تسجيل الدخول

View Full Version : V-Kool حد مجرب هالمخفي يا شباب...؟؟؟؟

غالية
06-05-2003, 11:59 AM
السلام عليكم
من يومين اشوف اعلان في الجرايد يقول...
الطريقه البديلة لتحافظ على جو سيارتك بارداً وصحياً ...أنت بحاجه إلى حماية V-Kool.. :black:
الاعلان طويل شوي... بس اهم شي فيه انه يقول ان هالمخفي يقدم إضاءة كاملة وواضحة خلال النهار والليل،فيما يمنع 99% من الاشعة فوق البنفسجية و 94% من الأشعة تحت الحمراء لتحافظ على جو سيارتك بارداً مريحاً...طبعاً انا ما كذبت خبر...:p
واتصلت بالشركه اللي حاطه الاعلان واستفسرت اكثر عن الموضوع...
فاسالتهم كيف يعني يخلي السياره بارده....
فقالت لي الموظفه يعني اذا كانت درجة الحراره مثلاَ برع 40 ...بتكون داخل سيارتج 20 او 25 :eek:..امممم....
و عليه ضمان 5 سنوات على قولتها.....وتمت تعد المميزات....
وسالتها عن السعر..قالت لي شو عندج...قلت لها نوع السياره..
قالت لي نركبه لج ب 1400 درهم اذا الملون اللي هو البني او الاسود...
واذا الشفاف ...اللي على قولتها حمايته اكثر واقوى..
قالت يمكن يكلفج 2000 درهم ....
طبعاً السعر غالي بس اذا كان صحيح مثل ما يقولون يخلي السياره بارده ويحمي الجلد و الخشب..اللي تبهدله شمسنا المشرقه المحرقه....والله زين ويستاهل يتركب...
اللي اريد اعرفه في حد امجربنه منكم يا شباب او سامع عنه؟؟؟ وهل هالمخفي اثبت فاعليتها ...او بس دعايه و كلام جرايد ؟؟؟
:help::help:
moon111
06-05-2003, 12:12 PM
السلام عليكم ورحمة الله وبركاته

الصراحة أنا مجربة أكثر من مرة أنا أشوف انه أفضل الموجود بالسوق ولايعلى عليه
وشكرا
:D
E_TYPE
06-05-2003, 12:15 PM
اهللللللين
صحيح كلامهم ويمنع الحراره من الدخول الى السياره.
شكرآ
HaKeM
06-05-2003, 02:21 PM
أختي غالية أنا ركبت النص الأمامي شفاف والنص الخلفي اسود فاتح قلت الحرارة في السيارة بشكل نسبي ولكن لمن اشغل المكيف السيارة تحتفظ بالبرودة أكثر من قبل تركيب الفي كول.والضوء تحسيه خافت واللون الداخلي تحسيه ينعكس على القزاز من داخل السيارة.
ACCORD-V6
06-05-2003, 02:23 PM
هو مشكتله ارتفاع سعره لكن اكثر اللي سمعته وحسب معلوماتي انه يعزل الحراره بشكل كبير جدا

واسف على الاطاله
واتمنى اكون افدتك....
الشرقاوي
06-05-2003, 03:15 PM
اممممم:confused:

يعني الحين السياره بعد ماطلعها من الوكاله2000تامينو5000زيبارت حمايه و2000فيكول بعد:eek: :eek: :eek:

9الاااااااااااااااااف ريال :help:

:banana: :banana: :banana: :banana: :banana: معجبين هذولي يحليلهم
Lamborghini
06-05-2003, 03:19 PM
طيب أنا عندي سؤال !!

هل لون ها النوع يروح مع الوقت و لا يتم ثابت ؟؟
lumina@LTZ
06-05-2003, 06:16 PM
الشفاف اغلى من الاسود والالوان الثانيه بس درجة العزل فيه ضعيفه جداا وماراح تستفيدين شي

بالعكس الاسود اهوو اقووى عززل هذا من واقع تجربه وعليها ضمان خمس سنوات ضد الخدووش على قوولتهم ويشمعوون لك حددود القزاز عشان ماتتفتح مع الووقت حدود التظليله ومن ناحية الرؤؤية واضحه جداا

اخ لمبورجيني اللون لو بيتغير بيتغير بعد الخمس سنوات اهم ماعطووك عليها ضمان خمس سنوات الا وهم ضاامنين تظليلتهم من ناحية اللون وتغيرره مع الشمس والحراره:glasses:
sonic
07-05-2003, 02:13 AM
كيف الحال يا شباب ....
اختي غالية اشكرك على هالموضوع المفيد بصراحه والكل منا مجرب ومتلعوز من سالفة المخفي...

بالنسبه لهالنوع من المخفي انا جربته ... يصلح وجيد جداً للزجاج الجانبي والخلفي بس الامامي ما انصحكم بتركيبه... لأنه يشتت ضوء السيارات يعني الليت العادي للسيارات المقابلة وتحس بضيق حتى عيونك تعورك من هالسالفه.....:eek:

اشكركم .... ولي سؤوال لأهل الخبره .... ياجماعه حد يعرف نوعيه من المخفي يكون غامق بس وقت القياس يكون بنسبه 30% ... لعوزونا المباحث والشرطة بسالفه جهاز الفحص

:damp:

سلامي للجميع
قلق و رجه
07-05-2003, 06:37 AM
الصراحة لا يعلى علية اذا دخلت السيارة في جو 40درجة بدونة تسير درجة الحراره داخل 70تقريبا
اما مع في كول تقريبا نفس درجة الحرارة الخارجية واقل على حسب المدة الي السيارة في الشمس واذا كانت السيارة في مظلة ما تتغير درجة الحرارة في السيارة
وانصح اي واحد فية على حسب سيارتة
لكن السعر مبالغ فية شوي بس بدون اية خدوش واللون ما يتغير
غالية
07-05-2003, 08:22 AM
اشكر جميع من شارك في الموضوع الاخوه :

sonic: اشكرك اخوي على توضيح نقطة الزجاج الامامي لاني كنت امفكره اركب الشفاف للزجاج الامامي بس ما دام انه ايشتت الرؤيه ويسوي انعكسات تعور العيون بلاش منه ما بركبه... على الجوانب احسن اركبه بس..

moon111

E_TYPE

حاكم العدل

ACCORD-V6

الشرقاوي

Lamborghini

lumina@LTZ

قلق و رجه

اشكــــــــــــــركم على الــــــــــــــــرد و التوضيـــــــــــــــــــــــح....
تحياتي للجميــــــــــــــــــــــــــــــــع
:)
ابولين
07-05-2003, 10:56 AM
انا سيارتي جديدة
وماعندي فلوس
كلها راحت في السيارة

الصبر طيب:banana:
غالية
07-05-2003, 11:06 AM
مرحبتين اخوي ابولين ومبروكه عليك السياره الجديده....
الله يعطيك خيرها وكفيك شرها..:)
ابولين
07-05-2003, 11:12 AM
شكرأ يالغالية
وعتبان عليك
لانك ماباركتيلي
في موضوعي
بعنوان بعت سيارتي القديمة

على العموم الشكر
أمير أبوظبي
07-05-2003, 01:27 PM
عندي طلب .. لو سمحتى بعد ماتركبينه .. تخبرينا اذا الكلام صحيح ولا لا ....

لان المثل يقول اسئل مجرب ولا تسال طبيب :)
غالية
07-05-2003, 01:36 PM
هلا اخوي مسولفي ...ان شاء الله بخبركم يوم بركبه :)
HaKeM
07-05-2003, 05:42 PM
أختي غالية أنا مركب الفيكول في الزجاج الأمام شفاف لا يشتت ضوء ولا شي بالعكس مره ممتاز في وقت العصرية أرمي النضارة ولا الشمس تتعبلك عينك لأنه ضوئها يصير أقل من الضوء الطبيعي.
غالية
08-05-2003, 10:49 AM
اهلين اخوي حاكم العدل
والله انا محتاره...لاني بعد سالت بنت اعرفها امركبه على الزجاج الامامي ...يوم سالتها قالت لي انه ايسوي انعكاسات مش حلوه في الليل.....ما ادري :rolleyes:
تحياتي لك
أمير أبوظبي
08-05-2003, 11:57 AM
وعد الحر دين عليه ;)