صور كاراج فيوتشر تيم في الامارات ..

[uae speed]

السلام عليكم ..

هذي صور الجي تي الاصفر واالنيسان الاصفر لكراج فيوتشر تيم ..

الجي تي قوته الف حصان .. ويقطع الربع ميل في 9 ثواني ..

واكيد كلكم تعرفونه ..

والنيسان ما عندي معلومات عنه .. لكن افلامه موجوده في موقع toprpm

وتفضلوا الصور :


http://www.uaqboost.com/modules/My_eGallery/gallery/fut/01.JPG

http://www.uaqboost.com/modules/My_eGallery/gallery/fut/00.JPG


http://www.uaqboost.com/modules/My_eGallery/gallery/fut/02.JPG


http://www.uaqboost.com/modules/My_eGallery/gallery/fut/03.JPG


http://www.uaqboost.com/modules/My_eGallery/gallery/fut/04.JPG

http://www.uaqboost.com/modules/My_eGallery/gallery/fut/05.JPG


لمشاهدة باقي الصور والافلام ولمعرفة اخبار حلبة السباق في ام القيوين .. تفضلوا هذا الموقع ..

www.uaqboost.com

تحياتي للجميع .. :cool:

[زورو الامارات]

السلام عليكم

ماشاء الله يبان شغل الكراج نظيف وهو مرتب من الداخل وشكله غالي بعد

لكن السيارات الي فيه المزوده ولا وحده فيها سيفتي
الي هو القفص المقاوم للانطباق

يعني تزويد بدون امان
:(:(:(

[uae speed]

هلا والله زورو ..

شكرا لك عزيزي على الرد :)

[King_SS]

ياخي لو كنت كلفت على نفسك ووريتنا صورة المكينة حق الجيب .. كل ما اعدي من صورة للي بعدها اقول الحين اشوف صورة المكينة ..


عموما سيارات جبارة وشغل حلو مثلنا تماما ;) ;)

انا من اشد المعجبين بالسيارات المتعوب عليها .. تحس انك قاعد بين عالم فاهمة ..

انا اتمنى اروح الامارات عشان اشوف السيارات اللي عندهم .. وحيكون لي اتصال مع زورو الامارات عشان هو اللي حيكون دليلي ;)

بس عندي استفسار ..

ليش شعب الامارات مغرمين ومولوحين بحب سيارات نيسان بالذات ..

يعني مثلا بين 10 مواضيع تتكلم عن سيارات نيسان معدلة الاقي موضوع واحد تويوتا او موضوع واحد عن سيارات امريكية او اي ماركة اخرى ..

لدرجة هنا في السعودية اصبح عندنا فكرة عن شعب دبي انهم ملوك النيسان ...

وهنا في السعودية 90% من الشغل اللي عندنا امريكي واصبح يقال عننا اننا ملوك الامريكي ..


بس حنا شعب السعودية عذرنا معانا ..

يعني الامارات ماشالله عليها دولة متفتحة اكثر مننا .. وكل انواع السيارات موجودة عندهم وقطع غيار متوفرة وما عندهم احتكار للشركات المستوردة مثل ماهو حاصل عندنا هنا في السعودية .. يعني تلاقي وكيل سيارات امريكية .. تقاه السيارة اللي تعجبه اجيبها والسيارة اللي ما تعجبه ما يجيبها ..


عشان كدة حنا هنا في السعودية محرومين من السيارات اليابانية ومعززين بالسيارات الامريكية ..


تصورو انو في وكلاء السعودية مافي ولا وكيل تعب حاله وجاب سيارة تيربو .... الا متسوبيشي .. جاب الانسر الافلوشن وتحس انه مغصوب عليها .. كم حبة باعها وخلاص اكتفى

عشان كدة لو اشترينا سيارات يابانية من الخارج .. راح نلاقي صعوبة جدا في قطع الغيار والصيانة ..


بس ليش شعب الامارات مقصورين فقط على السيارات اليابانية ... وان وجد عندهم سيارات امريكية معدلة .. انما هي قلللة جدا وما اشوفهم يتكلمون عنها ..

هل الامارات بتعاني نفس مشكلة السودية بالنسبة للسيارات الامريكية او سبب اخر ؟؟

وليش حب النيسان طاغي على جميع الماركات الاخرى .. .


اخوكم احمد

[زورو الامارات]

هلاااااااا بالكينج وحياك الله في اي وقت انت تشرفنا

بالنسبة للباترول (احنا نسميه نيسان) اذا قال لك واحد عندي نيسان اعرف انه عنده باترول واذا واحد قال لك عندي استيشن اعرف ان الي عنده لاندكروزر

بالنسبة لتعديل النيسان
هو بالاساس خفيف جدا على الرمل يعني الكل يشهد له بكفاءته في الرمال
ولاتنسى الشعب عندنا يعشقون طلعات البر والتطعيس بشكل اسبوعي
وكذلك قوي على الشارع وخفتة تساعده

وكذلك تعديله سهل وبسيط وقطعه متوفره في كل مكان اغلى من تويوتا لكن متوفره دائما

الامريكي ليش مب ماشي عندنا الا بعض الطرازات

اول شي الوكلاء تعبانين توهم بدون يشوفون شسالفه ويتبهون على ارواحهم بعد ما ضاعت حصتهم من السوق

ثاني شي قطع الامريكي عندنا اغلى من السعوديه وتحس بالفرق

ثالث شي الامريكي يخرب كثير مشاكله كثيره خصوصا مع الحر والرطوبه الشديين في الامارات

خلال الثلاث سنوات الاخيره توسع مجال استيراد السيارات ذوات المقود على اليمين ومن هذا الشي بدأت تتوفر قطع الغيار المستعمله بشكل كبير

السبب في ذلك كون دبي محطه لاعادة تصدير هذة السيارات الى دول المنطقة مثل الهند باكستان افغانستان وكذلك افريقيا

ياخي لو تشوف المواصفات الي تنزل على السيارات اليابانيه ( سكانها على اليمين) او وارد اليابان

صدقني ماتسوق غيرها

اللكزس الجي اس 300 القديمة تنزل توين تيربو وجنوط وتلفزيون من الداخل وجلد فاخر

غير اللاندكروزر والكراون شي فضيع

تصور ان الكورولا الاستيشن وارد اليابان تجينا فورويل درايف 1800 سي سي هذا الطراز قبل 6 سنوات نازل في اليابان

بس مشكلة وارد اليابان انه مافيه امان لما تحوله الى اليسار يضل هناك فرق كبير

شفنا طرازات يا أحمد والله قمنا نتحسر على رأسها الجيتي السكاي لاين فضيييييييييييييييييييييييعه خصوصا بالكمبيوتر والشاشه الي داخلها

الايفوليوشن حدث ولا حرج
تويوتا عندها طرازات عمرنا ماسمعنا عنها

شفنا السيليكا الي عمرها ماراح تنزل عندنا
الهايلوكس يجي تماتيك بمواصفات فخمه
تصور

:Sad2: :Sad2: عالم عايشه

تحياتي

[King_SS]

والله يا خالد اقللك شي ... حنا هنا في السعودية ... مافي شي مهم في حياتنا قد اهتمامنا بالتميز ..

شعبنا اهتمامه بنقطة التميز جعل الكثير من المعجزات العجايب تطلع من عندنا ..
يعني مش بمجرد سيارة حازت على اعجاب الجميع اقومو اطيحون فيها .. لااااا ولاكن حبنا للتميز جعل البعض يهتم بعمل مشاريع على سيارات صغيرة وعلى اربع ابواب وعلى سيكل ودبابات وكل انواع السيارات ..


انت تقللي انو شعب الامارات يعشقون النسيان عشان خفيف وفيه المواصفات اللي ذكرتها .. بس هل في تميز في الموضوع .. اذا الكل طاح في النيسان وقام يعدل فيه ..

طيب ليش ما يطلع جماعه منهم يحبو التويوتا او الرانجلر او شيروكي او تويوتا قديم بالمررة او دودج او اي ماركات اخرى .. فمهتني كيف يا خالد ..

انا شايف التعديل كله قائم على النيسان .. لدجرة حنا هنا في السعودية ان ذكرت سيرة تلغيم او تعديل في الامارات قالو اكيد باترول .. مافي غيره .. يعني شبابنا اصبحو ميقنين انو اي تعديل عندكم حيكون على باترول .. واذا كان غير الباترول تلاقيني نتلفت ونركز في الموضوع

على الرغم من انك تقللي انو قطعه اغلى من تويوتا ..

او مجرد انتو تريدون متعتكم في البر فقط من دون تميز او فعل شي يعتبر ملفت من قبل الكل ..

لانه اذا الكل عنده نيسان والكل معدل ومزود .. مدري ما تحس انها فقيرة الى التميز ؟؟

حكاية الامريكي وسوء الوكلاء عندكم هذا شي انا ما الومكم فيه .. لانو حنا هنا بنعاني نفس المشكلة مع الياباني ..
بس معقول يا هوو قطع الامريكي عندكم ارخص من عندنا ... من جد فاجأتني ..
ياخي انتو الجمارك عندكم تاخذ 3% وحنا هنا 12 % سابقا والان اصبحت 5% .. يعني ما زلنا تكلفة القطع عندنا المفروض تكون اغلى من عندكم .. بس غريبة والله

طيب هذا بالنسبة للوكلاء والسيارات اللي من الوكالة .. طيب بالنسبة للسيارات الشبابية .. يعني ما اشوف كماروهات معدلة او كورفتات او اشياء من هالقبيل بكثرة عندكم .. اقصد من ناحية التعديل وخلافه ..
اشوف معظم الشباب يطلبون سيارات من اليابان اكثر مما يطلبون سيارات معدلة من امريكا .. امكن عشان قطع الامريكي عندكم غالية .. اذا كان كدة فمعاكم حق ما تعدلو امريكي ..

وبالنسبة لتوسع استيراد السيارات ذات المقود اللي على اليمين .. انت تعرف انها ممنوعة عندنا هنا بمرسوم ملكي .. منعا باتا ,.. من انها تدخل السعودية .. ليش ؟؟؟؟ الله اعلم ..

طيب هالمواصفات اللي قلتلي عليها للسيارات القادمة من الخارج .. هل سياراتكم تحمل نفس المواصفات .. اقصد الوكلاء عندكم هل بيجيبو افلوشن وسكايلاين في الوكالة .. ولكزس توين تيربو والمواصفات اليابانية هذي .. ام انها مجرد مقصورة على السيارات القادمة بطلبيات شخصية من اليابان ..


هنا في السعودية مافي شي على لسانهم الا وسير المواصفات الاماراتية .. ذبحونا بيها .. كل شوي ناط واحد يقول ابي اجيب مدري وشو سيارة مواصفات اماراتية ..

هل انتو سيارات ذات التيربو موجودة في الوكالة ولها قطع غيار وصيانة وضمان .. وخلافه ..

عموما انا تقريبا اتضحت الفكرة اللي كنت ابحث عنها .. وهي تؤول في الاول والاخير الى الوكيل المستورد للسيارات .. زمام الامور كلها بيده ..

انتو عندكم مشكلة الامريكي وحنا عندنا مشكلة الياباني ..

وكلها بسبب الوكيل ..

بس احنا امكن نفرق عنكم بالتنويع في السيارات ..

يعني عندنا مثلا في شارع اسمه التحلية .. عطله نهاية الاسبوع .. تلاقي من كل سيارة شفتها في حياتك وحدة ماشية في الشارع ..
وكل واحد عامل مجهوده في سيارته سواء كانت اربع ابواب او صغيرة كبيرة متوسطة او حتى فان ..


وتحياتي لك يا خالد ولملقي الموضوع اهنئه على الموضوع الحلو اللي اتحلي الفرصة اني اتعرف على اشياء اكثر عن الامارات كنت في جهل عنها

[King_SS]

اقصد معقول قطع الامريكي عندكم اغلى من عندنا

[زورو الامارات]

اي نعم يا احمد

مرة سألت مدير قطع الغيار في وكالة الجمس الوطنية للسيارات في دبي

قلت له ليش قطع الغيار عندكم اغلى من السعوديه

قال لي لان السعوديه تستورد قطع غيار بشكل كبييييييييير جدا

اما في الامارات فيستوردون شي بسيط لذلك يطلع السعر غالي

ناهيك عن بعض وكالات الامريكي الي تنهبك نهب

خصوصا الجيب والدوج غاليه مو رخيصه

اما عن الفورد ماعندي علم لان نادرا ماتشوف احد يسوق فورد

تصدق في الشغل معاي عندنا فوق ال 240 موظف

ويوقفون في مواقف متقاربه في سيارتين فورد بس

الاولى اكسبلورر اشتروها لانها فورويل

والثانيه ميركوري توباز 92 صاحبها يبي يبيعها ب 3000 مو محصل احد يشتريها

[uae speed]

مراحب ::

ما شاء الله منورين الموضوع بردودكم الحلوة كنج اس اس وزورو :)


اخوي كنج اس اس ... فعلا الكلام اللي قاله زورو صحيح ..

اكثر شباب الامارات طايحين في المواتر الياباناية وخاصة الفور ويل علشان قطع الغيار المتوفره بكثره وفي كل مكان خلاف الامريكي ..

واعتقد شباب قطر نفس الشي ..

وللنيسان بشكل خاص نكهة خاصة عندنا .. ما دري ليش .. نعشقه لحد الجنون .. مثل الاستيشن ( اللاند كروزر ) .. تلقاهم مثل النمل عندنا بالشوارع ...

واذا زرت دبي .. لا تنسى تاخذ لفة على شارع الضيافة بالليل ..
وتشوف العحب
:cool:

على فكره , ترى كراج فيوتشر تيم يعتبر من افضل كراجات التزويد حاليا
ومشهور وايد عندنا .. واكثر شي يزودون النياسين فيه ..

والريس اللي يصير مثلا بين نيسان ونيسان نعتبره حدث مهم جدا .. تخيل ..! ونفضله على اي ريس عادي لأي سيارة سبورت مع سبورت ..

والعضو Crower اذا تعرفه عنده خبره كبيره في سيارات النيسان واعتقد انه يملك وحده مزوده فل .. ويمكن يقدر يفيدك ويفيد جميع الاعضاء بخبرته :)

واسف كأـني طولت .. والسموحه :)

[Net Master]

مافي اي موقع عن سيارات دفع رباعي معدلة؟انا شايف اغلب اللي في الورشة باترول

[PRINCEMQ]

جميل جدا

مشكور أخوي على الصور.

[uae speed]

هلا مشكورين على الردود ..

بخصوص مواقع الفوريل .. هذي بعض المواقع :

http://www.4x4now.com/

www.off-road.com

www.4x4.is

http://www.4x44u.com/

تحياتي لكم ..

[Net Master]

شكرا علي المواقع لكن انا اقصد مواقع امارتية

[abu_nasser]

معليه عندي تعليق بسيط اخوي زورو الامارات

حنا بين كل ثلاثة ايام لازم نطلع على البر اتكلم عن اهل الرياض و خصوصاً ايام الخميس و الجمعة لدرجة انه خلاص صار شيء لازم و

بس مع التعديل عندكم في الامارات الا انه السواقه عندكم اكثر من ممتازه و منظمين مرره

و انا يوم جيت عندكم احس انه الوحيد اللي يعد على الـ120 انا و الكاميرا شغاله خاص عند جسر آل مكتوم :D اظن اني صرت مشهور هناك و كمان في شارع الجميرا

عموماً اعتذر عن خروج عن الموضوع لكن كراج متاز و يستاهل زيارة

و مشكورين على الموضوع

[uae speed]

هلا ابو ناصر ..

مثل ما ذكرت الرادارات متروسه على شارع الشيخ زايد الى قبل جسر القرهود ..

واللي جاي زياره لدبي من قطر او السعودية , اتحملوا منها .. اعتقد هم اكثر عن 9 رادارات ثابتة .. والله يعين :D

[saleen]

اولا شكرا اخوي على الصور
بس حبيت اوضح شي عن السكايلان
انت متاكد انه 1000 حصان لان انا عندي فيديو هذي السكايلان مع سكايلان ثانيه وقام عليه
يعني كم بيكون السكايلان الثاني
والفلم في موقع
speed4ever.com

على العمووووووووم مشكور اخوي uae

[uae speed]

هلا اخوي ..

متأكد 100 % .. الف حصان ينطح حصان :D

الجي تي الاصفر انباع يا خوي .. واللي يسوقه حاليا ما يعرفله صح ..

والا نسيت الفلم مع الدراجه 1300 سي سي هايبوسا .. شوف الفلم
واحسب عدد العواميد .. :shock2: هذا قبل ما ينباع , وراعيه يعرف يسوقه صح :)

والجي تي اللي فاز على الاصفر في الحلبة هو الاحمر .. والمنافسة بينهم فقط في حلبات ام القيوين ..

وشكرا لك على ردك :)