View Full Version : هل تنصحوني بالكومارو
VIPER GTS-R
02-11-2003, 02:05 PM
السلام عليكم ورحمة الله وبركاته
اخواني الاعضاء بصراحة محتار انا مو من محبي الكومارو بس انا ابحث عن سيارة رياضية وبس المهم لقيت كومارو احمر موديل 93 8 سلندر 6 تعاشيق قير عايدي وملغم الى 360 حصان وبصراحة اعجبتني مواصفاته وش رايكم ينفع لي ولا لا وكم يستاهل لان الرجال ما اعطاني سعر وخلاني بحيره وابي كل ملاحضاتكم بسرعة اخاف يروح علي الموتر وابي مميزات الكومارو وعيوبها اذا ممكن ويعطيكم الف عافية ....
فيبو
فوردLX
02-11-2003, 03:12 PM
السلام عليكم ورحمة الله وبركاته
شوف السعر وقوله لينا عشان نشوفه لك غالي لو لا
الكوماروو حلووو وقوي
بس الكمارووو كثير الاعطال والمشاكل
السلام عليكم
اخوي VIPER GTS-R طبعا الكمارو موديل 93 يجي بدون منظم هواء
Air flow sensor والكمبيوتر تبعه يختلف شوي بس قول لنا ايش عليه من تزويد يوصله الى 360 حصان , طبعا هو حلو لانه جير عادي بس كيف نظافة السياره فيها صدمات والا لا, مصبوغه والا لا , عموما لو كان نظيف با الحيل وما فيه عيب يستاهل 22000 من وجهة نظري هذا طبعا بدون تزويد وهذا السعر لما يكون شكله الخارجي مجدد 97 او ss ويرتفع السعر شوي على حسب اللي مركب عليه من قطع تزويد , واهم حاجه شيك وضع الحراره.
ووووو وووو وووووووووووو
وبس
mustang cobra
02-11-2003, 03:50 PM
بسم الله الرحمن الرحيم
نا انصحك بلموستنج مو لاني احبها لا حتى اصحاب الكمارو يحبذون الموستنج من كل النواحي واول النواحي هي قطع الغيار 2- صرفية البنزين 3- اذا جيت تبيعها ( دور من يشتريها )
الش الحلو في الكمارو هو الشكل
شوف المقارنه بين اسعار الكمارو والموستنج
الكمارو اولا
اسلاك بواجي 450 ريال
بواجي 140 ريال
طرمبة بنزين 1500 ريال
قماشات قداميه 300 ريال والخلفيه نفس الشئ
مساحة زجاج امامي قيمة الواحده ب 90 ريال
ثانيا الموستنج
البواجي قيمتها ماتعدا 100 ريال
اسلاك بواجي لا تزيد عن 210 ريال
قماشات قداميه 140 ريال والخلفيه مادري بكم
طرمبة بنزين حول 700 ريال
وانت احكم!!!!
DodgE
02-11-2003, 06:17 PM
:damp: :damp:
360حصان وش عليها
black horse
03-11-2003, 09:09 AM
السلام عليكم
الكمارو رهيب و6 نمر حريجه ومزود الى360 ياليل مطولش
اتوكل على الله و أشتره لكن شوف نضافه البدي فيه صدمات خليجي ولا امريكي وهل هو كشف ولا فتحتين ولا عادي
وهذا الكمارو حق من
ابو كثير
03-11-2003, 10:01 AM
حقي :banana:
و كنت لاعب في امه لعب :black:
VIPER GTS-R
04-11-2003, 02:08 PM
وعليكم السلام ورحمة الله وبركاته
مشكورين والله على المعلومات هذي وما قصرتو والله عموما السيارة عليها بكرات وفلتر رياضي ونظام كهرباء mds وعامود توازن وعداد ار بي ام ... هذي الاشياء اللي قالي عنها .. والسيارة جاها صدمة في الرفرف الايمن والصدام الامامي وفيه صورة للسيارة وهي مصدومة اما باقي السيارة نضيف طبعا فتحتين T-top ويقول انها ماشيه بس 56 الف كلم :OO: ..
عموما صورة السيارة تحت اعطونا رايكم لان فيه اثنين ممكن يشترونها يا انا يا اخونا dodge ....
يعطيكم الف عافية ...
اخوي فوردLX
من ناحية السعر يقول جاه سوم 18 الف وما باع ويبي فيها 20 الف ريال ... وبصراحة كل شي الا المشاكل والاعطال والله قهر تخسر على السيارة ذاك المبلغ وبالاخير تقعد تدفها عند الاشارات هههههههه ..
يعطيك الف عافية اخوي فوردLX ...
اخوي W351
بصراحة ما قصرت معلوماتك جدا رائعة بصراحة راح تفيدني كثير لاني كنت اعتقد ان الكوماروو ما تغير من 93 الى اخر موديل ... ومثل ما ذكرت انا اللي معجبني بالسيارة انها قير عايدي وهذا اهم شي عندي وفوق كذا 6 غيارات يعني انواع الاثارة ... ومثل ما ذكرت فوق يقول عليها بكرات وفلتر رياضي وكهربا mds .... وحسب كلامه انها واصله 360 حصاان :confused: ... عموما اتمنى تشوف صورة السيارة والمواصفات والسعر وتعطيني رايك اوكي ...
مشكووور وما قصرت W351 ...
اخوي mustang cobra
بصراحة الموستنج سيارة ماعليها كلام بس اكثر اللي موجود بالسوق معدووم ومصدم يعني نادر تلقى شي نضيف وفوق كذا محركاتها مع احترامي الشديد ضعيفه اخبر واحد معاه ماكسيما طاف راعي موستنج وهو مرتاح :confused: وهذا الشي اللي خلاني ما افكر فيها اما قطع الغيار فبصراحة فرق كبير لصالح الفورد عموما لو لقيت موستنج واعجبتني مواصفاتها راح اكيد اخذ رايك فيها ممكن يكون لنا فيها نصيب ....
مشكور على معلوماتك القيمة ويعطيك الف عافية اخوي mustang cobra ..
اخوي DodgE
وش سالفتك انت شكلك تبي تطير علينا السيارة يعني ما تدري وش عليها اطلع قابل الرجال وشوف كل شي على الطبيعة وخل عنك الكسل لا تروح السيارة من جد والله ... من جد انا كنت بطلع اشوف السيارة بس انت خربت علي بس مو مشكلة اذا بتاخذها مو مشكلة بس اخاف انك زي العادة بس كلاااااااام ...
اخوي black horse
اي والله المواصفات هي اللي جاذبتني للموتر 6 تعاشيق و360 حصان جنان صح ... طبعا السيارة نضيفه عموما وفيها فتحتين وامريكي طبعا هي لواحد ما اعرفه بس عارضها للبيع .... ان شاء الله لو لنا نصيب فيها راح نشتريها ......
مشكور اخوي black horse ما قصرت ...
اخوي ابو كثير
لو هي لك ما شريتها اجل لاعب في امها لعب هههههههههههه ...
يعطيك العافية اخوووي ..
تحياتي للجميع وهذي هي الصورة ....
http://srt.jeeran.com/IMGP1121.JPG
http://srt.jeeran.com/IMGP1123.JPG
http://srt.jeeran.com/IMGP1129.JPG
beast_camaro
04-11-2003, 02:34 PM
ماشالله انا صراحة انصحك بالكمارو لان زي ما قلت انه قير عادي وفي نفس الوقت ملغوم بعد يعني اخده وانت مغمض صراحة مافي احسن من كدا ومبين من وقفة السيارة فالصورة وقفة كمارو شد بلد يعني الرجال مو حاط ولا شي خارجي انا اقول توكل على الله وخدها ترى الكمارو قير عادي ما يتحصل الحين نادر واجد لا وملغوم بعد :black: :black:
فوردLX
04-11-2003, 07:50 PM
السلام عليكم ورحمة الله وبركاته
اكثر من 18 لاتعطيه اخوي ترى وايد عليه ونا سمعت انه اعفن موديل في الكمارو هو 93 بس مادام انه عاجبنك الله يوفقك فيه ويعطيك خيره ويكفيك من شره (مقدماً)
علي عبدالله
05-11-2003, 09:27 AM
الله ياخوي باين عليها نظيفة
سعرها ( 20 الف ) سعرها معقول ( نسبيا ) لكن بما انها موديل 93 وماشية 56 الف كيلو ( في سيارات موديل ( 2002 ) تكون قاطعة نفس المسافة او اكثر ):)
اجل هذا راعيها ماكان يستخدمها كثير بالتالي وحسب اللي انا شايفه من الصور اظن انه تسوى
( والله يوفقك )
ورمضان كريم :)
مشاكس أفندي
05-11-2003, 11:17 AM
أول شي شييييييييييييييييك على الحرارة
وصراحة السيارة ملغومة أوكي
بس الحسن لما تشترها يبيلها تعديلات خارجيه بتطلع
:shock2: :shock2: :shock2: :shock2: :shock2: :shock2:
قوة و شكل :D
إنشاء الله تتوفق والي لك نصيب فيه بتحصله;) ;)
تشااااو
UAE LOVE
05-11-2003, 04:53 PM
السلام عليكم
اخي العزيز VIPER GTS-R بخصوص الكومارو انا مجرب موديل
92 و 97 بصراحه قمه المتعه فلقياده وتحس انك راكب سياره
سبورت وسياره تقدر تعتمد عليها لانها شفروليه
نا انصحك بلموستنج مو لاني احبها لا حتى اصحاب الكمارو يحبذون الموستنج من كل النواحي واول النواحي هي قطع الغيار 2- صرفية البنزين 3- اذا جيت تبيعها ( دور من يشتريها )
وحبيت اوضح شي للاخ mustang cobra بخصوص قطع الغيار
اسلاك بواجي 450 ريال xx غلط ب 200
بواجي 140 ريال xx غلط ب 120
طرمبة بنزين 1500 ريال xx غلط ب 500 اذا كامله واذا القطعه الداخليه فقط ب 200
قماشات قداميه 300 ريال والخلفيه نفس الشئ xx غلط ب 120
مساحة زجاج امامي قيمة الواحده ب 90 ريال xx صح من زود المطر
تحيـــــــــ UAE LOVE ــــــــاتي
ابو كثير
05-11-2003, 04:58 PM
المساحات AC delco ب 15 ريال :laugh:
و تحصلهم ب 12 ريال بعد التخفيض :banana:
mustang cobra
05-11-2003, 07:09 PM
رد مقتبس من UAE LOVE
السلام عليكم
اخي العزيز VIPER GTS-R بخصوص الكومارو انا مجرب موديل
92 و 97 بصراحه قمه المتعه فلقياده وتحس انك راكب سياره
سبورت وسياره تقدر تعتمد عليها لانها شفروليه
وحبيت اوضح شي للاخ mustang cobra بخصوص قطع الغيار
اسلاك بواجي 450 ريال xx غلط ب 200
بواجي 140 ريال xx غلط ب 120
طرمبة بنزين 1500 ريال xx غلط ب 500 اذا كامله واذا القطعه الداخليه فقط ب 200
قماشات قداميه 300 ريال والخلفيه نفس الشئ xx غلط ب 120
مساحة زجاج امامي قيمة الواحده ب 90 ريال xx صح من زود المطر
تحيـــــــــ UAE LOVE ــــــــاتي
والله مادري وش اقولك غير ان هذي الاسعار ماخذها من محل في الثقبه قبل التخفيض بس اذا انت من الامارات يمكن يكون ارخص من عندنا:confused:
mustang cobra
06-11-2003, 06:23 AM
بسم الله الرحمن الرحيم
رحت اليوم الوكاله وسالت القطع التاليه
قماشات قداميه 610 ريال
قماشات خلفيه 270 ريال
بواجي قيمة الواحده 27 ريال هذا الي قدرت اسئل عنه لان كنت مستعجل و على القطع الغيار خصم 10% وانت عليك الحسبه
mo7trm
12-11-2003, 07:28 PM
عزيزي VIPER GTS-R
انا شفت السياره في مواقف السيفوي
وبصراحه هي واضح انها مصدومه في الوجه !!
تقدر تقول الصدام والرفارف الجانبيه مسمكره هذا الواضح لى
وانا مافتحت غطاء المحرك عشان اقولك الصدمه وصلت وين وهل اثرت في المكينه او شاسيه السياره ..
لكن ممشاها 56 الف كيلو مااصدق !!
وحتى لو كانت قراءه العداد صحيحه (مو ملعوب فيها)
فهي مكروفه كرف ومنهده وماتعطيها اقل من 150 الف كيلو !!
عموما انا ماافهم في الكمارو واسعارها وصيانتها
وهذا اللى اقدر افيدك فيه
وتحياتي لك
مكيكان
13-11-2003, 01:55 AM
نقول 17 الف :rolleyes: