هل في ضرر اذا بدلت المقود من يمين ال يسار !!

[evo.505]

السلام عليكم

ياشباب لقيت لانسر ايفولوشن VII وابغى ابدل المقود من يمين الى يسار وابي اعرف اذا في ضرر او لا

واذا احد يعرف بكم يسوونها وماهي الورشة اللي تبدلها مع العلم ان السيارة موديل 2001 واذا بدلتها تدخل السعودية ولا لا

[grandv8]

السلام عليكم

evo.505
يااخوي هلا بك

السيارة تقدر تبدل من مقود يمين الى يسار ولازم القطع يركب تكون اصلية من الوكالة يعني حوالي قطع كثير تتغير.

وتكلفة التغير من كراج الى كراج وم خبرة الرجل الفني من تبديل المقود
وشي كراجات عند دوكامز بدبي وشي بالشارقة وشي بعجمان متخصصين بتغير المقود من اليمين الى اليسار.
وشي سيارات تضبط عدل وشي لا ،لان التبديل يحتاج وقت طويل يعني
شهر او 20 يوم او اسبوعين حسبية نوعية السيارة وكيفية تبديلها.
ام تدخل السعودية انا سمهت حتى المقود اليمين مبدل الى يسار يعرفونه ومايسجل بالسعودية والحين انا ماعندي علم. لازم تسال.

واذا تحتاج اي سؤال انا حاضر.
:D ;)

[evo.505]

الف شكر لك grandv8 كفيت ووفيت

[عاشق التضبيط]

السلام عليكم

حبيت اقولك اخوي انك اذا بتبدل المقود من يمين الى يسار بتواجهك كذا مشكله

اولها القطع راح تختلف عن اللي عندنا


لاني انا عندي صني شاريها من الامارات وكان مقودها يمين وحولوه يسار

واذا رحت ادور قطع وا اعطيهم القطع القديمه يطالعون فيها ويستغربون ويقولون لي هذا حق صني ؟ :OO: :OO:

ثاني شي اذا بغيت تبيع قليل تلقى احد بيشتريها وشوفني انا متورط فيها لها اكثر من خمسه شهور موب راضيه تنباع :cry: :cry:

[NFS]

على حسب علمي المتواضع فأنه لا يسمح إستيراد السيارات المحول مقودها من جهة اليمين إلى اليسار، لكن <----- (أنتبه من هذه الكلمة!!)



الأسبوع هذا أنا شفت Skyline GTR R33 عندنا في الشرقية واللي سمعته أنه توه جايبها من الإمارات (يعني بعد قرار المنع):confused:

بس السيارة شغل عدل أنا ما قدرت أشيل عيني حتى أختفت السيارة عن ناظري:shock2: :damp: :corsair:

[NFS]

وعلى فكرة.......


المقود بجهة اليسار.......:banana: <------ يعني في أمل :)

[evo.505]

عاشق التضبيط:
اذا كانت على القطع هي مالها قطع في السعودية من الأساس
اذا يعني لاقدر الله صار شي طلبية لأني ابي السيارة و ان كانت مقودها في الوسط (مكلارين) ومشكور على ردك.

NFS:
انا سمعت انه ماتدخل السعودية وهذا اللي خوفني اخاف اني اروح ابدل وحالتي حالة وخساير وانتظار وفي الأخر ماتدخل

لكن قالولي ناس انه اذا عندك فيتامين (و) واسطة:D :D تدخل بالراحة وانا بأذن الله ابشوف لي كم فيتامين وادخلها.

ومن ناحية السكايلاين اللي تقول تراك ماشفت شي اذا رحت الى دبي اسأل عن معارض العوير هذي اللي فيها السيارات اللي تجي مقود يمين شوف هناك انواع السيارات الرياضية اليابانية تشوف الـZ الجديد وتشوف الـS2000 وتشوف الـNSX وتشوف السكاي لاين وتشوف الإيفو وغيره من الكثير من السيارات لكن اللي يقهرك انها مقود يمين لا وغير كذا كلها مواصفات خيالية طلع اللي ينزلونها عندنا فل كامل سياحي عندهم باليابان ومشكور على ردك وآسف على الإطالة.

[عاشق التضبيط]

على فكره انا من السعوديه والسياره داخله السعوديه ولا في اي مشكله




بس انا شاريها من معرض يعني هو اللي جابها من الامارات كيف جابها مدري






وفي ولد خالتي بعد نفس الشي كورلا كان المقود يمين وحولوه يسار وتمشي على الديزل






يعني ما اتوقع في اي مشكله في جيبتها للسعوديه بس يستحسن تسأل المختصين لا تسال شباب
لان كل واحد بيفتي من عنده

[evo.505]

عاشق التضبيط

مشكور على الإفادة

طبعا انا ماراح اشتري الا لما اتأكد انها تدخل السعودية او ادبرلي واسطة

لكن غريبة تصدق اول مرة اسمع عن كورولا ديزل.

[gts]

هلا اخوي

evo.505
انا لعلمي الخاص يعني اذا تبدلت عادي مافي اي اشكال وتدخل السعوديه براحه

=====================
الأسبوع هذا أنا شفت Skyline GTR R33 عندنا في الشرقية واللي سمعته أنه توه جايبها من الإمارات (يعني بعد قرار المنع)

اما عن الاسكايلان الا يقول عنه اخوي
هذا موجود في القطيف في منطقة العواميه
وهم جابوه بوكاله من دبي يعني مو تصدير
لوحاته دبي وليس تصدير

اوكي
شكرا

[sonic]

اسمحولي يا جماعة اشارككم في الموضوع هذا :)

في البداية أحب اوضح للجميع انه بالنسبة للتبديل من اليمين والى اليسار هي شغله مش سهلة يعني اللي بيبدلك لازم يعطيك ضمان على التبديل وتكون طريقة توصيل الاسلاك بالكبس يعني مش شغل اي كلام توصيل ولف بتيب :damp:

فنصيحتي للي بيشتري سيارة ويحب ايبدل يسأل عن طريقة التبديل والضمان وطبعاً سعر التبديل يختلف من سيارة لسيارة وفي العوير اكثر من كراج وانا لي صديق جرب عند كراج اعتقد اسمه الالماني والله مش ذاكر.... لسيارة لكزس 300 .. بس والله شغله كان شغل عدل وكان كل يوم صديقي يطمن على السيارة وعلى الشغل...

بالنسبة لدخول السيارة للسعودية والله ما عندي اي فكره انا من الامارات..... وبالنسبة للمعرض اللي يبيعها في السعودية فهذا على ما أعتقد انه عنده واسطه كبيره وايضاًً اذكر دخلت كراج في العوير كان صاحبه سعودي يبدل السيارات ويصدرها للسعودية ويحصل الفايدة:glasses2:

تحياتي للجميع :cool:

[زورو الامارات]

السلام عليكم

بالنسبة للتحويل من اليمين لليسار

فهي مسألة خطيرة جدا يا شباب

اهم شي فيها الامان وثم الامان وثم الامان


الرودات والمزانية للسكان ( الدركسون - الطارة)

مايضبطها غير مصنعها وكثيرين تسببت لهم هذة المشكلة في حوادث


واشياء كثيرة كذلك تساهم في امان السياره اليابانية المفقود اصلاً

فنصيحة الى كل الشباب لاتشترون سيارة ذات مقود على اليمين

[VW-609]

اهلين

اخويه ،،،
انا اليوم كنت عند المرور

وقريبت قرار جديد ،، انا لا يسمح بدخوول السيارت ذات المقود اليمين او المبدله !
فالسياره الجايبه ترجع لمكان موردها او تدخل كاقطع غيار


يعني لا تعب حالك وتشتريها

[evo.505]

زورو الامارات :

الف شكر يامشرفنا الغالي على النصيحة وانا ماراح اشتريها

بس قهر وين راح احصل ايفولوشن مقود يسار الله يعين:cry: :cry:


VW-609 :

الف شكر على المعلومة

والشكوى لله

:black: :black:

[VW-609]

evo.505

الشكوى لله

[®Lumina ss 2002]

لو عن ايفو فأنا بقولك ليست هنالك مشكلة لان عدنا في الامارات في وكيل لميتسوبيشي يجيبلك ايفولوشن سكان يسار طلبية بس ما متأكد 100% يمكن اخونا زورو الامارات عنده معلومة او تعليق عن كلامي :glasses:

[evo.505]

هلا أخويlumina ss 2002 مشكور على ردك

وبالنسبة للوكالة فأنا رحت لوكالة ميتسوبيشي اللي بدبي يوم كنت هناك وسألت عن سعرها قالولي 127 الف اذا انا ماني غلطان المهم انا سمعت المية طلعت لان حرام ياخي فوق المية الف وانا محصل وحدة 2001 مقود يمين بـ50 الف درهم وماشية 24000 كيلو قلت بدال ماادفع المية وماادري كم ادفع حوالي 60 الف واخذ السيارة جاهزة مجهزة واستعمال نظييييييييف