العجب العجاب

[lexus ES300]

كل عام وانتم بخير
ومن العايدين

كنت من قبل يومين في دبي طبعا لأجل مهرجان التسوق وفي دبي عندي ولد خال وفي يوم العيد قالي ولد خالي تجي معاي ( دبا ) ؟؟؟

قلته وين !!!

قال منطقة دبا وبتشوف العجب العجاب

والله وركبنا السيارة وخذنا الكاميرا ودف وكان ذلك حوالي الساعة 5،30 العصر وما وصلنا الا الساعة تقريبا 7.15 المنطقة وشفت العجب العجاب


تدرون ويش يطلع العجب العجاب



:confused: :confused:

شفت تقريبا ما يزيد عن 1000 سيارة معدلة وملغمة وفيها كل ما تقدر اتقول عن السيارات

طبعا وقفت السيارة بعيد شوي ومشينا خوفا من اي احداث مفاجئة (يعني حق الشردة حسب ما كنت متوقع)

وعلى الساعة 8 اطلقوا الإشارة والإ يبدأ الاستعراض بكل انواعه وفي أكثر من جهة وبشكل منظم :confused:

يعني واحد من الشباب هو الي ينظم عملية الاستعراض

والله وقعدنا وصورنا فيلم مدة 90 دقيقة وخلص الفيلم والشباب لحين شغالين

ويقولون انهم يتمون على هالحال لين الفجر


الحين البعض يقول هذا العجب العجاب أكيد في منكم شايفن هالشي
وأكثر



بس العجب انه الي صاير قريب من الشارع العام يعني مثل شارع الكورنيش او شاطىء نصف القمر (لأهالي السعوديه) وبعيني شفت سيارة شرطة جنب الموقع وما سوى أي شي ؟؟؟؟


هل هذا شييء عادي؟؟؟؟؟؟؟؟





:Sad2: :Sad2: :Sad2: :Sad2:
:confused: :confused: :confused:

[الغامدي عبدالله]

وين الفيديو
:black:

[uae speed]

مراحب ::

منطقة دبا تقع في المنطقة الشرقية بالامارات يعني صوب خورفكان تقريبا :) هذا للعلم :)

طبعا في العيد اكثر الشباب من كل الامارات يروحون يخيمون هناك واكيد لازم يكون في استعراض .. وهو بجانب صخرة جبلية كبيره :)

واذا تذكرون موقع race4ever , قدم العديد من اللقطات هناك :)

والشرطه ما تقرب هالمكان ابدا ابدا .. مع ان الشارع الرئيسي قريب من موقع الاستعراض .. عاد ليش ؟ أسألو الشرطه :D

أصلا ما يتجرؤون يقربون :D

العيد اللي طاف رحت هناك .. والاستعراض شغال من الظهر الساعه 12 الى الساعه 6 الفجر :shock2: تخيلوا .. وكنا مخيمين هناك ..

اخوي lexus ES300 .. اذا قدرت تحط الفيديو هني , تسوي خير والله :)

تحياتي لك :)