سؤال لخبراء السيارات والمقاومات !

[L u m SS i n a]

السلام عليكم

زملاي اعضاء المنتدى الموقر :)

انا دخلت سيارتي الوكاله واكتشفوا ان واحد من كراسي الماكينه مكسور !

وش الشي اللي ممكن يكسره !!؟؟

اذا كلت مطب وانا مسرع؟ ولا اذا طحت في حفره؟

هل للمقاومات دخل في الموضوع؟ مع اني ما اتقاوم واشد على السياره الا مره في الاسبوع فقط ..

السياره كانت ترتج شوي عند التشغيل .. هل المقاومات لها دور في الشي هذا ولا يمكني طحت في حفره مثلاً وانا مسرع من زمان وانكسر الكرسي؟؟

لاني ما كنت منتبه للرجه اللي عند التشغيل ..

النقطه الثانيه انا غيرت بواجي ونظفت بخاخات .. هل المقاومات مره في الاسبوع تخربها؟ وتوصخ البخاخات بسرعه؟

النقطه الثالثه ..انا اذا جيت اقوم السياره قبل الانطلاق ادوس فرامل على النص تقريباً وفي نفس الوقت ادوس بنزين شوي (الكفرات اللي ورا تدور على نفسها) بعدها ارفع رجلي عن الفرامل وادوس بنزين بطريقة معينه والسياره تقوم على طول .. السؤال : هل الطريقه هذي تخرب شي في السياره؟ زي الفرامل مثلاً؟؟ او كراسي الماكينه نفسها؟

وشكراً لكم :)

[مكيكان]

كراسي المكينه تخرب من الدعس اذا كانت المكينه قويه مره مره

احيانا من قوه المكينه حتى لو كان الكرسي جديد يشلع الكرسي من مكانه

طبعا اللي ينشلع هو الربر

في انواع كراسي من ماده ما ادري وش اسمها لكن اقوى من الربر و مرونتها افضل

اما المكاين المتوحشه يحطون لها كراسي مكينه solid يعني من حديد او المنيوم يعني اهتزازات المكينه كلها تحس بها
طبعا ما يستخدمون هالشي الا في سيارات السباق

يمكن الكرسي الي عندك قديم او مخزن في الشركه من فتره قبل ما يجمعون السيارات

عادي تحصل

او يمكن ماكل فيه مطب قوي


بالنسبه للقير التماتيك في القومات

* اما انك ترفع الRPM الى الحد اللي تبيه و القير فاضي و لما بتقوم تعشق بسرعه
طبعا هذا الشي يعدم القير و دبه القير و يمكن كرسي القير و العكوس و الدفرنش

* او مثل ما تسوي انت لكن هذا الشي يتعب البريكات بعدين السياره تفحط و يمكن تزحف و انت تبغا تكون على نفس الخط مع خويك اللي بتطلع معاه قومه


* او انك تركب ترانزبريك لكن هذا يقلب القير الاوتو مانوال
يعني التعشيق انت اللي تعشق له

مع الترانزبريك تدعس حبه و القير في ال 1
و ترفع الRPM للحد المطلوب و تدعس الحبه مره ثانيه و هو يشبك :banana:

[L u m SS i n a]

سلام

شكراً على الرد

طيب وش اسوي الحين؟ ما ابيه ينكسر ثانيه !

اترك المقاوم؟ :)

[مكيكان]

المفروض ما ينكسر مره ثانيه


الا اذا كان خرم برم

[L u m SS i n a]

سلام

أحد عنده معلومات اضافيه؟

:)

[W351]

ركب كراسي heavy-duty تتحمل اكثر وتلقاها عند اللي يطلبون قطع تزويد من المجلات من واتوقع ان كراسي اللومينا نفس كراسي الكومارو LS1 يعني من موديل 98 الى 2002 .
ووووووو ووووووووو وووووووووو
















وبس

[مكيكان]

http://alsaha.fares.net/sahat?128@242.WBdlhdWwya6.11@.1dd473fc

[زورو الامارات]

السلام عليكم ورحمة الله وبركاته


قبل كل شي شو نوع السياره ؟


ومحركها ومواصفاتها وهل انت معدل فيها ؟


بعدين نقدر نجاوبك

[L u m SS i n a]

سلام

السياره : لومينا اس اس

الموديل : 2001

المحرك : الجيل الثالث 8 اسطوانات سعة 5700 سم مكعب

القوه الحصانيه : 325 حصان

العزم : 345 رطل\قدم = 49 كلغ.م

التسارع : 0-100 6,2 ثواني

التعديلات : لا يوجد .. شد بلد

المشكله : انكسر واحد من كراسي الماكينه .. فما هو السبب؟

وهل المقاومات تخربه؟ مع اني ما اضغط على السياره كثير .. :)

الحين ركبت جديد ونظفت البخاخات والحمد لله اقوم قومات صاعقه ما شاء الله لكن اخاف يخرب ثانيه !

وشكراً