugh: :laugh: :laugh:

[-X-]

السلام عليكم

والله مواصفاتها رهيبة

انا شكلي راح ابدل الاوميجا وآخذ واحدة مثلها

وماقصرت ياسردال يعطيك الف عافية

[غريب السيف]

سردال شخبارك ...
انا شفت السيارة هذي كذا مرة في شوراع دبي ..

وسألت عنها في الوكالة اتعرف كم سعرها ...!!!!!
86 الف درهم فل اوبشن بمحرك 3.2 لتر سته سلندر وجلد وفتحه وشاشة وحساسات وكل ما يخطر على بالك ..

يعني سعرها مثل الاوميغا ..والناس راح تحتار شو تشتري :help:

والله خوفي يرفعون سعر الاوميغا !!

[760IL]

رد مقتبس من SL 55 AMG
الله يخليك لشبابك

دائما مواضيع كافية و وافية

مرات يجي واحد يقولك انا شفت سيارة بس ما عرف شو هيه , و يسكت

بس سردال مبدع دوما

SL 55 AMG:glasses:
اكيد .......

[سردال]

Infiniti Q45: على فكرة، تراه مب كبير وايد، يعني أكبر مني تقريباً بسنة أو سنتين، وهو تعلم القيادة في بريطانيا، وملتزم بالقانون وما يسرع، يعني يا دوبك يعدي 120 :)


-X-: لا تستعجل، يمكن الأوميجا الجديدة تكون رهيبة :) لكن حالياً، السيارة ممتازة فعلاً.


غريب السيف: أعتقد سعرها مناسب مقارنة مع مواصفاتها، وأعتقد أن سعر الأوميجا الجديدة والتي لا أعرف متى ستطرح، سيكون أعلى وتجهيزاتها أفضل بكل تأكيد، شكراً لك :)


760IL: تسلم :)

[BLUE_STEEL]

رد مقتبس من Infiniti Q45
انتوا كل يوم تطلعون بسياره جديده

يوم سكودا

و يوم ماأدري شنو

انت و العم المتقاعد

[مدردش متقاعد]

أشوف الجماعة قاعدين يحشون في و أنا مو موجود:mad:

Infiniti Q45:
ياخي بدال ما تبارك لي إني اشتريت سيارة يالس تحس في؟:).. الحمدلله استلمت السيارة البارحة.. حتى شوف الموضوع..لكزس و بس..خلينا السكودا للعم أبو سردل:)

http://www.swalif.net/sforum1/showthread.php?threadid=155549
ضحكتني الصراحة يوم قلت إني ما أعدي المية.. شو رايك نترايس طيب؟:).. الي يقول الحين إني دايناصور عمري فوق المية هههه

سردال:
ماأدري إنت من وين تطلع لنا كل يوم سيارة..:D .. عاد ما لاقين إلا الفكترا؟ في بريطانيا متروس منها .. و بصراحة أنا أشوف إنه شكلها قبيح خصوصا مؤخرتها تقول فيات من الجديم.. على الأقل الأوميجا أحلى شوي.. صحيح سعرها رخيص مقارنة مع مواصفاتها بس الشكل لك عليه:)
بعدين تعال.. منو قال إني تعلمت السياقة في بريطانيا؟ أنا تعلمتها هني في الإمارات.. بس يوم رحت بريطانيا طلعت رخصة من هناك إضافة إلى ليسن سعودي.. و إماراتي طبعا.. بعدين من قال إني ماأعدي الـ 120؟ معقولة أمشي على 120 كم و عندنا شوارع شكبرها و عرضها...؟:) الظاهر ماخذ عني فكرة مثالية زيادة عن اللزوم :p

[Infiniti Q45]

هههههههههههههه


صراحه لا تعليق على كلامك ياعموو

[سردال]

مدردش: الذوق أمر نسبي ويختلف بين شخص وآخر، شخصياً معجب بها، خصوصاً أني شفتها باللون الأسود، أما بالنسبة لك، فهذا اللي أعرفه، ما ركبت مرة معاك وعدينا 120 في أبوظبي أو دبي، يمكن على الخط لكن غير الخط سواقتك هادية :glasses: