View Full Version : شرايكم باسات او اوبل؟؟
ياشباب
انا ناوي اشتري سيارة.. لكن محتار
بين الباسات و الاوبل (اوميغا)
مو عارف مين الافضل فيهم...
ياليت ياجماعة تساعدوني وتعطوني رايكم مع الاسباب الي تخليكم
تفضلون واحدة على الثانية
ولكم الف شكر..
King 4x4
12-12-2003, 12:16 PM
اذا كنت ما تبغى مشاكل كثييييييييييييييييييييره
ولا وحده
اثنينهم مليانين مشاكل
آخذ تيرسل و لا آخذ أي وحده منهم
وذا رأيي. :corsair:
اسئل الشباب الثانين.
بس اذا كنت تقدر على الباسات خربها صح و خذ بي أم الفئه الخامسه :black:
راي شخصي...
افضلها الماني بحت...
الباسات كسعر وشكل
MuGeN
13-12-2003, 04:39 AM
الباسات أفضل :) ..
إدا بتقارن بينهم ..
Faisal20o0
13-12-2003, 07:58 AM
اخوي MuGeN
من أي ناحيه أفضل
و أيش المقارنه هذي ؟
بسألك شي واحد بس
تعرف كم سعر الاوبل اوميجا 6 سلندر
وكم سعر الباسات 6 سلندر ؟
ارجو اننك ماتكتب كلام الا متأكد منه ويكون عن تجربه
وشكرا
560SEL
13-12-2003, 01:48 PM
رد مقتبس من S8
الياباني ولا افضل
انا معاك يا ماجد 100% في كلامك
فعلا الياباني أنسب شئ سواء كان نيسان أو تويوتا أو هوندا أو غيره
بالنسبه للألماني فاذا كنت ناوي تآخذ يا أخوي ألماني و مصر عليه فلا تاخذ الا مرسيدس أو BMW
لأن الاوبل معروفه بمشاكلها و من أبرزها الحرارة
بينما سيارات VW و توابعها فهي معروفه بسوء الجوده و الكلام هذا عن تجربة
كان عند واحد من أخوياي سكودا أوكتافيا النوافذ طاحت عليه أكثر من 7 مرات و كل مره يغير المكينه حقت القزاز و بعد فترة ترجع نفس المشكله و سألنا محل قطع الغيار عن هذي المشكله و هو بنفسه أكد ان المشكله هذي موجوده في كل سيارات VW و توابعها مثل باسات و سكودا و سيارت ... غير كذا السياره كل مكوناتها من البلاستيك
أتمنى انك تراجع أمورك قبل ما تقدم على الشراء
تحياتي
king_prelude
13-12-2003, 04:48 PM
بصرااااحة الألماني غير الـ BMW و المرسيديس لا تأخذ من وجهة نظري
الباااسات عند واحد من الشباب شوي ويستجن منها الحمدلله أخيرا بعها ورتاح منها
والأوبل أسمع الناس ما تمدحها
حبوب بوظبي
13-12-2003, 04:51 PM
صحيح الأوبل مليان مشاكل و قطع غياره الله لا يراويك
مؤيد اف1
13-12-2003, 04:56 PM
خذ اوبل 6 سلندر ال4 هي الي وياها مشاكل (خصوصا الحراره) ولا تسوى
خذها وبتدعي لي اهم شي عاملها بشويش فترة التمرين وسوي لها صيانه عند الوكيل وباذن الله مابتواجه مشاكل
السائق المثالي
13-12-2003, 05:56 PM
خذ أوبل فل أوبشن 6 سلندر أفضل من 60 باسات ...
king_stratus
13-12-2003, 06:03 PM
هلااااااااااااااااااااااا
لادي خير ولادي بركه ثنتينهم بفلسوك تفليس
هي لو بجي لصراحه الاوبل احسن بس من رايي ولا وحده فيهم ;)
X_RaYs
13-12-2003, 06:27 PM
يمكن تكون الأوميجا متفوقه ( تقنيا ) على الباسات بفرق بسيط ..
بس أنصحك بالباسات صراحة لأنها أريحلك من ناحية المشاكل والخرابات .. وغير كذا أشوف أنها أحلى شكل وأفضل من ناحية جودة القطع ,,
ويكفيك أنها ألمانيه 100% :black:
وبالنسبه للأخ 560SEL .. اسمحلي ان كلامك مردود عليك .. ماأنكر ان المشكله هذي موجوده ولكن في بعض سيارات VW بس ماهي كلها على قولتك ,, والباسات بالتحديد قاعدة النوافذ فيها من حديد وان شاء الله ماراح تشوف المشكله هذي فيها ..
وعلى فكره وجود البلاستيك في قاعدة النوافذ ما يعتبر عيب لسبب بسيط ان الأجواء في الخليج عموما ( حارة ) بزياده وهذا أساس المشكله ..
عشان كذا في أوروبا ما تلقى أحد يعاني من المشكله هذي ..
:black: :black: X_RaYs :black: :black:
X_RaYs
13-12-2003, 06:32 PM
« نقلا عن شخص مجرب الأوميجا في أحد المنتديات »
تجربتي الشخصية مع الاوبل أوميغا...
تجربتي مع الاوبل أوميغا...
موديل 2000
في الحقيقة هي سيارة ثابته على الطرق السريعة.. واستخدمها يوميا بمعدل 121كم.
إقتصادية في صرف البنزين...
جميلة وبخاصة مع تزويد iromsher ....
في أول 100 ألف كيلو متر كانت السيارة في قمة ولم تكن هناك أعطال تذكر سوى الصوت المزعج من الإطارات وبخاصة الرنج 17 أنش ...
والمكيف (دخول الهواء الخارجي) وهذه المشكلة واجهتني مرتين خلال أول 100 ألف كيلو متر.
والصيانة الرئيسية كــ timing belt كل 60ألف كيلو متر...
أول مشكلة واجهتني هي ..
105 ألاف كيلو متر .. عطل في الزجاج الجانبي الخلفي ، تم تبديل الـ regulator وكان سعر التصليح 2600 درهم إماراتي ،،،، وسعر الـ regulator 1500 درهم بعد الخصم.. !!!!!!
110 ألاف كيلو متر ... عطل في المقعد الامامي الاتوماتيكي ... والتصليح بـ 500 درهم ..
113 الف كيلو متر ... صوت في المروحة .. تم تبديل بعض القطع وكانت والحمد لله 500 درهم فقط...
123 ألف كيلو متر ... دخول الزيت إلى الراديتور عن طريق الـ oil cooler .. والتصليح مع الـ timing belt .درهم إماراتي 6500 ...
128 ألف كيلو متر ... لا تعمل السيارة عند التشغيل احيانا ، وبعد 20 دقيقة أو أكثر تعمل. وهكذا بطريقة متقطعة وأحيانا تقف في الشارع وفي الزحام ... قمت بتصليحها في الكراج الخاص بالسيارات الألمانية .. ودفعت عليها 1000 درهم وقاموا بتبديل الفيول بمب.. ولكن بدون جدوى ... والان السيارة في ورشة الوكيل لمعرفة العطل ...
هذا ما أردت أن أكتبه بعد تجربتي مع الأوبل أوميجا ... بغرض الاستفادة ...
سنـاري
13-12-2003, 07:04 PM
بسم الله الرحمن الرحيم
خذ الاوبل اوميجا و اتكل على الله
بس اهم شيء رعاية السيارة و الاهتمام بها
قريبي معاه اوميجا لها اكثر من ثلاث سنوات ولا قد دخلها ورشة
ماشاء الله تبارك الله
الله يعطيه خيرها و يكفيه شرها
طبعا الاوبل 6 سلندر
لان الاربعة سلندر يجي ضعيف .. !!
:glasses2:
و مبروك مقدما
والله انكم بصراحة حيرتوني - وانا ناقص حيرة اصلا-:confused:
بالنسبة للياباني ( تويوتا وهوندا ) مو داخله مزاجي
اما bmwوالمرسيدس ماتحسونها صعبة شوي:D
اخوي X_RaYs رايك اخذ الباسات افضل _ لانها اكثر كشخة_ لكن من ناحية الاعطال والمشاكل ماعندي اي خلفية غير ماقالوا الشباب
كل الي انا خايف منه اني اشتري واحدةمنهم بعدين اتورط معها
لاني في الحقيقة مو ناتقص كل يوم ورشة
شاكر ومنون لكل من تفضل واعطاني رايه
ابو عمر الجنيدي
14-12-2003, 08:45 AM
السلام عليكم ورحمة الله وبركاته
أخوي بالنسبة للباسات روح لمنتدى السيارات قسم منتدى السيارات الأوربية أو أكتب هناك في البحث عندهم : باسات و passat
فموضوع الباسات أشبعوه تحليل ومناقشات هناك.
http://www.assayyaratnet.com/forums/forumdisplay.php?forumid=11
على فكرة انا بكرى وعلى بركة الله راح أستلم مفاتيح سيارتي الباسات الجديدة 6سلندر :banana: :banana: :banana:
MuGeN
14-12-2003, 02:04 PM
رد مقتبس من Faisal20o0
اخوي MuGeN
من أي ناحيه أفضل
و أيش المقارنه هذي ؟
بسألك شي واحد بس
تعرف كم سعر الاوبل اوميجا 6 سلندر
وكم سعر الباسات 6 سلندر ؟
ارجو اننك ماتكتب كلام الا متأكد منه ويكون عن تجربه
وشكرا
الحين انت تتهجم علي ترى ما قلت شي أنا ..
يكفي إن الأوميجا تبع GM ;)
infiniti
14-12-2003, 02:20 PM
انا من رائي انك تبتعد عن الاوبل و الباسات و تفكر بالياباني تويوتا او نيسان او هوندا تعيش معاك بدون مشاكل تذكر و قطع غيار أرخيصه و متوفره بكثره .
اذا انت ناوي تدفع قريب 100 الف ريال تقريبا
انصحك بالهوندا ليجند
نيسان مكسيما type 3
تويوتا افالون فل اوبشن
لو انا مكانك صدقني ما اخذ غير الهوندا ليجند يكفي انها مميزه جدااااااااا
مجرد رأيئ شخصي .
goolf2002
14-12-2003, 02:40 PM
هلا اخوي لا باصات وله اوبل ثنتينهم مشاكل كلهع يختربو يعني في سياره بسعرهم احسن الي هي 300m كرايسلر السياره حلوه ماعليها كلام وسعرها بي 109 طبعا زنون وجلد وداكرتين من الكراسي الامامين 7 سديات دفع امامي مكيف الكتروني جنوط مقاس 18 وقوة المكينه 253حصان.
وشكرآ
السائق المثالي
15-12-2003, 02:26 AM
شوف اخوي ،،
ماحيرناك ولا شيب
اذا انت ناوي ومعزم على الاوميغا توكل ، وترى مافي منها 2004
واذا عندك استعداد تدفع 97.000 خذ لك افالون فل أوبشن 2003
وتراهم مسويين على الافالون خصم يصل إلى 5 آلاف ريال .
760IL
15-12-2003, 03:25 AM
والله بالنسبة لي ماكسيما فل اوبشن احسن من هالسيارتين ......لاتستهين بالياباني
A7medo
15-12-2003, 09:57 AM
ابصراحة أنا أنصحك بالباسات
وللحين ماتم الاختيار:)؟؟؟؟؟