View Full Version : هل تؤمن بأن السرعه هي السبب الرئيسي للحوادث؟؟.
Dreams_Maker
11-12-2003, 04:40 PM
أرجوا المشاركه
وإبداء وجهات النظر..........
سواء بالإيجاب او النفي..........
ولكم أجمل التحيات
:cool:
مؤيد اف1
11-12-2003, 05:07 PM
على حسب ..لان من وجهة نظري في نوعين من السرعه :rolleyes:
سرعه بعقل وسرعة بخباله:D
السرعه الي فيها خباله الي يسرع في اي مكان وزمان وهذي الي يصير فيها حوادث اذا كان السبب السرعه..
اما سرعه بعقل يعني على الهاي وي اذا كان موزحمه او السياره مؤهله يعني اهم شي التواير مافيهم شي ولا يقعد يخيط يفكر روحه شوماخر اذا شوماخر ماسوى هالسوايه الي يسووها الناس عندنا:D لانه سرعته بعقل;)
وانا اعتقد السرعه مافي هي السبب الرئيسي ..السبب من وجهة نظري عدم وجود الخبره الكافيه الي تؤهل الشخص بان ينتبه لمن حوله (مسوي روحه يتكلم بالعربيه الفسحى );) يعني..يجي لك واحد يجاوز على الهاي وي ولا يطلع جنبه احد ولا مافي علطول يتجاوز وبس والي يمسك لك بريكات مفاجاه والقهر والعله ان ماحد قدامه :mad: والي يمشي لك 60 على الهايوي على الخط الثاني :damp: توني من شوي بغيت اخش في واحد من هالنوع ونا كنت امشي 120 يعني السرعه مالها دخل اهم شي وجود الشخص وهو يسوق(حلوه دي) وآخر نوع الي مااطيقه واخطر نوع الي يسوق سياره تتفتق على الهايوي :damp: :mad: بالله عليكم ويش بيصير موقفكم لما واحد تطيح دعاميته وتضرب في سيارك وتشلخها ولا يمديك تتفاداها لانها ليل وتجي لك تطير في الهواء لا ولا يوقف يشوف الي صار عشان مايبي يعوض الناس عن الاضرار الي سواها ...افففففففففففف هذا وبعدني مااخلص كل مره يطلع شي جديد التاهيييييييييييييييييييييييييييييييل من كل النواحي هو الي يقلل الحوادث بنسبه كبيره وليس السرعه بشكل خاص يعني اذا جا لك واحد مخبول سرعه ولا هو مؤهل كملت زي واحد راعي كامري كان في زحمه على تحويله المحلي الي الهايوي وهو جاي يمكن 160 - 180 ويدخل التحويله بدون مايخفف بالعكس داس زياده ونا كنت امشي على مهلي طبعا كان الهايوي مقفل عشان الرصف على شارع الدمام - الظهران ولا احد يجي من ورى بعد التحويله المهم هذا جا وكان ورايي يبي يتجاوزني شكله لف حده الدركسون وهو مسرع (وهو شكله مايدري كل مازادت السرعه كانت اللفه اسهل ) ومره وحده يروح على ثالث وشوي ويضرب في الحاجز الاسمنتي ويعدلها وانرفعت السياره من اليمين لان كان رمل نهايه الشارع انا خلاص قلت يامنقلب ياضارب في الحاجز او اثنينهم :D بس يحمد ربه الله سترها وياه ياااااااخي معظم الي عندهم كوامري مجاااااااااااااانيييييييييييييييين..وهذا الي عندي انشاء الله ماطولت عليكم ;) ادري اني طولت بس لان هالسوالف كل مره ليها جديد ...وسلامتكم :glasses2:
Mr_CoRvEtTe
11-12-2003, 06:01 PM
اعتقد انه السرعه المسبب الرئيسي للحوادث في الخليج
mustang cobra
11-12-2003, 06:18 PM
رد مقتبس من Mr_CoRvEtTe
اعتقد انه السرعه المسبب الرئيسي للحوادث في الخليج
والاستهتار بلسياره كانه مو صايرله شئ
king_stratus
11-12-2003, 06:56 PM
السلام عليكم ورحمة الله وبركاته
هي اكثر شي من السرعه بس مو شرط السرعه هي السبب الرئيسي تعرف انت هليام ناس تطلع لك من الفات بسرعه او يميل بسياره ولا يدري وين رايح يعني حجات كثيره الله يكفينا وياكم الشر
وتسلم على هلموضوع الحلو:)
mustang cobra
11-12-2003, 07:25 PM
بسم الله الرحمن الرحيم
انا اقول ان الفرق بين السرعات هي السبب في الحوادث والا شوف الالما ن يمشون فوق ال 200 ولافي حوادث ليش لان السرعه قريبه من بعض وسلامتكم
عاشق التضبيط
11-12-2003, 07:48 PM
انا اشوف كلام مؤيد اف1 صحيح
لان سرعه عن سرعه تفرق في شي اسمه تهور يعني تلقاه يساقط (يخيط) ويلحم بالسيارات الل قدامه وحاشر الناس تكبيس وتلقاه يتجاوز من اليمين
وفي ناس تلقاه يدعس اذا شاف الشارع فاضي وكاشف المنطقة زين واذا شاف زحمه هدى السرعه
king_prelude
11-12-2003, 07:50 PM
أنا أشوف السرعة أحد أسباب الحوادث
والإرتباك بعد أحد أسباب الحوادث لأني أرى أكثر من شخص يرتبك لأتفه الأسباب
وفي سبب وهو الثقة الزائدة بالسيارة يعني يقول هذي سيارة جديدة وفيها أنظمت ثبات بس هو مايعرف يتصرف في المنعطفات أو في أي موقف يصادفه
بس زي ماقال أخوي السرعة نوعين وكل واحد وشطارته
ومشكور أخوي على الموضوع والمناقشة :cool:
Dentist
11-12-2003, 08:28 PM
مافيه شك ان السرعه سبب رئيسي من اسباب الحوادث الله يكفينا شرها ..
المشكله في السرعه .. انه حتى لو كانت سواقتك ممتازه .. قد تصادف أمر ما في لحظه معينه (مارّه .. سيارة لافّه عليك .. سيارة أمامك بنشرت )
يعني حتى لو كنت واثق في سيارتك (مع ان هالحديد ماله أمان مهما كان) فيبقى هناك أشياء لا تقبل الإنتظار اكثر من ثانيه ..
أقول هالكلام بسبب الي حصل لي العام الماضي .. كنت ماشي بحدود الـ120 (الحمدلله والا مو عادتي بهالبطء :headshak: ) وفجأه وبدون مقدمات ما أدري وش طلع قدامي .. طبعا على بالي أببعد عنه ( هالكلام كله صار في ثانيه وحده ) وبعدها بأحزاء ثانيه وأنا لاصق في شجره :eek: وش صاااار .. ما أدري كل السواقه راحت في لحظه ..
فوالله العظيم السرعه هي سبب مصائب السيارات ..
وللأسف هالحادث اعطاني درس .. بس لشهر واحد بس :p
king_prelude
11-12-2003, 08:44 PM
أخوي Dentist الحادث يعني مو بسبب سرعتك بس هو في سبب ثاني وهو إلا طلع قدامك
إسمع دي السالفة في واحد من أصحابي كان واقف وجاء له واحد بدراجة نارية وصدم فيه ( همبرته ) صاحب الهبرته مو عارف يتصرف ههههههههه :laugh:
بس الحمدلله على سلامتك وكل واحد يأخذ رزقه
A7medo
12-12-2003, 04:05 PM
والله أنا الي أشوفه
الحذر لا يمنع القدر
bashar_255
12-12-2003, 04:19 PM
الواحد ممكن يسرع بس على حسب:) :
1. السياره
2. حالة الشارع
3. زحمة السير
و اعتقد اللى كتبته واضح:sleep:
اكيييد السرعه...
يعني االسيارة لو واقفة ماراح يصيبها شي...
الفجر mtr البعيد
13-12-2003, 05:18 PM
السلام عليكم ورحمة الله وبركاته
بالنسبه لي ان السرعه مو سبب رئيسي في الحوادث بل الحادث يعنمد على بديهية السواق (بالعربي يعرف يسوق او لا)وللاسف هم كثيرين بس انشالله انتو مو منهم يا اعضاء سوالف السيارات لاني اعتقد ان الي يحب السيارات دائما يسوق صح وهذا رأي شخصي
والختام سلام
السائق المثالي
13-12-2003, 05:36 PM
لا ،
السرعة ليست الشبب الرئيسي للحوادث ،
من أهم اسباب الحوادث الغشامة وحركات النص كم اللي يسووها الشباب
وأيضا من أهم اسباب الحوادث أصحاب الليموزين .
SKYLINE GTR
13-12-2003, 07:01 PM
طبعا لا ليست السبب الرئيسي
سنـاري
13-12-2003, 07:05 PM
بسم الله الرحمن الرحيم
انا اشوف انه اسباب الحوادث
هو انعدام المسؤولية و عدم الاحساس بها لدى السائق
لان القيادة مسؤولية و احترام و قوانين
و طبعا السرعة اكبر ظاهرة من ظواهر انعدام المسؤولية في السائقين
و الله يهدي شباب المسلمين لما يحبه و يرضاه
:glasses2:
TOP-SECRET
13-12-2003, 08:24 PM
رد مقتبس من king_prelude
أنا أشوف السرعة أحد أسباب الحوادث
والإرتباك بعد أحد أسباب الحوادث لأني أرى أكثر من شخص يرتبك لأتفه الأسباب
وفي سبب وهو الثقة الزائدة بالسيارة يعني يقول هذي سيارة جديدة وفيها أنظمت ثبات بس هو مايعرف يتصرف في المنعطفات أو في أي موقف يصادفه
بس زي ماقال أخوي السرعة نوعين وكل واحد وشطارته
ومشكور أخوي على الموضوع والمناقشة :cool:
ACCORD-V6
14-12-2003, 01:13 AM
99%
السرعة
لكن ليس دائما
Dreams_Maker
14-12-2003, 09:33 AM
مشكورين شباب على وجهات النظر والتفاعل..
أما بالنسبه لي
فعندي نظريه تقول
"... كلما زادت السرعه قلت السيطره.."
ومن هذا أستنتج :D
أن السرعه سبب رئيسي للحوادث.
In Other Word
السرعه لها النسبه الكبرى, أو نصيب الأسد كما يقولون, في اسباب الحوادث.
<<وين المشرفين؟؟؟.>>
:help:
سلامي
:glasses2:
دكتور / مجنون
14-12-2003, 01:46 PM
في ناس تسوي حدواث و هي واقفه من الغباء الزائد عن اللزوم :confused:
اللي يقهرني اذا جاك واحد عمره 70 سنه ويمشي بالخط الشمال و تلقاه ماشي 80 :mad: . ايش هذا ؟؟ قاعد بشارع بوسط حاره ؟؟
:cool:
سردال
14-12-2003, 01:56 PM
مهما كانت مهارة الإنسان في القيادة، السرعة تبقى العامل الأساسي للحوادث المميتة، على السرعات البطيئة يكون الإهمال أو الخطأ في اتباع القوانين هو السبب، أما في السرعات العالية فالسرعة ذاتها هي السبب في الحوادث المميتة.
لو كنت شوماخر زمانك، تذكر أن كل الناس من حولك قد لا يعرفون القيادة، ولو كنت تقود بشكل صحيح ستجد أن الكثير من الناس يخطأون ويتسببون بالمشاكل لك، لذلك لا تسرع وانتبه.
Twin Turbo
16-12-2003, 09:21 AM
بسم الله الرحمن الرحيم
خير الكلام ما قل ودل
للموت اسباب
وهذي واحده من الاسباب
حفيد الفاروق
16-12-2003, 09:45 AM
أهم شئ إلي كاتبه الله لك .
وثاني شئ أجهزة التعليق
والتاير لازم يكون ذات مواصفات ممتازة وخاصة ومايكون رايح فيها بحيث يتزحلق .
وهم السرعة من أهم الأسباب لما تكون السرعة عالية الانسان ما يقدر يتحكم بالسيارة .