***شكرا لكم سوالف السيارات***

[مدردش متقاعد]

السلام عليكم ورحمة الله وبركاته

أخيرا استقر بي الأمر و قررت شراء سيارة لكزس ES300 .. و الحمدلله استلمتها البارحة العصر... ما أخفي عليكم إني كنت متردد بعض الشيء لأنه كان في خاطري أشتري الـ GS300 لكني تراجعت بناء على نصيحة كثير من الأخوان بعد أن علمت منهم بأن شكلها سوق يتغير قريبا.. فما بغيت أغامر و أشتري و بعدين أتوهق:OO:
لكن الحمدلله هذا التردد كله زال بعد ما ركبت السيارة و سقتها بنفسي علشان كذا أنا أنصح بشدة أي واحد يريد يشتري سيارة ما يطلع من باب الوكالة إلا بعد ما يجرب سواقة السيارة الي يفكر فيها (Test Drive) ..:)

نوع السيارة لكزس E300 فل أبشن إضافة إلى الجناح و الزوايد الجانبية الرياضية... اللون الخارجي Silver و من داحل بيج..طبعا المواصفات ما يحتاج أذكرها فكلكم ماشاء الله فطاحل في عالم السيارات و أكيد تعرفونها:)

http://www.lexus.com/images/showroom/model/gallery/extphotos/es/ext_E3-520.jpg

http://www.lexus.com/images/showroom/model/gallery/intphotos/es/int_E3-500.jpg

أعتبر نفسي محظوظ لأنه ما كان عندي خيارات بالنسبة للألوان .. كل السياراة الي في الوكالة كانت محجوزة..و إذا كنت بلاقي ما كنت أقدر أشتري إلا الأبيض... أو إني أحجز سيارة من دفعة شهر يناير..لكن الله وفقني لشراء هذي السيارة:)


أشكر جميع الأخوة الأعضاء الي ساعدوني في عملية الاختيار و أقول لهم الله يعطيكم العافية...و ماأنكر إني استفدت منكم استفادة كبيرة.. لا تقدر بثمن..و أعتقد أنه سوالف السيارات من أفضل منتديات السيارات العربية.. طبعا هذا كله بفضل جهودكم و من خلفكم و جهود الأخوة المشرفين و القائمين على المنتدى..

مو شكلي طولت عليكم:D



لا تنسون تدعون لي :)



أخوكم


مدردش متقاعد

[M5]

مبروك أخوي مدردش .. واختيار موفق ان شاء الله

وأي خدمة احنا حاضرين

[MAD MAX]

الف الف مبروك على السيارة
والله يعطيك خيرها ويكفيك شرها

بس انت قلت انه عليها اضافات جناح خلفي وزائد جانبيه رياضيه
ماادرى انا ماسمعت انه لها زوائد
ماادرى اذا سنحت لك الفرصه انك تصورها بالزوائد هاذي او تحط صوره لسياره بهاذى الزوايد

ومبروك مره ثانيه

[كـيـمـو]

الف مبروك والله
الله يعطيك خيرها ويكفيك شرها



اختيار موفق واحسن شي انك اقتنعت بالسياره واعجبتك

[مجنون سيارات]

الف مبروك

يعطيك خيرها ويكفيك شرها

[STS4ever]

الفففففففف مبروووووووووووك ويبعد عنك العين والحاسدين ياااااارب ويعطيك خيرها ويكفيك شرها يارب

الف مبروك

[ViPEr_&_7 sERieS]

رد مقتبس من STS4ever
الفففففففف مبروووووووووووك ويبعد عنك العين والحاسدين ياااااارب ويعطيك خيرها ويكفيك شرها يارب

الف مبروك

[أبو نايف]

الله يطعمك خيرها ويكفيك شرها

[S8]

الف الف الف مبروك والله يعطيك خيرها ويكفيك شرها

امممممممممممم ابغى وعد منك ..............

تقدر؟
تقارن لي بينها وبين سيارتي البيجو؟
اذا ماعليك كلفة ؟


لاني والله من زمااااان ادور واحد عنده ES300 والحمد كان الاختيار من نصيبك



ارجو التكرم بذلك
ودمتم

[BLUE_STEEL]

رد مقتبس من M5
مبروك أخوي مدردش .. واختيار موفق ان شاء الله

وأي خدمة احنا حاضرين

الله يعطيك خيرها ويكفيك شرها

[زورو الامارات]

السلام عليكم ورحمة الله وبركاتة

قبل كل شي اقول لك

الله يبارك لك فيها

يعطيك خيرها ويكفيك شرها

وبصراحه اللكزس ماعليها كلام لو سعرها غالي شوي لكن تحصل مقابله ثمن من جوده وتميز وبرستيج ومن هالسوالف

---------- موضوع الشكر-------------
لاشكر على واجب يا مدردش افا عليك بس
احنا اخوانك في المنتدى والي يسرك يسرنا والي يضرك يضرنا
والحمدلله على كل شي

وانصحك تحافظ على السيارة لانها ماشاء الله من النوع المعمر
الي يعيش عندك
ولاتنسى التمرين الصحيح للمكينه تجنب التسارع الشديد والبريك القوي
ولاتمشي السياره على درب طويل بسرعه ثابته لا خلك شوي فوق وشوي تحت
واذا فيه اصوات او اي شي (ان شاء الله مايكون فيه) لازم تراجع الوكاله وتقول لهم اول بأول خدمة اللكزس احسن من تويوتا فخلك زبون متطلب يعني تطلب الشي الممتاز ولا ترخي مع الصيانه خلك فوق راسهم يخلصون لك شغلك

تحياتي للجميع

[CAMARO4EVER]

رد مقتبس من STS4ever
الفففففففف مبروووووووووووك ويبعد عنك العين والحاسدين ياااااارب ويعطيك خيرها ويكفيك شرها يارب

الف مبروك

[أمير أبوظبي]

رد مقتبس من M5
مبروك أخوي مدردش .. واختيار موفق ان شاء الله

وأي خدمة احنا حاضرين

[B J]

رد مقتبس من مجنون سيارات
الف مبروك

يعطيك خيرها ويكفيك شرها

[ZAZA]

أسأل الله أن يكتب لك خيرها وخير ما جبلت عليه .
وأن يكفيك شرها وشر ما جبلت عليه

مبروووك اخي الكريم

كنت أتمنى من كل قلبي أن تأخذ سيارة ألمانية ..

بس es300 حقيقة تستاهل وتحافظ على سعرها ..

ألا بحمد الله تتم الصالحات ..

:) :) :)

[أبو غازي]

ماشاء الله تبارك الله ..

ألف مبروك .. يعطيك خيرها ويكفيك شرهــا .. تتربي بعزك ..
وتراها لك وللزمـــن ... :)

ألف مبروك مرة ثانية ..
بس ماقلت لنا إيش راح تسميهـــا ؟! :D


تــحياتــــــــــي :)

[BMW745Li]

السلام عليكم ورحمة الله وبركاته

تستاهل أخوي مدردش متقاعد



عندنا كلمة متداولة بشكل نسبي للي يشتري سيارة

وهي














جعلها أردى ما تركب

معناها إن شاء الله تكون أقل سيارة تشتريها أو أرخص سيارة تشتريها


طبعا الكلمة للأسف لها معنيين متضادين

والله يطعمك من خيرها ويكفيك من شرها آمين

[Infiniti Q45]

مبرووك

و لا تسرع فيها اوكي عموو ؟

و الله يعطيك خيرها و يكفيك شرها

بس كل اللي فيها حلوو

لكن ولا مره شفت هالزوايد الرياضيه و الجناح على اللكزس اي اس

ياليت لو تحط لنا صور لها

تحياتي

[Dreams_Maker]

رد مقتبس من MAD MAX
الف الف مبروك على السيارة
والله يعطيك خيرها ويكفيك شرها

بس انت قلت انه عليها اضافات جناح خلفي وزائد جانبيه رياضيه
ماادرى انا ماسمعت انه لها زوائد
ماادرى اذا سنحت لك الفرصه انك تصورها بالزوائد هاذي او تحط صوره لسياره بهاذى الزوايد

ومبروك مره ثانيه

:)

[lexus ES300]

مبروك أخوي ويعطيك خيرها ويكفيك شرها
أما بالنسبة لبعض المتسألين عن الزوائد والجناح الخلفي والتليفون
أوضح لكم الموضوع :
الله يسلمكم ويطول أعماركم ان اليكزس ES300 الي تجي عليها زوائد وجناح خلفي وتليفون تكون فقط عند وكيل لكزس في الإمارات والبحرين
أما باقي دول الخليج ما تيجي بها الزوائد ..
وعلى فكرة هذه الزوائد والتليفون تركيب محلي يعني الوكيل هو اللي امركبها بالنسبة للإمارات فهو شغل دبي واللي في البحرين شغل البحرين
واللي في السعودية ما تجي برنجات كروم ولكن تجي برنجات عادية (مطفية) وهي مواصفات وحده ( أي درجة وحدة)

أما في قطر فتكون هناك درجتين من المواصفات الفل أبشن برنجات كروم وجلد وفتحة
أما النوع الثاني فتكون مخمل ورنجات مطفية وبدون فتحة


ولكم تحياتي

[توتة]

مبرووووووووووووووووووووووووووووووك
مبرووووووووووووووووووووووووك
مبرووووووووووووووووووووك

تستاهل اللكزس يا مدرش وبتشوف انها مريحة و هادية في السواقة
سيارة ما عليها كلام و حتى لو بغيت تبيعها ما بيطيح سعرها

اختيار موفق الف الف مبرووووووووووووووووووووووووووك
حتى اللون روعة ;)

[CORVETTE^C5]

الف مبروك و الله يعطيك خيرها و يكفيك شرها

و لاتنسى حزام الامان ( الي يقول عاد انه احطه ) ههههههههه :D :laugh:

[مدردش متقاعد]

الله يبارك فيك أخوي.. و مشكور على نصايحك الغالية في مواضيعي السابقة:)

تحياتي لك:glasses:

[الشرقاوي]

الف الف الف مبروك:D

على فكره السياره هذي احبها من يوم ماكانو يقولون عنها الحقاد كامري الشيوخ:D

بس على فكره لو تلاحظ بالكتالوج هي اقوى من الكامري :D

وماصفاتها الحين ماتقاااااااااارن بالمدعو كامري:)

على العموم صديقي مدردش متقاعد انت من وين؟؟؟؟؟؟؟؟

[مدردش متقاعد]

الله يبارك فيك أخوي .. ما تقصر و الله:)

مثل ما قال الأخ lexus ES300 إنه هالزوايد ما تجي إلا في الموديلات إلي تنزل عندنا بالإمارات و البحرين.. و هاي معلومة ما كنت أعرفها صراحة إلا منه:)..
عموما الفرق بسيط جدا.. و هو الجناح الخلفي و عليها لمبات للبريك..و زوايد جانبية أو مثل ما نسميها (سبيدرات) .. و الرنجات أو مثل ما تسمونها (جنوط) تكون كروم لماع.. بينما في الفل أبشن تكون مطفية:)..

إن شاء الله إذا قدرت ألاقي حد يسلفني كاميرا ديجتال بصور لك السيارة و بحطها في المنتدى.. تعرفني شايب و ما وصلت لهالدرجة من التكنولوجيا:)


تحياتي لك :glasses:

[مدردش متقاعد]

TIWNCAM : الله يبارك فيك أخي الكريم.. ابن آدم ما يملى عينه إلا التراب:)


مجنون سيارات : الله يبارك فيك أخوي.. و عقبال ما نجيب البورش:)


STS4ever : آمين أخوي.. و أشكرك على المشاركة:)


ViPEr_&_7 sERieS : تسلم لي أخوي.. ما تقصر:)

أبونايف : الله يبارك فيك يا غالي:)


S8 :- الله يبارك فيك أخوي ..لو تبي الصراحة أخوي ترى مواصفات البيجو أحسن بكثير من مواصفات اللكزس.. بس أكيد الإسم يفرق و شعر ما بعد البيع..خلني أتعود على السيارة.. و إن شاء الله فالك طيب... و بتشوف موضوع يعجبك:)


BLUE_STEEL : ما تقصر أخوي.. و أشكرك على المشاركة:)


يكمل:)

[مدردش متقاعد]

زورو الامارات: الله يبارك فيك .. و جزاك الله خير أخوي على كلماتك الطيبة .. و على نصايجك الثمينة الي بطبقها إن شاء الله....:)

camaro4ever: الله يبارك فيك .و تسلم:)

مسولفي: الله يبارك فيك و يبقيك.. و إن شاء الله نسمع منك سوالف جديدة ;)

B J: الله يبارك فيك:).. ما تقصر


ZAZA: هلا و غلا ببتاع المازا..أكشك على مباركتك.. إن شاء الله الألماني بيجي في المستقبل.. خلنا نبدا حبة حبة :p



أبو غازي: حيا الله الغالي أبو غازي:)... الله يبارك فيك.. و عقبالك.. و للا ناوي تاخذ أمريكي زي خالك:)...بسميها المحروسة هههه.. و أنا أبو محروس :) :D :D

BMW745Li: الله يجزيك الخير أخوي..إن شاءا لله تكون أرخص سيارة أركبها.. بس المشكلة أسعارالسيارات كل يوم تطلع...ماأدري لوين بتوقف..بكرة الكورولا يمكن يوصل سعرها 100 ألف.. من يدري ؟ :D :D

يتبع:)

[خليل أبو سمرة]

بقول مبروك

و لا تنسى تدفع الرادارات اللي عليك

و حط خزام الأمان

و لا تتكلم في الموبايل و أنت سايق

في مخالفات غيابية على هذه الأشياء

و مبروك بعد مرة

SL 55 AMG:glasses:

[مدردش متقاعد]

Infiniti Q45 : الله يبارك فيك (خيو) و عقبال ما تلاقي البودمعة الي تريدها:).. إن شاء الله بحاول أحط صور للسيارة..بس يوم أشتري كاميرا :D :D



: : الله يبارك فيك أخوي.. و فالك طيب.. في أقرب فرصة إن شاء الله:)
Dreams_Maker

lexus ES300: الله يبارك فيك أخوي.. و أشكرك على هالمعلومات عن موديلات اللكزس.. بصراحة ما دريت إنه الزوايد ما تيي إلا على السيارات في الامارات و البحرين ..عموما أنا أشوف إنع الرنجات الكروم ما تكون حلوة إلا إذا السيارة لونها سيلفر.. و إلا فالرنجات المطفية شكلها أحلى.. و للا شو رايك؟




توتة: الله يبارك فيج أختي.. أنا لفيت و لفيت آخر شي رديت على اللكزس:).. زين ما توهقت بالراف ههه.. وينج يا ترى عن سوالف الأصدقاء؟




CORVETTE^C5: هلا أخوي الله يبارك فيك.. حزام الأمان دايم ألبسه خصوصا إنه مو مركب تلوين على السيارة:)


الشرقاوي: ياخي ليش تحبطني.. الحين لكزس صارت كامري؟ صح فيها شبه شوي.. بس المواصفات تختلف وايد:)... أنا من بوظبي دار الظبي:)


SL 55 AMG: هلا و غلا أخوي.. و الله يبارك فيك:) أشكرك على توصياتك.. الحمدلله خلال أكثر عن 5 سنوات سياقة ما حصلت غير 4 مخالفات رادار.. مب شرات بعض الناس.. المخالفات بالدرزن:)


أشكر جميع من شاركوا في الموضوع.. أنا ممتن لكم كثيرا :) :)


تحياتي:glasses:

[الشرقاوي]

انا قصدي ايام الشكل القديييييم:D

بس السياره الحين واااااااجد شي:D