View Full Version : لماذا نفتقرها ؟؟؟ الجميع يشارك بإعطاء رأيه
BAD NEWS
16-12-2003, 09:42 AM
بسم الله الرحمن الرحيم
ياجماعة الخير فيه موضوع قالب راسي فوق حدر
موضوع أعتقد غن كل واحد فيكم يمكن يكون قد فكر فيه من قبلي
أتمنى القى إجابات شافيه عندكم
واتمنى منكم التعليق على هذا المقال ومحاولة إبقاءه اطول مده ممكنه
لكي نشاهد آرائكم وتعليقاتكم ووجهات نظركم
أود أن أسأل يا جماعة الخير
ليش ما يكون هناك أنديه لهواة السيارات في دول الخليج
تقوي أواصل الخوه بين شباب دول الخليج
يجمع هذا النادي شريحه كبيره من المجتمع
السعودي والخليجي بعد
هذه الشريحه هي من الشباب والكبار ايضاً الذين لهم
شغف كبير في متابعة اخبار السيارات ومن المهتمين بالسباقات
يقوم هذا النادي بتنظيم سباقات
وبطولات يكون في شتى نواحي السيارات
من حيث التصميم والابتكار ومن حيث السرعه
وأيضا يكون هناك معرض مصاحب لهذا النادي يحوي مجموعات من مختلف انواع السيارات سواء كانت سيارات
رياضيه او كلاسيكيه او ذات الدفع الرباعي
ويكون هناك مضمار تقوم عليه مختلف السباقات
إما سباقات الربع ميل أو غيرها
وتكون وسائل السلامه متوفره للحفاظ على سلامت المشاركين والمشاهدين
هنا السؤال .... ماذا ينقصنا ؟
دول الخليج من اغنى دول العالم
بصراحه انا اعتز بدولة البحرين وأشيد بجهودها لانها في صدد إنشاء حلب لسباقات الفورميلا واحد
وهذا بادره جميله جداً
وأيضاً هنا سؤال.....
لماذا لا نطالب مجتمعنا بتوفير اماكن لمثل هذه الرياضه التي تجذب إهتمام أكثر شباب دول الخليج العربي
لماذا يجعلوننا نخاطر بحياتنا وحيات المشاهدين عندما نقيم مثل هذه السباقات في أماكن تخلو تماماًَ من وسائل السلامه في سبيل إرضا هيواياتنا ؟
أناشدكم وأناشد كل من يقرأ هذا المقال بالتعليق على ما قلت
فإن كان هنالك خطأ فمني ومن الشيطان
وإن كان هنلك صواب فمن الله تعالى
http://www.al-hdhd.net/up/files/BAD%20NEWS-1071496953.jpg
http://www.al-hdhd.net/up/files/BAD%20NEWS-1071496686.jpg
وتقبلو خالص تحياتي
أخوكم الأصغر :rolleyes: الحــــــــاكم الفدرالـــــــي
BAD NEWS
bad_news_911@hotmail.com
فوردLX
16-12-2003, 10:20 AM
السلام عليكم ورحمة الله وبركاته
موضوع جميل بس بنسبه انهم يسوون لنا نادي هنا صراحه في الاحلام بس عل وعسى يسون مع اني استبع ذه الشي
((لماذا لا نطالب مجتمعنا بتوفير اماكن لمثل هذه الرياضه التي تجذب إهتمام أكثر شباب دول الخليج العربي))
اخوي للأسف مافي احد يسمع لي آرئ الشباب بالعربي مو عاطينه وجه شوف الي صار في هاف مون قالو بعدها بيدرسوو لي يعملوو نادي واللحين ولا كأنه شي صار
بسم الله ما شألله شوف الامارات عندهم نادي البحرين عندهم نادي وحلبت فورملا ون الكويت نادي متكامل سباق تفحيط كل شي
السعوديه الله يكون في عونه
والله اقول ذه الكلام من حر مافييني:help:
الفجر mtr البعيد
16-12-2003, 10:54 AM
السلام عليكم ورحمة الله وبركاته
اخوي باد نيوز كلامك مظبوط وعين العقل بعد بس انا اقول خل السعودية
تسوي نادي للسيارات وبعدها بتشوف انو تلقائينا بتصير علاقات خارجيه مع الأشقاء الخليجيين وما ادري اذا كان قطر فيها نادي بعد بس اعتقد انو بس السعودية الي ما عندها
وفي النهايه ما اقول الا اني شاكر لك طرحك الموضوع والفكره الحلوه بعد
بايووووووووو
BAD NEWS
16-12-2003, 11:03 AM
يعطيك العافيه على تفاعلك مع موضوعي
ومشكور بعد على ردك السريع
ولكن وأش السبب في نظرك الي حرم شباب
السعوديه من مثل هالأنديه ؟
قلة الشباب المهتمين في هذا الجانب ؟
أقل لك أنا من المنطقه الجنوبيه اللي يقول عنها بعض الناس إنها منطقه متخلفه
والله والله والله إنه يصير فيها تجمعات وإستعراضات تفوق اللي تشاهدونها في المناطق الأخرى. يعني إهتمام غير طبيعي
تخيلو في مره من المرات صار تجمع لأكثر من 30 كامري وكلها معدله تعديل خارجي رااااقي
غير الصوالين والجيوب اللي يرهمونها في الامارات ويجيبونها
غير أنواع القومات والاستعراضات
وراح ارفق بعض الصور لهذي التجمعات
في هذا المقال وانتو اللي تحكمون
وبعدها
مداهمات من الرشرطه والمباحث والمجاهدين
وخذ من هالقسايم وهالمخالفات
طيب وين نروح ؟
المريخ ؟؟؟؟؟؟؟؟؟؟؟؟
غير التجماعات اللي نشوفها في الرياض وجده والشرقيه
90% من شباب المملكه مهتم بمثل هذي الاشياء
ليش ما تتوفر بشكل رسمي ومنظم ؟
تضل الاسباب غاااااااااامظه والشاب السعودي هو اللي راح فيها
قلت في قصيده :
السبايب من زمانٍ عشت به كني غريب
كل جرحٍ من يدينه في خفوقي يزرعه
يا زماني والله إني لا إنحنيت ولا أخيب
والشموخ اللي سكن قلبي ما ظني تطلعه
مع كل هذا
ما راح اوقف
وراح أناشد كل من له علاقه بمثل هالمواضيع إنه يتعاون مع
متطلبات الشباب السعودي
وانتظر ردود الشباب الباقين
ولكم كل الشكر
أخوكم الأصغر
:rolleyes: الحــــــاكم الفدرالـــــي
BAD NEWS
BAD NEWS
16-12-2003, 11:08 AM
ويعطيك الف عافيه
وياليت نفكر .......
وأش الاسباب يا عالم ؟
والله محرومين
والله يعين
أكرر شكري للشباب اللي قدمو بعض الردود
وفي إنتظار الشباب الآخرين
أخوكم الأصغر
:rolleyes: الحــــــــــاكم الفدرالـــــــــي
BAD NEWS
Wild CRX
16-12-2003, 01:50 PM
رد مقتبس من فوردLX
السلام عليكم ورحمة الله وبركاته
موضوع جميل بس بنسبه انهم يسوون لنا نادي هنا صراحه في الاحلام بس عل وعسى يسون مع اني استبع ذه الشي
((لماذا لا نطالب مجتمعنا بتوفير اماكن لمثل هذه الرياضه التي تجذب إهتمام أكثر شباب دول الخليج العربي))
اخوي للأسف مافي احد يسمع لي آرئ الشباب بالعربي مو عاطينه وجه شوف الي صار في هاف مون قالو بعدها بيدرسوو لي يعملوو نادي واللحين ولا كأنه شي صار
بسم الله ما شألله شوف الامارات عندهم نادي البحرين عندهم نادي وحلبت فورملا ون الكويت نادي متكامل سباق تفحيط كل شي
السعوديه الله يكون في عونه
والله اقول ذه الكلام من حر مافييني:help:
TOP-SECRET
16-12-2003, 01:57 PM
والله احنا في قطر شغالين من فتره لحلبة الدراق ريس ولحد الحين مانتهت :damp: والشباب لحد الحين يشتغلون على سياراتهم بس اعتقد الامارات تعمل مسابقات مفتوحه يعني دول الخليج تقدر تشارك مثل تل المرعب والدراق ريس بس مب متأكد من الدراق ريس اذا يقدرون يشاركون شباب الخليج واحنا صار عندنا من فتره يمكن 4 سنوات او 5 مسابقتين والمنافسه بين شباب الامارات وقطر وكانت منافسه حلوه الشباب بدعوا فيها بس مادري ليش قطعو المسابقه من عقب المره الثانيه:help: مع انها حققت نجاح كبير:)
تسلم على الموضوع الجميل :)
AU (TT) DI
16-12-2003, 03:23 PM
BAD NEWS
هلا وغلا أخوي
ما شاء الله عليك .. والله موضوعك مهم وحلوووو
وقبل لأبدأ أقول صح لسانك ..:) والله عاجبتني أبياتك كثير ..
بالذات ::
يا زماني والله إني لا إنحنيت ولا أخيب
والشموخ اللي سكن قلبي ما ظني تطلعه
صح لسانك مره ثانيه ...
عموماً نرجع لموضوعنا...
والله أنا برأيي .. لو فيكم يا شباب شده فعلا وعزيمه صادقه ..
عندي لكم حل معقووووول جداً ..
تدرون . ورى ما نرسل كل واحد فينا .. برساله لصحيفة الإقتصاديه .مثلا
أو صحيفة الرياض .. لأن إنتشار هالجريدتين كبير قياسا بغيرها ..
وإذا تبون وعزمتوا تكتبون .. أنا عندي إستعداد أوصى واحد يكتب في جريدة الرياض .. وهو مسئول كبير فيها ..
عشان يهتم بالموضوع وينشرونه ..
وانا والله عند كلمتي .. بس والله ما أقدر أنفعكم ولا أنفع نفسي ..
لو كل واحد فينا قال .. إيييه والله ما يعطونك وجه ومن هالكلام....
خلونا نرسل لأحد الصحف الي يحددها الأغلبيه ..
بس مهوب تقولون والله والله وانتم ما حاولتم ..
:D :D
وش قولك أخوي .. :help: هذه فكره والله أنا أشوف إنها توصل لشريحه كبيره من الناس والقراء ..والمسئولين بعد
هاه نقول تم ....:damp:
تحياتي
BAD NEWS
16-12-2003, 04:06 PM
والله كلامك واقعي
وحل ممكن إنه يحرك الشباب
وحل بسيط وسهل لو تكاتفنا
أخوي إيميلي مسجل بالمقال .. حدد وقت نتقابل فيه على الايميل
ونتناقش فيه
فكرتك حلوه وإطرءك لي وللأبيات شهاده أعتز فيها
ولك ولكافة شباب هالمنتدى كل الإحترام والتقدير من
أخوكم الأصغر :rolleyes: الحــــــــاكم الفدرالــــــــي
BAD NEWS
وياليت أشوف مقترحات باقي الشباب
مضالي زمانٍ صابرٍ على علتي وأدرى
وأداري جروحٍ يا سعد كايده بالحيل
جروحٍ تعذبني ولا ظنتي تبرى
غدت دموعي سبايبها سواة السيل
وأعاني همومٍ على خاطري تطرى
همومٍ.. عليم الله تهد الحيل
نهاري بليا شمس , وليلي بلا قمرى
علي أختلط ضو النهار بظلام الليل
وسلامتكم جميع ( ومتأسف على هالدخله الغلط ) وتقبلوه إهداء مني إلى كل شباب المنتدى
ACCORD-V6
16-12-2003, 07:09 PM
:( :( :( :(
الكلام هذا كبير
ويحتاج عقود لتنفيذه (العقد عشر سنوات)
ويمكن قرون ليس مستبعد ابدا
:help: :( :help:
Corvette_Stingray
22-12-2003, 04:06 PM
شباب اللي عنده موتر ويبي يشوف قوته وثباته يجيبه البحرين يشوف موتره على الحلبه لكن بعد مواسم الفورملا وان
A7medo
22-12-2003, 04:21 PM
رد مقتبس من CORVETTE_STINGRAY
شباب اللي عنده موتر ويبي يشوف قوته وثباته يجيبه البحرين يشوف موتره على الحلبه لكن بعد مواسم الفورملا وان
والله ضحكتني لو قالك أذا تبي أتشيك الحلبة أب 80 دينار بتوافق