View Full Version : أين أجد التشاليح (السكراب) في الشارقة ودبي؟
السلام عليكم ورحمة الله وبركاته
في أي منطقة توجد التشاليح في مدينة دبي والشارقة؟
وهل الأسعار أرخص من المحلات الموجودة في داخل البلد (أنا أقصد المحلات التي تبيع المكائن المستوردة من اليابان)؟
الغامدي عبدالله
19-12-2002, 02:13 AM
طبعا بتحصل انظف وارخص وفي الشارجه ويبيلك تاخذ فواتير منهم
والاسعار معقوله بس يبيلك تكون ذيب
:cool:
uae speed
19-12-2002, 03:18 AM
مرحبا NFS ..
بخصوص السكراب , فأنا انصحك تاخذ من الشارقه لأنها ارخص من دبي ..
اذا تعرف شارع bmw .. خلف المحلات اللي على هالشارع من اليمين واليسار بتلقى وايد محلات للسكراب .. بس يبيلك تطلع من الظهر وتدوووووور وتلف هناك علشان تشوف المحلات لأنك في الليل ما راح تشوف شي من الظلمه .. واغلب محلات السكراب تلقاها في السكيك ..
في دبي عندك منطقة ( الرمول ) قريبه من منطقة الراشديه .. اسأل هناك عن كراجات السويدي وهي معروووفه .. بس كاسرهم في السعر :)
وعندك صناعية عجمان ,, هناك بتلقى مكاين مستعمله لكل السيارات اللي تبيها وبالهبل واسعارهم رخيصة نوعاً ما ..
وأي خدمه ثانيه انا حاضر .. تحياتي :)
مشكورين يا شباب على الإجابة ، بس أخوي UEA Speed مب كأن وصفك هذا لمحلات المكائن المستعملة؟
أنا أريد محلات السكراب يعني سيارات مصدومة ومقلوبة بسبب الحوادث ،
ويفضل لو في خريطة (للأهمية)..... أو وصف دقيق على الأقل...
uae speed
20-12-2002, 02:35 AM
هلا NFS ..
انا قصدت اللي في صناعية عجمان عندهم مكاين مستعمله ..
اما التشاليح فتلقاها على جوانب شارع البي ام دبليو في الشارقه ..
اذا وصلت شارع البي ام , ادخل اي محل لقطع الغيار واسأل عن اماكن التشاليح ..:) بيدلونك ..
تحياتي لك ..:cool:
grandv8
20-12-2002, 02:53 AM
السلام عليكم ورحمة الله وبركاته
هلا اخوي NFS
جوف التشاليح او السكراب بتحصله بشارع بي ام دبليو يعني اول ماتوصل الجسر الاول للشارقة لاتركب الجسر بيجيك اشارة خذ يمين وبعدين بتوصل دوار روح يسار على طوول هذا يسمونه شارع بي ام دبليو بتحصل على يمينك ويسارك محلات يبعون رنكات السيارات ومحلات قطع غيار وبتوصل للتقاطع اول روح طوالي والثاني بعد طوالي وبعدين بتحصل تقاطع الثالث عند محطة ايبكو وشوية على اليمين بتحصل سكراب العلمين وبعد االتقاطع بتحصل سكراب ابراهيم بتحصل عنده كل شي .
وبعد اول الجسر الشارقة على اليمين بتحصل بعد سكراب وقطع سيارات للوارد الياباني من واجهة امامية وكل شي بتحصل عندهم .
اي سؤال انا حاضر.
:)
شكراً أخواني على المعلومات....
وأن شاء الله نردها لكم في الأفراح........
زورو الامارات
20-12-2002, 01:22 PM
السلام عليكم
اضن جراند وفاك وكفاك
وانا اعتذر لاني ما اعرف الكراجات في الشارقه ولا سوالف قطع الغيار
لكن حسب مانسمع ان كل شي متوفر عندهم
انا افضل قبل ماتجي تشوف ارقام التلفونات الخاصه بالكراجات والسكراب
وتكلمهم وتشوف كم الاسعار وغيرها من هالمواصفات
السلام عليكم
شارع بي أم دبليو طلع نفس المحلات اللي نروحها من قبل ، وهذي المحلات ما تبيع إلا مكائن السيارات المستوردة من اليابان ،
وأنا أريد سيارات مصدومة ومقلوبة.....
سؤال ، لا سمح الله حصلك حادث والسيارة أنعدمت ، أنتوا فين تودوا سياراتكم؟
يعني أنا أريد سيارات مصدومة لوحاتها إماراتية ما أبي وارد اليابان!!!
سؤال ثاني ، فين ألاقي مكتبة جرير؟ أو أي مكتبة بمستوى مكتبة جرير تهتم بشكل أساسي بالكتب الأنجليزية؟
mtayam
31-01-2003, 08:29 PM
مساكم الله بالخير يا شباب
كيف الحال انشا الله بخير
الا معلش على المقاطعه ابي وصف لكراج بن سليم بيرفورمانس
والسموحه
corvette 40th
01-02-2003, 03:32 PM
السلام عليكم
NFS
بالنسبه لسؤالك الثاني
في مركز دون في شارع الضيافه مكتبه متخصصه بالكتب الانجليزيه
لكن لا اعرف اسمها :help:
و في مركز سيتي سنتر بالقرب من معرض اللكزس بتلاقي مكتبه المجرودي و هي ايضا متخصصه بالكتب الانجليزيه
:) :) :) :) :)
مشكور أخوي Corvette 40th على المشاركة.....