انا محتار يا شباب بين ES300 و C180 kompresor

[LC_LE]

السلام عليكم يا شباب


اريد نصيحتكم....

انا محتار بين الكزسES300 و المريسدسC180 kompreser

الاسعار 11000 ريال عماني للكزس
10900 ريال عماني للمسيدس


يعني الفرق بس 100 ريال عماني.

المرسدسC180 kompreser :
4سلندرات بقوة 142 حصان و 1800 سي سي و كراسي جلد و رنجات 15 انشز و بدون فتحة سقف و بدون سيدي تشنجر .

الكزسES300 :
6 سلندرات بقوة 232 حصان و 3000 سي سي مع سيدي تشنجر لستة اسطوانات و كراسي مخمل و فتحتة سقف و رنجات 16 انش


:help: :help: :help: :help: :help:


:confused: :confused: :confused:

:Sad2: :Sad2: :Sad2: :Sad2: :Sad2:









مع التحية و الشكر

[SnoopY]

القوه لصالح اللكزس !بس راحت والا جات هي كامري !!

المرسيدس السي حلوه
انا جربت وحده لواحد من الشباب بس كانت 320 السياره روعه !

وواحد ثاني كانت عنده C sport coupe 200 compressor

السياره غير طبيعيه ............. نصيحتي اذا تقوى على المرسيدس خذها( السياره الصراحه سعرها فيها سلامه و جوده و كل حاجه ) اما اذا تبي قوه خذلك كامري جراندي و حط عليها علامات لكزس!!!

والله ارخص لك !!

[الأنصاري]

اعتقد لو تختار فئة اعلى في مرسدس افضلك

[Crower]

نصيحه اخويه ان كنت تقارن بالمواصفات اللكزس احسن و عمليه اكثر من المرسيدس و سعرها لمواصفاتها لا يقارن اما ان بغيت بس الاسم المرسيدس و لو انه اللكزس في هالمقارنه افضل بكثير و انا انصح بها و ما تندم ان شاء الله

[745]

عليك باللكزس. يمكن الشكل الخارجي فيه شبه من الكامري، لكن تصميمها الداخلي اكثر من رائع. لا تنس ان ال C اربعة سلندر و الكزس سته. الشي هذا بروحة يرجح كفة اللكزس

[SnoopY]

شباب والله ما هقتها منكم


ممكن تقولولي ايش المواصفات اللي تخلي الES300 تستاهل السعر هذه

انا ما اشوف في السياره حاجه تستاهل غير مكينتها !!

الحاجات اللي ذكرها الاخ ( السيدي و الفتحه و غيره كلها كماليات )

يعني لما تكون الواحد على خط و ماشي 200 و يضرب عليه واحد من الكفرات في المطر خلي الفتحه تنفعه !!

انا سقت المرسيدس الC و مو سواقه تمشيه سواقه تجربه ثبات و امان تجربه مجنونه يعني و السياره ما شاء الله عليها !!

اما الكامري فانتوا اعلم فيها .... يعني السياره ما يبغالها زياده انظمه سلامه و ايرباغات و الكلام هذه السياره يبغالها اعاده تصميم من جديد !!

و نصيحه للاخ LC-Le

جرب السيارتين (تجربه صح مو تتمشى فيهم) و استخير ربك وانشالله مبروك عليك مقدماً!

[سردال]

أبغي أفهم شو فيها الكامري؟ صراحة تستاهل كل درهم تدفعه فيها، وإذا كانت تستخدم كسيارة أجرة فهذا شيء في صالحها مو ضدها.

شوف أخوي لكزس ممتازة وما راح تندم عليها، يمكن العيب الوحيد اللي قدرت أطلعه هو صوتها على الخط السريع، يعني تسمع ضجيج الإطارات بشكل واضح ومزعج في بعض الأحيان، عازلية الهواء ممتازة لكن في حالة هبوب رياح قوية جداً بتلاحظ صوت الهواء بشكل مزعج ويمكن هذا ينطبق على معظم السيارات.

المرسيدس ممتازة أيضاً، وهي دفع خلفي، اللكزس أمامي، وما أشوف في المرسيدس عيب، حتى لو كانت أربع أسطوانات، المهم القوة والقدرة على تلبيت احتياجاتك.

روح جرب السيارتين بشكل عملي واحكم بنفسك، الشباب هنيه بيخلونك تحتار أكثر :)

[E_TYPE]

اهلللللللللللين
هلا اخوي نصحيتي لك خد مرسديس حلووووه وتستاهل السعر بس الكزس كأنه كامري مو مريح وحته لو انت تمشي على خط وكنت تسرع السياره تتنقز ولا يقولون لكزس:rolleyes: .
وشكرآ

[زورو الامارات]

السلام عليكم


شوف مافي مجال للمقارنه بين السيارتين


اللكزس تتفوق بالمواصفات

والاداء وكل شي ولاتنسى ان المرسيدس سعتها 1800 سي سي بس عليها سوبر تشارتج


يحسن من اداءها شوي


لكن اللكزس اكبر وافخم ومحركها اقوى وعزمها عالي

مثل ماقال سردال صوت التواير عالي في اللكزس شوي


تقدر تتغلب عليه يوم ترش السياره زيبارت ضد الصدى يخف الصوت وكل سنه رشها تستوي طبقة عازله تخفف من الصوت والحراره


بالنسبة لي يا اشتري سي 240 احسن او اللكزس

[mill_955]

السلام عليكم

ترا اسعار المرسيدس مرتفعه ارتفاع مو طبيعي اذكر الاجازه الصيفيه اللي فاتت خويي اشترى سي 240 فل ابشي ب120

الحين كيف ال180 ب 109

[gs300_2003]

انا اشوف يا تلخذ اللكزس واذا ودك مررسيدس خذ الفئة E ما c ما تستاهل شكلها اسمحلي مرة غلط....

:) :) :)

[comondor--GTSR]

رد مقتبس من 745
عليك باللكزس. يمكن الشكل الخارجي فيه شبه من الكامري، لكن تصميمها الداخلي اكثر من رائع. لا تنس ان ال C اربعة سلندر و الكزس سته. الشي هذا بروحة يرجح كفة اللكزس



لكزيس وانت مطمأن ومغمض


رعد

[760IL]

اللكزس اخوي ولاتحتار .....خصوصا محرك ال180 ضعيييييف جدا

[كورفت]

انا انصحك بالكزس ومايحتاج اقولللك


خذها وانت مغمض

:p

[RX300]

رد مقتبس من gs300_2003
انا اشوف يا تلخذ اللكزس واذا ودك مررسيدس خذ الفئة E ما c ما تستاهل شكلها اسمحلي مرة غلط....

:) :) :)

[SL500]

بحيث انه ما يفرق بالسعر كثير عن ال180C

اما اللكزس مو قد كذا
اذا تبي لكزس فكر بـــLS430 مستعمل تجيك بحدود 130 الف

[LC_LE]

السلام عليكم يا شباب



اشكر الجميع على هذه الردود الطيبة و انشاء الله رايح اخبركم على و يش رسيت:rolleyes: :rolleyes: :rolleyes:




:D :D :D

[SLR]

كل واحد يقول برايه وهو لامجرب ولايدري شو اللي يصير بالدنيا...انا اتلكم على اللي يبدي برايه على المرسيدس فقط ... لانه مايدري حقيقة الفئة C-Class

بكل صراحة..

السيارتين مناسبات..

وبالنسبة للفخامة لاتحكمون على السي 180 بانها لاتحتوي على وسائل الفخامة .. ففي مرسيدس خيارات ممكن تضيف وممكن تشيل الخيارات اللي تعجبك...
اما اللكزس مجهزة من قبل المصنع فماتقدر اتشيل وتحط...

السيارتين حلوات..

بس المرسيدس الماني
واللكزس ياباني..

انته تدخل شارع والشارع غير معصوم من الحوادث...
ماعتقد الفخامة راح تنفعك في سيارة صنعت كشكل فقط بالرغم ان شكل اللكزس المذكور بصراحة غلط اشوفه والكزوز يحسب عالارض والجسم غير ملموم والاطارات صغيرة على هيكلها..

المرسيدس قبل انتاجها يتم التركيز على السلامة قبل الفخامة..ولاتظن ان الفئة C180 غير مجهزة بطابع السيارة الفخمة... الكل غلطان..
لاتحكمون عالسيارة بالمواصفات التافهه كالسي دي ومادري شو لان هالاشياء غير اساسية ومن السهل تجهيزها بعد الشراء..

المرسيدس سيارة ثقة يعتمد عليها ولاظن ان هناك من يجهل ذلك..

انا جربت السي كلاس.. ومن ثم الكزس... شعوري يميل الى المرسيدس اكثر لان قيادتها وهي ترسى على الارض تكون جاثمة وقوية كفاية التكنولوجيا الميكانيكية الخاصة بالسلامة تم تجهيزها على جميع سيارات المرسيدس ...

C180 Compressor احسها سيارة دلوعه وصغيره ورياضية وشبابية تم تجهيزها بشاحن مما يزيد من عزمها وبصراحة قوية بعد تجربتي لها..
ومن ناحية محرك... فلامجال للمقارنة مع محرك انتج من قبل مرسيدس بنز "فخر صناعة المحركات" ومن دون اي تعقيد...

فقط اذهب لاقرب وكيل مرسيدس .. وانظر لموديلات 2003 بصراحة هناك مبالغة في جمال المرسيدس لدى جميع موديلاته..

اسأل نفسك ليش السعر أغلى من اللكزس بالرغم من عدم تجهيزها بالمواصفات الفارهة ؟؟؟

الجودة والنجمة الثلاثية اختصاص مرسيدس...
ومن ناحية شخصية وهيبة الطريق اشوف المرسيدس افضل بكثير.
ولاتنسى الثبات والتحكم عند القيادة ..

واختم الموضوع..

صل الاستخارة وتوكل عالله باللي اتشوفه اريح لك..

SLR