دراسات: الحلقة الاولى سيفيك تايب آر

[زورو الامارات]

بسم الله الرحمن الرحيم

السلام عليكم ورحمة الله وبركاتة

موضوع جديد في المنتدى

سنختار سيارة ونبدأ بدراسة اسباب نجاحها وقوتها وادائها ونغطي كل جوانبها كلن حسب خبرته في السيارات:

موضوع الحلقة الاولى هوندا سيفيك تايب آر هاتشباك

نبدأ بالصور


http://www.km77.com/marcas/honda/civic_01/type_r/med/trescuardel.jpg

http://www.edmunds.com/media/2001/genevaautoshow/02.honda.civictyper.r3-4.350.jpg

http://www.sabermais.com/imgitems/537.jpg


http://www.sabermais.com/imgitems/537.jpg


المعلومات التقنية :

المحرك: 4 اسطوانات بسعة 1998 سي سي مكعب
بقوة 200 حصان على 7400 دورة
العزم: 19.6 على 5600 دورة
(شي طبيعي الدوران عالي والسبب يعود لمحرك الآي فيتيك المطور)

ناقل الحركة: (الجير)

من ست نسب - يدوية

التعليق مستقل للعجلات الاربع

الوزن : 1200 كجم

================= التعليق ===============

هوندا سيفيك تايب آر محرك فيتيك العادي ليس بالمحرك السهل
فما بالك بمحرك مطور جدا بقوة 200 حصان ؟؟؟

الاداء رياضي لأبعد الحدود ودوران المحرك يصل الى 8000 دورة وهو في وضع آمن

السيارة مجهزة بالكامل للسباقات والتحديات
من كراسيها ( ريكارو ) الى وضعية الجير في اسفل الطبلون الامامي
في مكان جديد يسهل تبديل النسب فيه وكذلك لا تنشغل ايدي السائق عن الامساك بالمقود

سعرها لا اعلم كم بالضبط ولكن سمعت انه 78 الف درهم او 68 الف لا ادري بالضبط كم ولكن دعونا نأخذ السعر الاعلى هل تستحقة ؟



اترك لكم التعليقات وسيكون ردي ان شاء الله من ضم الردود


تحياتي للجميع

[AMG]

سيارة قوية وجميلة ولكن سعرها مرتفع وعددها محدود لذلك فهي غير منتشرة بشكل كبير :cry:

[Accord-R]

انا اقولك سبب النجاح ..

بكل بساطه .. قوه المحرك + وخفه السياره = هوندا سيفك


ولا تنسى .. مجال التعديل الغير محدود فيهاا .. يعني هالمحرك اللي
تتكلم عنه يمكن يطلع لك قووه 500 حصان واكثر .. بعد التعديل طبعاا


بس صرااحه احس ان هذا الشكل .. متخلف نسبياا .. :headshak:

[بورش]

ياخي انا من زمان ونفسي اجرب سواقة السيارة هذي .. اخوي حبيت اسألك المحرك عليه تربوا او شي ؟

[Crower]

اعتبر القديمه افضل من جميع النواحي حتى من ناحيه القوه
الجديده 200 حصان و القديمه 187 حصان و على الرغم من هالشي القديمه اسرع و اثبت و اريح و سعرها كان ارخص و افضل للتزويد الجديده ما تصلح للتزويد مثل القديمه
انا اقول هالكلام لاني مجرب و كنت املك القديمه و لو لفتره قصيره
و اكره شي عندي في الجديده وضعيه ناقل الحركه

[Accord-R]

رد مقتبس من Crower
اعتبر القديمه افضل من جميع النواحي

اي قديمه تقصد ؟؟؟
92-95
96-00

[Crower]

انته اي قديمه تقصد؟؟
ما في غير 96-00 تايب ار و الجديده

[Third Eye]

صراحة أنا هاذي السيارة عجبتني جداً
لكن لما سالت عن سعرها عندنا في السعودية
تجي بالطلبية وسبعة شهور تنتظر والسعر 130 أشترلي موستنج كوبرا أر أو سوبرا مستعملتين

سعر خراااافي

وعندكم والله أعلم سعرها 80 ألف

[Third Eye]

--:D

[الأنصاري]

التايب ار حلوة بس المشكلة انها ماتيجي الا بالطلبية في اغلب دول الخليج هي ممكن الواحد يشتريها مستعملة يلعب فيها شوي بس جديدة صعبة لأنها غالية وفي خيارات افضل

[Accord-R]

Crower


سوري بس فكرتك تقوول سيفك معدل بغض النظر تايب ار او عاديه :p

[760IL]

مومضوع راااااااااائع اخوي زورو وتسلم

[lumina]

التاب آر خلوه بعيد هذا غير

سيارة قوية ورياضيه بحته صدقا على ما نشوفه من محركات الأصغر من VTEC عزم خيالي و لكن مع التايب آر ماله كلام طبعا 200 حصان توقف مع 300 حصان وأكثر مع العزم القوي وانا بنفسى صح ماعندي رخصة جربت VTEC .. يعذبني بالصوت وإرتفاع RPM بسرعه كبيره وهذا يدل على قوة المحرك مع إنه حجمه صغير ... .... وشكرا اخوي زورو الإمارات على الموضوع وشكلك ناولك على وحده منهن ..:D

[غريب السيف]

السلام عليكم
سعرها في وكالة دبي 68الف درهم

وصديقي يملك واحده منها ..حيث انها تباع فقط بالطلب والحجز

السيارة قويه جدا وصوت المحرك رائع جدا والثبات ايضا مدهش

والسعر ليس مرتفع لانها ارخص سيارة في السوق قومتها من 0 الى 100 كم في 6.8 ثانيه ...بهذا لن تجد سيارة بهذا السعر تتفوق عليها
وخاصه انها ارث هوندا العظيم ومحرك بتقنيه فيتك الجبارة

[SnoopY]

رد مقتبس من غريب السيف
السلام عليكم
سعرها في وكالة دبي 68الف درهم

وصديقي يملك واحده منها ..حيث انها تباع فقط بالطلب والحجز

السيارة قويه جدا وصوت المحرك رائع جدا والثبات ايضا مدهش

والسعر ليس مرتفع لانها ارخص سيارة في السوق قومتها من 0 الى 100 كم في 6.8 ثانيه ...بهذا لن تجد سيارة بهذا السعر تتفوق عليها
وخاصه انها ارث هوندا العظيم ومحرك بتقنيه فيتك الجبارة


و نرجع لمشكله الوكاله و النصب اللي عيني عينك!!

130الف في السعوديه

و 68 الف في الامارات بعني فرق 62 الف قيمه السياره نفسها تقريباً والله قهر:headshak: :headshak:

[زورو الامارات]

السلام عليكم

بكل صراحه اذا سعرها 68 الف مب خساره فيها

اسألوني ليش ؟

انا اقول لكم هاتوا لي سياره بمواصفاتها جاهزه يعني ماتحتاج تعديل اذا الواحد يحب السياره قويه ومن الوكالة يعني مايزيد عليها شي

انا شفتهم في الوكالة يابو 6 سيارات مادري 8 وطارن في اسبوع

بالحجز وبيني وبينكم هوندا تبدع في هذي الفئة

ولاتنسون ان الوكالة توفر قطع الغيار وان كانت هوندا غاليه لكن على الاقل تحصل شي متوفر احسن من كل يوم والثاني بالطلب من بره خصوصا بعض قطع الجي تي او السوبرا تيربو

صحيح مانقدر نقارنها مع السوبرا لكن انا ضربت مثال بتوفر قطع الغيار فقط


نشوف باقي تعليقات الشباب


:banana:

[Accord-R]

سوري شباب على التأخير

رد مقتبس من غريب السيف

والسعر ليس مرتفع لانها ارخص سيارة في السوق قومتها من 0 الى 100 كم في 6.8 ثانيه

القوه ما هي كل شيء .. انا ما شفت التايب ار ولا اعرف مواصفااتهاا ..
بس مش على اساس القوه تحكم ان السياره سعرهاا فيهاا:) :) :)


رد مقتبس من a.w.t

تجي بالطلبية وسبعة شهور تنتظر والسعر 130 أشترلي موستنج كوبرا أر أو سوبرا مستعملتين

سعر خراااافي


اناااااا اول مره اسمع انهاا تبااع في وكالتناااااا


:shock2: :shock2: :shock2:




واكرر شكري الى مشرفنااا زوروا الامااااراات .. ويا رييت لو تقولي لنا مواصفاتهاا
(( اذا كانت فيهاا مواصفات )):p

[A7medo]

صراحة هذي السيارة من زمان عاجبتني لا كن سعرها اشوي مرتفع بس الحلو فيها أنها خفيفة أو محرك 200 حصان عليها أو قير بوكس 6 تبديلات .....يعني يعني يعني :glasses2: شي مو صاحي يمشي في الشارع خاصة أنا الهوندا مثل هذي مكينتها سهلة التلغيم بس لحد الأن لا يوجد لها قطع كثيرة في السوق

[FoRd_FoCuS]

يعطيك الف عافيه يا مشرفنا الغالي على التميز والمجهود الجميل مشكور وماقصرت بس انا ما اداني السيفك كذا من الله :damp:

[Dark Boy]

الصراحة وين تحصل سيارة معدل وجاهزة من الشركة
وبهذا السعر والمواصفات
انا اقول السيارة ما عليها كلام غير موضع القير

[Net Master]

رد مقتبس من غريب السيف
السلام عليكم
سعرها في وكالة دبي 68الف درهم

وصديقي يملك واحده منها ..حيث انها تباع فقط بالطلب والحجز

السيارة قويه جدا وصوت المحرك رائع جدا والثبات ايضا مدهش

والسعر ليس مرتفع لانها ارخص سيارة في السوق قومتها من 0 الى 100 كم في 6.8 ثانيه ...بهذا لن تجد سيارة بهذا السعر تتفوق عليها
وخاصه انها ارث هوندا العظيم ومحرك بتقنيه فيتك الجبارة
يوجد سيارة تقريبا نفس التسارع ومميزات افضل وشكل احلى وسعر ارخص وهيا رينو كليو سبورت وتباع في السعودية بسعر 57 الف

[الفرعون GT]

أنا عندي سفك تايب آر فتك قوته 330 حصان عليه تيربوHKS واذا حد ناوي يسابق ترا أنا جاهز :black:



امزح:D :D :D

لكن عندي سفك حالة وكالة وما مقصر معاي حتى أنه مرة غلبت مكسيما 2002 اوتوماتك قومة وخاطري أزوده تزويد خفيف لكن نادر ما اتحصل ورش عدنا تزود سيارات:( :(

[زورو الامارات]

السلام عليكم


بالطبع سياره متميزه

الامريكان ما اهتموا بالهوندا واتركوا سياراتهم الا لأنها سياره قويه

ويعتمد عليها

شوفوا منتديات الهوندا في امريكا

شي مهول

تعديل وتيربو وسوبر

رغم عدم وجود شركات متخصصه في الهوندا بشكل احترافي كما هو في الكورفيت والكمارو والموستناج


كذلك سعر الهوندا في امريكا غالي اغلى من السيارات الامريكية بفارق

لكن الكل يعلم ان هوندا تصنع جوده مطلقة

والقادم اكثر

[A7medo]

هذي صور زيادة بعد
http://auto.shocknews.ru/news/newsimg/2003/04/04/honda_civic_type_r.jpg

http://auto.shocknews.ru/news/newsimg/imgdoc/japan_cars/honda/civic_type_r/honda_civic_type_r_01.jpg

[A7medo]

http://auto.shocknews.ru/news/newsimg/imgdoc/japan_cars/honda/civic_type_r/honda_civic_type_r_02.jpg

http://auto.shocknews.ru/news/newsimg/imgdoc/japan_cars/honda/civic_type_r/honda_civic_type_r_03.jpg

[A7medo]

أو هذي من الداخل

http://auto.shocknews.ru/news/newsimg/imgdoc/japan_cars/honda/civic_type_r/honda_civic_type_r_04.jpg

http://auto.shocknews.ru/news/newsimg/imgdoc/japan_cars/honda/civic_type_r/honda_civic_type_r_05.jpg

[بورش]

تنفع لمطاعم بيتزا ان :D