العلاقة بين سعة المحرك وقوة الحصنة !!!

[الأنصاري]

الصراحة هذا شئ انا مافاهمة
يعني مثلا الاندكروزر ال6 سلندر بسعة 4.5 وقوة 240 حصان
وفي الباثفايندر 6 سلندر بسعة 3.5 بقوة 240 حصان

يعني اكيد الكروزر اقوى بس الأحصنة متساوية فهل يرجع الى السعة

ممكن توضيح

[vette4ever]

صراحه اعتقد انه القوة في سعه المحرك لانه المحرك هو قلب السيارة

:cool: :cool:
مع تحياتي

[King_SS]

سؤال فوق الممتاز ... خاصة للناس اللي متحيزة للياباني او اي سيارات اخرى وتتفاخر بصغر حجم المكينة وكثر عدد احصنتها ..

المكائن .. هي عبارة عن لعبة .. يعني انت عندك لنفرض مكينتين كلاهما 4.0 لتر او 4000 سي سي

الاولى تلاقيها مثلا 200 حصان والاخرى ايضا 200
ولاكن ... وحدة العزم فيها 50 وعدد دورات المحرك 8000 دورة في الدقيقة والاخرى 150 وعدد دورات المحرك 4000 دورة في الدقيقة
تلاقي الاولى راكبة على سيارة صغيرة الحجم والثانية راكبة على شحنة ..

والفرق بين المكينتين انو الاولى حقة السيارة الصغيرة مخصصة للسرعات العالية
والثانية حقة الشاحنة مخصصة للسحب العالي

عشان كدة تلاقي فرق بين المكينتين جبار والاداء مختلف تماما على الرغم انهم نفس السعة ونفس القوة الحصانية


مثلا في جنرال موتورز عندهم مكينة مشهورة اسمها 502
ومنها نازل نوعين .. الاول 502 حصان والثاني 350 حصان ؟؟
هل يعقل مكينة بهذا الحجم يالله تطلع 350 حصان بس ؟؟؟

نعم صحيح .. وفعلا فالمكينة الاولى مخصصة للسيارات العادية والثانية مخصصة للتركات وسيارات السحب والتحميل العالي ..
نجد ان المكينة الاولى اللي عدد احصنتها 502 عزمها 502

والثانية بالرغم انو نفس السعة الا انها عدد احصنتها اقل وفي نفس الوقت والشي العجيب انو عزمها 610

شفت الفرق

مكائن السيارات اليابانية الصغيرة جدا.. تعتمد في تصميمها على احدث تكنلوجيا وعلى تقليل العزم وتزويد عدد الاحصنة بالمقابل .. فبالتالي سيارة تكون دوراتها 6000 دورة وانت طالع .. بينما تكون فقيرة تماما الى السحب او الحميل .. عشان كدة تلاقي المكسيما اذ اركب فيها اكثر من شخص يفرق في سرعتها وفي قوتها كليا ..


على خلاف الامريكي .. فكل جل اهتمامه .. هو الوصول الى اكبر عزم ممكن للوصول السهل الى العزم العالي .. وحكاية الاحصنة فهي ما تفرق معاهم لطالما توفر عندك العزم العالي ..
عشان كدة السيارات الامريكية .. كمثال الجمس .. لو ركبت فيه 12 نفر ما يرفق معاه خاصة اذا كانت مكينتة 454

وهكذا ...

والحمكة والسر يكمن في انو الشركات تتلاعب في شوط الاحتراق داخل المكينة عشان توفي احتياجاتها من سرعة للسيارات الصغيرة .. وللتحميل بالنسبة للشاحنات
وهي الكلمة الشائعة بين شباب اليوم واللي اسمها الستروك

عشان كدة تلاقي الهوندا تعشق على 7000 دورة كمثال .. والجمس ال 454 يعشق على 4000 دورة كحد اقصى .. والقوة الحصانية في الهوندا اكبر من الجمس .. ولاكن لكل سيارة واحتياجاتها ..



طبعا هي عملية ماهي سهلة وانما عشان اشرحها .. راح اطول وراح تاخذ مني وقت طويل وانا عارف انو الكثير ما راح يستوعبها ...

ولاكن ممكن تبحثو عن شي اسمه ستروك وانتو تعرفو ليش صانعين السيارات المعدلة طايحين فيه ..


ولاكن هي المسالة ماهي بسعة المكينة ولاهي بعدد الاحصنة ولاهي بعدد دورات المحرك وايضا ماهي بعزم المكينة .. وانما هي مسالة تلاعب في طريقة دوران المحرك من الداخل للوصول الى افضل نتيجة للمحرك من ناحية عزم وعدد احصنة ودورات ..

انا حبيت اقول الكلمة دي عشان في ناس بتقول كيف الهوندا 2000 سي سي وعدد اصحنتها 240 حصان او 250 حصان ..
صحيح الكلام دا ... اليابان قررت انها ترفع عدد احصنة السايرة وزيادة عدد دورات المكينة .. ولاكــــــــــــــــــــــــــن على حساب العزم .. والنتيجة ... قوة وسرعة ولاكن السيارة لا تقوى على حمل شي ثقيل بداخلها .. والا صاب المكينة الضرر

وهذا مثال ينطبق على جميع انواع السيارات

وسلامتكم

[الأنصاري]

مشكور على ردك اخوي King_SS والصراحة قريت كلامك اكثر من مرة وماشاء الله عليك خبرة :D :D
وعشان كدة تلاقي مكاين بمواصفات اقل تعدي مكاين بمواصفات اعلى في اشياء معينة
القضية مش سهلة بس يبي لها دراسة وتحصل العديد من السيارت ادائها عالي في البر وغيرها الي اقوها منها مايقدر
مثل ماتقول التجربة العملية تبين النتايج
واشكرك مرة ثانية على ردك

[زورو الامارات]

السلام عليكم

اشكر الاخ أحمد على شرحه الوافي وزياده الخير خيرين

في نظري السيارات ذوات الشوط الطويل ( الشوط المسافة بين اسفل الاسطوانه الى اعلى مكان فيها اي المكان الذي يحدث فيه الاحتراق داخل حجرات المحرك)
تتمتع بعزم عالي وقوه كذلك لكن يكون دوران المحرك اقل من محركات الاشواط القصيره.

السيارات اليابانيه تلجأ الى عصر المحرك الى حدوده القصوى وتستخرج منه احسن مالديه لكن مازالت تطور في مسألة العزم

العزم: اول ماتتحرك السياره تحس فيه يعني لو ركبت كابرس على سبيل المثال ودستها تقوم بكل سهوله حتى لو كانت محمله هذا هو العزم

اذا اردت احسن اداء للمحرك اجعل العزم عالي والقوه عاليه عندما يتقاطع العزم مع القوه على دوارن معين تحصل على اداء فضييييييييع جدا


نرجع الى موضوعنا لو قلت لك ان هذا الشخص طوله 165 سم ووزنه 70 كلجم وجسمه رياضي جدا وعضلاته مقسمه التقسيم الامثل
كيف يكون اداءه في الرياضات المختلفه ؟ يكون ممتاز جدا لانه يمتاز بالخفه

لكن لو اتيت لك برجل رياضي مفتول العضلات طوله 185 سم ووزنه 85-90 كجم ايهم اقوى ؟؟ بالطبع الاخير لذلك لو اردنا اعطاء الرجلين حمولتين متساويتين نجد ان الاخير يحملها بكل سهوله كذلك الاول يحملها لكن ليست بنفس السهوله

كذلك المحركات سعة المحرك الدافع الي القوه كلما زادت السعه تزيد القوه بشكل طبيعي مالم تتدخل الشركه وتوقف هذة القوه عند حد معين

لكن لماذا يلجأ اليابانييون الى استخراج قوه كبيره من سعة صغيره او متوسطه ؟

اولا:
لتقليل استهلاك الوقود من المعروف انه كلما زادت السعه زاد استهلاك المحرك من الوقود
لذلك يلجأ اليابانيون الى السعه الصغيره والمتوسطه

ثانيا:
كلما قلت السعه قل حجم المحرك مما يساعد على سهوله تصميم السياره ككل وسهوله تركيب هذا المحرك في داخلها

تحياتي للكل

[Third Eye]

والله صراحة كفيتو ووفيتو
بس لو توضح أكثر((اذا اردت احسن اداء للمحرك اجعل العزم عالي والقوه عاليه عندما يتقاطع العزم مع القوه على دوارن معين تحصل على اداء فضييييييييع جدا ))
يعني إذا صفيت الطبلون؟؟؟

[Third Eye]

والله صراحة كفيتو ووفيتو
بس لو توضح أكثر((اذا اردت احسن اداء للمحرك اجعل العزم عالي والقوه عاليه عندما يتقاطع العزم مع القوه على دوارن معين تحصل على اداء فضييييييييع جدا ))
يعني إذا صفيت الطبلون؟؟؟

وأيضا يعني السيارات الى تطلع الطعوس مهم العزم
بغض النظر عن السعة والأحصنة؟؟؟
وسيارات السرعة تمتاز بالأحصنة بغض النظر عن السعة والعزم؟؟

[King_SS]

رد مقتبس من زورو الامارات


اذا اردت احسن اداء للمحرك اجعل العزم عالي والقوه عاليه عندما يتقاطع العزم مع القوه على دوارن معين تحصل على اداء فضييييييييع جدا



سلم الله فمك يا خالد ...



عشان كدة يا شباب الامريكان والمكائن الامريكية على كبر حجمها لما يعملها ستروك وهي نفس الجملة اللي قالها خالد تقاطع الاثنين مع بعض القوة والعزم يعني بالمختصر المفيد .. تطبيق تقنية مكائن اليابان الصغيرة على سعة المكائن الامريكية الكبيرة .. ...والنتيجة ؟؟

تحصل على عزم فظيع لا يقهر ...


وهي الخطوة القادمة اللي قاعد ادرسها في الكابرس عوضا عن تغيير وحدة التيربو الى اكبر