View Full Version : السيارات المعدلة أو السبورت وقضية ركوب الأهل فيها
أكورد
03-08-2003, 03:12 AM
بسم الله الرحمن الرحيم
بخصوص السيارات المعدلة كالتي تركب فيها جنوط كبيرة أو فيابر أو فتحة في الكبوت ووووووو
أو السيارات السبورت التي تأتي شد بلد كـ الموستنغ أو لومينا ss أو أودي TT وووو
هل تأيد أنها غير لائقة لأن يركب أهل صاحب السيارة فيها
أنا أعرف واحد عنده لومينا ss عمر أهله ماركبو فيها وكذلك كامري معدل كذلك لم يركب أي شخص من أهله فيها
فما رأيكم شباب في هاي القضية
corvette c4
03-08-2003, 03:30 AM
السلام عليكم ورحمة الله وبركاته
موضوع حلو والله;) بس انا اعتقد انه معاهم حق لانها ماهي حلو بحق اهله ليش ؟؟؟ قلتلي ليش .لانه السيارات هذه ملفته للنظر فانت كذا تلفت نظر الناس لاهلك عشان كذا الشغله ماهي حلوه :headshak: :headshak: مجرد راي
انا ماعمري ركبت احد من اهلي بالكورفيت تعرف ليش :confused: :confused: :confused: لانها ماتشيل الا نفرين:D :D :D وانا عشان كذا اشتريتها عشان افتك من مشاوير البيت اللي ما تخلص :D :D :D :D
مشكور على الموضوع الحلو
السلام عليكم ورحمة الله وبركاته
اخوي انا اعرف ناس واييييييييييد وايييييييييييد
مايركبون اهلهم :D :D واعرف واحد والدته تختلع من صوت سيارته كومارو z28:D :D
اما انا اركبهم عادي لاكن:black: :black: بس انزل ماحد يركب فيها:D :D
lumina
03-08-2003, 04:18 AM
موضوع حلو والصراحه كلام الأخ الأول صح لأنه سيارات ملفته للنظر جدااا
شوف تخيل إنته من سكان الأمارات وعلى كورنيش الشارقه وراكب كمارو ولا SS وياك أمك او أبوك و يجي واحد يبغي يدعس وياك شو بيكون موقفك ... هذا شي قليل ومثل ماقال الأخ الأول إنها سيارات ملفته جدا للنظر .. يعني الأحسن إبتعاد الأهل عن ركوب هذي السيارات ...
Lamborghini
03-08-2003, 05:23 AM
رد مقتبس من corvette c4
السلام عليكم ورحمة الله وبركاته
موضوع حلو والله;) بس انا اعتقد انه معاهم حق لانها ماهي حلو بحق اهله ليش ؟؟؟ قلتلي ليش .لانه السيارات هذه ملفته للنظر فانت كذا تلفت نظر الناس لاهلك عشان كذا الشغله ماهي حلوه :headshak: :headshak: مجرد راي
انا ماعمري ركبت احد من اهلي بالكورفيت تعرف ليش :confused: :confused: :confused: لانها ماتشيل الا نفرين:D :D :D وانا عشان كذا اشتريتها عشان افتك من مشاوير البيت اللي ما تخلص :D :D :D :D
مشكور على الموضوع الحلو
كلام صحيح 100 % .. :)
E_TYPE
03-08-2003, 05:33 AM
اهللللللين
عاااادي حته لو ابو وياي ادوس ويااه :D :laugh: ..طيب احين في الغرب نساء عجايز يقامو؟ هناك مايمشو اله بعكاز وتوشفها جايه فايبر او كمارو .يعني احنه ليش مو زيهم ؟؟:rolleyes: :help:
Lamborghini
03-08-2003, 05:34 AM
لأنه حنا عرب ومسلمين !! :cool:
E_TYPE
03-08-2003, 05:42 AM
اوكي لاكن في بنات عربيات يحبو السرعه .؟؟؟؟ طيب ايش يسوو؟
A7medo
03-08-2003, 09:14 AM
أنا ولا أفتكر لو عندي سيارة سبورت من زمان شقحت الأهل كلهم فيها :D
عاشق التضبيط
03-08-2003, 09:20 AM
طيب واللي ماعنده الا سياره وحده وش يسوي ؟
يعني مايخلص مشاوير اهله ؟
وبعدين اللي يقول تصور انك تمشي مع اهلك ويجي واحد يبي يقاوم معك وش بيكون موقفك ؟
اش دعوه اللي بيقاوم معي مايشوف اهلي ؟
وانا اي واحد بيقاوم معي اقوله يالله دوووس ؟
انا بصراحه اشوفها عااديه جداا بس اكون محترم نفسي وانا اسوق
موب زي بعض الناس تشوفه مع اهله ومهستر تلقااه رافع صوت المسجل ويساقط على العالم وبواري ومسكن كانه واحد من الشباب معه موب اهله:rolleyes:
mustang cobra
03-08-2003, 09:32 AM
بسم الله الرحمن الرحيم
انا الصراحه اركبهم واطبق القول الي يقول شعلي من الناس وشعلى الناس مني :p
comondor--GTSR
03-08-2003, 08:58 PM
رد مقتبس من mustang cobra
بسم الله الرحمن الرحيم
انا الصراحه اركبهم واطبق القول الي يقول شعلي من الناس وشعلى الناس مني :p
الشرقاوي
03-08-2003, 09:10 PM
ذكرتوني بواحد من الشباب شفته الا سيارته فلللللللللللللللللللللللللللللللللللللل(سيارته فوكس ويجن بيتل):D
طبعا اليوم الثاني جاني الا ويقوللي ارحم امك لاتقول لاحد من شباب السياره زحمه تخيلو امه قدام واخوانه ورا 4(اموت اعرف شلون ركبو ا):laugh:
اللا يقوللي صارت زحمه ولافيه غير سيارتي اوديهم :D للعرس
كلما اتذكر شكله المسكين افطس ضحك:D :D
Lamborghini
04-08-2003, 05:43 AM
رد مقتبس من عاشق التضبيط
طيب واللي ماعنده الا سياره وحده وش يسوي ؟
يعني مايخلص مشاوير اهله ؟
وبعدين اللي يقول تصور انك تمشي مع اهلك ويجي واحد يبي يقاوم معك وش بيكون موقفك ؟
اش دعوه اللي بيقاوم معي مايشوف اهلي ؟
وانا اي واحد بيقاوم معي اقوله يالله دوووس ؟
انا بصراحه اشوفها عااديه جداا بس اكون محترم نفسي وانا اسوق
موب زي بعض الناس تشوفه مع اهله ومهستر تلقااه رافع صوت المسجل ويساقط على العالم وبواري ومسكن كانه واحد من الشباب معه موب اهله:rolleyes:
اللي ماعنده غيرها يبيعها ويشتري سيارة تكفيه و تكفي أهلـة ، الحاجـة الظروريـة أهم من الحاجـة الكماليـة ..
بعدين السالفـة ماهي سالفـة دعاس السالفـة سالفـة لفت نظر يعني إنت تمشي و الناس كلها تناظر فيك و فأهلك اللي معاك أنا الصراحـة أشوفها مب حلوه لو إنت تشوفها حلوة الصراحـة هذا رايك الخاص و أنا أحترمـة ..
بالنسبـة القول الي يقول شعلي من الناس وشعلى الناس مني ، هذا المثل غلط غلط غلط !!
عاشق التضبيط
04-08-2003, 09:06 AM
رد مقتبس من Lamborghini
اللي ماعنده غيرها يبيعها ويشتري سيارة تكفيه و تكفي أهلـة ، الحاجـة الظروريـة أهم من الحاجـة الكماليـة ..
بعدين السالفـة ماهي سالفـة دعاس السالفـة سالفـة لفت نظر يعني إنت تمشي و الناس كلها تناظر فيك و فأهلك اللي معاك أنا الصراحـة أشوفها مب حلوه لو إنت تشوفها حلوة الصراحـة هذا رايك الخاص و أنا أحترمـة ..
بالنسبـة القول الي يقول شعلي من الناس وشعلى الناس مني ، هذا المثل غلط غلط غلط !!
انا معاك في كلامك
بس انا ما اتكلم عن الباب واحد انا عندي سياره بابين بس معدل فيها
يعني تكفي اهلي وانا واحد احب التعديل والتعديل اللي مسويه محترم ماحد يقدر يقول فيه شيه
وبالنسبه لانها تلفت النظر هذي بصراحه مشكله ومدري ايش حلها
بس ياخي تصور انك مطلع بي ام اول شكل له من الطبيعي انك بتلفت النظر لانها غريبه
يعني ماتركب اهلك فيها عشانها ملفته للنظر ؟
وبعدين الناس تطالع السياره ماتطالع الاهل
واللي الاحظه ان كثر الناس المحترمه لما يشوفون معك اهلك مايطالعون
وحتى لو احد طالع وش بيطالع ؟عبايه سوداء الحمدلله الاهل متحشمين موب باين فيهم ولاشي
king_prelude
04-08-2003, 10:40 AM
الصراحة ركوب الأهل بالنسبة ليي شيء عادي بس لا زم تكون هادئة
بدون رجة.
والشيء الثاني إلا بطالع في السيارة وفيها أهلك هذا شخص ما عنده ذوق يعني ما تقدر تسوي له شيء هو مقصده الأهل وليست السيارة
doctor cars
04-08-2003, 11:52 AM
:laugh: وش فيها لو اركب اهلي معي انا اعرف واحد مو مركب اهله مركب زوجته وعادي انت اللي يتلفت الانتباه مو السيارة توافقوني الراي شباب ؟!!:glasses2:
Lamborghini
04-08-2003, 12:23 PM
هو صحيح البي إم دبليو وغيرها تلف الإنتباه لكن مب بنفس الدرجـة و مو لنفس شريحـة المجتمع ..
يعني فرضا عندك الفئـة الخامسـة الجديدة اللي رايح يشوفك ناس معجبين في السيارة بشكل رئيسي و ماراح ينتبح عل اللي داخل
أما السيارة السبورت فاللي رايح ينتبهلك واحد في كثير من الأحيان واحد ناوي يجرب معك فهو ماراح يشوف السيارة بل راح يشوف اللي داخلها بشكل أساسي ..
طبعا هذا غير وجود الستائر في السيارات الفخمـة واللي تغطي علـى اللي موجود في الداخل ..
وعلـى العموم هذي كلها وجهات نظر .. :)
corvette c4
05-08-2003, 02:09 AM
رد مقتبس من E_TYPE
اهللللللين
..طيب احين في الغرب نساء عجايز يقامو؟ هناك مايمشو اله بعكاز وتوشفها جايه فايبر او كمارو .يعني احنه ليش مو زيهم ؟؟:rolleyes: :help:
ــــــــــــــــــــــــــــــــــــــــــــــــــــــــــــ
الغرب هذه حياتهم تلقى الشايب وصل الستين ويشتري كورفيت c5 ويوقفها ويطلع فيها بالويك اند مع زوجته هناك الحياه مافيها تكلف عششانكذا تلقى اعمارهم طويله مو مثل اهلنا يفكرون بكلام الناس اكثر من التفكير بانفسهم عشان كذا تشوف الظغط والسكر والعمر بالكثير 70 وتصير زوجته ارمله وكل ماتشوف سيارة زوجها البوكس تبكي عليه
وش علي انا من الناس وش على الناس مني //// مثل حلو بس مو دايم لازم نطبقه
corvette c4
05-08-2003, 02:15 AM
رضى الناس غاية لاتدرك لوبنطاوع الناس ماراح نستريح لو شرينا سبور قالو مخفوف ومرجوج ولو شرينا بي ام دبليو قالوا هذا حرامي ولو شرينا مرسيدس قالو من وين جاب الفلوس ولو شرينا كورلا قالوا هذا مقرود مايطلع القرش
عشان كذا لازم نطبق المثل اللي مادري وش جنسيته ومين اخترعه وهو ///كل(eat )اللي يعجبك والبس اللي يعجب الناس///:confused: :confused: ماني فاهم
والله الموضوع حلو والكلام فيه وايد والاراء هم وايد وانا اقول انه المساله مو بالسياره هذي وحده والثانيه على حسب الدوله يعني بالكويت غير عن الامارات عن السعوديه ما في وجه مقارنه ونظرة الناس هم تختلف من دولة الي الثانيه يعني انا شفت ناس وايد عندنا بالكويت معدلين سياراتهم واهلهم راكبين وياهم من ناحيتي نظرت لها نظره عاديه مو استغراب او شي من العجب واقرب مثال انا كانت عندي كورفت وفي يوم من الايام الاهل احتاجو السياره وخذوها عادي
بس المشكله عندنا احنا شلون عكسنا صورة السياره هذي حق المجتمع وخلينا السياره شبابيه بحت
ويمكن اني طولت عليكم بس ابي اقولكم انه عندنا في منطقة اذا رحت فيها تلاقي العجب من السيارات واصحاب السيارات هم من النساء
وهي منطقة الصوابر روح وشوف
تحياتي واسف على الاطاله