View Full Version : معلومات عن الطائرة المدنية : بوينج 777.
lumina
23-04-2003, 02:48 PM
السلام عليكم ورحمة الله وبركاته ..
حبيت اعطيكم موضوع عن الطائرة الضخمه بوينج 777
وهي التي نتكلم عنها إسمها : boeing 777-300
لأنه هناك فئتان منها وهي boeing 777-200
بسم الله الرحمن الرحيم ..
طبعا من الذي لايعرف البوينج ..
البوينج هي طائرة مدنية و أكثر من روعه و هي طائرة مخصصه للنقل المدني أي المسافرين و هذه الشركة المورد الرئيسي لطيران الإمارات الذي أعتبره أحسن طيران في الشرق الأوسط ( إلى الأمام يا إماراتنا) المهم الطائرة معروفه بالرفاهيه البالغة طبعا خاصة للرؤساء و إنتو عارفين ذلك:D
المهم الطائرة طبعا بعد التحري من بعض الأصدقاء الذي يعمل في مجال الطيران انها أحسن طائرات تكون على المطار اولا لأنها تحمل عدد كبير من المسافرين وثانيا صياناتها سهله وطبعا ثالثا تستخدم محركات رولس رويس وهذا الذي جعل شركة طائرة بوينج 777 مثالية لأن محركات رولس رويس معروفه بالدقة المتناهيه وقلت الصيانه مثل سياراتها ..
والطائرة هذه تستطيع حمل عدد من المسافرين وقدره368 مسافر مسافة 7000 ميل بكامل حمولتها ..
المواصفات
1:انواع المحركات :
1: Rols Roys
2: General Electric
2:أقصى حموله لها : 299377 كجم
3: كمية الوقود : 171.161 ليتر
4: اقصى مسافه تقطعها : 7000 ميل ..
5: السرعه عند الإرتفاع الإعتيادي أي هو ( 35000)قدم : 0.48 ماخ
6: هذه الصورة تبين أبعاد الطائرة :
http://www.nd.edu/~nwerner/Plane%20Drawings/Boeing%20777.gif
وهذه صورة تبني مدى طول الجناح وهو الذي يخزن الوقود طبعا :
http://www.visionengineer.com/aero/Singapore_777_Wing_1.jpg
صورها :
press here (http://delivery.gettyimages.com/comp/1736747.jpg?x=x&dasite=POD&dareq=0206031A1E5D111C15081D145C504440465647445C594D)
الكابينه :
press here (http://delivery.gettyimages.com/comp/1378225.jpg?x=x&dasite=POD&dareq=1F0B1E1F1B0F1A034C031C16190F145F4152444B4253465F485F)
http://home.zonnet.nl/widebody/b7773emi.jpg
وعسى إني كفيت ووفيت .... أخوكم الطيار لومينا :D
moon_back
23-04-2003, 02:52 PM
ايه ترى عندنا وحده زيها <<< صدق ما تعرف تنصب :D
ومشكورر والله يعطيك العاافيه على الموضوع .. :)
سردال
23-04-2003, 02:53 PM
شو تشتغل أخوي أو شو تدرس؟ :) مجرد فضول.
بالنسبة للطيارة، حقيقة كفيت ووفيت، وهذه الطائرة لها منافس من شركة Air Bus وكذلك Air Bus طرحت طائرة جديدة ذات طابقين أكبر من هذه الطائرة، وطيران الإمارات اشترت عدداً منها أيضاً :)
lumina
23-04-2003, 02:58 PM
مشكووور اخوي moon_back
اخوي سردال: لا ماعليك : انا الصراحه ميولي طبعا للطيران إن شاء الله و أدعولي يقبلوني في كلية الطيران في دبي و أنا طبعا أدرس وهذي آخر سنه أدرس وهي ثالث ثانوي وطبعا (علمي) ... ومشكووور على المعلوممه الحلوة وانا ناوي أتطرق للطائرات Air Bus .. إن شاء الله نخلص من الإمتحانات ونبدأ ب الشغل في المواضيع مثل هذي ..
الارهابي
23-04-2003, 03:08 PM
اقول اخوي لومينا
مانحصل طياره كدا في الامارات وارد اليابان من اللي يجوا دركسون يمين و يحولوها يسار مثل السيارات :D :D :D :D
ارخص ;) :D :D :D :D
يسلمو اخوي على هالمواضيع الرهيبه
و صراحه طيارات البوينج كلها حتى القديمه بشكل عام اريح و افضل من الاير باص
مقاعدها اريح
و المسافه بين المقعد و الثاني اكبر ( اتكلم عن الدرجه السياحيه )
و دواليب الامتعه اللي تكون فوق الراس اكبر و اعمق و اعرض و تقدر تحط فيها شنط كبيره بكل راحه وسهوله
بعكس الاير باص اللي تحس انها بالفعل باص لكن في الجو و اثناء الاقلاع و الهبوط تشوف كل الديكور يهتز و يطقطق تخاف يطيح عليك :D :D
و لا عاد الطيران السعودي طيارات الير باص عندهم معظمها ما يشغلوا فيها التكييف ما ادري ليش :black:
تحياتي اخوي
و الله يوفقك و تدخل التخصص اللي تحلم فيه
قول امين ;)
ولا تحرمنا من مواضيعك الرهيبه
السلالالام عليكم
مشكور اخوي لومينا على الموضوع الرائع :)
اخيرا شفنا موضوع عن طيارة نفهم فيها شوية :)
الطيارة رائعة جدا و أعتبرها أحلى طيارة عندي في أسطول الامارات
أحلى ما يميزها الرحابة الكبيرة اللي داخلها ما تحس انك في طياراة
الطيارة هذي فيها بيزنيس و ايكونيمي ( طيارة الامارات )
طيران الامارات خذت أحسن درجة سياحية في العالم فضلا عن أفضل طيران كيف لا و هذي الطيارة الرائعة من ضمن أسطولها :)
يوم تشوف شعار ال RR على المحركات ترتاح نفسيا :) لوووووول
ميزة رائعة في هذي الطيارة انها اثناء ما تكون متوقفة على الارض تكون المكيفات شغالة عادي لان المحركات تتم شغالة بعكس الطيارات الثانية :)
درجة رجال الاعمال رائعة جدا :) و ما عليها كلام
أخوية سردال أكيد قصدك ال A380 انا شفت صور لها صرااحة مالها حل :) و ان شاء الله نشوفها قريب تطير في الاجواء ..
تحيااااااتي
silver
23-04-2003, 03:54 PM
مشكور يا كبتن :)
لو في معلومات عن الطائرة الشبح يكون حلو
http://demo.sakhr.com/diwan/main/sk-occup-world-milit-pic8-src.jpg
الارهابي
23-04-2003, 03:59 PM
شباب لاحظت اكثر من مره على طيارات 777 السعوديه الجديده
ان محركاتها يطلع منها صوت مزعج قبل الاقلاع و اثناء صعود الركاب
و ايضا بعد الهبوط و عند نزولنا
تسمع صوت مزعج طرررررررررررررررررررررررررررررررررررررررررررررررررررررر
كان واحد ماسك له عمود حديد و يمشي و يحكه في شبك
ما ادري ليش
CAMARO4EVER
23-04-2003, 04:06 PM
مشكوووووووووور ياكابتين على المعلوومات الحلووووة ...
خليل أبو سمرة
23-04-2003, 04:38 PM
رد مقتبس من camaro4ever
مشكوووووووووور ياكابتين على المعلوومات الحلووووة ...
:glasses: SL 55 AMG:glasses:
ViPEr_&_7 sERieS
23-04-2003, 10:40 PM
مشكوووووووووور على مواضيعك الـ:banana:
عندي طلب منك يا lumina
ممكن اتحط موضوع عن الطائرة B52 ؟؟؟
اول شي تسلم يدك.
اعتقد ان مواضيع الطيارات المدنية افضل من الحربية لانها هي اللي احنا نستخدمها في تنقلاتنا. كم تمنيت اني اركب ال 777 لكن الحظ ما حالفني. البعض قال لي ان كراسيها غير مريحة خصوصا للخطوط السعودية. لو تسمح ممكن تعمل لنا مقارنة بينها و بين منافسها الاول A330 من ايرباص. و طلب اخير منك الا و هو تقرير عن اضخم ناقلة تجارية اللي هي A380 من ايرباص
شكرا يا كابتن
تحياتي
fahoodi
24-04-2003, 12:45 AM
مشكوووووووووور ويعطيك العافية
وانشالله انك تنقبل في كلية الطيران ويتحقق حلمك يااااااااااارب
غالية
24-04-2003, 04:44 AM
موضوع الطائرات المدنيه وايد حلو واحلى من الحربيه...انا شفت برنامج في قناة ديسكفري عن مصنع شركة بوينج ...المصنع اللي يطلع هالطياره بروحه تكنلوجيا قائمه بذاتها....ومن الاشياء الحلوه اللي عيبتني واااايد انهم يهتمون بالعاملين عشان يبدعون في شغلهم و لا يصابون بالملل من الروتين...فا يتمون فتره في قسم بعدين ينتقلون قسم ثاني وهكذا...طبعا تصنع 3 او 4 انواع من الطائرات في هذا المصنع...
مشكوووور على الموضوع وتحياتي:)
تسلم على هذا الموضوع الرائع :D
lumina
24-04-2003, 05:25 AM
مشكووورين شباب على الردود الحلوة ...
إن شاء الله سوف اقوم بمقارنة الأير باص و البوينج 777 لكن يبغيله شغل و إن شاء الله السبت القادم كالمعتاد الموضوع عن الطائرات الحربيه و هي B-52 ...
حسب طلب أخوي
ViPEr_&_7 sERieS
و سوف ألبي طلب اخوي 745 عن تقرير عن A380 قريبا .. و معلومات عن الشبح قريبا إن شاء الله حسب طلب اخوي silver ...
زورو الامارات
24-04-2003, 02:30 PM
السلام عليكم
موضوع شيق جدا وانا اشد المعجبين بالطائرات المدنية
بخصوص البوينج 777 فهي طياره خليفه للجامبو طيبة الذكر
ملاحظه تم تصميم الجامبو في 76 ومازالت في الخدمه حتى هذا اليوم
تتميز طائرات البوينج بسهولة القياده وكذلك سهولة الصيانه كما افادني مدرب طيران في كلية دبي للطيران ( هالكلام قبل 3 سنوات)
لم اركب هذه الطائره لان اخر سفره كانت لي في سنة 95 على طائره ايرباص وكانت ممتازه لا تسمع اصوات الضجيج وصوت المحرك هادئ جدا
مثل اللكزس بالضبط ( حتى امثالنا ماتطلع غير على السيارات مشي حالك)
انا من المتابعين للطائرات بشكل جيد ودائما استفسر واتعلم من اي معلومه اجدها عن الطائرات
على طاري طيران الامارات في احدى المرات طلبت الامارات شراء طائرات من ايرباص فتحججت ايرباص في بعض الامور فما كان من الامارات الا انها وقعت عقدا مع بوينج في سياتل بكمية من الطائرات وسحبت بعض طلباتها من ايرباص
560SEL
24-04-2003, 04:36 PM
رد مقتبس من سردال
شو تشتغل أخوي أو شو تدرس؟ :) مجرد فضول.
بالنسبة للطيارة، حقيقة كفيت ووفيت، وهذه الطائرة لها منافس من شركة Air Bus وكذلك Air Bus طرحت طائرة جديدة ذات طابقين أكبر من هذه الطائرة، وطيران الإمارات اشترت عدداً منها أيضاً :)
كذلك TriStar منافس قوي جدا
تحياتي
AVANTGARDE
25-04-2003, 05:32 PM
بس لو اتغير اسمك من لومينا لاي اسم خاص بالطيارات بيكون احسن..
افضل اسم: مطيرجي ... بصراحة عجييب هالاسم ويناسب المواضيع اللي تكتب عنها...
وبخصوص الكابينه كيف سمحوا لك انك تدخل... يبيلها واسطة هذي..
واااايد عجيب المنظر صدق يبيله قلب ومواجه كل هالمفاتيح...
http://delivery.gettyimages.com/comp/1378225.jpg?x=x&dasite=POD&dareq=1F0B1E1F1B0F1A034C031C16190F145F4152444B4253465F485F
والسموحة...
lumina
26-04-2003, 01:58 AM
السلام عليكم ورحمة الله وبركاته ...
أشكركم اولا شباب على التفاعل مع الموضوع وهذا اللي اباه و أشكركم مرة اخرى .
اخوي AVANTGARDE
حلوة منك مطيرجي .. بفكر :D :D
المهم الكابينه هذي طبعا كل زر له وظيفة لكن مقسمه لأقسام بحيث كل مجموعة أزرار متخصصه بشيئ وهذا الذي يسهل قيادتها .. عشان جذي ماتخوف ولاشي لأنها متطورة جدا ووضعت بها الكثير من التقنيات القوية ولذلك تعتبر من أفضل الطائرات ...;)
زورو الامارات
26-04-2003, 09:32 AM
السلام عليكم
كيف حالك لومينا
على طاري الطيران في لعبه اسمها
Flight simulator 2002
professional edition
لعبة محاكاة (تشبيه) واقعيه جدا
كتاب التعليمات مالها تقريبا دليل الهاتف :)
فيها جميع الطيارات منها ال 777 والجامبو
وتقدر تقلع من مطار دبي الى مطار ثاني وكذلك مطارات السعوديه وكافة دول العالم
3 سيديات انتاج مايكروسوفت
تستاهل اذا انت تحب الطيران
لكن حاول تشتريها كوبي الاصليه ب 300 درهم - ريال
هي للمحترفين جدا يعني تتعب فيها في البدايه
انا بصراحه طلعت روحي وماعرفت لها بس اهم شي اني طيرت الجامبو و 777 لكن مادري وين اضيع المطار :) :)
مشي حالك
lumina
26-04-2003, 01:32 PM
مشكووووور الغالي على المعلومات الحلوة و إن شاء الله بجيبها و أنصحك بهذه الألعاب للطائرات الحربيه :
F-22 Raptor .. عجيبه الصراحه وماعليها كلام ..
lumina
26-04-2003, 01:36 PM
حصلت اللعبه في برنامج الكازاا و
CD1 , CD2 ,CD3
لكن الأحجام ضخمة جدا :
الأول : 465 ميجابايت
الثاني: 230 ميجابايت
الثالث: 602 ميجابايت
وانا عندي Dial Up :cry: