..........Evo 7 vs Ferrari Modena..........

[evo.505]

السلام عليكم ورحمة الله وبركاته

هذي قومة بين فيراري مودينا ولانسر ايفولوشن VII.....

حجم الفيلم 1,5 ميجا بايت..

الزر الأيمن/ حفظ الهدف باسم...

http://www.streetracing.kiev.ua/video/streetracing_12_09_2002.avi

[فوردLX]

evo.505 اخوي انت متأكد من الفيديوو لأنه طلع عندي صوت فقط

اذاكان شغال عندك قولي على اي برنامج تشغله:confused:

[evo.505]

هلا اخوي فورد انا شغال عندي تمام صوت وصورة والبرنامج ريل 2....

[خليل أبو سمرة]

نزل برنامج DivX من هذا الموقع www.divx.com

شكرا على الأفلام

خليل

[evo.505]

هلا اخوي خليل مشكور على البرنامج....

[مؤيد اف1]

مشكور على الفيديو ... بس ترا دي سبايدر 355...
طبعا هي الي طلعت في النهايه :D
ماطلعت في البدايه لانها فحطت ....

فيراري وبس :corsair: ;)

[760IL]

مشكور اخوي على المقطع

[ايميل مغبر]

رد مقتبس من 760IL
مشكور اخوي على المقطع

[evo.505]

هلا بالشباب العفو...

اخوي مؤيد اف1..

يكفي ان الأيفو 4 سلندر و280 حصان و 2000 cc و نتفت الفيراري تنتيف بالقومة مع ان الفيراري مسوي كل هالزحمة بمحركه ولا طبخ ولا شوي:D :D
واتوقع انك لاحظت كيف قاموا يستهزئون براعي الفيراري وهو وجهه قام يعطي الوان:OO: يامسكين مهو مصدق النتيجة:cry:

بعدين ترى اكثر الناس تفضل القومة على السرعة....

والفيراري سرعة على قلة سنع..(مافائدة السرعة من دون التحكم)..ياليت لو تشيك على المقطع اللي موجود على الصفحة هذي وتعرف قيمة الثبااااااات والرساوة ولاحظ الفيراري كل ماجاء مع لفة مايدري الا وهو قالب الشارع:p :p والفيراري احلا سيارة فيه الفيراري روسا وبس لاتقولي مودينا ولا F50 ...الخ

انت ادخل على الصفحة هذي وشوف المقطع وانا ماراح اتكلم المقطع يعبر عن نفسه...

المقارنة بين 6 سيارات سيارتين من معشوقاتك المودينا وحدة اوتو ووحدة عادي و بي ام M3 وحدة اوتو ووحدة عادي ولانسر ايفو وحدة اوتو ووحدة عادي...

http://www.swalif.net/sforum1/showthread.php?s=&threadid=151772

عموما لا تشغل حالك الفيراري اقوى واسرع سيارة بالعالم:laugh: :laugh: :laugh:

[مؤيد اف1]

للاسف كلامك خطا ماسمعت الي قالوه له واحد قال له It was good بتقول لي ماطاف مالها امل تطوف الايفو واذا تبا تشوف ويش هي الفيراري نزل دا المقطع .... http://www.racingflix.com/getvideo.asp?v=470 بس لازم تشترك ولا تغلط على الفيراي تابع حلقات توب قير بتشوف انها The greatest car in the world ever هذا الي قالوه توب جير الي انا اشوفه احسن برنامج لانه يقول العيوب مو كله مدح في السياره.....

[evo.505]

يا حبيبي...

انا خايف اني اكون زعلتك ولا شي لكن انا كنت اموت بالفيراري لكن انا افضل السيارة الثابتة على كل السيارات واللي كرهني بالفيراري ثباتها لأني بعد ماشفت المقطع اللي مع الأيفو صراحة طاحت من عيني الفيراري ولا الفيراري الحلو فيه سرعة بس هذا رآيي وقومة حلوة لكن مهي ذاك الزود والأعظم من ذلك الأسم والشهرة ولاتنسى الصوت كمان و طبعا الكل عارف عن الفيراري والكل يشهدله بقوته لكن انا مايعجبني على شأن الثبات بس..

حتى مرة واحد من اخوياي جالس اوريه السيارات اللي بمجلة سعودي اوتو واشرحله عن البوجاتي فيرون واقوله هذي اسرع سيارة بالعالم ومن هالكلام المهم يوم الرجال خش في عيني ويقول لا اسرع سيارة بالعالم الفيراري واقوله ياابن الحلال البوجاتي يقولي لا انا اعرف الفيراري الفيراري هو اسرع سيارة بالعالم المهم حاولت اني افهمه ولا في فايدة الرجال ماسكة معه على الفيراري قلت الشرهه مهي عليك الشرهه علي انا اللي جالس اشرح لواحد دلخ مثلك:mad:
يعني شف ناس جهلة بالسيارات يشهدون للفيراري...

واظن انك فهمتني غلط الفيراري اعيد واكرر حلو لكن عيبه عندي انا القومة والثبات بس (وجهة نظري).......

وارجو انك ماتنزعج من الكلام اللي قلته وآسف على الاطالة;)

[مؤيد اف1]

كلامك من ناحية القومه صحيح بشان اسرع سياره فيراري F50 GT وF50 Keonigseg و ENZO الي هي افضل سياره في الساحه نظرا لانها تحمل افضل تقنيات بس المشكله مافي لها فيديوهات لانها جديده وغاليه لما تطلع لها فديوهات بتقتنع الخلاصه الفيراري مو كلهم قومتهم قوية بس على العموم انا اشوفها اسرع سياره خصوصا في الحلبات واذا كان في مقارنات لازم تنظر على التكافؤ يعني المزود اكيد بيطوف لان في العبث مافي شي مستحيل والشي الثاني لازم تكون من نفس الفئه ونفس (الدفع) عشان تكون تكافؤ بس الناس ماتهتم وهذا الي مخلي الناس تقول عنها ماهي تمام او الكلام الي من هالقبيل
ياخلي يكفيك البطولات الي اخذتها الفيراري في كل فئات سياراتها...

وياخي ايفو رايك على العين والراس لو نقعد نتجادل مابنخلص اهم شي كل واحد يعبر عن رايه والباقي يحترم الراي ومو كل مقارنه متكافئه هذا الي ابيك تعرفه.

[oil_HKS_lio]

رد مقتبس من مؤيد اف1
للاسف كلامك خطا ماسمعت الي قالوه له واحد قال له It was good بتقول لي ماطاف مالها امل تطوف الايفو واذا تبا تشوف ويش هي الفيراري نزل دا المقطع .... http://www.racingflix.com/getvideo.asp?v=470 بس لازم تشترك ولا تغلط على الفيراي تابع حلقات توب قير بتشوف انها The greatest car in the world ever هذا الي قالوه توب جير الي انا اشوفه احسن برنامج لانه يقول العيوب مو كله مدح في السياره.....


السلام معليش على المداخله اخوي مؤيد اف 1 انا نزلت هاذا المقطع بس ماكتمل نزل بس 2 ميغا ونص وكتمل التحميل وشغلته وطلع المقطع ثواني صغيره انطلاقه ال F50 وخلص المقطع هل صار عندك نفس الي عندي؟

[مؤيد اف1]

حط برنامج Gozilla او GetRight عشان ينزل كامل تعرف النت عندنا معفن مايتحمل عشان ينزل كامل بالاكسبلورر مابينزل لان النت بطيء ومساحة الفيديو كبيره

[evo.505]

اخوي مؤيد اف1 انا كنت اقصد احسن فيراري الانزو مهي روسا لخبطت بين اساميهم:D

لكن ماعندك مقطع للفيراري انزو....

[مؤيد اف1]

ماعندي الا عرض ليها من توب جير من زمان نازل يمكن هو عندك بس هذي هي الوصله http://www.racingflix.com/getvideo.asp?v=214&p=6 بس مايشبع الرغبه في التمتع بالسياره وصوتها وكل شي فيها :D وبغيت اقول لك ان الF50 وحش ضاري في اصدار ليها اقوى من الانزو.... وياريت تضيفني عندك في المسنجر ...

[evo.505]

مشكور على المقطع..

وبالنسبة للماسنجر للأسف اني فتحت ايميل على شان اسجل بالمنتدى ولا اعرف بالماسنجر شي:( <<<<<<<مسوي حزين:laugh:

لأن كل وقتي من ادخل النت سيارات بسيارات تلقاني 5 ساعات 6 ساعات جالس على النت وكل شي سيارات احس اني ابنفجر من السيارات لا جيت انام اغمض عيوني اشوف سيارات عاد تلقاني اشوف مثلا هامر عليه تندة كورولا:D والله تطلع تصاميم حلوة براسي حتى احلامي سيارات الله يعيني على السيارات:Sad2:

ادري اني جبتلك قصة حياتي لكن اعذرني على الاطالة;)

[مؤيد اف1]

بالعكس تعجبني هذي القصص :rolleyes:
انا مثلك طول يومي تنزيل افلام :cool: واعشق شي اسمه سيارات بس مو اي سيارات Formula1 Racing in my blood اموووووووووت فيها:black: شوف حل للمسنجر... :D :corsair:

[evo.505]

عاد تعجبني الفورمولا 1 (اثارة الفورمولا1 تغمرني):D

وبالنسبة للمسنجر والله ودي اني اضيفك او تضيفني <<<<مسوي فيها فاهم بالماسنجر:laugh: لكن انشالله ابي افتح ايميل جديد باقرب وقت وبخلي اخوي يعلمني عليه;)

[oil_HKS_lio]

رد مقتبس من مؤيد اف1
حط برنامج Gozilla او GetRight عشان ينزل كامل تعرف النت عندنا معفن مايتحمل عشان ينزل كامل بالاكسبلورر مابينزل لان النت بطيء ومساحة الفيديو كبيره


نكفىىىىىىى والي يرحم ولديك عطني هاذا البرنامج الي تقول عنه ابغا انزله لني استخدم برنامج Download Accelerator Plus ولا يحمل من هلموقع عطني الوصله لني امووووت في تنزيل الافلام والحين نزلت 12 اسطوانه كلها افلام سيارات قابله لزياده عطني عشان احمل الربنامج الي شغال في الموقع هاذا

[مؤيد اف1]

هذي الوصله الاولى حق المقارنات في الربع ميل http://64.246.54.65/rf_videos/road_tests/BestMotoring_400M_Runs.mpg
وهذي للانزو
http://64.246.54.65/rf_videos/road_tests/Ferrari_Enzo_Short.avi

[oil_HKS_lio]

مشكور اخوي على المقاطع عندك زياده عليها اووو من اي موقع جبتها اموت في افلام BestMotoring اذا عندك عطنا او الموقع

[مؤيد اف1]

كل الي تبيه بتحصله في www.racingflix.com الموقع رقم 1 في المقاطع الفيديويه :glasses2: :glasses:

[oil_HKS_lio]

الي خلاني استغرب الموقع نفسه كنت احاول انزل الافلام من زمان من برنامج حق اكتمال التحميل اذا فصل النت ببرنامجDownload Accelerator والحين يوم حطيت الوصلتين البرنامج اشتغل التنزيل منه ياخوي الوصلتين من الموقع نفسه ولا

[مؤيد اف1]

من الموقع نفسه مع حركه فنيه :rolleyes: عرفتها لاني كنت محتاج البرنامج يشتغل...حاول تعرفها :D