View Full Version : مترددين بين الباثفاندر والجراند فيتارا
السائق المثالي
19-04-2003, 04:46 PM
يا شباب ،
بإذن الله العائلة الكريمة :D ناويين انهم يشترون جيب للطلعات والرحلات وللمشاوير العائلية ولـ( مآرب أخرى :D ) ،
وانحصرت الخيارات بين السوزوكي جراند فيتار ، وبين النيسان باثفاندر ....
طبعا السيارة إذا اشتريناها بتكون معي 24 ساعة
وأنا الحقيقة مصمم على اباثفاندر لأن الجراند فيتارا ما عجبني أبد ،
لكن الوالد مصمم على الجراند فيتارا ....:(
المهم يا حبايب :
حبيت أعرف النقاط الآتية ،
أي السيارتين أفضل في جميع النواحي ،
وياليت تذكروا لي السلبيات والإيجابيات في كلا السيارتين ( خصوصا الباثفاندر )
وأخيرا :
الباثفاندر ،
كم فئة متوفرة فيه .... بالتفصيـــــــــ:D :D :D :D ــــــل ... وكم أسعارها ( عندنا بالسعودية )
طبعا أنا أتكلم عن موديل 2003
ولكم جزيل الشكر
ابو دانه
20-04-2003, 04:27 AM
مافي مقارنه ابدا بين الباث والفيتارا
الباثفايندر اقوى وارسى وافخم وقطع غياره متوفر ورخيص وصيانته سهله وسعره عند البيع حلو
اما الفيتارا عزم كانه دباب ومافيه رساوه ابدا وقطع غيار غير متوفر
لذلك كان الباثفايندر يكفيكم (لانه مرتبتين بس ) اجزم عليه ولا تشاور
وهو يجي اربع انواع
نوع جنوطه حديد وشكله قبيح مدري كم سعره
وفيه ال se 3 انواع
ستاندرد سعره 79 قير عادي
فتحه + ريموت 83 قير عادي
فل كامل اظنه 95
والتماتيك يزود فيه اربع الاف
سردال
20-04-2003, 04:42 AM
إذا كانت السيارة حق مشاوير العائلة وما تطلعون بها البر، خذ لك باثفايندر، إذا السيارة حق البر، خذ الفيتارا، بالنسبة للفيتارا، صوت المحرك مسموع في الداخل، صوت الرياح في السرعات العالية مزعج، جودة عالية جداً، كان عندنا فيتارا من أول ما نزل قبل 10 سنوات يمكن، وكان أبوي وأخوي بعد يستخدمونه كثير في البر والبحر، مع ذلك السيارة أعطالها قليلة جداً، وقدراتها في الطرق الوعرة كبيرة.
لذلك جرب السيارتين وشوف، على فكرة، تويوتا برادو بنفس سعر الباثفايندر أو أغلى بشوي :)
السائق المثالي
20-04-2003, 05:50 AM
الله يعطيكم العافية يا شباب ، :help:
أخوي سردال : :help:
السيارة غالبا بتكون بالمدينة ، :help:
بمعنى إني هاليومين بأبيع سيارتي ، :help:
وأشتري إحدى السيارتين هذي ... :help:
وأشكرك أخوي ابو دانه على كلامك ، :help:
بس ودي أشوف الأسعار بالتفصيل ، :help:
واللي بآخذه بيكون جير عايدي . :help:
:help: :help: :help: :help: :help:
الأنصاري
20-04-2003, 07:17 AM
والله شوف الباثفايندر سيارة حلوة عائلية وشبابية قطع غيارها متوفرة واعتقد انها مناسبة لك
والفيتارا انا مجربها واقولك سيارة تستحمل وجيدة وتجيك بمحرك6 سلندر على بدي صغير وشبابية
اذا قدرت ناخذ الباثفايندر يكون افضل
واذا ماقدرت الفيتارا حلوة
بس ماتقدر تقارن بينهم لأنهم من فئات مختلفة ((صغير-متوسط))
السائق المثالي
20-04-2003, 07:22 AM
أشكرك أخوي بوعبود على الرد
حيرتني :D
بس غريبة ان فئاتها مختلفة ...
أنا أقصد بالفيتارا الجديدة العائلية الكبيــــــــرة ...
اللي انتجتها سوزوكي بآخر سنتين ....
يا شباب مافي واحد عنده خبرة وإلمام بأسعار الباثفاندر ........؟
هلا اخوي شبابي
الباثفاندر ماقد جربته
لاكن السزوكي قراند فيتارا XL-7 صراحه جربته عزم وحلو وويتحمل
طبعا 6سلندر 181 حصان
زورو الامارات
20-04-2003, 01:20 PM
السلام عليكم
الباثفيندر مافي مجال
من ناحية المحرك فهو 250-240 حصان حسب القير
السعه 3500 -6 سلندر يعني يعمر معاك
قطعه متوفره وارخص من السوزوكي في كل الاحوال
قوي وحجمه من الداخل حلو تقدر تقول وسيع
بس عيبه مافيه كرسي ثالث في الخلف ولا مكيف خلفي
احتمال يتغير شكله على السنه الجايه
السوزوكي حلو لكن ماله سوق وقطعه غاليه
حجمه اكبر بس مب متناسق يعني بتحس انه طويل وضعيف
بخصوص المحرك وقوته لا بأس فيها لكن مايقارن بالباثفيندر
انت اطلب تجربة السيارتين اذا متوفرات في الوكالة وشوف
:banana:
SKYLINE GTR
20-04-2003, 04:26 PM
الباثفايندر افضل بكثير ولا فيه مقارنة بينهم
SnoopY
21-04-2003, 05:29 AM
هلا ابوي !!!
شوف السيارتين حلوين و قويتين و خراباتهم اقل مما تتصور !!
انا اقولك !!
اذا كنت تحب الكشخه و الحركات هاذي خذ لك باث فايندر !!
اما اذا كنت شبابي حق بر و قومات و حرش في الاوادم خذ لك فيتارا ترا الموتر غير طبيعي !!:banana: :banana:
و على فكره ترا العادي منه يشد مع الماكس الاوتو !!;) :banana: :glasses2:
محبوب
21-04-2003, 06:07 AM
لالالا انت غلطت غلطه كبيره
الباثفايندر قوه وصلابه وشكل وعزم خصوصا الجديد واذا جا لونه زيتي
والله حرام يروح منك
الأنصاري
21-04-2003, 06:24 AM
احسن شئ تجرب تسوق السيارتين ولو كان عندي وقت يمكن امر على الوكالات واقولك عن الأسعار
على العموم في جميع الحلات انت بتحصل على سيارة تستحمل وقوية
بس الفروق حسب احتياجاتك يعني قطع الغيار والشكل والمواصفات في الباثفايندر والجراند فيتارا مكيف خلفي وتشيل 7 ركاب
ادخل موقع سزوكي وشف المواصفات..
http://www.suzukiauto.com/sr03/xl7/images/xl-7_logo.gif (http://www.suzukiauto.com/sr03/xl7/360_burgundy.html)
saeed>motors
21-04-2003, 12:32 PM
الباثفندر وبس والباقي كله ....................:D
abosaad
21-04-2003, 04:11 PM
ليش ماتشوف بردوا الجديد 2003 شكله حلو وعائلي 8 ركاب القير العادي بس عيبه انه 4 سلندر : مكينه هايلوكس 2.7 - 157 حصان وسعره حوالي 83500 الف ريال
السائق المثالي
22-04-2003, 03:40 PM
أشكركم جميعا يا شباب ..........
غالبا أني باخذ باثفاندر ,,,
لأني اليوم جربت الجراند فيتارا ...
وصوت الماكينة كأنها مكان الجير
مززززززززززززززززززززززعج
( ياليت تعطوني أسعار الباثفاندر يا شباب )