الى الارهابي .. بخصوص البخاخات

[STS4ever]

سلام

اخوي الارهابي عندي سؤال عن البخاخات اللي صراحه خوفتوني من تنظيفها عقب ماقلتوا انه ممكن لما يفكوها للتنظيف يكسروا حاجه او شي

وش الاشياء اللي ممكن تنكسر عند فك البخاخات ؟؟ وتنكسر بسهوله ؟؟ ولا فك بخاخات الا اس تي اس زيها مثلا زي اي كابرس او سياره معروفه يعني ممكن العامل يعرف يشتغلها ؟؟

انا بصراحه متعامل مع ورشه خدماتها ممتازه وشغلهم نظيف بس غالي ويمكن في بعض الاحيان شغلهم مظمون لاكن لما قلتوا ممكن تنكسر حاجه او يخرب شي خفت بصراحه وترددت كثييير في تنظيفها مع انها وسخه مررررره فاتمنى توضح الموضوع لي اخوي الارهابي


واسف على الاطاله

[corvette c4]

وين الغيبه يا sts جيت والله جابك ابي اسالك سوال اخوي ؟؟؟

وش رايك بصراحه بالكاديلك STS من كل النواحي مع علمي الاكيد انه كله كمبيوتر واكترونيات وشغلات داشه في بعض :confused: لانه كان معانا كدلك كونكورد 96 وتعبنا شوي من ناحية انه ماحد عارف لخراباته يعني معقد المهم بعناه والحين اخوي بيشتري كدلك STS موديل 93 لانه الصراحه اللي يجرب الكدلك ماعاد يحس بالفخامه بغيرها بس لو انها ماهي معقده :cry: :cry:
والكدلك هذا لاباس عليه يعني 90% فهل تنصحنا نشتريه بالذات انه سعره حلو طايح شوي وهذه عادة الكدلك للاسف او مانشتريه وهل هو مثل الكونكورد او مايتحمل لانه الكونكورد بصراحه يتحمل

وبعدين فيها صوت من عند البكرات مثل التكتكه وهذا الصوت كان بالكونكورد اللي معنا اول فهل هذا الصوت عادي او في شي ؟؟

وبالنسبه للحراره هل في حل لها يخليها ماترتفع مثل برمجه او زيادة مروحه .هي جيده بس للحرص بالذات انه مالها اومبير حراره بس في طريقه نجيب فيها الحراره مادري كيف ياليت لوتعرفها تقولنا عليها؟؟؟

والسياره فيها تهريب من علبه الدركسون بس مادري من ايش هل تحتاج اصلاح او شي؟؟فياليت تقولي لو عندك خلفيه بكم اصلاحها

وكم سعر كراسي المكينه لانه السياره فيها اصوات خفيفه مع المطبات شكلها من الكراسي وهل سعر المساعدات الاماميه مثل الكدلك الكونكود ب3000 ريال او اقل ؟؟


فاخوي وش رايك النصيحه ياخوي وياليت اليوم لانه صاحب السياره معطينا اياها يومين نجربها فياليت ماتبطي علينا بالرد :help:

طفشناك بالاسئله بس ياليت تزبط براد الشاي وتمخمخ وتكيف على الاسئله سؤال سؤال وتجاوب عليها بالتفصيل وتزيد من خبرتك حتى لو بشي اناماسالتك عنه

حتى الارهابي خليه يقول اللي عنده ترى الكدلك فخذ من GMيعني هي و الشفر عيال عم صح انها نورث ستار بس برضه انت قدها وقدود يالارهابي

:banana: :banana: :banana:

[STS4ever]

والله اخوي انا بتكلم عن الـ STS 93 بواقع التجربه لانه فعلا الى الان معي STS 94 القديمه وشريت جديد برضه يعني معاي ثنتين ولو انه زي ماقلت صيانتها صعبه جدا بس فعلا اللي يركبها ويسوقها ويستعملها يحس بشي مختلف عن السيارات الثانيه

وبالنسبه اذا تشتريه او لا مدام انك مقتنع بالكاديلاك وبصيانته الصعبه فحط في بالك ان الافضل تعمل كل صيانته بالوكاله او ورشه لها خبره بالكاديلاك ولا بكل بساطه راح تنعدم زيها زي البي ام لاتصلح برى الوكاله

وبالنسبه لتحمله فالكاديلاك STS 94 شريته وانا بثاني ثنوي وانت تعرف هالسن والله العظيم ياشباب كل يوم RPM على الاخر وكمان تفحيط ؟! وكل شي صلحته فيها والله ماغيرت فيها شي اللهم وقت الحوادث فقط اما عن مشاكل ابدا الا المشكله الاخيره اللي انا اتسببت فيها وهي مشكلة الانفجار لاني ضغطت زرين بالطبلون وفايدتها انها تفحص كل القطع الالكترونيه عن طريقها وهو زر الـ OFF اللي يطفي شاشة الطبلون وزر المكيف البارد فقمت انا ضغت الOFF مع المكيف الحار وبعدها السياره ماشافت الشارع خلاص ماعد تمشي

بالنسبه لطريقة معرفة الحراره فعلا الSTS القديم مافيه انبير حراره ولاكن له طريقه ومعرفته عن طريق زر انفرميشن اللي في الطبلون وهو راح يعرضلك درجة حرارة السياره

وصوت البكرات اذا هو جاي من عند علبة الدركسيون فهو لازم تغير العلبه كامله مع البكره وحيروح الصوت وهالخلل معروف

واذا كنت تقصد الصوت اللي يطلع في المطبات الخفيفه مو القويه زي القربعه كذا فهو كراسي المساعدات وليس كراسي المكينه وقيمتها 280 ريال اما اذا كراسي المكينه فقيمتها من 250 - 300 ريال

وفعلا قيمة المساعد الواحد في القديمه 2700 ريال اما الجديد 1700 ريال مع انها كلها هيدروليك بس ماادري ليش نزل سعرها

بالنسبه لاصلاح الدريكسون ماادري اذا كان يحتاج او لا وانت وش تلاحظ بالسياره ؟؟

بالنسبه للحراره انا الحمد لله لم اواجه اي مشكله معها الا بعد الحادث لمن غيرت الرديتر بواحد توليف فبدت الحراره بسبب التهريبات اللي صارت فيه بعد فتره

بس نصيحه اهم شي كهربة السياره لاتصلح فيها شي يعني زينون او شغلات كبيره نصيحه انساها حتى لو بالوكاله

وهاذي كل المعلومات اللي طلبتني وسالتني عنها وانا اجبتلك عنها بواقع تجربه مع هالسياره

واي خدمه انا حاضر

سلام

[الارهابي]

رد مقتبس من STS4ever
سلام

اخوي الارهابي عندي سؤال عن البخاخات اللي صراحه خوفتوني من تنظيفها عقب ماقلتوا انه ممكن لما يفكوها للتنظيف يكسروا حاجه او شي

وش الاشياء اللي ممكن تنكسر عند فك البخاخات ؟؟ وتنكسر بسهوله ؟؟ ولا فك بخاخات الا اس تي اس زيها مثلا زي اي كابرس او سياره معروفه يعني ممكن العامل يعرف يشتغلها ؟؟

انا بصراحه متعامل مع ورشه خدماتها ممتازه وشغلهم نظيف بس غالي ويمكن في بعض الاحيان شغلهم مظمون لاكن لما قلتوا ممكن تنكسر حاجه او يخرب شي خفت بصراحه وترددت كثييير في تنظيفها مع انها وسخه مررررره فاتمنى توضح الموضوع لي اخوي الارهابي


واسف على الاطاله

هلا اخوي

وشو الاشياء اللي سامع انها تنكسر
انا اول مره اسمع بهالكلام >>> ما لي في البخاخات :D

مو مشكله طمن بالك

اصلا اغلب البخاخات حق السيارات universal و تركب على بعضها البعض و الفرق في قوه دفع البخاخ نفسه
يعني الشغل اعتقد انه 90% زي الكابرس و غيرو
يعني اكيد يعرفوا له :)

تحياتي :)

[STS4ever]

الله يبشرك بالخير وانا بكره انشاء الله بروح انضفهم

سلام

[corvette c4]

اخوي STS مااقول غير الله يوفقك ويريح خاطرك ويجملنا معك كفيت ووفيت وما قصرت ابد وتعبناك معنا ;)

وبعدين السياره وشريناها بسعر حلو والسياره والله ماعليها خلاف وبعدين مكينتها فيها قوه اللهم صلي على النبي مع انه كانت معنا كدلك 96 كونكورد بنفس المكينه بس مو بالقوه هذه يمكن لانه السياره حجمها ووزنها اقل( بس النورث ستار مكائن جباره بشكل خيالي )

والنسبه لعلبة الدركسون شكلها خربانه لانه في عليها زي الندى من الزيت يعني تقول الزيت يطفح

والله فحصناها كامله وقالت لنا الشركه انه المكينه شحنها 60% والبستم الثامن ضعيف شوي بس المكينه ممتازه مامنها خوف

وبالنسبه للحراره هل 105 درجه مئويه 215 فهرنهايت عاديه او مرتفعه لانه الشركه تقول عاديه بالنسبه لجونا وبعدين المراوح تفتح متاخره مافي حل يخليها تفتح بدري يعني على حراره منخفضه لانه لو باخليها على السويتش يعني على طول راح تفتح لمبه السيرفس انجن سون وبتنعدم المراوح مع الوقت مثل ماصار معنا في الكونكورد

وبالنسبه للكهرب مثل ماقلت وبعدين حنا مجربين سالفة الكهرب بالكاديلاك يعني احلق على اذني لو العب فيها

وبعدين تنصحني اوديها لورش خارجيه بالنسبه للقطع مثل كراسي المساعدات او غيرها اللي مافيها شغل بالميكانيكا والكهرباء لانه عندنا الجميح وبالبيد بالقوه يمشون صيانة سيارات الضمان عندهم عاد كيف لو اجيهم من بره والله ماعندهم سالفه وحراميه ونصابين :mad: بس الشكوى لله

واخر شي صح انه تغيير وجيه زيت المكينه والجربكس تكلف اكثر من 1500 ريال

وسامحني على الطواله ياعاشق الكدلك .من STS الىSTS ياكذا العشق يابلاش عسى الله يعطيك خيرهم ويكفيك شرهم وشر الحسَاد وسامحني ترى باتلبش فيك كل ما شفت شي جديد حيرني اخوي لانه منكم نستفيد
والله عارف انك كرهتني بس مشي حالك هذا حال الدنيا ماحد قالك تسمي نفسك STS4EVER وبالذات انه اهل الكدالك قليل:banana: :banana: :banana:

[STS4ever]

corvette c4 افا عليك اخوي اش دعوه احنا ماسوينا شي وانا حاضر باي شي تبغاني اخدمك فيه انت امر وانا تحت الخدمه

اخوي بالنسبه للطفح اللي صاير في علبة الدركسيون يعني زي ماتقول ممكن يكون عادي اذا مافيه صوت زي الطقطقه
واذا مافيها صوت الحمد لله ممكن مايكون فيها شي لاكن اخوي ابسالك

مثلا اذا هديت ومشيت على مهلك تحس الطاره ثقيله واذا زدت السرعه صارت خفيفه ؟؟ وطبعا يصير الدركسون ثقيييل شوي واذا اسرعت صار خفيف زي طبيعته ؟!! اذا كانت تصلح معاك كذا فمعناته لازمها تغيير اما اذا كان مافيها صوت ولا فيها الحركه اللي قلت لك عليها ابد مامنها خوف وانشاء الله تمام

والله اخوي بالنسبه للحراره مااعرف لاني بصراحه ماقد انتبهت ابدا ولافكرت اضغط زر الحراره في الكاديلاك الاولى نهائيا لاني الحمد لله لم احتاجه فماا اقدر اقلك طبيعي او لا اما بالنسبه للجديد فالانبير عندي مو بالدرجه لا صار زي حق البنزين خطوط بدون درجات فااعذرني

بالنسبه للورش اذا الشغل في المكينه والقير لاتوديها الا ورش مضمونه ومجربه او الوكالات اما زي المساعدات والكراسي وكمان البواجي والاسلاك وصفاية البنزين او طربه المهم الشغل الخارجي عن المكينه والقير ممكن توديها عند اي ورشه تصلح كابرس لانه ماتختلف عنه كثير من هالنواحي

وفعلا بالنسبه لتغيير وجه كرتير المكينه يكلف اكثر من كذا لانه يحتاج لتنزيل القير والمكينه ولاكن في بعضهم يرفعوا المكينه برافعات خاصه حتى يفكوا الكرتير دون فك المكينه والقير وطبعا السبب لفك المكينه والقير ان السياره دفع امامي والمكينه والقير لازم تنزل مع بعض وسبب تنزيلهم ان مافي مكان تقدر تخرج منه الكرتير من تحت السياره بسبب الشاصيه

واي خدمه اخوي انا حاضر واعذرني على التقصير

سلام

[corvette c4]

والله ياخوي ماقدر اقول لك غير الله يجزاك بالخير واذا في شي ثاني انشاءالله ماراح استغنى عنك اخوي

يعيش STS4EVER يعيش يعيش يعيش:banana: :banana: :banana: