View Full Version : انفجار التاير او الكفر
روح الامارات
18-12-2003, 10:13 AM
السلام عليكم ورحمة الله وبركاته
قبل يومين كنت راجع من طريق بوظبي الى الشارقه وكنت ماشي بسرعة 160 كم طبعا انا بسيارتي كروزر VXR 1999 ومركب تواير ميشلان من تقريبا سنه ونص فجاءة حسيت الموتر نزل من حنب اليمين وانا على هذه السرعة هديت على السليتر وشوي والا اسمع صوت التاير وهو خلاص يتقطع :( :( الحمدلله الموتر ظل ثابت خليته الى ان هدت السرعه وصفطت على اليمين وانا متعجب كيف تاير ميشلان وينفجر .............؟:confused: :confused:
طبعا ركبت الاسبير ورجعت الحمدلله واليوم الثاني رحت اغيير التاير اللى منفجر بميشلان ثاني وكانت الصدمة:shock2: :shock2: طله التاير ماكن تيوب ليس كان محطوط فيه تيوب وهو اللى انفجر وفجر معاه التاير تصوروا سنه ونص 3 تواير تيوب ليس وتاير واحد فيه تيوب :mad: :mad: وانا دوم ماارتاح الا والموتر يوصل للقفله طول ذيك المده :Sad2: :Sad2:
طبعا فكرت اروح للمحل اللى ركبي من عنده الميشلان لكن للاسف لقيت انه نقل مكانه لفرع ثاني وماعرفت مكانه :mad: :mad:
العبره يا شباب انه الواحد اذا ركب تاير جديد لازم يحرص ويتاكد انه التاير يكون خالي من التيوب لانه هو السبب الرئيسي لانفجار التاير لانه مايستحمل حرارة فبتالي ينفجر
والله يحفظكم جميعا ويقيكم شر هذه الامور
الحمدالله عالسلامة اخوي...
بس راحت موضة التيوب داخل الكفرات...
هالايام يحرصون البنجرجييين (خدمات الاطارات) الى نفخ الكفر بالاكسجين من غير تيوب..
ونصيحة لك لاكثر امان.. اترس التاير غاز الهيدروجين.. تقنية جديدة واكثر امان للاطارات..
اذا انته من الشارجة مر على الكيلاني في الصناعية شارع بي ام دبليو وبيضبطون لك الميزانية.. افضل مكان لعمل الميزانية بصراحة بدون مجاملة...
روح الامارات
18-12-2003, 10:24 AM
هلا عزيزي SLR والله يسلمك حبيبي ,ذكرتني والله تصدق قبل 3 شهور كنت معبي نايتروجين عند الكيلاني لكن معقوله مالاحظ ان تاير واحد تيوب:confused: :confused: مع ان ينعرف عن طريق الولف :confused: :confused:
الحمدلله الله سلم في النهايه
رد مقتبس من روح الامارات
هلا عزيزي SLR والله يسلمك حبيبي ,ذكرتني والله تصدق قبل 3 شهور كنت معبي نايتروجين عند الكيلاني لكن معقوله مالاحظ ان تاير واحد تيوب:confused: :confused: مع ان ينعرف عن طريق الولف :confused: :confused:
الحمدلله الله سلم في النهايه
ارجع وافتن علييه :D ....
اكيد عطاك ورقة ضمان لمدة 6 شهوور بعد الميزانية...
بعدين ماخبرتني اي منهم انفجر عليج الامامي والا الخلفي؟؟؟
روح الامارات
18-12-2003, 10:30 AM
هلا SLR
اللى انفجر سلمك الله التاير اللى خلف من صوب اليمين لكن الحين ماشي فايده ارجع له لاني ركبت تاير ثاني بدون هيدروجين بس بروح له باكر وبخبره اللى صار وعندي ورقة ضمانه :) :cool:
رد مقتبس من روح الامارات
هلا SLR
اللى انفجر سلمك الله التاير اللى خلف من صوب اليمين لكن الحين ماشي فايده ارجع له لاني ركبت تاير ثاني بدون هيدروجين بس بروح له باكر وبخبره اللى صار وعندي ورقة ضمانه :) :cool:
زييين اتسوي الله وياااك...
وحاسب مرة ثانية والاقدار مالها حدود وتحصل في اي لحظة بعيد الشر عنك....
حبوب بوظبي
18-12-2003, 11:12 AM
انا اقول فيه عيب ثاني بعد
أغلب المحلات الصغير يكون عندها مشكله و هيه التخزين
يعني طريقة تخزين التواير لازم تكون ببروده معينه و وضعيع معينه
مما يفقد التاير جودته
عشان جي انا دايم اركب ميشلان من عند الوكيل ( الجلاف)
تدخل مخازنهم مكيفه بشكل ممتاز...... ( أصحابها ادرا فيها)
و يعطونك تاير جديد يعني ما صارله من انصنع غير شهر و لا شهر و نص
رد مقتبس من حبوب بوظبي
انا اقول فيه عيب ثاني بعد
أغلب المحلات الصغير يكون عندها مشكله و هيه التخزين
يعني طريقة تخزين التواير لازم تكون ببروده معينه و وضعيع معينه
مما يفقد التاير جودته
عشان جي انا دايم اركب ميشلان من عند الوكيل ( الجلاف)
تدخل مخازنهم مكيفه بشكل ممتاز...... ( أصحابها ادرا فيها)
و يعطونك تاير جديد يعني ما صارله من انصنع غير شهر و لا شهر و نص
انا اتفق معاك اخوي...
ودائما النصح بشراء الاطار اللي تم انتاجة شهر او شهري اقل شي
روح الامارات
18-12-2003, 06:24 PM
شكرا SLR على الرد وايضا الشكر لاخوي حبوب بوظبي وفعلا نقطه هامه وهي التخزين وانا خلاص حرمت ماباخذ الا من عند الوكيل نفسه مرة ثانيه :)
العفو اخوي روح الامارات:)...
انا ناوي خلاص اغير نوعية الاطارات لان حاليا استعل اطارات دنلوب على سيارتي والاطارات فعلا جيدة ومعمرة بس التغيير حلو يمكن في شي جديد..
نويت عالبريلي بي زيرو...
مادري اذا عندك فكرة عنه .. الكل يمدحه...
زورو الامارات
19-12-2003, 07:10 AM
السلام عليكم ورحمة الله وبركاته
الحمدلله على السلامة يا حسين
بعيد الشر ان شاء الله
يا حسين اكيد شاري التواير من واحد ايراني في المنطقة الصناعية
هذيلا اذا ماسمعت عن الغش سير شوفه يمشي على ريوله على شكل بني آدم
حسبنا الله عليهم
ياحسين احنا مانشتري تواير من الشارجه لهذا السبب
رقابه من البلدية ماشي التواير تيينا قديمه او اذا مب قديمه تكون غير مطابقة لأجوائنا وشكل التواير الي معطنك اياهم قديمه ويمكن فيهن فتحتات بعد ومركب لك التيوبات على شان يرقع السالفه
رد مقتبس من زورو الامارات
السلام عليكم ورحمة الله وبركاته
الحمدلله على السلامة يا حسين
بعيد الشر ان شاء الله
يا حسين اكيد شاري التواير من واحد ايراني في المنطقة الصناعية
هذيلا اذا ماسمعت عن الغش سير شوفه يمشي على ريوله على شكل بني آدم
حسبنا الله عليهم
ياحسين احنا مانشتري تواير من الشارجه لهذا السبب
رقابه من البلدية ماشي التواير تيينا قديمه او اذا مب قديمه تكون غير مطابقة لأجوائنا وشكل التواير الي معطنك اياهم قديمه ويمكن فيهن فتحتات بعد ومركب لك التيوبات على شان يرقع السالفه
انا وياك اخوي وانا توه جاي من صناعية الشارجة.. بصراحة يودييك السيح كلامه جد لو هو صادق بس مش مقتنع.. صدق انهم حياله...
ومن عاش بالحيله مات بالفقر