احتاج نصيحتكم .. نيسان سفاري 2004 او لاند كروزر 2004!! الرجاء الدخول

[TOP-SECRET]

بسم الله الرحمن الرحيم

السلام عليكم

شخباركم شباب انشاء الله مرتاحين

انا من يومين رحت وكالة المانع للسيارات وعجبني السفاري ال 2004 وبعدها رحت وكالة عبدالله عبدالغني والكروزر شبيه بسابقيه وشكله جميل جدا ً:)

المهم مواصفات النيسان هو نيسان سفاري مب سوبر سفاري وقيمته فل اوبشن بس قير عادي طبعا ً ب 118 الف كاش

وبعدها رحت لوكالة التويوتا وعجبني لاند كروزر من داخل اشوف شكله احلا من النيسان لكن من برا اشوف العكس يعني النيسان شبابي اكثر وسعر الGX فل اوبشن بس قير عادي 124 الف كاش:)

الحين ابغي اعرف رايكم في السيارتين يعني ال VTEC 4800 والGX 2004 والاثنين قير عادي

واتمنى تجاوبوني على بعض الاستفسارات

1- المكيف بالنسبه حق حرارة اجواء الخليج اي افضل
2- عزم السياره في القومه والخط
3- قوة تحملها وقطع غيارها اي اغلا واي ارخص
4- هل السيارتين يستاهلون قيمتهم
5- القوه في الرمال
6- السلامه

شباب ادري اني ثقلت عليكم بالأسئه بس شسوي تدرون انا ابغي اخذ سياره تبقى معاي على الاقل 4 سنوات

اتمنى احصل ردود وافيه وكافيه وانا متأكد من هالشي دام ان الموضوع في منتدى سوالف واتمنى احصل ردود من شباب الامارات وقطر والسعوديه خاصه لان هالسيارتين يتنافسون فيما بينهم خاصه مع اهل الامارات

يعني زورو الامارات وروح الامارات وحبوب بوظبي ومشرفنا AMG لا يبخلون علينا وباقي الشباب بعد


تقبلو تحياتي :)

[MUSTANG-MACH 1]

السلام عليكم ..

اذا تبي نصيحتي خذ لك لاند كروزر هذي بتعيش معاك مب اربع سنوات بتعيش معاك 15 سنه بالراحه وهذا شي معروف بالنسبه للكروزر ..

عايلتي عندهم أكثر من 10 كروزرات من موديل 97 الى 2003 وكلهم تمام وعال العال ..

مكيف بارد وقوه رهيييبه بأي نوع من الاماكن سواء بالرمل ولا بالجبال بس السفاري اقوى بشوي من الكروزر بالرمل ...

الكروزر سعرها فيها حتى لو بعتها بعد فترة طويله ..

واستهلاك الكروزر أقل من السفاري ... والكروزر شكله حلو وله هيبه ومكانته بالخليج ..

السلامه انا على ما اظن السفاري اقوى بس كل شي بأمر الله ..

الكروزر ملك التحمل بأي ظرف كان وبأي حراره وبأي مكان ...

بالنسبه لقطع الغيار على ما اظن ماكو فرق وايد بين السيارتين

هذا والامر راجع لك ...

انا اقول ها الكلام مب من خبره وعلم بس من تجاربي مع سيارات العايله وابوي بنفسه عنده كروزر وانا دائما اسوقه وما ارحمه ودائما يمسك خطوط بس بعد كأنه طالع من الوكاله اليوم ...

وبرجع اقول .. الامر راجع لك ..


:glasses2: :)

[TOP-SECRET]

وعليكم السلام ورحمة الله وبركاته

اهلين اخوي MUSTANG-MACH 1 مشكور على ردك وتشريفك في الموضوع وانشاء الله اشوف باقي الشباب وماقصرت اخوي كفيت ووفيت

وين باقي الشباب :headshak:

[TOP-SECRET]

شدعوى 30 زائر ورد واحد بس :headshak:

[A7medo]

رد مقتبس من MUSTANG-MACH 1
السلام عليكم ..

اذا تبي نصيحتي خذ لك لاند كروزر هذي بتعيش معاك مب اربع سنوات بتعيش معاك 15 سنه بالراحه وهذا شي معروف بالنسبه للكروزر ..

عايلتي عندهم أكثر من 10 كروزرات من موديل 97 الى 2003 وكلهم تمام وعال العال ..

مكيف بارد وقوه رهيييبه بأي نوع من الاماكن سواء بالرمل ولا بالجبال بس السفاري اقوى بشوي من الكروزر بالرمل ...

الكروزر سعرها فيها حتى لو بعتها بعد فترة طويله ..

واستهلاك الكروزر أقل من السفاري ... والكروزر شكله حلو وله هيبه ومكانته بالخليج ..

السلامه انا على ما اظن السفاري اقوى بس كل شي بأمر الله ..

الكروزر ملك التحمل بأي ظرف كان وبأي حراره وبأي مكان ...

بالنسبه لقطع الغيار على ما اظن ماكو فرق وايد بين السيارتين

هذا والامر راجع لك ...

انا اقول ها الكلام مب من خبره وعلم بس من تجاربي مع سيارات العايله وابوي بنفسه عنده كروزر وانا دائما اسوقه وما ارحمه ودائما يمسك خطوط بس بعد كأنه طالع من الوكاله اليوم ...

وبرجع اقول .. الامر راجع لك ..


:glasses2: :)

أتطق بالييس في الكروزر :D

[mustang cobra]

بسم الله الرحمن الرحيم

انا اقول الاندكروزر اكثر تحمل ويعيش معاك وسرعه في البيع مقارنه بالسفاري عند البيع يعني مايطيح سعره كثير بلمقارنه بالسفاري

[MUSTANG-MACH 1]

السلام ..

شوف اخوي تويوتا اللاند الجدييم اللي على ما اظن موديل 92 الى 96 شلون قوته وقدرته .. اذا الجدييم جذيه شلون اليديد ..

http://www.al-hdhd.net/up/files/MUSTANG-1065213316.jpg

****

http://www.al-hdhd.net/up/files/MUSTANG-1065213352.jpg

كروزر وبس والنيسان باترول على عيني وراسي بس المنافسه شريفه وانا بطرف الكروزر ..

[TOP-SECRET]

هلا والله اخوي mustang cobra مشكور على ردك بس على فكره حتى النيسان يتحمل ... بالنسبه للبيع انا مافكر ابيع السياره اذا اخذتها ابدا بس لحد الحين ماحصلت ردود فيها تجارب في السياره يعني مثلا عزم السياره مقارنه مع الكروزر او في الرساوه في الطريق والسلامه يعني محد عنده تجارب في هذي الاشياء ويفيدني:)

ومشكور اخوي A7medo على الاقتباس :laugh:

[TOP-SECRET]

MUSTANG-MACH 1 مشكور اخوي على ردك والصور بس الي اعرفه ان النيسان اقوى من الكروزر في الطعوس وعلى فكره الكروزر القديم اقوى من الجديد لان الجديد ثقيل ومن جدام نازل شوي:D

[760IL]

انا اشوف ان الروزر افضل خصوصا ان الباترول يستخدم خام تعبانه وتطقطق مع الحراره ..والكروزر اوسع وافخم

[TOP-SECRET]

مشكور اخوي 760IL على ردك وتشريفك في الموضوع

شباب حد عنده تجربه بين الكروزر والنيسان في هذي الأمور :help: :-
- المكيف بالنسبه حق حرارة اجواء الخليج اي افضل
2- عزم السياره في القومه والخط
3- قوة تحملها وقطع غيارها اي اغلا واي ارخص
4- هل السيارتين يستاهلون قيمتهم
5- القوه في الرمال
6- السلامه



:help: :help: :help:

تقبلوا تحياتي ومشكورين كل الشباب الي تجاوبو مع الموضوع :)

[MUSTANG-MACH 1]

السلام ..


اخوي تويوتا هذي تجربة اخوي روح الامارات على الكروزر 2003 v8 ويمكن تستفيد منها واعذرني انه ماعندي معلومات موثقه بأرقام واشياء ثابته ..

بس تجربتي للكروزر والله من بعدها ما تاخذ شي حتى الهمر ..

والله يوفقك للخيار الافضل لك

:)http://www.swalif.net/sforum1/showthread.php?threadid=152274

[STS4ever]

اخوي انا ارد عليك من مبدا التجربه لاني جربت السيارتين واعرفهم

المكيف كل الاثنين ثلج يعني مكيفهم قوي ولا في فرق بين الاثنين

عزم السياره في القومه للباترول بفارق كبير لاكن بالخط الفرق بينهم مو كثير وطبعا الفرق لصالح الباترول مع الاخذ بعين الاعتبار اني اتكلم عن باترول فل اوبشن وفي اكس ار 8 سلندر لاكن الفرق مو كبير

قوة التحمل كلها قويه بس مو مره ومن ناحية قطع الغيار في الباترول رخيييص جدا ( تخيل نور خلفي 2002 بـ 220 ريال ؟! ) واتوقع نفس الشي في الكروزر

والله بصراحه اشوف اذا بتاخذ باترول فل اوبشن يعني كشافات وفتحه ولون اسود مثلا او عودي او لؤلؤي صدقني مابتندم وهو افضل من الصالون ( وجة نظر ) لاكن اذا الصالون في اكس ار وفل اوبشن وركز على الفل اوبشن في الكروزر لان اذا مامعاك في اكس ار يعتبروه عادي بعكس الباترول اللي مميز من اس جي ال الى السوبر سفاري

القوه في الرمال كلها مو في قوة الجراند من ناحية المقارنه ولاكن الباترول في الطعوس اقوى من الكروزر واسال مجرب :)

السلامه كلها جيوب يعني السلامه فيها نص ونص لاكن طبعا كلها ايرباقات ومواصفات السلامه المعروفه

وباختصار المنافسه بينهم قويه والفروق بسيطه بس انا ارشح الباترول بصراحه لان شكله احلى بنظري :)

بس طبعا عند البيع الباترول يطيح مره لاكن الكروزر العكس

اي خدمه
:glasses: :glasses:

[SLR]

بس الكروزر احسه مالدريوليه يعني مالشغل البيت مش شبابي مثل النيسان..

النيسان قوي واقوى عن الكروزر خصوصا مكينة 4800 المزودة بنظام جير تبترونك يعني عادي واوتو في ان واحد وهالشي بيخليك تتمتع بالسيارة اكثر...

ولاتنسى الزينون في الباترول بعكس ذلك في الكروزر اللي يكون فقط عند الاضائة العالية..

يعني انا من ناحيتي افضل النيسان بكثير عن الكروزر لانه شبابي اكثر والناس اذواق...

[روح الامارات]

رد مقتبس من TOYOTA - OBAS
مشكور اخوي 760IL على ردك وتشريفك في الموضوع

شباب حد عنده تجربه بين الكروزر والنيسان في هذي الأمور :help: :-
- المكيف بالنسبه حق حرارة اجواء الخليج اي افضل
2- عزم السياره في القومه والخط
3- قوة تحملها وقطع غيارها اي اغلا واي ارخص
4- هل السيارتين يستاهلون قيمتهم
5- القوه في الرمال
6- السلامه





:help: :help: :help:

تقبلوا تحياتي ومشكورين كل الشباب الي تجاوبو مع الموضوع :) :)

هلا اخوي تويوتا , فالك طيب نقولك تجربتي للسيارتين :) :)

1- مكيف تويوتا عامة معروف انه بارد حتى في اقسى الظروف .

2-عزم السيارة وقومتها النيسان ماشي مجال هي اقوى خط الكروزر لكن مايعدي النيسان الا بعد 120 من والفرق ماهو كثير بسيط جدا

3-قوة التحمل الكروزر طبعا ونا اشهد انا عندي VXR _V8 من ثلاث سنوات وكارفنه كراف البلا وماشاء الله ولا قال لا اللهم بس كلتشات القير راحوا علي حتى صوت ماتسمع منه اما النيسان يفتقر لهذه الميزة سنتين وتطلع بلاوي الدنيا اصوات بوشات وحتى الجلسه تحسبها مع الوقت مش مريحة ( وجهة نظر )
:rolleyes:

4- بالنسبة لسعر السياراتين نقول انه زين مقارنة بالمواصفات اللى تنزل عندكم وعلى فكرة سيارتب خذتها من عندكم مواصفات قطرية من عند عبدالله عبدالغني اوخر 1998 وكان في الامارات ماشي دبة لكزس للكروزر اما عندكم كانت موجوده وانا خذت منها

5- القوة في الرمال هنا تطلع قوة الباترول ماشاء الله من استوى والباترول معروف بقوته في البر الا الموديل الفاشل في نظري اللى هو من 1998 _2001 وخلاته لو مزود بدفرنش لوك
6- السلامة مثل ماقالوا الشباب السيارتين فورويل يعني الامان نص نص لكن من ملاحظتي اشوف ان بدي الباترول اقوى وافضل من ناحية السلامة

وانشاء الله فدتك من هذه المعلومات وربي يوفقك في اختيارك بين السيارتين :) :)

واسمحلنا على تاخرنا في الرد

تحياتي

روح الامارات

[alsamawe]

اخوي انا عندي استيشن بس اشوف النيسان شكله شبابي ومتوحش
بس لو تريدها حق الزمن خذ استيشن سعرها ميطيح اما بنسبه للي يقولون
ان بدي النيسان مع الزمن يطلع اصوات انا اختلف معاهم
انا كان عندنا نيسان موديل93 بعناه قريب كان حق الشيبه
ما فيه اصوات تقول جديد صح ان ناس تظهر عندهم هذي المشاكل
بس انا اعتقد كل شي يصير بحسب الاستخدام.
انا عمي عنده ستيشن 99 استاندر باب االدبه ينفتح لوحده في الطرق الي مش مسفلته يعني كله حسب الاستخدام.
واخيرا انصحك اخوي TOYOTA - OBAS تصلي صلاة الاستخاره وتتوكل

[ابو محمود]

شوف اخوي انا مجرب لاند كروزر وباترول !
الفروق ان اللاند ارخص قطع غيار
اللاند اثقل من ناحية الوزن
العزم ماهنا ذاك الفرق
اللاند لك وللزمن والدليل اني مره من المرات قعدت الاحق خروف منحاش في مكان الله لايوريكم من كبر الحصى الي فيه ( في بر اسمه الشوكي)
اللاند اقل صرفية بنزين وهذا يفيدك اذا كنت دايم تطلع للبر
اباترول حلو اذا عطيته 9/10 فانا اعطي اللاند 9/10
لكن انا اشوف الجي اكس ار احلى!

[الأنصاري]

الكروزر افضل خاصة عندنا في قطر :D :D

[TOP-SECRET]

بسم الله الرحمن الرحيم

السلام عليكم ورحمة الله وبركاته

مشكورين كل الشباب الي ردوا على الموضوع مشاء الله توقعت هالتفاعل انا من اعضاء المنتدى يعطيكم الف عافيه...

===
MUSTANG-MACH 1 مشكور اخوي على الرابط وتوضحت لي اشياء كثيره فيه والسموحه تعبتك معاي :)

STS4ever مشكووور اخوي على ردك والحمد لله اني حصلت شخص مجرب للسيارتين في نفس الوقت وانا توقعت ان قطع الباترول اغلا من قطع الاند بس طلع العكس :damp: مشكور اخوي على توضيح هذي النقطه المهمه... وانا انشاء الله راح اخذ السفاري يعني اقل بدرجه وحده من السوبر سفاري وفيه فروق قليله جدا اقدر اسويها في محل تعديل سيارات في يوم واحد مثل الكشافات والدعاميه...بس اخوي STS4ever بما انك جربت النيسان 4800 انا سمعت ان عزمه يطيح في الخط هل هالشي صحيح؟:Sad2: والسموحه اذا تعبتك معاي :)


مشكور اخوي SLR على ردك واحترم وجهة نظرك وانا عن نفسي اشوف النيسان شبابي اكثر بس الكروزر رزه:rolleyes:


روح الامارات هلا والله اخوي انا كنت انتظر ردك على الموضوع حياك الله اول شي ... بس عندي ملاحظه انا كلمت واحد من الشباب عنده باترول يقول لي الاند مايجيب الباترول الا بعد ال 140 او 150 وبعد ال 170 يروح الباترول هل كلامه صحيح انا اتكلم عن الاند 6 سلندر مش ال8 سلندر;) ... وبالنسبه للمكيف والله انا عند اخوي كروزر v6 ومكيفه والله بعض الاوقات اطفيه من شدة البرد ... بالنسبه للنيسان انا ماركبت السياره عشان جذي اكثر الاستفسارات حوله :)
ومن ناحيه ثالثه انا استغربت سعر السفاري بالنسبه للمواصفات الي ذكرها لي يعني فل اوبشن بس قير عادي ب 118 الف سعر روعه وسعر الكروزر ايضا جميل ... بالنسبه للرمال اعتقد النيسان يتفوق على الكروزر بسبب الوزن و ان النيسان ارفع من الكروزر من الامام :) ومشكووور اخوي على تشريفك الموضوع وردك فيه بس اتمنى تجيب على الاستفسار الي طلبته منك اذا مافي تعب :laugh: ...


alsamawe هلا والله اخوي مشكور اول شي على ردك وانا اوافقك الرأي بأن النيسان شكله شبابي ووحش بس مقابل هالشي الكروزر شكله جميل وحق كشخات;) بس انا شبابي عشان جذي اشوف شكل النيسان الخارجي احلا بالنسبه لوجهة نظري


هلا والله اخوي ابو محمود مشكور على ردك وتوضيحك لبعض الامور ومن ناحية الصرفيه انا اتفق معاك ان النيسان صرفيته اكبر بس مو بكثير والاند مثل ماقلت ثقيل وهذي اعتبارها بالنسبه لي مشكله لاني ابي سياره شبابيه :laugh:


بوعبود اي والله عندنا في قطر كل شارع فيه كروزرات والله وين ماروح مكان احصل كروزر بس انا والله عاجبني النيسان لان شكله شبابي اكثر وعزمه جامد بس على كلام البعض ان يطيح عزمه في الخط وهذي مشكله ‍‍!! :mad: يعني لو عزمه في الخط نفس عزمه في القومه بيكون جبااار :)


مشكوووورين كل الشباب الي ردو على الموضوع وانشاء الله اشوف ردود زياده وتوضيحات اكثر خاصه في العزم ====>>اهم شي عندي العزم :p


تقبلوا تحياتي جميعا ً:)

[Saleen_UAE]

السلام عليكم ورحمة الله وبركاته

الشباب عطوك معلومات كافيه عن السيارتين وأن أستعملت الاثنين سوالك الاخير عن العزم أن عندي بترول سوبر سفاري غير أتوماتيك بس عزمه قوي أبصراحة بس حطه غير عادي مشاء الله عليه قومه سم أبصراحة أذا بتقارن العزم غير عادي GXR و السفاري غير عادي العزم مال السفاري أقوي في القومه والخط أذا أنته يهمك العزم خذ السفاري

تحياتي لك
:corsair:

[TOP-SECRET]

مرحبا اخوي Saleen_UAE مشكور اول شي على ردك وانا اكيددددد يهمني العزم ;) ومشكووور على ردك بس للأسف اكثر الشباب يقولون ان عزم ال4800 يطيح في الخط على فكره انا الي افكر فيه سفاري قير عادي ;) اتوقع يكون اقوى من الاند 6 سلندر قومه وخط؟ :rolleyes:

تقبل تحياتي;)

[الشبابي]

اخوي تويوتا وبس ...
صراحة كل السيارتين ممتازات ولا تطلع اختياراتك عنها و اذا كنت تروح البر كثير خذ اللاند كروزر اما اذا كنت اكثر الوقت بالديرة خذ لك النيسان افضل ولو تزيد الميزانية شوي افضل لك ...
خذ سوبر سفاري مخمل ابيض لؤلؤي ... صراحة ملك ...
اما الجي اكس ار مواصفاته نازلة كثير وعلى وشك يتغير ...ومع ذلك اغلى وبالنسبة للنقاط اللي ذكرتها :-
1 و 2 و 4 و 5 للسفاري
3 للاند كروزر


وبالنسبة للقوة فمافي مقارنة لأن الباترول الجديد اقوى بكثير من افي اكس ار فكيف يقارن مع الجي اكس ؟؟










اخوكم الشبابي

[UAE LOVE]

السلام عليكم

اخي TOYOTA - OBAS

- المكيف بالنسبه حق حرارة اجواء الخليج اي افضل ( نفس الشي )
2- عزم السياره في القومه والخط ( الباترول )
3- قوة تحملها وقطع غيارها اي اغلا واي ارخص ( نفس الشي )
4- هل السيارتين يستاهلون قيمتهم ( الباترول )
5- القوه في الرمال ( الباترول )
6- السلامه ( ربك اللي يسلم )

وانا انصح بلباترول ولامر راجعلك كيفك

[ALSHAHEEN]

شف الباترول الفل الجديد شيء خيالي لون اسود ولا لؤلؤي بصراحة جداً رائع ومايحتاج تسأل اصلاً عن الاثنين لان كل واحد احسن من الثاني
بس اذا انت راعي فخامة صدق خذ لك الباترول عند واحد من اخوياي موديل 98 وموريه نجوووووووووووووووووووووووووووووووووووووووووووووم الظهر بس ماشاء الله ماشي تمام التمام

بالتوفيق

[TOP-SECRET]

مشكورين الشباب الي ردو على الموضوع ... :D

اخوي الشبابي انا ماروح البر الا في الشتاء وقليـــــــــــل اكثر الاوقات في وسط المدينه ;) ومشكور على توضيح النقاط بس للأسف الميزانيه ماتسمح بالسوبر سفاري لان قيمته 150 الف فل اوبشن وانا باخذ لي سفاري لانه خفيف وشكله شبابي اكثر:D وزين انك ذكرتني بان السياره راح تتغير :rolleyes: يعني حرام اخذ الموتر بسنه وينزل بعده الكروزر الجديد بشكل افضل ومميزات افضل وقوه واشياء ثانيه:rolleyes: ...


UAE LOVE مشكور اخوي على ردك وانشاء الله باخذ كلامك بعين الاعتبار مشكور مره ثانيه:)



مشكوور اخوي الشاهين على ردك وانشاء الله انا حاط في بالي نيسان سفاري فل اوبشن بس قير عادي "حق الدعس" :laugh: ولونه ان شاء الله بيكون اسود


مشكووووورين كل الشباب الي ردو على الموضوع وتواصلو معاه وانشاء الله قراري النهائي هو :-

نيسان سفاري فل اوبشن بس قير عادي لون اسود من داخل مخمل بيج ثلاجه ومكيفين وفتحه واليوم رحت الوكاله وعطوني السعر بعد التخفيضات وطلعت روح ب 110 الاف يعين طيحو من السعر 8 الاف وانا حجزت السياره وبكره بتطلع انشاء الله


تقبلوا تحياتي واختياري مايقلل من قيمة الند بس الحمد لله احد الاخوان ذكرني بنقطة تغير الشكل الجديد فا حرام اشتري سياره ويتغير شكلها بعد فتره صغيره :)

[MUSTANG-MACH 1]

السلام عليكم ....


مبرووووووووووووووووووووك عليك السياره والله يعطيك خيرها ويكفيك شرها ...

انتبه لنفسك عدل لأنه السفاري يخلي الشايب يصير شباب ...

والله يحفظك ..

عمر ..

[TOP-SECRET]

وعليكم السلام ورحمة الله وبركاته

هلا اخوي MUSTANG-MACH 1 الله يبارك فيك اخوي ومشكووور على تواصلك والله عدل كلامك اخوي يخلي الشايب يصير شباب;) وانشاء الله راح امشي على نصيحتك ;)


تقبل تحياتي ومشكور على تواصلك الجميل:)

[STS4ever]

مبروووووووووووووووك واسف على التاخير بالرد على العزم

اخوي هو يطيح عزمه اذا انت طيحت حزمه في طلعه مثلا زيه زي اي جيب بحكم الوزن لاكن عزمه قوي وافضل من الكروزر بكثير وتقريبا مقارب للجمس وحط في بالك انو 6 سلندر ومع كذا مقارب للجمس يعني شي حلو وانت ماشاء الله خلاص حتجربه تجربه واقعيه وتقتنع بكلامي :)

والف مبروك مره ثانيه ولاتنسى الصور

سلام

[الارهابي]

الف مبروك

كل عام وانت بخير :D

الله يعطيك خيرها و يكفيك شرها


بس انت مو عندك لومينا :confused:

[TOP-SECRET]

السلام عليكم ورحمة الله وبركاته

مشكورين STS4ever ,, الارهابي على ردودكم ...

اخوي STS4ever الله يبارك فيـــك اخوي...و مشكور على المعلومه وانشاء الله راح اجيب لكم صور السياره في اقرب وقت وهو بمقارنته بالجمس فهو اكيد جبااااار:eek: والحمد لله ومشكووووور اخوي على ردك


اخوي الارهابي الله يبارك فيك :laugh: ومشكور على ردك والومينا استبدلتها بالنيسان ودفعت الفرق ;) :)

تقبلوا تحياتي

[الارهابي]

زين ما سويت

ارتحت من البقر ;)

بس وش اللي خلاك تتخلى عن اللومينا

[روح الامارات]

هلا اخوي تيوتا وبس


والله كلام لرفيجك اسمحلي غلط وانا مجرب بنفسي GXRستاندر مع 4800 ومعروف عزم النيسان يطيح في الغيار الرابع لكن قير خمسه اقوى من اربعه فعلشان كده تشوف الكروزر يتقدم عن النيسان بعد 120 كم ومرات بعد ال 140 كم حسب صاحب النيسان :D :D يروح الكروزر 6 سلندر خط عن النيسان لكن فرق صغير جدا يعني نص عمود تقريبا :)

واي استفسار احنا حاضرين :) :)

تحياتي

روح الامارات

[King 4x4]

أخوي روح الامارات

أنا ويا الشباب اللي مجربين النيسان ويا الكروزر G

اثنينهم عليهم بوالين

الG قطري بمعنى قومته أحلى و أخف من السعودي لأن قيره أصغر.

السيارتين من ستوك ما عليهم أي شيء.

بس الكروزر ممسك خطوط لين قال آمين. :black:

النيسان ما تعدى ال25 ألف كيلو جديد.

طبعا أنا ألحقهم بالنيسان حقي الربع :banana:

النيسان 4800 راااااح لين تقريبا ال140 و تعداه الجي

تصور المسافه بينهم ما تعدت المتر و زياده بين المرايا :shock2:

بعدين السفاري قام يتقدم شوي شوي
لين ما طاف الجي عند سرعه 170 كيلو و رااااح

أنا ورى الجي و السفااري يتقدم :shock2:

صراااحه تحطيم :cry:

و أزيد الشباب خبر بعد لعشاق النياسين

الربع 2004 يمكن يجي (مو أكيد) مكينته 4800

و 90% 2005 بيكون 4800

و على كلام واحد من الشباب الحين طلبيه من الوكاله في الامارات الفل أوبشن بحدود ال130 ألف درهم

نيساااااااااااااان تحب تحطم الواحد :cry:

تبغاه يغير مكينه سيارتع كل سنه :black:

[روح الامارات]

احترم وجهة نظرك اخوي KING 4X4 لكن انا عندي كروزر 8 سلندر وولد عمي عنده 6 سلندر هو قير عادي وانا تماتيك قومه مستحيل اقدر عليه لكن خط ينسى اخطف عليه وانا مرتاح :) وبفرق حلو عمود ونص اما وذاك اليوم طلعنا ويا سفاري موديل 2002 قير عادي اول دفعة حتى انه مايقفل وطبعا احنا فاتحين القفلة , بداية اول وثاني و نص ثالث النيسان جدام بفرق سيارة كاملة عن الكروزر وطبعا انا كنت اسوق وقبل لا ابدل اربعه قمت اتجدم عنه الين ماتف اربعه وبدلت خمسه انا مرتاح متجدم عنه نص عمود وثبتت المسافه على هذه الحال الى ان خذا ذرا الكروزر قام يوصل الى الدبة عقبها خلاص تف النيسان قير خمسه والكروزر بعده بعدنا عن النيسان قمنا نروح عنه شوي شوي :) :)

بختصار النيسان لو قوة عزمه في الخط نفس القومه اتوقع حتى 8 سلندر كروزر مايقدر عليه صراحة حتى خط

[فوردLX]

:help:

[Saleen_UAE]

السلام عليكم ورحمة الله وبركاته

روح الامارات أن أحترم وجهة نظرك بس 4800 أن عندي السيارة وأحس ان GXR و VXR مالهم أمل وياه ان أتكلم عن أستوك ياخي أن أمجرب معاهم على خط دبي وسفاري الي عندي فل أوبشن يعني وزن رحة عن الاثنين براحه..... أن مااقصد أني أكذبك بس يمكن عزم سيارك قوي.

تحياتي لك

معك حق اخي سالين الموتر كارف كراف البلا خطوط :D :D :D

تحياتي لك

[TOP-SECRET]

السلام عليكم ورحمة الله وبركاته

مشكورين على التفاعل في الموضوع وكل الشباب الي ردو عليه

الارهابي مره وحده دعست فيها لي ال 200 واليوم الثاني اسمع صوت في القير طق طق طق:laugh: من بعدها كرهت السياره :rolleyes:

روح الامارات هلا فيك اخوي والله اني احترت اخوي انت تقول الكروزر اقوى في الخط وفي ناس كثيررررر اعرفهم يقولون نفس الكلام وفيه بعض الشباب عندهم ال 4800 ويقولون جربو وطلع عزمه قوي في الخط واقوى من الكروزر:D على العموم اخوي معضم الي اكلمهم يقولون على حسب استخدام السياره يعني يمكن انت كله تمسك السياره خطوط عشان جذي تغير ممشى السياره وصار افضل :laugh:


King 4x4 ضيعتوني والله :damp: الحين من الي يروح في الخط والله ضعت انا:Sad2:


مثل ماقلت اخوي Saleen_UAE يمكن اخوي روح الامارات يمسك سيارته خطوط ومعودها على هالشي عشان جذي عزمها قوي :)


اخوي فورد شخبارك انت
تقبلوا تحياتي :laugh:

[King 4x4]

مشكور أخوي روح الامارات :o

بس ترى أهم شيء مسكت خطوط بالموتر تطلع فيه قوه غير طبيعيه

تصور موتري قبل بالبوالين ما يتعدى ال170 حده بعد :Sad2:

مسكته كم خط عشان أمرنه

الحين 190 يجيبها زي الحلاوه و بعد لو الخط طويل يوصل ال200 بعد :banana:

[الارهابي]

رد مقتبس من TOYOTA - OBAS

الارهابي مره وحده دعست فيها لي ال 200 واليوم الثاني اسمع صوت في القير طق طق طق:laugh: من بعدها كرهت السياره :rolleyes:
:laugh:

ها :eek: :confused:

[TOP-SECRET]

الارهابي الحين عرفت ليش الشباب يكرهون هذي السياره انا على فكره شهرين ونص معاي تمام ومافيها اي شي بس دعست مره وحده فيها اجرب عزمها :laugh: واليوم الثاني اسمع طق طق طق :D خذتها الوكاله قال لي بنتأخر في تصليحها لان السيارات الي خربانه اكثر من الي بعناها :damp: انا مادري ايش الي صار في القير بس استبدلت السياره بسعر نزل واخذت النيسان 69 الف :headshak:

[فاهم]

السلام عليكم ورحمة الله وبركاته
TOYOTA - OBAS
مبروك اخوي على الموتر الجديد الله يعطيك خيره ويكفيك شره

ترا انت اخترت السياره الصح وصدقني راح تعجبك يوم عن يوم

انا عندي سوبر سفاري 2002 ولحمدالله السياره ماعليها كلام

اما مسألت القومات ترا الكروزر بجميع انواعه مايقدر عليك بالقومه ولا الخط بعد ولي يقول غير هل كلام يسمحلي انه مايعرف :)

انا مجرب ويا كروزرات 45896745674 مره ولا واحد قدر علي بالخط انا استغرب الي يقول الكروزر يروح على النيسان بالخط:OO:

انا اقولك يمكن الفي اكس ار يمكن يقدر يوصلك خط اما يتعداك مستحيل اما الجي اكس ار والله العظيم خله يقوم قبلك بعدين الحقه لمه اتعداه امسك بريك بعدين دوس يعني راح اتمصخره اخير مصخره الموتر صارله عندي سنتين ومليت ونا اقاوم

اما عن كلام روح الامرات
اول شي شلونك حمووووود شخبارك :D

بعدين انت موترك ملغم يعني مو ستوك اكيد بتطلع بالخط
وتحياتي :)

[روح الامارات]

رد مقتبس من Saleen_UAE
السلام عليكم ورحمة الله وبركاته

روح الامارات أن أحترم وجهة نظرك بس 4800 أن عندي السيارة وأحس ان GXR و VXR مالهم أمل وياه ان أتكلم عن أستوك ياخي أن أمجرب معاهم على خط دبي وسفاري الي عندي فل أوبشن يعني وزن رحة عن الاثنين براحه..... أن مااقصد أني أكذبك بس يمكن عزم سيارك قوي.

تحياتي لك

هلا اخوي سالين والله انا نفس الشي موتري فل اوبشن بعد يعني وزن زياده وكهرباء اكثر تصرف عندي لكني فعلا سيارتي معودنها خطوط لكن هم الشباب اللى اعرفهم عندهم نياسين بعد اصحاب خطوط يعني على الاقل كل واحد منهم يمشي 150 كم في اليوم :damp: تصور وانا يمكن امشي من 70 الى 100 كم في اليوم

والحين لما ركبت دبة هدرزر وفلتر ريس احس انه اقوى بوايد وماشاء الله بسرعه يوصل القفلة عندي 195 كم

[روح الامارات]

رد مقتبس من فاهم
السلام عليكم ورحمة الله وبركاته
TOYOTA - OBAS
مبروك اخوي على الموتر الجديد الله يعطيك خيره ويكفيك شره

ترا انت اخترت السياره الصح وصدقني راح تعجبك يوم عن يوم

انا عندي سوبر سفاري 2002 ولحمدالله السياره ماعليها كلام

اما مسألت القومات ترا الكروزر بجميع انواعه مايقدر عليك بالقومه ولا الخط بعد ولي يقول غير هل كلام يسمحلي انه مايعرف :)

انا مجرب ويا كروزرات 45896745674 مره ولا واحد قدر علي بالخط انا استغرب الي يقول الكروزر يروح على النيسان بالخط:OO:

انا اقولك يمكن الفي اكس ار يمكن يقدر يوصلك خط اما يتعداك مستحيل اما الجي اكس ار والله العظيم خله يقوم قبلك بعدين الحقه لمه اتعداه امسك بريك بعدين دوس يعني راح اتمصخره اخير مصخره الموتر صارله عندي سنتين ومليت ونا اقاوم

اما عن كلام روح الامرات
اول شي شلونك حمووووود شخبارك :D

بعدين انت موترك ملغم يعني مو ستوك اكيد بتطلع بالخط
وتحياتي :)

اي صحيح كلامك لكن انا كنت اخبره عن مشي موتري وهو ستوك قبل :D

[SS+VXR]

السلام عليكم ورحمة الله وبركاته
هلا شباب كيف حالكم وش علومكم عندي استفسار صحيح الكروزر الطبلونها 220 كم.بس هل صحيح انه يوصل الى هالرقم ولا بس حاطينه منظر مع انه كاتبين بالكاتلوج ومعظم مجلات السيارات انه سرعته القصوى 175 كم وكذالك الحال للماكسيما 260كم وحاطين بالكاتلوج السرعة القصوى 210 كم ما تعليقكم ولا انا غلطان ومشكورين

[الأنصاري]

الكروزر مقفول بعد 180 الى 190

[King 4x4]

النيسان مب مقفول بعد ال180 :D

بمعنى مشه على كيفك :black:

[TOP-SECRET]

بسم الله الرحمن الرحيم

السلام عليكم ورحمة الله وبركاته

اول شي مشكوورين شباب على هذا التفاعل والردود واليوم كانت اول تجربه لي في السياره والصراااحه ممتعه سواقتها بكل معنا الكلمه ماتوقعت تكون بهذي المتعه :eek: ومن ناحيه ثانيه فيها صلابه جميله جدا جدا الصراحه هذا اول يوم الصراحه اخذتها رحت اتمشى نص ساعه ورجعت البيت :laugh: خايف عليها :D

والحين ابدأ في الردود :D
===
اخوي فاهم مشكور اول شي على ردك وثاني شي الويم جربت السياره والصراحه شي سواقتها ماعليها كلام ومن ناحية العزم انشاء الله مع الايام اعرف بس اليوم جربتها على القير الثاني والصراحه عزمها قوي جدا بالنسبه للكروزر اقصد V6 :rolleyes: بس مادري عنها في الخط لان توها السياره جديده وانشاء الله كل شي بيتضح مع مرور الوقت...مشكور مره ثانيه على ردك والله يبارك فيك:)


اخوي روح الامارات يعني الحين صحيح كلام الاخ فاهم ان النيسان اقوى من الكروزر في القومه والخط :laugh: ؟


SS+VXR اخوي الكروزر يجيب 195 ويقفل وتقدر تفصل العداد ويجيب الطبلون:rolleyes:


King 4x4 حتى الكروزر افصل القفل ومشه على كيفك:laugh: ومشكور على ردك


تقبلو تحياتي شباب وانشاء الله اوفيكم بكل شي عن السياره واي تجربه:)

[Third Eye]

اخوي تويوتا وبس

مبروك عليك السيارة
-----------------
king 4X4
توقيعك رهيييب:D

[فاهم]

السلام عليكم ورحمة الله وبركاته

روح الامارات

اكيد بيروح الكروزر على النيسان مدام حمووودي يسوقه حتى لو فراري بيروح عليه بعد هذا روح الامارات مو شويه:)
وينك ياخوي لاحس ولا خبر عندي لك سوالف حلوه يالقاطع وشخبار النيسان الاسود :)

TOYOTA - OBAS


هلا فيك طال عمرك ولا شكر على واجب او مبروك عليك ثاني مره الموتر او ترا راح يعجبك خاصتن ان صفطته او شفت نظرته من قدام ترد لك روح والله

وشكران :)

[روح الامارات]

السلام عليكم ورحمة الله وبركاته

هلا والله حبيب البي فاهم والله انت اللى قاظع وانا موجود طال عمرك في ها الدنيا اما النيسان ابشرك شحنته لبريطانيا بناء على رغبة ولد عمي وهو ماكمل 20 كم بعده :( :( وبقراطيسه بعد :D :D

نشوفك في المسنجر بغيتك ضروري

[Saleen_UAE]

السلام عليكم ورحمة الله وبركاته

روح الامارات هلا خوي يعطيك خيره ويكفيك شرها أن مابكذب عليك كانت عندي VXR موديل 98 غير عادي والسيارة عند أخوي الصغير الحين بس ان أخاف أجرب مهاه بنيسان ياخي غريبه السيارة مشاء الله عليها عزم جبار والسيارة ماتروح خطوط الحين ماشيه 75000 الف كلم بس سبحان الله مكينتها قويه.

يمكن السيارة الي عندك نفس سيارة أخوي.

:cool:

الا بتخبرك وين ركبة الفلتر والدبه ؟؟؟؟ وشي حج النيسان 4800؟

[TOP-SECRET]

بسم الله الرحمن الرحيم

السلام عليكم ورحمة الله وبركاته

مشكورين كل الشباب الي ردو على الموضوع ...

اخوي a.w.t الله يبارك فيك :laugh:

فاهم هلا والله اخوي شرفت الموضوع واليوم سقته من 7 لي 10
:D والصراحه موتر حلو جدا في سواقته وفي كل شي وفي كشخته بعد:laugh: ...مشكور مره ثانيه على ردك

تقبلوا تحياتي :laugh:

[روح الامارات]

رد مقتبس من Saleen_UAE
السلام عليكم ورحمة الله وبركاته

روح الامارات هلا خوي يعطيك خيره ويكفيك شرها أن مابكذب عليك كانت عندي VXR موديل 98 غير عادي والسيارة عند أخوي الصغير الحين بس ان أخاف أجرب مهاه بنيسان ياخي غريبه السيارة مشاء الله عليها عزم جبار والسيارة ماتروح خطوط الحين ماشيه 75000 الف كلم بس سبحان الله مكينتها قويه.

يمكن السيارة الي عندك نفس سيارة أخوي.

:cool:

الا بتخبرك وين ركبة الفلتر والدبه ؟؟؟؟ وشي حج النيسان 4800؟


هلا والله اخوي سالين الامارات , ماشاء الله كروزر موديل 98 وماشي بس 75000 كم وقير عادي احلى كلام لكن انا موتري موديل 99 :) لكن كم ماشي توقع:damp:













ماشي يا طويل العمر 171800 كم:Sad2: :Sad2: ماشاء الله كارفنه خطوط السعودية وصلاله والحمدلله مثل العسل اللهم من شهر بس ولن علي الكلتشات عقب ما قلصت موتر ابوي لكزس فورويل كان مغرز في البر:cry: :cry: والحين عدلتها والحمدلله رجع مثل اول واحسن بعد

الدبه مركبنها في صناعية دبي تحديدا صوب الراشدية خلف كراج vip والفلتر شي محل عندنا في الشارقة اسمه السيارة الذهبيه 4x4 والدبه تركب علي اي فورويل يعني مش مخصصة لنوع معين انت بس قوله بغيت دبة تيربو وهو بيظهرلك اياها

وسلامتك

[فاهم]

روح الامارات

ياهلا والله يوصل بالسلامه النيسان انشالله :)

والله انا الماسنجر ما ادري شفيه قثني يشبك بعدين يفصل على طول ما ادري شسالفته


TOYOTA - OBAS

ياهلا والله فيك كاشخ اليوم

:D

عاد اليوم قاومتلي سوبر سفاري 2003 ونا سوبر سفاري 2002

طلع علي بمسافت نص سياره لييين 160 بعدين تقدمت عليه ولقومه كانت بالخط السريع يعني انواع البتاوين :D