استشارة بخصوص جنوط !!

[StiNGraY_Bhr]

السلام عليكم شباب هذي أول مشاركة لي معكم و انشالله تقدرون تساعدوني ..
بغيت أغير جنوط wheels سبارتي بس مو محصل نفس مقاس فتحات البلوط bolt pattern .. لو احد عنده فكرة ياريت يتفضل مشكوور !
هل في محول adapter يغير ال bolt pattern ؟؟
أقدر أغير الهوبات بس ؟؟
مع العلم ان السيارة دفع رباعي 4x4 ..
بانتظار مساعدتكم ..
:rolleyes: :rolleyes: :confused: :confused:

[StiNGraY_Bhr]

معقولة الموضوع ينزل الصفحة الثالثة و مافي ولا رد !!!!:headshak: :headshak: :headshak:
اذا دل على شي يدل على مدى تعاونكم مع الاعضاء الجدد !!

[الارهابي]

وشو الموتر
و كم بلط لكل جنط
و وش هو الbolt battern حقه المقاس يعني :D

[StiNGraY_Bhr]

السيارة Range Rover انا كل اللي ابي اعرفه اذا في طريقة يترهم فيها الجنط على السيارة لما يكون ال bolt pattern مختلف ..
شكرا اخوي الارهابي على الرد ..

[الارهابي]

اما تودي الجنط للمخرطه
او تودي العكوس للمخرطه و يحفروا فيهم فتحات جديده للبلوط السالفه يمكن ماتزبط خاصه اذا كان الموتر عليه بريكات drums لان كدا لازم يفتحوا الفتحات في ال درام حق البريك و بعدين شغل المخارط مو مضمون مو شرط يزبطوه 100%


بالتوفيق

[A7medo]

أخوي الأرهابي ليش ما ممكن أغير ال Axles

[الارهابي]

اذا في شركه توفر اكسلز ( عكوس ) تركب على نفس الموتر لكن بbolt pattern مختلف و منتشر اوكيه ليش لا

بس ما اعتقد يحصل للرنج روفر
و معروف عن الرنج روفر ان بلوطه كبااااااااار
و bolt pattern حقه كبييييير مره تقول كفر باص :D

[StiNGraY_Bhr]

رد مقتبس من الارهابي

بس ما اعتقد يحصل للرنج روفر
و معروف عن الرنج روفر ان بلوطه كبااااااااار
و bolt pattern حقه كبييييير مره تقول كفر باص :D

بالظبط اخوي !!
بس تبديل axels بيكلف اكثر من خمسة الاف لان السيارة 4X4

يعني اذا وديت الجنوط المخرطة او حتى مصنع يقدرون يغيرون مكان الفتحات ؟؟

[الارهابي]

رد مقتبس من StiNGraY_Bhr
بالظبط اخوي !!
بس تبديل axels بيكلف اكثر من خمسة الاف لان السيارة 4X4

يعني اذا وديت الجنوط المخرطة او حتى مصنع يقدرون يغيرون مكان الفتحات ؟؟


بعض المخارط تسويها :)
انتبه لا توديها لاي مخرطه حي الله
اسال شوف لك مخرطه سمعتها زينه :)


بالتوفيق