مناقشه عامه عن بودي ال؟؟؟؟ ادخل و شارك ....

[infiniti]

بسم الله الرحمن الرحيم

قبل ما ابداء في كتابة الموضوع حبيت اعلمكم عن وحدة قياس تعرف بأسم (ميكروم) تستخدم هذي الوحدة في قياس الاشياء الصغيره جدااا .

طيب الزبده :D

الله يسلمكم و يعافيكم كل الناس تقول ان بودي السياره الفلانيه قرطاس و رق كرتون منديل :confused:

ابي اعرف كيف عرفت ان هذا البودي قرطاس لاتقولي ضغط عليه بأصبعي و انخفس :confused: يمكن انت قوي زياده عن اللزوم :corsair:

المهم جميع مصانع السيارات تستخدم وحدة قياس الميكروم لقياس سماكة بودي السيارات و لو تعرف ان الفرق بين بودي الهامر و بودي الهونداي يساوي 5 او6 او7 ميكروم يعني فرق السماكه شي لايذكر ابداااااا و اغلب صانعي السيارات يزيدون سماكة بودي السياره لكي لا تصداء بسرعه و هذا هو الفرق بين بودي الهامر و بودي الهونداي او غيرهم من السيارات (هونداي و همر مجرد مثال فقط )

و الان يكون الفرق في شي واحد و هو هيكل السياره الداخلي و جوده التصميم و ليس شرطا ان يكون الهيكل مزود بحديد ثقيل جدااا المطلوب هو تصميم هيكل مناسب يتوزع فيه الحديد لأمتصاص الصدمه بشكل جيد مع العلم انه كلما زادت سماكه الهيكل كلما اصبح خطر اصابه الاشخاص اكبر .

اذن المطلوب هو تصميم هيكل مناسب و توزيع سماكة الحديد بالمكان المناسب هذه المعادله صعب الوصل اليها حتى من قبل اعرق السيارات
و تختلف من سياره الى اخرى .
على سبيل المثال هيكل بي ام الفئه السابعه احتمال يكون فيه خطاء بسيط في التصميم قد يؤدي الى تشوه السياره في حاله انقلابها بشكل كبير
و قد تشاهد كورولا مصمم هيكلها بشكل جيد و قد لا تشاهد اي تشوهات كبيره في حالة انقلابها .
(هذا مجرد مثال فقط وش جاب البي ام للكورولا)

اخيرا المقصد هو اختلاف سماكة البودي من سياره الى اخرى لايزيد سوى القليل من الميكروم ولا يزيد سوى 1 او 2 كيلو جرام الى وزن السيارة .

اتمنى ان تصل الفكره الى الجميع .

[RED Chevy]

السلام عليكم ورحمة الله وبركاته
شكراً إنفنتي على الموضوع، لكن سمك البدي يأثر كثير في الحوادث، مثلاً قارن ضربه في ديهاتسو سيرون وضربه في كابرس(88)، شنو تتوقع؟







ولد خالتي كان عنده سيرون وصدم ياهل(طفل) تصدق الولد قام يمشي والدهاتسو تخفس الوجه كامل،(الحادث آنا شفته ولحد يقول مايصير،البانيت إنخفس والبمبر والمدقار وإنكسرت الجامه الجداميه)، وإحنا في البولو دعمنا كلب وكنا إنمشي حوالي 60 وما صاد السياره شي، بس الرقم الجدامي إنخفس وتلعوزت دم، أكيد سمك البدي يفرق بس بعد مثل ماقلت إنت يعتمد على التصميم، وبعد شي ثاني، الصلابه الإلتوائيه للهيكل ، وأكرر شكري لك.

[infiniti]

صحيح سمك البدي له تاثير لاكنه شي بسيط جدااا الاساس هو تصميم الهيكل .

و مهما كانت سماكة البدي ماراح يأثر على وزن السياره خلنا نقول على اقصى حد يزيد وزن السياره 10 كيلو بالكثير . و هذي نقطه مهمه لان اغلب الشباب يقولون ان اللومينا او المكسيما بديها ورق ؟؟؟؟ :confused:

[RED Chevy]

السلام عليكم ورحمة الله وبركاته
لكن بشنو تفسر لي إن بدي الحوت حوالي طنين والكابرس 1700( مو متأكد) والحجم تقريباً نفس الشي؟
وآنا وياك في إن الشباب يقولون عن بدي اللومينا والمكسيما إنه ورق، لكن هم يقارنون بين بدي الكابرس القديم والكابرس الحالي واللومينا، المكسيما آنا مع الشباب إنه ورق بس ليش، إحنا نضحي في شي لصالح شي آخر يعني تبي موتر قوي وبسعر رخيص إنسى البدي، أول أمس في وكالة الBMW قال لي تسارع الZ4 في سبع ثواني ومادري كم( ال3.0) والماكس تسارعه تقريباً في نفس الوقت إذا مو أقل، لكن تعال شوف النيسان في الحوادث، أقل ضربه ويتخفس كل شي، والله جارنا مره دعموه من ورى وطاح البمبر الجدامي، شتقول بعد؟

تبي بدي قوي وسرعه ما لك إلا الألماني الريسنج لكن شوف فرق السعر.

[infiniti]

الحوت اي موديل تقصد s500 موديل 2000 ؟؟

وزنة في المكينه و على فكره وزن الحوت اقل من 2000 كيلو
الانفينيتي Q45 وزنها 1870 كيلو
طبيعي ان هذي السيارات يصير وزنها عالي بسبب التجهيزات و المواصفات الكثيره .

الكابرس اقل من 1700 لانه فاضي من داخل و السياره كلها بلاستيك .

[RED Chevy]

السلام عليكم ورحمة الله وبركاته
لكن الكابرس مو فاضي من داخل، كفايه التجهيزات اللي في الرويال، لكن الثقل في البدي نفسه، آنا مع إني أحب الشفر لكن آقولك إن البدي مو نفس قبل، لكن إذا بترتب البدي من حيث القوه فهو كالآتي:

1- أوروبي(بكل أنواعه)
2-أمريكي(مع الهولدن)
3- ياباني/كوري( مع الأفضليه للياباني)

حصلت لك وزن الكابرس1780.

[infiniti]

1751 كيلو حسب موقع هولدن كامل مواصفات .

هذا الرابط
http://www.holden.com.au/www-holden/action/techdata?modelid=7000

هذا وزن مرسيدس S500 لارج 1875 كيلو حسب موقع مرسيدس استراليا
http://www.mercedes-benz.com.au

[A7medo]

السلام عليكم ورحمة الله وبركاته

ندخل معاكم في المناقشة

أنا مرة شفت حادث أمام عيني تيرسل دخل في مرسيدس E320 أخر موديل دخل عليه من الخلف , وجه التيرسل كله راح اتكسر تكسير لكن المرسيدس الي صار له ما اتوقعته يوم جيت اطالع الحادث المرسيدس ما فيه الا خدوش بس استغربت يعني

الا هل درجة يعني الألماني يتفوق في كل شي

[RED Chevy]

رد مقتبس من infiniti
1751 كيلو حسب موقع هولدن كامل مواصفات .

هذا الرابط
http://www.holden.com.au/www-holden/action/techdata?modelid=7000

هذا وزن مرسيدس S500 لارج 1875 كيلو حسب موقع مرسيدس استراليا
http://www.mercedes-benz.com.au

البنز قلت لك مو متأكد منه، لكن الكابرس دش على:
www.gmarabia.com
أو www.chevroletarabia.com
وطالع وزن الكوابرس

[infiniti]

وزن LS
1710 كيلو

وزن رويال
1780

يعني الفرق 70 كيلو بس قلت لك الكابرس فاضي من داخل و كله بلاستيك من ارخص الانواع و الاسواء على الاطلاق.

[RED Chevy]

السلام عليكم ورحمة الله وبركاته
أوكي إنفنتي الكابرس فاضي من داخل، تقدر تقولي الإنفنتي شنو فيه من داخل؟
سؤال ثاني: هل ركبت أو شفت أو قريت شي عن الكابرس رويال؟

[silver]

موضوع حلو

من عوامل قوة البدي برأيي هي ...
- شكل السيارة وتصميمها ... مثلاً كل ما كان التصميم فيه زوايا حادة كل ما كان أقوى ... وكل ما كان فيه إنائات كل ما كان اضعف ...

- نوع المواد المستعمله في صناعة جسم السيارة ... بغض النظر عن سمك الجسم ... فكل ما كانت خلطة معادن جسم السيارة اقوى كل ما كان تأثير الصدمات فيها اقل...

- تدعيم جسم السيارة ... بالقضبان الفولاذية عند الأبواب والرفارف وكذلك المواد صنع وتدعيم الهيكل...

- شاصي السياره ... كل ما كان موديل السيارة اقدم كل ما كنا نشوف أن شاصيها اسمك .... ومعضم سيارات هذي الأيام ما فيها شاصي ... كل القطع والهيكل ينلحم مع بعض وخلاص ... بعكس السيارات القديمة إلي يتم صنع الشاصي اولاً ثم يتم تركيب باقي أجزاء السيارة عليه ... ونشوف إن هذا الشيء مازال موجود في السيارة الكبيرة وسيارات الدفع الرباعي وبخاصة الأمريكية

كذلك لا ننسى زاوية حدوث الصدمة ... الإصطدام بسيارة من الأمام يفرق عنه في الإصطدام الجانبي ... :) ...

[RED Chevy]

السلام عليكم ورحمة الله وبركاته

كلام أخوي سلفر كامل صح، وأهم شي الشاصي، لوتلاحظ 80% من السيارات الجديده بدون شاصي، والكابرس واللومينا بدون، والياباني كله( الأجياب مادري) لكن أعتقد محد يستخدم شاصي احين غير الجمس والفورد الأجياب والكراون فيك، الشاصي كان مسوي شغل، السياره بدون شاصي مثل بيت بدون أساس، وهم شالوا الشاصي عشان يخففون الوزن، لكن أعترف إن الحركه غبيه لأقصى الحدود( في كل السيارات).

[bashar_255]

في اختراع اسمه شاصي يمسك البدي :glasses:

كل ما كانت طريقة التثبيت موزعه على القطعه بطريقه اشمل كل ما كان امتصاص الصدمه اكبر(ادري كلامي مو واضح بس تحملوني:D )

و الكبوت بحد ذاته له طريقه مختلفه:glasses:

مثلاً في الفوكس تجد شكل هرمي بين سفق الكبوت بينما البيجو 307 معتمده على قضائب معدنيه(تختلف طريقتها عن البيبان بس مانا عارف اعبر:D )

:D
;)

[MAXIMA 020]

انا سبق وكتبت موضوع اتكلم فيه عن البدي القرطاس الي طايحي الناس سب فيه كيف هو مفيد اكثر من السميك وشرحت السالفه بحادث صار قدامي قبل حوال سنتين:

القصه وبكل اختصار كنت انا واحد الزملاء في الهافمون (شاطئ الغروب اقصد شاطئ نصف القمر) عند الي يطعسون نتفرج المهم الارض كانت ممطوره وكان فيه على راس طعس بعيد شوي عن تجمع الشباب راعي مكس 2000 يطعس الاخ لاعن جد الموتر تطعيس وماخذ التطعيس طفاقه المهم تركناه واستمرينا في متابعة الشعب.

بعد تقريبا ربع ساعه سمعنا صوت صدمه في المكان الي كان المكس يطعس فيه تعرفون الشعب كحب استطلاع تحول من مكان التطعيس الى الصوت وصارت زحمه حول المكان بعد ما وصلنا لقينا سياره معفطه كأنها قوطي والله اني ما قدرت احكم وشي الا عن طريق جنوطها عرت انها مكسيما الشي ازين في الموضوع ان الركاب كلهمطلعو سليمين ما عدى السأئق فيه خدوش بسيطه في جبهته

تبون تقولون لي وش الي صار لهم

الاخ راعي الماكس مستلم له طعس وداعس عليه وما عرف ان الي قدامه قص(القص هو منحدر مفاجئ يكون في وسط الطعس) يعتقد ان الي قدامه تكمله للطعس يقول ما خذيت الا انا في الهوا طاير ويجيك الموتر على خشته (الخشه: هي مقدمة الوجه من الامام:damp: ):shock2: :shock2: :shock2: تخيل بس شلون قوت الحادث

ولكن السؤال هنا


تخيل ان الحركه نفسها صارت لسياره البدي حقها قوي وخلنا نقول كابرس مديل 88
انا اقول الله يعين الي راكبينه لحظت الاصطدام بالارض ليييييييش؟ (أدري اني طولت السالفه بس تابعوا القصه لنهايتها بتحصلون المغزى:D :D :D )

المكسيما يوم اصطدمت بالارض توزعت قوت الاصطدام على البدي والي يسمونه اكثر الناس بدي قرطاس وهو يسمى ماص للصدمات فا تعفس البدي وراحت وطي السياره ولكن الي داخل السياره ما ارتدوا مره من الصدمه

خل ننتقل الان الى الكابرس لحظت الاصطدام
البدي راح يتحمل الصدمه وبحكم انه قوي فانه ما راح يتأثر مره فا قوة الصدمه مدامها ما تفرغت في البدي وين راح تأثر اكيد على الركاب لدرجت اني اتوقع خروجهم من السياره

وخذ على كلامي الحوادث على السرعات العاليه


ارجوا ان الفكره وصلت لكم


ولكن الحاجه الي المفروض تركز المصانع على قوتها ومتنها هي الكونسول او الكبينه الي فيها الركاب والتي غالبا ما تصنع من الفولاذ لان الصدمه اذا تعدت مستوى البدي ووصلت للركاب فأن هذه الطبقه تعمل لعدم تأثير الصدمه على الركاب


والله ادري ان كلامي طويل ولكنه مفيد للي فهم الفكره الي فيه

وسلامتكم

[HSV-V8]

رد مقتبس من MAXIMA 020
المكسيما يوم اصطدمت بالارض توزعت قوت الاصطدام على البدي والي يسمونه اكثر الناس بدي قرطاس وهو(( يسمى ماص للصدمات فا تعفس البدي وراحت وطي السياره ولكن الي داخل السياره ما ارتدوا مره من الصدمه))

خل ننتقل الان الى الكابرس لحظت الاصطدام
البدي راح يتحمل الصدمه وبحكم انه قوي فانه ما راح يتأثر مره فا قوة الصدمه مدامها ما تفرغت في البدي وين راح تأثر اكيد على الركاب لدرجت اني اتوقع خروجهم من السياره

وخذ على كلامي الحوادث على السرعات العاليه


==========================================================================

كلامك صحيح 100 بالمية .... بس الكابريس 88 الي تتكلم عنة ما تعتقد انه زود على البدي القوي انه مافية اي وسيلة من وسائل السلامة الا حزام الامان علشان كذا لا تتوقع احد يطلع منه...

[RED Chevy]

السلام عليكم ورحمة الله وبركاته
كلامك أخويMAXIMA 020 صح وأظن إنت تقصد الصلابه الإلتوائيه للهيكل، لكن توقع الصدمه على خط شنو بيصير، أكيد الموتر كله بينعدم، أمس صار حادث عندنا في البحرين، زد300 إنقص نصين، واللي فيه عطاك عمره، إتوقع الحادث لو كان في كابرس88 بينقص نصين؟

[MAXIMA 020]

المشكله في البدي الماص للصدمات انه مفيد في حالت الصطدام من المام او الخلف ولكنه نكبه في الاصطدام من الجنب :cry: :cry:

حتى اتذكر اني قريت في مجله يتكلم فيه عن حادث الاميره دايانا في المرسدس ويفيد الخبر ان شركة مرسدس لم تجد حلا للصدمات الجانبيه وكذالك بقيت السيارات

[infiniti]

اخوي
MAXIMA 020

الماكس الابيض اللي صار لها الحادث شفتها قبل خمس شهور في تشليح البلادي بالصناعية الثانيه على طريق الجبيل و اللي يبي يروح يشوف السياره اتوقع انها ما زالت موجوده ...

[RED Chevy]

رد مقتبس من MAXIMA 020
المشكله في البدي الماص للصدمات انه مفيد في حالت الصطدام من المام او الخلف ولكنه نكبه في الاصطدام من الجنب :cry: :cry:

حتى اتذكر اني قريت في مجله يتكلم فيه عن حادث الاميره دايانا في المرسدس ويفيد الخبر ان شركة مرسدس لم تجد حلا للصدمات الجانبيه وكذالك بقيت السيارات
الحل الوحيد للصدمات الجانبيه إهو الشاصي، هل شفت من قبل كابرس موديل قديم دخل البدي على داخل من صدمه جانبيه، الشاصي أعتقد إنه أأمن وسيله لا إيرباج ولا صلابه إلتوائيه، لكن شنسوي أحين كل السيارات تستغني عن الشاصي، وما بيتفادون الصدمات الجانبيه إال بالشاصي.

[الشبابي]

معلومة يا شباب ...
وزن الانفينيتي الصافي هو 2250 كيلو جرام حسب كاتالوج الشركة ...













اخوكم الشبابي

[infiniti]

رد مقتبس من الشبابي
معلومة يا شباب ...
وزن الانفينيتي الصافي هو 2250 كيلو جرام حسب كاتالوج الشركة ...













اخوكم الشبابي

فيه فرق بين الاوزان انت اخذت الوزن الاجمالي مع الركاب و الحموله كامله .

Gross vehicle weight 2285(kg)
Curb Weight 1865(kg)

الوزن الصافي هو Curb Weight و ليس Gross vehicle weight

المصدر انفينيتي الشرق الاوسط
http://www.infiniti-me.com/q45/specifications.htm