متسوبيشي جالنت الجديدة بالكامل قادمة وبقوة

[الأنصاري]

الجميع يعرف الجلنت سيارة قديمة واشهر نسخة منها هي نسخة الvx ذات الست اسطوانات التي عرف عنها قوتها وادئها المميز

الصراحه تطور الجلنت جاء متاخرا خاصة ان الشكل الحالي ((يعتبر القديم حاليا في امريكا واليابان)) اخذ فترة طويلة كي يتغير شكل السيارة

في هذا الموضوع استعراض للسيارة الجديدة كل شئ عنها من الألف الي الياء من اخوكم بوعبود ((اسمحولي على الغيبة))

في البداية ما الجديد
تم تغير شكل السيارة بالكامل وتغير فئتها واعني هنا في السابق كانت الجالنت تنافس البريميرا من نيسان ولكن الان ارى انها ارتقت لتنافس الكامري ومثيلاتها

المحركات
ستتوفر السيارة حسب تقديري في نهاية منتصف اونهاية هذا العام المحركات المتوفرة

الأولى من 2.4 بقوة 160 حصان من اربع اسطوانات وبتقنية(( MIVEC ))
Mitsubishi Innovative Valve timing and lift Electronic Control

المحرك الثاني بسعة 3.8 بقوة 230 حصان من سته اسطوانات و24 صمام

التقنيات المتوفرة
ABS نظام الفرامل المانع للإنزلاق
EBD نظام التوقف الإلكتروني
Adaptive Shift control
جير تبترونك لل6 سلندر فقط على ما اعتقد

بعض الكماليات والمواصفات الإختيارية
2 اير باج
رنجات 17 لل6 سلنجر
6 سماعات مع سي دي راديو لل4
8 سماعات مع سي دي راديو لل6
مثبت سرعة
كراسي جلدية
شاشة LCD

اتوقع ان سعر 4 سلندر سيكون جيد
اما سعر ال6 سلندر ممكن ان يكون غالي وحتى لايصل اسواقنا

بالنسبة للشكل فهو عصري يعجب البعض ولا يعجب البعض الاخر ولكنه قفزة كبيرة عن الشكل القديم

هذا كل ما اقدر ان اكتبه عن هذة السيارة اليكم بعض الصور واتمنى ان يعجبكم الموضوع
http://www.mitsubishicars.com/images/2004/gal/photos/large_3_ex.jpg
http://www.mitsubishicars.com/images/2004/gal/photos/large_7_ex.jpg

http://www.mitsubishicars.com/images/2004/gal/photos/large_3_in.jpg
http://www.mitsubishicars.com/images/2004/gal/photos/large_8_in.jpg

لمزيد من الصور
http://www.mitsubishicars.com/galant/image_gallery.html?g=int#

[A7medo]

صراحة سيارة روعة خاصة أذا نزلت في وقت نزول المكسيما فسوف تكون منافسة شديدة

مع انى لأعتقد أنهم بنزلون الستة سلندر عندنا لسبب وجود المجنا

مشكور أخوي بو عبود

[RED Chevy]

السلام عليكم ورحمة الله وبركاته
شكرك إخوي بوعبود على الموضوع والشكل لاباس فيه وأحلى من القديم وتسلم على الموضوع.

[الأنصاري]

العفو RED Chevy و A7medo

[Corvette_Stingray]

مشكوووووووور اخوي بوعبود على هذا الموضوع ..

الصراحة الجالانت صارت فيها نسبة من الفخامة واحنا عندنا جالانت موديل 98 VR نشيطة ولا تصرف

[مجنون سيارات]

بشكل عام السياره حلوه وفخمه لكن الوجهيه ما عجبتني بس الشكل ألي قبله أحلى (سبور)

[هشومي]

في طور شي جيد

[Dreams_Maker]

مشكور أخوي بوعبود..

بس الواجهيه والدركسون...قبيحيييييييييييييييين جداً

:headshak:

[TOP-SECRET]

يعطيك العافيه خيووووو :cool: الصراحه الموتر عجييييييب انا شفت منه في شوارعنا والله مادري هل جايبينهم من برا ولا شسالفه:eek: بس سكان السياره كلش رايح فيها:damp: سكان الددسن احلا:eek:

[Dreamer]

السلام عليكم ورحمة الله وبركاته

و الله السيارة حلوة و راح تكون منافسة

قبل كم يوم حضرت PORTLAND INTERNATIONAL AUTO SHOW

و كانت الجالنت موجودة و كان شكلها مرة حلو.



Dreamer

[X_RaYs]

رائعه فعلا .. بس مثلما ما قالوا الشباب .. صعب محرك الـ6 سلندر ينزل هنا بسبب الماجنا !!

[ACCORD-V6]

شفت الصور

اعجبتني

لكن ماقريت المواصفات

[الأنصاري]

العفو شباب بخصوص نزول محرك 6 اسطوانات لا نقدر ان نقول شئ الا بعد نزول السيارة وسؤال الوكيل رغم ان عندي امل انها تنزل

بخصوص الدركسون هو صحيح شكلة غلط بس ما تقدر تحكم الا يوم تشوفه على الطبيعة :think: :think:

بالنسبة للشكل فالناس اذواق

اخوي اكورد اتمنى تقراء الموضوع :D :D

واشكركم جميعا مره اخرى

[محمد دريهم]

والله قمة في الروعه.....


فيه واحد من زملاي بينقهر اكيد..


كان عنده جالانت موديل 99 كوربريتر وسوا حادث وباعها تشليح..والحين اشنرى 2004 فل ابشن...الله يكون في عونه تغير الشكل..:eek:

[الأنصاري]

ولد الخبر لاتقوله بكون خبر مصرقع:D :D

[DodgE]

مشكور بو عبود

والحمد لله على السلامه :)

[MuGeN]

رهيييبة :OO:

في واحد من الشباب نوى على وحدة 2004 الله يعينه بعد :D

المشكلة مستعجل على السيارة ولا كان انتظر :eek:

تسلم بو عبوووود :) ..

[560SEL]

السلام عليكم ورحمة الله وبركاته

و الله تصميمها جميل مبدئيا لكن اذا تبون الصدق المفروض ما نحكم عليها الا اذا نزلت و شفناها على الحقيقه

[الأنصاري]

DodgE الله يسلمك:laugh: :laugh:

MuGeN خله يشوف موضوعي مكن يغير راية:D :D


560SEL كلامك صحيح واعتقد انها ستنزل في نصف هذة السنه والله اعلم
:think: :think: