View Full Version : ماتاثير الزيت اللى انتهت مدته على المحرك
روح الامارات
08-12-2003, 01:24 PM
السلام عليكم ورحمة الله وبركاته
استعمل انا زيت شل وهو بنظري من الزيوت الممتازه لجونا :) :) طبعا استعمل شل 5000 كم لسيارتي لكن اللى لاحظته على الزيت انه هو يقدر يمشيني 6000 او 7000 كم الى ان يحترق تماما وهذا اللى عجبني فيه لكن سؤالي هو هل اذا انا ماشي على زيت محترق ياثر على مكينة السياره وماهي المضار اللى تظهر منها:) :)
ومنكم نستفيد:)
A7medo
08-12-2003, 01:32 PM
أكيد يأثر
لأن كل ما مشيت أكثر تزيد الشوائب الي في الزيت أو هذا يأثر على مكونات المحرك الداخلية .
bashar_255
08-12-2003, 01:44 PM
احب اذكر ان الأمريكان ما يبدلو الزيت خير شر بس يزيدوه اذا نقص:damp: :damp:
علشان كذا وارد امريكا تفك مكينته تشوف قار:eek:
مكيكان
08-12-2003, 01:57 PM
انا احط في المكاين التعبانه زيت مكاين ديزل :banana:
و اضيف عليه كل فتره لما ينقص زيت عادي
زورو الامارات
08-12-2003, 02:27 PM
السلام عليكم ورحمة الله وبركاته
هلا بحسين
بخصوص هالموضوع مايأثر كثير الا على المدى البعيد
والافضل انك تبدله كل 4000-3500 حسب استهلاكك له
ونصيحة زيت شل ماينفع الى في محطات الامارات
جرب موبيل وبتدعيلي ماعليه كلام
King 4x4
08-12-2003, 03:08 PM
موبيل 1 ممتاز كثير بس فيه أحسن منه اسمه RedLine
ذا أحسن من موبيل 1 و لا يتأثر بالحراره أبدا :shock2:
مؤيد اف1
08-12-2003, 04:46 PM
من قال زيت شل ماينفع
الصراحه ممتاز خصوصا من ناحية الحراره لزوجته ماتتغير بشكل ملحوظ
وانا مااستخدم الا شل وعاجبني ماينقص ولا تتغير لزوجته الا بعد فتره طويله علما اني اغيره كل 3000 كم
بالنسبه للزيت المستهلك المشي عليه يضر المكينه...
اهم ضرر انه يتوسخ ثم يسد مصفاة الزيت الي في طرمبة الزيت يقلل ضغط الزيت ولزوجة الزيت تقل ويصير احتكاك المحرك اقوى ويقلل عمره الافتراضي اما مره وحده تتاخر عنه مااتوقع تاثر التاثير القوي بس نصيحه غيرو الزيت كل 3000 كم واستدمو شل تراه ممتااااااز حتى المويبل1 وعندك الكاسترول يقولو عنه افضل زيت ....وسلامتكم
حفيد الفاروق
08-12-2003, 11:12 PM
بسم الله الرحمن الرحيم
أنا أقولك شنو أضرار عدم تبديل الزيت مدة طويلة :
زيادة الاحتكاك بين الأجزاء الغالية الثمن والهامة جدا مثل عامود الكرتك وعامود الكام وكافي إن الزيت بتنظيف أجزاء المحرك من الأتربة و المواد الصمغية والحمضية فلما انت تغير الزيت كل مدة قليلة كأنك تنظف المحرك .
ترى مو بس تبديل الزيت يعتمد على المسافة وانما يعتمد أيضا على :
حالة الجو - استخدامك الشخصي - عمر المكينة .
فالزيت شئ مهم لأبعد حدود بشئ ما تتصوره .
وأنا الصراحة ما أغيره إلا كل 2000 أو 2500 كم .
لأن الزيت رخيص والمحرك غالي .
ولا تنسى الجو الحار إلي توصل حرارته إلى 52 في الكويت
وبالنسبة لي أحسن زيت هو بي بي 2000 إلي علبته لونها خضرة .
روح الامارات
10-12-2003, 10:05 AM
مشكورين شباب على دودكم ماقصرتوا كفيتوا ووفيتوا , لكن لي خلاف مع اخوي زورو الامارات وهو ان زيت شل اشوفه افضل ومناسب لجونا احنا وانا الحمدلله من سنتين وانا استخدمه في سيارتي وما تشكيت منه ;) ;)
شكرا شباب مرة اخرى على تفاعلكم للموضوع
زورو الامارات
10-12-2003, 10:39 AM
هلا حسين
شل تشتريه بروحك وتبدله في محل تبديل الزيت ؟
ولا تسير محطات بترول الامارات ؟ لان الي يستخدمونه شل وحاطين عليه اسمهم بس
او يصنعونه لحسابهم من شل
هذا ماينفع كالتكس احسن منه
هذا الي كنت اقصده
روح الامارات
10-12-2003, 04:55 PM
السلام عليكم ورحمة الله وبركاته
هلا اخوي خالد لا والله انا ماشتريه من برع انا اروح لمحطة عدنا بكبرها شل اضمن وشغلهم احسن
وتسلم على الرد
سنـاري
10-12-2003, 07:08 PM
بسم الله الرحمن الرحيم
اخي الكريم \ روح الامارات
اولا الف مبروك تأهل شباب الامارات لدور الثمانية
مع تمنياتي لدوام التقدم لدولة الامارات الشقيقة
ثانيا بحثت في الانترنت عن روابط قد تفيدك في الاجابة على تساؤلك
و وجدت الرابط التالي
http://www.syarty.com/ver2/html/oil.htm
ان شاء الله يفي بالغرض
===
و عن الزيت اللي استخدمه فهو سوبر موبيل تيربو ذو العلبة الذهبية
و اغير الزيت كل حوالي 1800 - 2100 كم
و الحمدلله لم اواجه اي مشاكل
تحياتي لك...
:glasses2:
مؤيد اف1
10-12-2003, 07:21 PM
ياشباب عندي سؤال
انا اطلع بسيارتي على الهايوي كل يوم مسافه 100 كم
واغير الزيت كل 3000 كم وامشي مابين 120 و 140 وسيارتي كابرس 92 فهل تغيير الزيت لهذي الضروف مناسب ولا لا بغيت اتاكد بس..
SKYLINE GTR
11-12-2003, 04:13 AM
انا اغير الزيت كل 5000 كم تقريبا واستعمل زيت كاسترول
بس حبيت اسأل عن الفرق بين الزيت المكتوب عليه 20 دبليو 50 والزيت الثاني مكتوب عليه 10 دبليو 30 وش الاحسن ؟
روح الامارات
11-12-2003, 06:08 AM
رد مقتبس من Checo
بسم الله الرحمن الرحيم
اخي الكريم \ روح الامارات
اولا الف مبروك تأهل شباب الامارات لدور الثمانية
مع تمنياتي لدوام التقدم لدولة الامارات الشقيقة
ثانيا بحثت في الانترنت عن روابط قد تفيدك في الاجابة على تساؤلك
و وجدت الرابط التالي
http://www.syarty.com/ver2/html/oil.htm
ان شاء الله يفي بالغرض
===
شكرا شكرا عزيزي والله يبارك فيك الغالي ويعطيك العافيه ماقصرت
و عن الزيت اللي استخدمه فهو سوبر موبيل تيربو ذو العلبة الذهبية
و اغير الزيت كل حوالي 1800 - 2100 كم
و الحمدلله لم اواجه اي مشاكل
تحياتي لك...
:glasses2: :) :) :)
doctor cars
11-12-2003, 09:45 AM
والله انا استخدم زيت بترومين الترا 7 امشي عليه 3000 ماينحرق الى 6000 بس الزيت كله 30 ريال والمكينه 6000 غيره كل 3000 وارتاح مع العلم انهم حاطين في كاتلوج الصيانة كل 5000 اهم شي تغير الفلتر مرة مع الزيت ومره زيت بدون فلتر
560SEL
11-12-2003, 04:26 PM
السلام عليكم ورحمة الله وبركاته
كيف حالك روح الامارات ؟ ان شاء الله طيب ؟ و الله اشتقنا لمشاركاتك :)
بالنسبه لزيت المحرك فمدة تغييره تختلف من سياره لأخرى فلو نظرنا لسياره BMW 760 الجديده فالزيت ما يتغير فيها الا بعد 40 الف كيلو و مع الاستخدام الخشن ((الرياضي)) بعد 35 الف كيلو
بالنسبه للاند كروزر فأنا أغير الزيت كل 5000 كيلو بالضبط مع ان كثير قالوا لي ان اللاندكروزر يستحمل حتى 8000 كيلو
بالنسبه لنوع الزيت فمثل ما قال أخو زورو ان شل اللي موجود في المحطات ما ينفع ابد لأني جربته كثير و كانت المكينه تلتهمه يعني ينقص مع الاستخدام القوي كنت أعتقد ان الخلل من المكينه لكن بعدين اكتشفت ان الخلل من الزيت نفسه و الان صرت أستعمل زيت فوكس سوبر GT
أتمنى ان أكون قد أفدتك
تحياتي
mustang cobra
11-12-2003, 06:20 PM
بسم الله الرحمن الرحيم
ذا خليته حتى يحترق يمكن مع تكرارها يكسر البساتم حق المكينه
روح الامارات
11-12-2003, 07:57 PM
رد مقتبس من 560SEL
السلام عليكم ورحمة الله وبركاته
كيف حالك روح الامارات ؟ ان شاء الله طيب ؟ و الله اشتقنا لمشاركاتك :)
بالنسبه لزيت المحرك فمدة تغييره تختلف من سياره لأخرى فلو نظرنا لسياره BMW 760 الجديده فالزيت ما يتغير فيها الا بعد 40 الف كيلو و مع الاستخدام الخشن ((الرياضي)) بعد 35 الف كيلو
بالنسبه للاند كروزر فأنا أغير الزيت كل 5000 كيلو بالضبط مع ان كثير قالوا لي ان اللاندكروزر يستحمل حتى 8000 كيلو
بالنسبه لنوع الزيت فمثل ما قال أخو زورو ان شل اللي موجود في المحطات ما ينفع ابد لأني جربته كثير و كانت المكينه تلتهمه يعني ينقص مع الاستخدام القوي كنت أعتقد ان الخلل من المكينه لكن بعدين اكتشفت ان الخلل من الزيت نفسه و الان صرت أستعمل زيت فوكس سوبر GT
أتمنى ان أكون قد أفدتك
تحياتي
هلا الغالي اشتاقت لك العافيه حبيب البي , انا فكرت مره اجرب فوكس سوبر جي تي لكن بعدها هونت والحين افكر على تغيير الزيت الجاي اجرب زيت موبيل
وشكرا عزيزي
اذا زادة نسبة اللزوجة في المحرك الناتج من عدم تغيير الزيت فبالتالي تزيد حرارة المحرك...