View Full Version : افضل سيارة جديدة يتوقع لها النجاح
الأنصاري
16-06-2003, 05:48 AM
هذا استفتاء بين كم سيارة جديدة من سيارات الدفع الرباعي الجديدة في الأسواق مين تتوقعون بتنجح ومين بتتوقعون بتفشل
اولا متسوبيشي بسيارة اوتلاندر
مميزات
سيارة تتوفر بسعر ممتاز جدا 66 الف
شكل جذاب
عزم سعة ممتازة ((4اسطوانات 2.4))
كمايات ((فتحة-ريموت-جيرتربوترونيك))
عيوب
التصميم الداخلي
قطع الغيار
سيارة شواطئ فقط
http://www.quirkcars.com/images/newspage/outlander.jpg http://www.cobaltnitra.com/teams/export/bc7/1fc/e71/7d5/ca0/459/343/9f3/ae7/eb5/2b6/5dc/6fb5/outlander.jpg
هوندا دخلت بسيارتين ذات دفع رباعي
الأولى
mr-v
مميزات
تصميم داخلي انيق
كماليات
عزم ممتاز محرك من3.5 بقوة 240 حصان
قدرة ركب 8 اشخاص براحة تامة
تلبي كل شئ تحتجة العائلة
عيوب
سعر السيارة الذي يقارب سعر سيارات افضل
قدرات متواضعة في الطرق الوعرة
الشكل الذي كأنة سي ار في مكبرة
http://www.hondacars.com/images/banners/2003/pilot/exterior_gallery/photo_03_large.jpg
ما الثانية
HR-V
المميزات
عملية فائقة
تصميم داخي جيد
شكل خارجي جديد
تقنيات مثا اي بي اس
العيوب
محرك صغير جدا 1.4 بقوة 120 حصان يقتلها المكيف:D :D
لاتستحق 58 الف ريال
قطع الغيار غالية ويمكن ماتكون متوفرة
http://www.europeanhonda.demon.nl/hr-v.jpg[/IMG]
كيا سورينتو
المميزات
شكل ممتاز
كافة الكماليت
قطع غيار رخيصة
سعر رخيص
العيوب
السيارة كورية
الواحد يتردد كثير يوم يشتريها ويتجة الى البديل الياباني
http://www.neolinexxi.ru/jnews/img/sorento.jpg
سردال
16-06-2003, 06:32 AM
أتمنى من الذين صوتوا للخيار الأخير "كل السيارات فاشلة" أن يخبرونا لماذا؟ على أي معيار اعتمدوا؟
يضايقني أن يقول أحدهم: كوري تعيس.
أو يقول: أخ لا ... ياباني تعبان.
إذا كنت لا تحب الياباني أو الكوري فهذا من حقك، لكن لا تطلق مثل هذه الأحكام غير العقلانية، قل مثلاً: أفضل السيارات الألمانية على اليابانية بسبب فخامة الألماني، هكذا أستطيع أن أفهمك وأحترم رأيك، أما أن تقول وتكرر مثل هذه الآراء الجاهزة السريعة فلا تفيدنا في شيء، من كان له انتقاد موضوعي حول أمر معين كالمحركات، الجودة وغيرها من الأمور فليقل رأيه.
على العموم، مهما تكلمنا في هذا الموضوع، سنجد من يكرر مثل هذه الآراء الجاهزة.
أنا رشحت كيا سورينتو، أرى أنها تقدم معادلة ممتازة (مميزات مقابل السعر) وكذلك أراها كثيراً في الشوارع والناس يشترونها ويقبلون عليها.
SeSo_2003
16-06-2003, 07:06 AM
كلها سيارات عائليه
وما فيها شي شبابي
الأنصاري
16-06-2003, 11:08 AM
اخوي سردال لاتزعل والله مكان قصدي اصلا لوكانت السيرينتو سيارة تعبانة ماكنت حطيتها اصلا على العموم انا كنت متملل وانا اكتب الموضوع وهي كانت اخر سيارة ماقدرت افكر في عيوب :D :D
الارهابي
16-06-2003, 11:19 AM
اعتقد ان النتيجه راح تكون لصالح ال هوندا M-RV ثم الكيا
سيارات عائليه
و الملاحظ ان هاليومين وقت السيارات العائليه
غير كدا
بالامكان استخدامهم على الطريق و في الرم ( اعتقد ان نظام الدفع الرباعي فيهم مو بالقوه اللي تخليك تغامر )
و السيارتين يتميزوا بشكل لطيف
الا ان الهوندا اعتبرها دفشه شوي
عيب الكيا
فكره الناس عنها
اعرف واحد عنده كلاروس 99 و جاير عليها جور ولا تقول شي
يعني قويه :D
مشكور اخوي بو عبود يعطيك العافيه
Dreams_Maker
16-06-2003, 02:14 PM
هلا..
أنا اخترت ..كيــا...
السياره خدومه....ذات شكل جميل وناعم....قطع غيار رخيصه...
احترامي
D_M
HaKeM
16-06-2003, 04:43 PM
أنا عجبتني الهوندا mr-v لقوتها ومميزاتها وتصميمها والمساحة الداخلية واسعة بشكل نسبي والهوندا غنية عن التعريف.
تحياتي
vette4ever
16-06-2003, 05:12 PM
رد مقتبس من سردال
أتمنى من الذين صوتوا للخيار الأخير "كل السيارات فاشلة" أن يخبرونا لماذا؟ على أي معيار اعتمدوا؟
يضايقني أن يقول أحدهم: كوري تعيس.
أو يقول: أخ لا ... ياباني تعبان.
إذا كنت لا تحب الياباني أو الكوري فهذا من حقك، لكن لا تطلق مثل هذه الأحكام غير العقلانية، قل مثلاً: أفضل السيارات الألمانية على اليابانية بسبب فخامة الألماني، هكذا أستطيع أن أفهمك وأحترم رأيك، أما أن تقول وتكرر مثل هذه الآراء الجاهزة السريعة فلا تفيدنا في شيء، من كان له انتقاد موضوعي حول أمر معين كالمحركات، الجودة وغيرها من الأمور فليقل رأيه.
على العموم، مهما تكلمنا في هذا الموضوع، سنجد من يكرر مثل هذه الآراء الجاهزة.
أنا رشحت كيا سورينتو، أرى أنها تقدم معادلة ممتازة (مميزات مقابل السعر) وكذلك أراها كثيراً في الشوارع والناس يشترونها ويقبلون عليها.
انا من الناس اللي صوتوا على الخيار الاخير
السبب انه الياباني ، او الكوري عزمه يطيح بسرررعه (رأي شخصي)لاحد يزعل..:cool:
انا اتوقع انه سورينتو راح تاخذ حصة من السوق :D شكلها جميل ومحرك 6 اسطوانات
بو عبود
قبل لا أصوت .. أبغا تفسير منطقي لما يلي :
من عيوب الـ MR-V
---------------------------------------------------
سعر السيارة الذي يقارب سعر سيارات افضل
الشكل الذي كأنة سي ار في مكبرة
---------------------------------------------------
من عيوب الـ HR-V
---------------------------
لاتستحق 58 الف ريال
--------------------------
من عيوب الكيا سورينتو
--------------------------------------------------------------
السيارة كورية
الواحد يتردد كثير يوم يشتريها ويتجة الى البديل الياباني
--------------------------------------------------------------
تفسير منطقي .. يعني كلام يستند على شيء واقعي !!
الأنصاري
18-06-2003, 05:11 AM
M5
هذة وجهت نظري والناس اذواق وانا اصلا يوم كتبت العيوم كان همي الشكل السعر قطع الخيار
ومثل ما الهوندا والمتسوبيشي قطع غيارها غالية يحسب عيب
الكيا قطع غيارة رخيصة يحسب ميزة
اوكي اول شئ بالنسبة لسعر mr-v يعني 120 الف اشوفها واجد السيارة الجديدة عشان تنافس يعني كامل الزيادات ب100 لف والعادية 80 ((وجهت نظري))
بالنسبة للشكل
شوف الصورتين بيتبين الشبه الكبير بين السيارتين
http://www.hondacars.com/images/banners/2003/pilot/exterior_gallery/photo_05_large.jpg
http://www.hondacars.com/images/banners/2003/cr-v/exterior_gallery/photo_05_large.jpg
نفس الكلام بالنسبة لسيارة هوندا السابقة
اما بخصوص الكيا صحيح ماكان لازم اكتب هذا الكلام مع العيوب
بشكل عام كل واحد ونظرتة والتصويت كان متنوع الا ان سيارة هوندا hr-v احصلت ولا صوت
وشكرا
هذا اللي أنا كنت خايف منه !!
كلامك أبعد مايكون عن المنطق
بوعبود يا أخي الكريم الله يسلمك .. من متى كان ذوقك الشخصي يعتبر مرجع لجميع الأذواق حتى تعتبر الأشكال الداخليه والخارجية عيب !!
يعني انت ذكرت ان الآوت لاندر عيبه في شكله الداخلي .. وتبغانا نرد عليك بناءاً على ذوقك الشخصي في تقييم الأشكال
الشيء الثاني ،،
انت قلت ان الـ MR-V عيبه ان شكله مثل شكل الـ CR-V ..
أنا ماقلت ان مافي شبه ، الشبه موجود وصحيح .. بس على أي أساس خليت شكل الـ CR-V عيب !!!
غير كذا .. سعر الـ MR-V مقارنة بالبرادو والباجير واللاندروفر ديسكفري .. يعتبر ممتاز جداً عند مقارنة جودة الشركات وقوة محركاتها وهدوئها ونعومتها واتساعها الداخلي واقتصاديتها في البنزين ( باقي شيء ؟؟؟؟ )
الفل أوبشن عندنا بـ 105 آلاف ريال والعادي بـ 97 ألف .. وين الغلى اللي تتكلم عنه ؟؟!!!
وعلى أي أساس حكمت على ان سعر الـ HR-V غالي !!!! ( 57 ألف )
ما أدري عندي احساس انك منت فاهمني :confused:
الأنصاري
20-06-2003, 03:06 AM
والله ما ادري ايش اقولك يا M5 دوختني :D :D
خلاص انا اترك لك تكتب العيوب
عموما شكلة الموضوع ما كان في المستوى والأعضاء ماتقبلوه حتى ان نسبة التصويت حكمت على السيارات بالفشل
X_RaYs
20-06-2003, 10:30 AM
الـMR-V اولا ...
الأوت لاندر ثانيا ..
الـسورينتو ثالثا ..
الـHR-V اخيرا !!
bashar_255
20-06-2003, 12:36 PM
الصراحة ماعجبني فيها شي
وين راحت
الليون
307
البرينا
الماجنا
زارا ستيروين
و غيرها
هادي السيايير اللى لازم تدخل في موضوعك
;)
احترامي
silver
20-06-2003, 12:51 PM
اخ bashar_255 شكلك ما انتبهت او ما قريت الموضوع زين راح تلقى ان بو عبود كان كاتب في البداية [ هذا استفتاء بين كم سيارة جديدة من سيارات الدفع الرباعي الجديدة في الأسواق مين تتوقعون بتنجح ومين بتتوقعون بتفشل ]. :)
بالنسبة لي فأنا ارشح سيارتين هم الـ Honda mr-v والـ KIA sorento لكن اعتقد ان الهوندا راح تنتشر بسرعة اكبر بسبب سمعتها
SnoopY
20-06-2003, 01:43 PM
رد مقتبس من بوعبود
والله ما ادري ايش اقولك يا M5 دوختني :D :D
خلاص انا اترك لك تكتب العيوب
عموما شكلة الموضوع ما كان في المستوى والأعضاء ماتقبلوه حتى ان نسبة التصويت حكمت على السيارات بالفشل
انا اقولك ليش حكموا عليهم بالفشل
الناس هنا ما تبي تغير شي في حياتها ........... تجيب شي جديد ما يتقبلونه ......
تجيب شي جديد وتسميه باسم شي قديم ( زي الكابرس ) العالم تشتري بالهبل
تجي في العزايم و الاعياد تلاقي العايله بكبرها كلهم عندهم نفس السيارات ( تويوتا - فورد - نيسان -شفر -و البطران مرسيدس )
السوق كذا ايش تسوي
بس الحمد لله الجيل الجديد بدا يغير النظره هذي!
سلام
رد مقتبس من SnoopY
انا اقولك ليش حكموا عليهم بالفشل
الناس هنا ما تبي تغير شي في حياتها ........... تجيب شي جديد ما يتقبلونه ......
تجيب شي جديد وتسميه باسم شي قديم ( زي الكابرس ) العالم تشتري بالهبل
تجي في العزايم و الاعياد تلاقي العايله بكبرها كلهم عندهم نفس السيارات ( تويوتا - فورد - نيسان -شفر -و البطران مرسيدس )
السوق كذا ايش تسوي
بس الحمد لله الجيل الجديد بدا يغير النظره هذي!
سلام
يا شيخ والله انت كذا http://www.swalif.net/sforum1/images/icons/icon14.gif