View Full Version : وش تعرف عن البي ام 740 iL موديل 95
STS4ever
10-03-2003, 02:06 PM
ابي كل المعلومات المهمه عنها وهل البي ام بالموديل هاذا مشهوره بمشكله معينه او شي من هاذا القبيل
لاني ناوي على بي ام وابي اشوف واعرف كل شي عنها
سلام
kin porch
10-03-2003, 03:01 PM
740موديل 95 الى 97 متطابق تماما .. السيارة ممتازة كفخامة وقوة وراحة
وانا كان عندي موديل 96 وما شكيت من اي شيء ابدا ما دام انك تحافظ على صيانتها أول بأول .. بس صيانتها غالية يعني كل 10000 كلم خلك جاهز بخمسة الى سبعة الف ريال على الاقل .. لكن اذا بتشتري مستعمل افحصها بالوكالة اضمن ...
STS4ever
11-03-2003, 06:15 AM
طيب وشي الصيانه اللي صلحتها وكلفت 5000 او 7000 زي ماقلت وبرضه كيف تعطلت ووش اللي تعطل
واعذرني على الاسئله الكثيره لاكن انا محتااج صاحب بي ام استفسر عن السياره عنده
kin porch
11-03-2003, 07:00 AM
اخوي اي سيارة مثل البي ام تحتاج صيانة قبل ما تخرب وبالذات الاشياء الاستهلاكية مثل الفرامل والبواجي والزيوت و و و و
والفرق ان قطع غيار البي ام اغلى من بعض السيارات ... وبالوكاله اذا وديتها بيطلعون لك قائمة اشياء ويقولو هذي لازم تغيرها ...
بعطيك مثل: الهوبات ( الدسك ) ياخذ فترة وبعدها لازم يتغير او يروح للمخرطة والوكالة ما تعرف المخرطة ولازم تغير جديد !! واشياء كثيرة يغيروها وباقي لها بالعمر لكن هذا نظام الوكالات ..
اذا ما تريد الوكالة لازم تبحث عن ميكانيكي ممتاز ومجرب ويشتغل بالسيارات الالماني بس ويكون يتابع لك حالة السيارة أول بأول ...
غير كذا حرااام تودي السيارة لأي ورشة ..
اية استفسارات اخرى لا تتردد ابدا حنا ان شاء الله أخوان
STS4ever
11-03-2003, 08:55 AM
مشكوووور اخوي واذا تقصد الصيانه العاديه عاادي مو مشكله هاذي اشياء استهلاكيه ولازم تتغير لاكن انا والحق يقال اني ماسمعت اي مشكله قيلت في البي ام القديم ( 95 - 2001 ) ويمكن لحبي لهالموديل خلاني مااسمع شي فيها لاكن حبيت اسال قبل مااشتري لاني ناوي على واحد والله يكتب اللي فيه الخير
ومشكوووور مره ثانيه وانا خلاص بشتري لان الحين فهمت من كلامك ان مافي مشكله مشهوره لهاالموديل وكل الاعطال عاديه
واي خدمه انا حاضر
سلام
STS4ever
11-03-2003, 09:04 AM
طيب اخوي بغيت اسالك عن الاسعار ::
1- هوبات
2- اقمشه ( سفايف )
3- بواجي واسلاك
ومشكور اخوي
kin porch
11-03-2003, 10:55 AM
اتذكر ان الهوب الواحد في حدود 900 ريال ، الفرامل الامامي 380 ريال
(الشكمان 3400 ريال ومافي الا الاصلي) ...
غير كذا ما اذكر لكن تقدر تسأل قطع غيار وكالة بي ام . واحتمال تغيرت الاسعار ... وفي قطع استهلاكية كبيرة مثل الشكمان والاذرعة والراديتر
مهو بس الزيوت والبواجي والفلاتر ..
فاحسب حسابك وبالتوفيق
STS4ever
11-03-2003, 11:10 AM
والله القطع اسعارها روووووووووعه مقارنه بالكاديلاك ؟؟ القماشات اللي قدام عندي بـ 348 ريال يعني مافي فرق والقطع والله روووووووعه والشكمان حق الكاديلاك من الدبه اللي قداام الى اخر الشكمان بـ 4000 وشوي بس ناسي بالضبط كم
يعني والله كل شي تماااام وجزااك الله الف خير والله مااقدر اقلك كيف انت ساعدتني وريحتني وانا باذن الله خلالالاص شرااي ولاقي موديل 2000 سماوي جنوط 20 ومواصفات ولا اروع وباذن الله خلالالاص باشتريها وكل الشكر لك ياغالي
سلالالالالالامو
BMW745Li
11-03-2003, 08:19 PM
السلام عليكم ورحمة الله وبركاته
ال 740 ال 95 فيها عيب مصنعي لذلك أحذرك تشتري 95 خذ 96 وفوق
والعيب في المكينة
وشوف مكينة ال 95 وإي موديل بعدها رلح تلاقيها مختلفة
وأغلب ال 740 موديل 95 موظبة مكينتها
وبالتوفيق
حسب معلوماتي البسيطة والمتواضعة
ان الدفع الاولى من موديل 95 غير متوفر فيها زينون فانتبه:o
STS4ever
12-03-2003, 04:58 AM
الله خوفتني ؟؟!!
وش العيب هاذا ؟
ياليت توضحون لي وش العييييييييب ؟؟
STS4ever
12-03-2003, 01:12 PM
اهلين مااجد نور الموضوع :)
لا اللي باخذه انشاء الله فيه زنون شد بلد
لاكن بالنسبه للاخ اللي خوفني وقال فيها اختلاف في المكينه بس حبيت اقله ان مافيها ولا اي اختلاف ولا تغيير في المكينه من موديل 95 الى موديل 2001 ولو حتى مسمار واحد وهاذي الصور توضح كلامي
موديل 95
http://www.arab3.com/upload/images/Mar03/srab2_szUfRH.jpg
موديل 98
http://www.arab3.com/upload/images/Mar03/srab2_42nlt5.jpg
والواضح ان مافي اي اختلاف ولا فرق ابدا ابدا ولاكن يمكن اشاعات