View Full Version : هل سيتغير شكل السيفيك؟؟؟
لون الليل
10-08-2003, 06:48 AM
سؤالين :لمن لديه علم
1- هل سيتغير شكل السيفك.... ومتى؟
2- ما هي مواصفات وعيوب الهايونداي كوبيه وما رأيكم بها وهل تنصحونني بشرائها؟
تحياتي
deaddly 99 yukon
10-08-2003, 07:29 AM
الهوندا سيفيك و الله ما عندي علم فيها
اما الهونداي فهي صراحه سياره حلوه فيها قير 6 نمر ومكينة 6 سلندر و ايرباق و ايرباق على الجوانب و آي بي اس و تي سي اس و من جوا تصميمها رياضي مره وشكلها حلو و في الرياض بالوعلان الي بطريق خريص حاطينها و الوكاله مسويه عليها تعديلات خارجيه و تنفيخات و شكلها صراحه روووعه :shock2:
بس انا اشوف ان سعرها غالي على هيونداي :damp: :damp:
mecore_97
10-08-2003, 09:27 AM
بصراحه الكوبيه مايناسب لها القير 6 نمر لانه قوة المكينه ضعيفه 167
mustang cobra
10-08-2003, 04:49 PM
بسم الله الرحمن الرحيم
ما ادي اذا السيفك بتغير بس الهونداي مو عاجبتني اول شي كوريه 2 ضعيفه مافيها قوه 3 شكلها مو عاجبني :shock2:
Lorinser
10-08-2003, 11:23 PM
بسم الله الرحمن الرحيم
بالنسبة للهايونداي الكوبيه اربيعي عنده وحدة 6 سلندر ومشالله قوية وجير عادي وياب فيها 245 كم .
بس عندي سؤال ؟
بعد ما خذها من الوكالة و مشت حوالي 6000 كيلو كان يسمع صوت قوي من الاكزوز مثل شي ينفجر ( بف ) بعد ما يخف السرعة وينزل الار بي ام . او يوم ينفل ويهد الريس . بس الحين اختفى الصوت :(
لون الليل
20-08-2003, 05:27 AM
هلا عزائي مشكورين على ردودكم
واسمحوا لي على التأخير لأني كنت مسافر
خلاص هونا عن الهونداي 167 حصان شو تسوي ..:headshak:
silver
20-08-2003, 08:00 AM
:D
http://www.3roos.com/upload/Zefiro_03New1.jpg
http://www.3roos.com/upload/Zefiro_03_Green_side.jpg
http://www.3roos.com/upload/front-quarter.jpg
;)
مجنون سيارات
20-08-2003, 12:45 PM
رد مقتبس من Lorinser
بسم الله الرحمن الرحيم
بالنسبة للهايونداي الكوبيه اربيعي عنده وحدة 6 سلندر ومشالله قوية وجير عادي وياب فيها 245 كم .
بس عندي سؤال ؟
بعد ما خذها من الوكالة و مشت حوالي 6000 كيلو كان يسمع صوت قوي من الاكزوز مثل شي ينفجر ( بف ) بعد ما يخف السرعة وينزل الار بي ام . او يوم ينفل ويهد الريس . بس الحين اختفى الصوت :(
----------------------------------------------------
قول لخويك يروح للوكاله يشيكون عليها
انا كانت عندي نفس الشيء بس صوت خفيف طلع الأكزوز يبغاله تربيط :D
-----------------------------------
اما عن سالفة الكوبيه والله سياره قويه صراحه انا ما جربتها وتقريبا مكينتها زي مكينة السوناتا (اتوقع)
-------------------------------------------
لون الليل
والله يا خوي انا عندي هونداي سوناتا موديل 2001 ما مشت كثير لكن اذا مشيتها ما ارحمها ولله الحمد إلى الان ما طلبت مني شي بنسبه للخدماتهم انا في الشرقيه ووكيلها المجدوعي والله خدمتهم لابأس بها
وانت حر في اختيارك واتمنى لك التوفيق في اختيارك .
على فكره شباب ألي ما قد جرب الهونداي لا يقول انها ضعيفه وما تتحمل او مب قويه وعلى قولة المثل (ألي ما يعرف الصقر يشويه);)
لون الليل
22-08-2003, 05:59 AM
هلا اخوي مجنون سيارات
مشكور على توضيحك
ما قصرت
:black:
الأكورد العنيد
22-08-2003, 06:03 PM
السلام عليكم ورحمة الله وبركاته
رهيبه الصور يا سيلفر و كأنها سوبرا :cool: :cool:
الشرقاوي
22-08-2003, 11:24 PM
بسم الله الرحمن الرحيم
بصراااااااااااحه شكلها عاجبني من جوا ومن برا :shock2:
بس ماقد جربتها:(
silver
23-08-2003, 12:12 AM
الأكورد العنيد - الشرقاوي
فعلاً السيارة رهيبة وتشبه السوبرا إلأى حدٍ ما ... ولها تعبيثات وتعديلات وبودي كات وقطع كثيرة ...
لكن عيب السيارة الوحيد هو قوتها بس ...
:D لكن إذا انت عاجبتك السيارة لكن قوتها مو عاجبتك ومستعد تدفع 22 ألف ريال لرفع قوتها ... فهناك طقم تيربو كامل يقدر يرفع قوة السيارة إلى 450 حصان ... وطقم آخر بحوالي 15 ألف يقدر يرفع قوة السيارة إلى 280 حصان :D ... اظن إن كذا كافي
وإلأي يبي يشوف صور زيادة للسيارة وسيارات هايونداي الثانية يقدر يدخل على هذا القروب (http://groups.yahoo.com/group/hyundai_ksa/)
;)
سردال
23-08-2003, 03:02 AM
معلش على الفلسفة ... يقولون الفاضي يعمل قاضي .. وأنا ألحين فاضي :p
ليش لما حد يسأل عن سيارة كورية، تقولون أن من عيوبها أنها كورية! وشو يعني يوم تكون السيارة كورية؟ البعض منكم ماخذ صورة هيونداي من قبل 15 سنة وما بدلها! يا جماعة الخير السيارات الكورية تطورت، بتقولون فيها مشاكل، وكل السيارات فيها مشاكل.
المسألة أن صورة السيارات الكورية عندنا سلبية، وللأسف هذي الصورة السلبية ما تغيرت والسيارات تتطور ونحن بعدنا على نفس الصورة، السيارات الكورية جيدة ومنافسة وأسعارها أكثر من رائعة وهذه ميزتها الأهم، أما عن الجودة فهي تنافس السيارات الأمريكية حسب الإحصائيات التي قرأتها قبل سنتين تقريباً في إحدى المجلات.
ملاحظة: أنا ما عندي أي سيارة ولا أسوق ولا يوجد في البيت أي سيارة كورية :)
بخصوص هيونداي كوبي، حقيقة السيارة رائعة من ناحية التصميم، أما المحرك، فنعم ضعيف.
السلام عليكم ورحمة الله وبركاته
شكلها عاجبني بس المشكله (كوريه)
:black:
لون الليل
23-08-2003, 05:52 AM
مرحبا
اخوي سلفر : هي السيارة تقريبا قيمتها 50 الف واسير ادفع 22 الف
اشوفها وايد عليها ... ومشكور على الصور
سردال : الزين زين والشين شين .. والكوري خرابه كثير .. يعني مب احسن عن الامريكي
تحياتي
:black:
سردال
23-08-2003, 06:16 AM
لون الليل: والألماني خرابه كثير، وعندي دلائل بعد ... <---- هذا النوع من الحوار ما راح يخلص أبداً، ولا منه فائدة.
ما أعنيه أن الحكم على الشيء لا يكون إلا بوجود حقائق وأرقام أما الأهواء فكل شخص يستطيع أن يدعي ما يريده ويكون الموضوع تعصباً لا فائدة فيه، في دراسات الجودة السيارات الكورية لا يقل مستواها عن السيارات الأمريكية، وفي حال استمرت الشركات الكورية في رفع الجودة ستتفوق على الشركات الأمريكية، تذكروا أن بدايات السيارات اليابانية كانت مشابهة للكورية، سيارات رديئة والآن ينافسون الأمريكان وبقوة.
لديكم حقائق اكتبوها، أما الأهواء والتعصب فدعوه جانباً، ألم يحن الوقت لنتعلم كيف نفكر بشكل صحيح؟
silver
23-08-2003, 09:44 AM
رد مقتبس من لون الليل
مرحبا
اخوي سلفر : هي السيارة تقريبا قيمتها 50 الف واسير ادفع 22 الف
اشوفها وايد عليها ... ومشكور على الصور
سردال : الزين زين والشين شين .. والكوري خرابه كثير .. يعني مب احسن عن الامريكي
تحياتي
:black:
طيب السيارة قيمتها 50ألف + 22ألف = 72 ألف ... حتى يمكن اقل من الأكورد الفل أبشن 4 سلندر ;) ... وبعدين انا ما قلت روح ركب عليها انا قلت إلي يبي :D
وبالنسبة لجودة السيارة انا عندي وحده من سيارات هايونداي ... يمكن شاريها من قبل 3 سنوات تقريباً ... ما صرفت عليها غير اشياء بسيطة زيت .. بنزين ... بريكات ... بالإضافة إلى الصيانة ... مع أنها ما كانت تشتكي من شيء
وفوق كذا لمدة سنتين كنت امشي فيها 110 كلم يومياً ولمدة 5 وأحياناً 4 أيام في الأسبوع ... لكن الحمد لله السيارة إلى الأن ما تشكو من شيء ...
وكذلك عندك الأخ ... مجنون سيارات ... واظن الأخ S8 ... وأخوان كثيرين في المنتدى عندهم من سيارات هايونداي تقدر تسألهم عن السيارة إلي عندهم إلى أي درجة اشتكوا من سياراتهم
وصحيح كلام سردال انتوا إلى الآن مخذين فكرة عن هايونداي ايام بداياتها قبل 15 سنة تقريباً ... والفكرة هذي راح تضل موجودة في تفكير الشخص إلى ان يشتري السيارة وبعيدن راح تتغير نظرته لها :)
مجنون سيارات
23-08-2003, 10:48 AM
ترى هذا الكلام نفسه ألي كانوا يقولونه على الياباني اول ما نزلة عندنا السيارات اليابانيه ;) خراباتها كثيره وما تتحمل وبعد كذا تغيرة النظر عنها 180 درجة