View Full Version : ما رايكم بالموستنج ؟؟؟
MaKMaN
11-10-2003, 07:51 AM
ابي كل شي عن الموستنج بكل انوعه و موديلاته ؟؟؟
للخبراء و المجربين
والله اخوي موضوعك طويييييييييل مره بس بعطيك اللي اعرفه واذا فيه شي غلط ارجو من الاخوان التعديل وببدا معك من اللي متوفر عندنا واللي هو موديل 87 وبسم الله:
طبعا المكينه 5.0 classic disign يعني كام واحد في الوسط مثل اغلب السيارات الامريكيه القديمه 8 سليندر وتجي بخاخ وطبعا هذي المكينه تجي على الموستنج من موديل 73 الى 95 وبدا البخاخ من موديل 87 وحصل اختلاف بسيط في البساتم وطرمبة الماي من موديل 93الى 95 وطبعا سعة المكينه 302 با ci وطبعا قوة المكينه 215 حصان و كانت تجي عليها قيور من شركة بورق وورنر وهي نفس اللي تجي على الزد 300 والكمارو القديم وهذي صوره لل 87 GT:
http://www.mustangworld.com/ourpics/News/select40/ivans1.jpg
وجا بنفس الشكل والمواصفات لغاية موديل 90 وتغيرت الداخليه والجنوط من موديل 91 الى 93 ورجع موديل كوبرا في عام 93 وكان بقوة 225 حصان وهذي صوره للكوبرا:
http://www.mustangworld.com/ourpics/News/select37/johncd262.jpg
http://www.mustangworld.com/ourpics/News/select37/johncd263.jpg
وكان فيه نوع غير GT والكوبرا وهو LX ويجي بمكينتين 8 سليندر و4 سيلندر وال 4 سيلندر يجي ب 8 بواجي و تختلف فيه الصدامات والاصطبات الخلفيه ويجي هاتش باك مثل الصوره هذي
http://www.mustangworld.com/ourpics/News/select40/paulscd2.jpg
ويجي بشنطه وهذا الخطير مثل الصوره
http://www.mustangworld.com/ourpics/News/select38/dalec2.jpg
وهذي الموديلات (87 - 93) من افضل الموديلات ويمكن السيارات للتزويد
لخفة وزنها وبتركيب شب للكمبيوتر ممكن يستقبل الكمبيوتر الى 700 حصان
وبا النسبه لاسعارهم عندنا با الشرقيه :
GT , LX هاتش باك , من 4000 ريال الى 13000 حسب النضافه ونوع القير (عادي اوتو)
LX شنطه من 10000 ريال الى 18000 حسب النضافه ونوع القير
الكوبرا , ما في عندنا كوبرا من هاذا الموديل
وطبعا ما انصح بهذا الموديل الا للتزويد او التفحيط:black:
من 94 الى 95 يجي GT بنفس المكينه السابقه والكوبرا بقوة 285 حصان ويجي 6 سليندر اعتقد بقوة 170 حصان وهذي صورة ال GT وبعدها الكوبرا
http://www.mustangworld.com/ourpics/News/select36/brbmb16.jpg
http://www.mustangworld.com/ourpics/News/select37/seanscd0.jpg
وهذا سعره
GT , من 15000 الى 25000
الكوبرا , من 35000 الى 45000
6 سيلندر , لا تشتريه احسن:damp:
من 96 الى 98 تغيرت المكينه4,6 لتر وبحجم 281 ci والقيرتغير كليا المكينه كلها المنيوم وجات بنظام OHC يعني كامين فوق كل راس وحد هذا لل GT وبنظام DOHC
يعني اربع كامات فوق كل راس اثنين وطبعا الGT بقوة 215 (98 225) حصان والكوبرا 305 حصان وهذا الGT وبعده الكوبرا
http://www.mustangworld.com/ourpics/News/select36/ouidas2.jpg
http://www.mustangworld.com/ourpics/News/select39/bradonscd14.jpg
الاسعار
GT من 22000 الى 32000
الكوبرا من 40000 الى 55000
وهذي الموديلات ( 96 الى 98 ) انصح فيها بقوه للاستخدام ( سعرها مناسب وقليلة خرابات وعزمها حلو) بس للقوه كوبرا مع خفايف وخل اللي ما يشتري يتفرج:corsair:
من 99 الى 2003
المكينه نفس نظام ال 96 - 98 بس تغيرت الروس والثلاجه با النسبه لل GT وصارت بقوة 265 حصان والكوبرا 325 حصان وفيه MACH 1 و BULLITT بقوة305 حصان وهذي صورهم با الترتيب
http://www.mustangworld.com/ourpics/News/select38/oscarsnos0.jpg
http://www.mustangworld.com/ourpics/News/select38/tylers12.jpg
http://www.fast-autos.net/ford/03mach1.jpg
http://www.fast-autos.net/ford/bullitt3.jpg
الاسعار
GT من 35000 الى 75000
الكوبرا من 65000 الى 100000
MACH , BULLITT ما عندنا في الشرقيه
وطبعا الكوبرا من 2003 جا بسوبر شارجر بقوة 395 حصان وبقير 6 سرعات
وو ووو وووووو ووووووو
وبس
DodgE
11-10-2003, 04:48 PM
يعطيك العافيه أخوي الغايب الحاظر مانشوفك أبد ويوم يجي طاري الموستنق بمكان نشوفك ناط ومعطينا من العلوم السنعه
يعطيك العافيه أخوي W351
فوردLX
11-10-2003, 04:56 PM
وعليكم السلام ورحمة الله وبركاته
تسلم يا اخ w351 على المعلومات السنعه وعلى فكره الموستنغ ابو شنطه عندنا هنا في الشرقيه يوصل لين ال25 الف ريال اذا كان جديد ومديل 93 على النظافه
تحياتي
عاشق التضبيط
11-10-2003, 06:33 PM
مشكور يابوحميد (W351) ;) على المعلومات وماشالله عليك خبره
الا صحيح بغيت اسالك ماتخبرلي جنوط سالين زي هذي ؟
http://www.mustangworld.com/ourpics/News/select32/jesse.jpg
او زي هذي
http://www.mustangworld.com/ourpics/News/select38/tylers12.jpg
مدري وش نوعها:D
ويايات رياضيه للموستنج اذا تخبر احد يبغى يبيع الجنوط او اليايات مستعملين او تخبر محل يبيعهم بالشرقيه او البحرين اكون شاكر لك
هلا وغلا اخوي عاشق التضبيط ( كأنك فظحتنا:damp: )
لا امزح لكن والله ماخبر واغلب الشباب اللي عندهم طالبينها من بره وبا النسبه لجنوط السالين مافي منها تجاري وافضل محل يطلبها لك موجود في الامارات لان الشباب لسه جايبين طقم من عنده ب6800 ريال وانا قبل فكرت اجيبهم عن طريق ارامكس حسبناها طلعت 10400 ريال اما الكوبرا R فهي ارخص من السالين وفيه اكثر من شركه تقريبا سعر الطقم في امريكا 3000 ريال واحسب الشحن هاذي طبعا للSilver مو للنيكل .
سمعت ان صاحب الكوبرا اللي في القطيف الماجيك كلر يبغى يبيع جنوط السالين اللي عنده اذا في احد من الشباب ممكن يفيدنا بهذا الموضوع.
وو وووو وووووووو
وبس
عاشق التضبيط
11-10-2003, 07:09 PM
مشكور بس والله حطمتني يعني حتى لو اروح الامارات ما احصلها يعني اسويلها طلبيه وموب من هنا من الامارات بعد يووه والله مشوار والسعر ياحبيبي من جد طقه
اجل خلنا على الكوبرا ار احسن بس هو يجي 18 ولا 17 وكيف القاه
وماعليه تعبتك بالاسئله:)
لا ابد عادي (كل شي الا عيال الحاره;) )
جنوط الكوبرا R ياطويل العمر تجي مقاس 18 وبعرض واحد 9,5 وتجي 17 وبعرضين 9 و10 انش واغلب الشركات اللي تتبع فورد تبيعها وشوف هذا الموقع http://www.thefordsource.com/store/motorsports/wheels.htm
وبحاول اشوف لك غيره في اقرب وقت
وو ووو ووو وووووو
وبس
عاشق التضبيط
11-10-2003, 08:08 PM
مشكور مره ثانيه وماقصرت
السلام عليكم ورحمة الله وبركاته
مشكور اخوي ويعطيك العافيه
خوش صور
mustang cobra
12-10-2003, 03:44 AM
بسم الله الرحمن الرحيم
مشكور يا W351 على المعلومات و الصور
وهذا الاصدار الاخير من الكوبرا 2004 وبنفس مواصفات الكوبرا 2003 لكن جا بلون ماجيك كلر يسمونه Mystichrome
http://www.fast-autos.net/ford/mystichrome2.jpg
http://www.fast-autos.net/ford/mystichrome3.jpg
http://www.fast-autos.net/ford/mystichrome.jpg
وو ووووو ووووووو
وبس