سوال حق الارهابي (ضروري)

[luminaltz]

كيفك اخوي الارهابي حبيت اسالك بما انك ما شاء الله متخصص في الشفر
طال عمرك عندي لومينا سته سلندر وحاب احطلها هيدرز بس ما عارف هل الهيدرز هذا يلائم الموتر وشو مواصفاته ؟
وفي شي ثاني بالموتر لما امشي علي الريس يعني علي العشره كم احس انه السياره ترتعش وريسها ناقص فما ادري شو المشكله قلت اسالك انته بالاول قبل ما اوديها الوكاله ومشكور ؟؟:(

[الارهابي]

رد مقتبس من luminaltz
كيفك اخوي الارهابي حبيت اسالك بما انك ما شاء الله متخصص في الشفر
طال عمرك عندي لومينا سته سلندر وحاب احطلها هيدرز بس ما عارف هل الهيدرز هذا يلائم الموتر وشو مواصفاته ؟
وفي شي ثاني بالموتر لما امشي علي الريس يعني علي العشره كم احس انه السياره ترتعش وريسها ناقص فما ادري شو المشكله قلت اسالك انته بالاول قبل ما اوديها الوكاله ومشكور ؟؟:(

السلام عليكم
هلا

اخوي
بالنسبه للهدرز انا اول واحد اشجعك :D
خذوها قاعده الشفر عمره ما سوى اكزوست عدل
حتى سياراتها الرياضيه مثل الكومارو LT-1 او حلتى LS-1
اكزوستهم متخلف و ضيق و يعمل restriction لهوا العادم يعني يضيق نفس المكينه شوي :D
و الهدرز و الاكزوست بشكل عام هو اول شي المفروض الواحد يسويه قبل ما يعدل موتر خصوصا الشفر
بس وين تحصل هدرز جاهز لسيارتك ما ادري :eek: انت وشطارتك لاني ما عندي اهتمام بالهولدن :D ( مع احترامي للمعجبين به )
و لو تكمل شغلك و تسوي بقيه اكزوست السياره اكبر من الاصلي
اعتقد انه الاصلي اصغر من 2.5 انش
يعني 2.5 انش او 2.75 انش زين 3 انش كبير على 6 سرندل



بالنسبه للنفضه اللي في الموتر
تكون بس لما تمشي على الريس ولا على طول
و هل لما تدعس تختفي

المهم
تاكد من الاشياء التاليه
بواجي
فلتر هوا
فلتر بنزين

اذا كل شي اوكيه وانت معتني بالموتر
يمكن من البخاخات يبغى لهم تنظيف او شي ثاني ما ادري والله
يعني افحص الاشياء الاولى و اذا ما زبطت وديها الوكاله
و الله يعينك
في الخدمه :D

[luminaltz]

السلام عليكم

كيفك اخوي ....مشكور علي الرد الطيب وفعلا طلع من البواجي ..لانه البواجي اللي ركبتها مو وكاله بس حسيت انه السياره اداءها احسن من بواجي الوكاله يعني بهاي البواجي النقليه الموتر يطش وتتسارع اكثر لكن المشكله لما امشي علي الريس الموتر يقطع
ما ادري هاي المعلومه عندك او لا بس البواجي المستخدمه في سيارتي محدده ومكتوبه تحت البونيت في الليبل اللي مركب في السليته القداميه ومشكور مره ثانيه .

لكن بالنسبه للهيدرز كم ممكن يوصل وهل لازم اركب جاهز او ممكن افصله علي 2,7 انش .
علي فكره ما شاء الله عليك خبره في امجال بس حبيت اعرف من وين اخوي الارهابي .
:help:

[الارهابي]

رد مقتبس من luminaltz


لكن بالنسبه للهيدرز كم ممكن يوصل وهل لازم اركب جاهز او ممكن افصله علي 2,7 انش .
علي فكره ما شاء الله عليك خبره في امجال بس حبيت اعرف من وين اخوي الارهابي .
:help:

الهدرز اشوف تطلب جاهز افضل لك
الا اذا كان غالي مره و مبالغ في سعره
لان حتى اللي يفصلوا هنا اسعارهم مبالغ فيها
و مع ان شغلهم حلو و المواد اللي يستخدموها كويسه
لكن الجاهز يبقى افضل

ليش ؟
اولا اكيد الجاهز مصمم و مختبرينه و عدلوا في التصميم الف مره عشان يوصولا لاحسن تصميم يعطيك افضل خلطه من القوه ( بالحصان ) و العزم
اما التفصيل راح يسووه لك و ما بيهتموا بشي الا هل انه يركب كويس او لا

بالنسبه لمقاس باقي مواسير الاكزوست
ما ادري وش هو الستوك
يعني يستحسن لو تكبرهم بمقدام 0.5 انش عن الاصلي
و لو تعرف العضو الغائب شرخشين شوفه ترى هو مسوي اكزوست 3 انش على لومينا 6 سرندل :eek:

و في النهايه
انا من صفوى ;)

في الخدمه
تحياتي