ليش تواير دانلوب اطلع صوت ؟؟؟؟

[فاهم]

بسم الله الرحمن الرحيم
السلام عليكم ورحمة الله وبركاته

يا جامعه شمعنه تواير دانلوب اطلع صوت لمه تلف ولا بالمنحنى يطلع صوت شيييييط

صوت مزعج جنه صوت مطارده بفلم مصري:D

وكل الي عندهم دانلوب يعانون من هل مشكله

انا بعرف السبب شنو اهوووووو

وشكراان

[Accord-R]

نفس الشيء كفرات sumitomo

[SLR]

انا استعمل دنلوب وماسمع فيه اي صوت كما ذكرت.. الظاهر ان نوعية الاطار اللي جربته خالص ومنتهية صلاحيته...

[JUST CORVETTE]

سلام عليكم

اخوي شوف الزوايا

[فاهم]

بسم الله الرحمن الرحيم
السلام عليكم ورحمة الله وبركاته

انا الصوت عندي قوي

او واحد من الربع توه مركب تواير او هم يطلع عنده الصوت

انا التاير الي قدام منتهي متسحك بس حتى الي ورا هم يطلعون صوت

[كـيـمـو]

أناا أعاني من اصوات الكفر .. كفرات تويو أبو سهم مع انهاا جديده وليست مستهلكه

وانا احسب ان المشكله من الرومانات

ويقولون ابو سهم تطلع اصوات غالباا

[روح الامارات]

هلا وغلا فاهم شلونك وين هل الغيبه

الدانلوب معروف بردائته والصوت اللى يطلعه اللى تقول كانك مار جنب طاحونه :D :D ايضا بسرعة ينتهي خصوصا في الجو الحار , نصيحة لك من واحد مجرب الدانلوب غير الدانلوب وحط بداله ميشلان بتحصل الموتر فوق شوي يعني يعطيه شكل فنان وثانيا اامن حتى على السرعات العاليه:) :)

سلامي

روح الامارات

[mustang cobra]

بسم الله الرحمن الرحيم

سبحان الله انا احسب المشكله عندي بس طلعت في نوعية الكفر انا ونا ماشي اسمع صوت الكفر كاني راكب وانيت معا ان سيارتي مرسيدس ابو عيون :confused:

[فاهم]

والله يا جماعه هل ايام كل التواير اطلع صوت ما ادري يمكن من الحر؟


روح الامارات

والله خوش فكره انزين انا تدري فيني ما احب ازيد ولا شي على الموتر ونت تقولي يرتفع شوي ويمكن جذي ينقلب بسرعه الموتر ولا شرايك انا ابي نفس الحجم ولعرض التاير مال وكالته

بعدين انا على وشك اني اغير التواير لانهم مو عاجبيني احسهم بدوا يموتون

بس فكرت الميشلان الي قلتها ترا دشت مزاجي بس شلون يرتفع الموتر زياده جذي اعتبر انا غيرت برتفاع السياره يمكن يظر او اقلب بسرعه خاصتن اني امشي على المنحنيات 180:D

ياليت تعطيني معلومات اكثر لاني على وشك اغيرهم بس انطر المعاش هههههههه


ولي يخليني اختار الدانلوب اكثر شي اني اشوف كل السفاريات توايرها دانلوب


وشكرا للجميع :):help: :help:

[®Lumina ss 2002]

اوكي شو احسن تواير رياضية تناسب لومينا اس اس وتعطيه منظر لاني راح اغير تواير هشهر لانها كملت عندي سنه فشو تنصحوني

[فاهم]

والله على كلام روح الامارات انه مشيلان احسن تواير:confused:

روح الامارات
مثلن شريت تواير مشيلان السبير دانلوب وين اوديه جذي يبيلي خمس تواير مشيلان غااالي :OO:

[®Lumina ss 2002]

:o

[comondor--GTSR]

رد مقتبس من SLR
انا استعمل دنلوب وماسمع فيه اي صوت كما ذكرت.. الظاهر ان نوعية الاطار اللي جربته خالص ومنتهية صلاحيته...

[black scorpion]

بصراحة الميشلان مجرب واعتقد اني ما رح اغير غيره بعد ما جربته(مجرب على باث فايندر ولاندكروزر الوالد)

[روح الامارات]

هلا والله اخوي اخوي فاهم

انا قصدت يافاهم ارتفاع التاير مش السيارة عن الارض الارتفاع مثل ماهو لكن ارتفاع التاير الميشلان بيكون قريب للرفرف اللى فوق التاير عكس الدانلوب اللى شكله اصغر اما سالفة تاخذ خمس تواير ليش باخذ اربعه والخامس دانلوب وشفيها دام اني مغطنه بالكفر مال التاير ولا شو رايك

المهم هذه ارقام حجم الميشلان

275/70/114 H
صدقني جرب ميشلان وما بتخسر :) :)

تحياتي لك

[روح الامارات]

رد مقتبس من lumina ss 2002
اوكي شو احسن تواير رياضية تناسب لومينا اس اس وتعطيه منظر لاني راح اغير تواير هشهر لانها كملت عندي سنه فشو تنصحوني

هلا والله اخوي لومينا اس اس 2002

والله واحد من الربع مركب تواير ميشلان على موتره وموتره يجنن يوم ركب هذه التواير :shock2: :shock2: خاصة انها عريضة شوي عن مالت الوكالة
وعندك بعد احسن تواير بيرللي سكوربيون حلوة وتتحمل سرعات عالية

[فاهم]

روح الامارات

يا هلا بالغالي

خلاص تم انشالله باجر بروح اغير التواير ونشوف شكل الموتر وجودة التاير انشالله بس انهم يعجبوني ولا يبيخون منظر الموتر بعيني ونشالله اعطيك خبر هنيه عن الي سويت وشكرااان يالامير :)

[فاهم]

روح الامارات


السلام يالغالي شلونك

باركلي اليوم رحت ركبتلي اربع تواير مشلان بس الصراحه انا زعلان منك

:(

تدري جم طلعوا علي طلع علي سعرهم 212 دينار كويتي الصراحه المبلغ عور قلبي بس انشالله يكون سعرهم فيهم:OO:

الدانلوب كانوا 128

بس والله التواير تمام احس انه الموتر صار اريح من قبل بالتراب او بالمطبات او بالسرعات العاليه احس انه تغير او صار اريح بواجد

بس ما ادري ليش احس انه الدانلوب كانوا اعرظ من المشلان وحس المشلان ظعيف او جاي على طول التاير مو على عرظ
ودانلوب كانت فيه لمعه حلوه عكس المشلان الي مافيه لمعه ابدننن
بس والله منظرهم تمام جنه بالون لووول:D

وصراحه دخنت بالتواير طلعت ريحتهم لاني قاومت لاند كروزرين اول ماطلعت التواير:D

على فكره انا مركب التواير عند وكيل مشلان الي بالكويت مشالله الوكاله حيل حلوه جنه فندق ونا الوحيد الي نيسان فيهم ولباقي كلهم تيوتا او بي ام:damp:

المهم هذا عرظ التاير

275\70R16
114H

تاريخ الصنع
0103

الي مريحني انهم توهم جدد 2003

تحياتي لك يالغالي وعطني ملااحظاتك :)

[روح الامارات]

يعطيك خيرهم ويكفيك شرهم اخوي فاهم , بس بذمتك شفت وقفت النيسان الحين بالميشلان رووووووووووووووووووووعه:shock2: :shock2: كانك مركب بوالين اما من ناحية السعر قلت تلك انها غالية لكنه يستاهل على تاير يستحمل سرعات عالية ومضمون وانا اعطيك ضمان سنه ونص عقب بتغيره يمشيك حوالي 100000 كم طبعا اذا لعبت فيهم بيكون عمرهم اقصر من كده , انا مركب على الكروزر ميشلان ماشاء الله وماشي عليهم الحين 65000 كم وماشاء الله فيهم حيل ;) ;)

نصيحة :1 _خل ضغط التاير 40 بس لاتزيد ولا تنقص علشان يعطيك ثبات اكثر اما في البر 25 امش وانت مرتاح ;) ;)

2_ كل 20000 كم غير مواقع التواير جيب اللى جدام الى الوراء واللى وراء تجيبهم جدام طبعا بهذه الطريقة انت تخلي عمر التاير اطول
ومبروك عليك

روح الامارات

[فاهم]

يا هلا والله باغالي

جزاك الله الف خير طال عمرك

اي والله منظر الموتر صار حلو او ارتفع شوي وصار شكله مجرم:D

شلون اخلي الهوا 40

الوكاله قالولي 32:OO:

[روح الامارات]

هلا وغلا اخوي فاهم

شي اكيد الموتر يطلع جنان بالميشلان بالذات للنيسان والكروزر تحس وقفتهم حلوه :) :)

وماعليك من الوكالة اقرا على نقشة التاير بتلاحظ مقدار ضغط الهواء
MAX LAOD: 44 P.S.I يعني اقصى شي تخلي ضغط الهواء يكون 44 هذا طبعا اذا الموتر شاحن اما اذا الموتر مش شاحن تخليه 40 لانك اذا خليته 32 اول شي بتحصل انه الموتر نشته ثقيله لان التاير وايد محتك بالارض ثانيا اضمنلك 3 شهور بتلاقي جوانب التاير مسحته , في الدانلوب 32 اوكي لكن الميشلان 40 فقط :) :)

سلامي
روح الامارات

[فاهم]

مشكور يالغالي على النصايح الحلوه وعساك على القوه

تحياتي لك
:)

[mustang cobra]

بسم الله الرحمن الرحيم

تحس انها صارت انحف لان الخطوط الي في الكفر صار اكثر واقرب من بعض:OO: