View Full Version : أتمنى منكم الدخوول ومساعدتي!
ss_4_ever
11-12-2003, 08:00 PM
بسم الله الرحمن الرحيم
السلام عليكم ورحمة الله وبركاته...
مسّاااكم الله بالخير والعوااافي:rolleyes:
.
.
انا عندي مشكله في اختيار سياره لي... جتني نصاائح كثيره واحترت واتمنى تسااعدوني....
وهذي السياره راح تبقى معي ان شاء الله لمده لاتقل عن اربع سنوات
انا طاالب جامعي ويومياً اروح للجامعه وارجع (مسافة 54 كـم)..
وكاان في باالي هوندا أكورد بس قالوا ناااس قطع غياار ناار وتتفكك..
وناس نصحووني بالكاامري وقالوا الكاامري لك وللزمن..
.
.
أحترررت:(
واذا فيه اي سيااره تنصحووني فيها غير الموجوود اعطووني.
علماً أن المبلغ الموجود معي الى 65000
:damp:
.
ومشكوووورين مقدماً.:o
king_prelude
11-12-2003, 08:07 PM
أخوي خذ لك أكورد أضل وأحلى وأقوى
وقطع الغيار مو نار بس يمكن غالية شوي بس أصلية والسبب هو وكيلنا في السعودية
والكامري جيد بس الأكورد أفضل من جميع النواحي وسبب رخص قطع الغيار هو إنها غير أصلية ( هذا الكلام سمعته من أشخاص كثيرين )
في النهاية أخوي الأمر يرجع لك وبالتوفيق:glasses2:
Mr_CoRvEtTe
11-12-2003, 08:16 PM
احنا عندنا اكورد 2002 بس مشكلتها في البترول واقطع الغيار لكنها سياره حلوة ومافيها مشاكل
والشباب يقولون ان السيفك الجديده وايد زينه بس ماجربتها
زورو الامارات
12-12-2003, 02:29 AM
السلام عليكم ورحمة الله وبركاته
الكامري وانت مغمض لان سعرها فيها لما تجي تبيعها تحس انك ماخسرت غير استعمالك فقط يعني استثمار :)
الهوندا قطعها غاليه خصوصا في السعودية
bashar_255
12-12-2003, 02:39 AM
ليش كذا:D
خد لك ماقنا 6 سلندر
قير اوتو
جنوط
و أتوقع اقل من 65 بكثييييييير:)
و عزمها جبار بس الأوتو مدري كيف خلقه ثانيه:Sad2:
;)
ss_4_ever
12-12-2003, 07:15 AM
...
king_prelude
مشكووور وماقصرت.. صدقت والله ان الاكوورد أحلــــــــــــى:)
.
.
Mr_CoRvEtTe
كل شي الا السيفيك:) أكرهها.:p
.
زورو الامارات
مشكوور وماقصرت ياغاالي على ردك.. بس احب اقوول لك انا ما أؤيد الاهتمام بسعر السيارة بعد الاستعماال.:headshak: ...
.
bashar_255
مااقصرت اخوووي بس الماقنا ميب شباابيه :banana:
.
.
.
.
.
.
لكن ان شاء الله:
^
^
^
^
^
^
^
^
^
^
^
^
^
^
^
^
^
^
^
^
^
^
http://vxv.jeeran.com/2004/18.jpg
.
http://vxv.jeeran.com/2004/19.jpg
king_stratus
12-12-2003, 07:35 AM
السلام عليكم ورحمة الله وبركاته
بصراحه انا من رايي هوندا بس زي ماقلو الشباب قطع الغيار بس الشكل من داخل وبره افضل بواجد بس الكامر يخدم ادا انت ماتهتم اله الشكل خد كامري وادا انت تبي شكل حلو اتحمل شوي قطع الغيار
وانت فكر لاتستعجل وسمع راي المزيد وتسلم لي;)
السلام عليكم ورحمة الله وبركاته
والله يا اخوي المستبيشي والهوندا كلها قطع غيار نار بس تخدم بس القطع لو كانت تجاري للكامري مراح تخدم وعلى فكرة اضن ان عليها عروض حاليا يعني الحق وعلى فكرة ترى في الكامري فيه مشكلة تماسك (تماسك صفر على الشمال) اذا كان يهمك الأمر...
560SEL
13-12-2003, 02:00 PM
السلام عليكم ورحمة الله وبركاته
فعلا الاختيار محير
الاكورد تتفوق بمراحل على الكامري من ناحية التجهيزات و قوة المحرك و كذلك من ناحية الشكل الخارجي و لكن يعيبها قطع غيارها غاليه مره و سعرها يطيح عند اعادة البيع
الكامري سيارة لك و للزمن فهي تتفوق على الاكورد في المساحة الداخليه و تتفوق عليها بأسعار قطع الغيار و لكن المشكلة الازلية في تويوتا ما تغيرت و لا راح تتغير على ما أظن و هي الفرامل ما تدوم أبدا حتى و لو جبت الفرامل و ركبتها في الوكاله ما راح يتغير شئ لكن الكامري يميزها انك مهما استعملتها و كرفتها و صدمت فيها سعرها يمسك نفسه يعني مثل ما قال "زورو الامارات" انها استثمار
تحياتي
الفجر mtr البعيد
14-12-2003, 05:08 AM
السلام عليكم ورحمة الله وبركاته
انا انصح بالاكورد بسبب الشكل والقوة اما على القطع فانت ما راح تحتاج قطع لانها ما تخترب كثير وحتى لو اخترب شي وبدلته فانسى انك مركب قطعه يعني لك وللزمن هذا بالنسبة للاكورد اما الكامري الجديد
مشاكله كثير بس لو تاخذ كامري الموديلات الي قبل(مستعمل) فانصحك به
وبالنسبة للكامري يا شباب انا عندي كامري سبعة وتسعين بريكات ولا اروع بس هذي المشكلة الي عندكم ما ادري من وين جايبنها انتو:confused: