View Full Version : مالسبب في ثبات سيارات السحب الامامي على المنعطفات؟
بسم الله الرحمن الرحيم
السلام عليكم ورحمة الله وبركاته
قد يلاحظ الكثير ان سيارات السحب الامامي قد تكون افضل من مثيلاتها ذوات الدفع الخلفي في المنحنيات والمنعطفات ...
اجر هذه التجربة بنفسك ..((بسيارة ذات سحب امامي))
ادخل في منعطف على سرعة معقوله ...ولنقل بسيارة كامري وعلى سرعة 100ك ...ولتكن عصا القير على النمرة الثانية 2.... ولاحظ ان السيارة الى اي درجة هي ثابته وقوية في المنحى ......
مالسبب ياترى ؟.....
...........................قد تكون لدي الاجابة لكنها ليست على الشكل المطلوب مني ,,,,
لاعزاء لاصحاب الدفع الخلفي:cool:
Third Eye
14-02-2004, 08:21 AM
تصدق أني كنت بسوي موضوع عن مميزات الدفع الاماي وعيوبه وكذلك الخلفي..لكن مكسسسل:D
أنا يوميا أسوي تجارب وفعلا هذا الشي ملاحظ
أنا كنت لما اخش أي دوار أتعمد أني ازيد السرعة وأنا داخل الدوار
فالكفرات تصدر صوت
بس لو تشوف منظر الى يكونو قدامي كخخخخخخخ:laugh: :laugh:
تلاقيهم من يوم ما يسمعوا الصوت يوخروا يحسبو في سيارة حاست
تحيااتي
STS4ever
14-02-2004, 08:59 AM
رد مقتبس من Third Eye
تصدق أني كنت بسوي موضوع عن مميزات الدفع الاماي وعيوبه وكذلك الخلفي..لكن مكسسسل:D
أنا يوميا أسوي تجارب وفعلا هذا الشي ملاحظ
أنا كنت لما اخش أي دوار أتعمد أني ازيد السرعة وأنا داخل الدوار
فالكفرات تصدر صوت
بس لو تشوف منظر الى يكونو قدامي كخخخخخخخ:laugh: :laugh:
تلاقيهم من يوم ما يسمعوا الصوت يوخروا يحسبو في سيارة حاست
تحيااتي
فعلا وهذا الشي احب اصلحه في المنعطفات لان اغلب الناس اللي تناظر يقوول اكيد يجيب العيد ويتفاجوا ان بنفس خطي :):)
ولكن اتوقع ان سبب الثبات هو لان مركز القوه اصلا هو نفس المركز اللي يفقد الدفع الخلفي الثبات ( ماادري شلون اوصل المعلومه اللي براسي اليوم ماني فايق بس اتمنى وصلت )
kin porch
14-02-2004, 09:31 AM
موضوع جيد يا S8
حسب علمي والله اعلم ان الي يتحكم بثبات السيارة في المنعطفات هو دقة توزيع الوزن في الامام والخلف مثلا الامام 60% والخلف 40% .
الدفع الامامي يساعد في عملية توزيع الوزن بشكل كبير الى جانب توفيره للقوة الخارجه من المحرك بشكل اسرع . ايضا كما تفضل الاخ STS4ever تمركز القوة والوزن في نفس المنطقة يعطي نتائج افضل .
Third Eye
14-02-2004, 11:08 AM
بالنسبة للسوال
أنا اتوقع الثبات بسبب أنو الدفع و التحكم معاً
لا فائدة من القوة بدون التحكم:D=الدفع الخلفي
محمد دريهم
14-02-2004, 12:34 PM
موضوع ممتاز..
وانا اتوقع انه السبب هو العكوس اللي تزيد وزن السياره ذات الدفع الامامي من قدام..وبالتالي تزيد رساوتها..
والله اعلم
STS4ever
14-02-2004, 01:04 PM
لالالالا يعني الحين وزن العكوس مايجي 30 كيلو ولا توصل اصلا وتصير هي السبب في الثبات ؟؟ اجل على كذا بحط ثقالات في الكبوت ويصير ثبات 100% ...!!! نظريه خاطئه
سلام
King 4x4
14-02-2004, 01:10 PM
الدفع الخلفي تسحب السياره و يكون التحكم من نفس جهه القوه.
بينما في الخلفي جهه الدفع أو القوه غير جهه الاتجاه.
بتصير عمليه اسمها Centeral Force.
زي المروحه.
زي كذا وانت تسوق الدفع الخلفي تحاول تقضي على القوه ذي.
زي كذا تلاحظ صعوبه التحكم في الخلفي.
بس بذي القوه باستطاعت السواق الصحيح أن يسوي حركات يحلم فيها الدفع الأمامي :black:
محمد دريهم
14-02-2004, 01:15 PM
:D هههههههه
انتبه لايطيح لسانك
أبوالزين
14-02-2004, 01:17 PM
لا اخوي اس8
اسمح لي بعبر عن وجهة نظري
صاحبي عنده كامري
و أنا مستعد احلف لك انه صارله خمس حوادث يشلع فيهم ارصفه بسيارة كامري
لانه الدفع الامامي يوم يشوح صعب تمسكه
بعكس الخلفي فإذا انت سائق زين تمسكه
STS4ever
14-02-2004, 01:28 PM
لالا اخوي اش دعوه تفكره كوري :glasses: بس نيتي التوضييييح فقط !
Mr_CoRvEtTe
14-02-2004, 01:33 PM
من يومين سوينا حادث بكامري جراند موديل 2002 صاحبي كان داخل المنعطف على سرعه وخلاص قال على الدنيا السلام :D
مؤيد اف1
14-02-2004, 01:40 PM
الامامي يمكن اثبت لانه الكفرات الي تنقل الحركة في اتجاه اللفه الي يبيها السواق بينما الخلفي التوجيه من جهه والدفع من جهه:D عشان جدا لما يكون في ماي في اللفه وتدوس السياره تزحف(احلى حركة عندي) بس عيوب الامامي كثيره منها المطبات تخرب العكوس يعني لو مسرع وتطيح في حفره (من شوارعنا البيرفكت) بتزعل العكوس وبتقولك طلقني:D قصدي بدلني هذا الي سمعته غير كدا الدفع الامامي في بعض الحالات خطير لما تكون السياره قويه مره يعني الكفرات تحوس من القوة مثلا لو كنت تمشي 30 وبعدين دعست الدعسه للاخر ولفيت بقوه :blink: بس بتزحف السياره:D واحمد ربك اذا مافي مطبه وقتها تصير عامل محفز للزحف :D (شايفها في فيديو) واحد طلع على واحد وكان راعي الامامي دوه دايس ولف بقوه ودخل في شجره هذي وجهة نظري والي عندي:)
الصراحه انا أشوف العكس :D
الدفع الخلفي أفضل ...
لأن عندي BMW .. وماشاء الله في اللفات ماسكه نفسها ...
وجربت تجربة ...
ساب 93
على سرعة . تقريباً... 80 في الدوار...
تمسك ... وبعد ما يزيد .. السيارة تطلع اصوات تحس أنها بتحوس ..
اما BMW .. 80 وتزيد عليها شوف كأنه العيد ...90 أو حتى أكثر ...
( طبعاً.. على حسب العوامل ...مثل حجم الدوار ... والكفرات اذا هي جيدة أو مهترئة ... والوزن .........الخ)
وعندي كروان فكتوريا ... 80 ما عندها مشكلة ... بس لاتزيد او أحد يطلع في وجهك ,.,,خخخخخ
:laugh: :laugh:
560SEL
14-02-2004, 04:05 PM
رد مقتبس من مؤيد اف1
الامامي يمكن اثبت لانه الكفرات الي تنقل الحركة في اتجاه اللفه الي يبيها السواق بينما الخلفي التوجيه من جهه والدفع من جهه:D عشان جدا لما يكون في ماي في اللفه وتدوس السياره تزحف(احلى حركة عندي) بس عيوب الامامي كثيره منها المطبات تخرب العكوس يعني لو مسرع وتطيح في حفره (من شوارعنا البيرفكت) بتزعل العكوس وبتقولك طلقني:D قصدي بدلني هذا الي سمعته غير كدا الدفع الامامي في بعض الحالات خطير لما تكون السياره قويه مره يعني الكفرات تحوس من القوة مثلا لو كنت تمشي 30 وبعدين دعست الدعسه للاخر ولفيت بقوه :blink: بس بتزحف السياره:D واحمد ربك اذا مافي مطبه وقتها تصير عامل محفز للزحف :D (شايفها في فيديو) واحد طلع على واحد وكان راعي الامامي دوه دايس ولف بقوه ودخل في شجره هذي وجهة نظري والي عندي:)
أنا مؤيد لمعظم كلامك لكن معروف ان السحب الامامي اذا زحف ما يزحف الا على قدام يعني اذا جيت تدخل لفه بسرعه أعلى من المطلوب بتلقا ان السياره رايحه على قدام و ما تقدر تتحكم فيها الا بالجلنط لأن في مثل هالحالات الفرامل ما ينفع أبد
السر في ثبات السحب الامامي ان الكفرات اللي قدام هي اللي تحرك و هي اللي تتحكم في نفس الوقت
أخوي FSM
بالنسبه لل BMW و المرسيدس و الشله هذي طلعها برا الموضوع لأن السيارات هذي مليانه أنظمه مساعده تساعدها على التحكم في ثباتها .
أخوي King 4x4
كيف الدفع الخلفي يسوي حركات ما يحلم بها الامامي ؟؟:confused:
الكلام هذا كان من أول .. اما الان الامور اختلفت تماما
شوف المقطع هذا و عطني رأيك :D
السحب الامامي (http://dirah.net/video/moot5.rm)
لازم تواكب العصر يا أخوي :D
تحياتي
King 4x4
14-02-2004, 05:00 PM
أخوي فهم ذا لليابانيين :rolleyes:
ما يعترفون بالأمامي أبدا.
طبعا حقين الحركات الخطره.
شوف لك مقطع درفت و تعرف وش قصدي :laugh:
حفيد الفاروق
14-02-2004, 05:06 PM
حبايبي هدوا شوي .
ومشكورين على هالموضوع الحلو .
أنا أقول الدفع الخلفي أحسن بكثييييييييييير .
وذلك لأان البي أم دبليو والمرسيدس والجاغوار والأودي وما إلى ذلك من السيارات الفخمة كلها دفع خلفي أو رباعي .
فما يصير تقولون الدفع الامامي أحسن .
هل أنتم أذكى من الألمان :D
طبعا الجواب ...........:D
560SEL
14-02-2004, 05:31 PM
رد مقتبس من King 4x4
أخوي فهم ذا لليابانيين :rolleyes:
ما يعترفون بالأمامي أبدا.
طبعا حقين الحركات الخطره.
شوف لك مقطع درفت و تعرف وش قصدي :laugh:
:laugh: :laugh:
هذي عينه بسيطه من مجموعه ضخمه من الحركات اللي ما أعتقد ان اليابانيين تجيهم الجرءه انهم يسوون مثلها :D
تحياتي
NOFEAR
15-02-2004, 12:21 PM
بسم الله الرحمن الرحيم
مشكور أخوي للموضوع
أولا انا أرى ان الدفع الخلفي ارسى
ثانيا لاحاجة لي بدخول دوار او منحنى على سرعة تفوق ال60
ثالثا احتمالية انكسار الأكس لدى الدفع الأمامي أكثر بكثير وبالتالي الحادث تكبر نسبته وهاذا مالم يتتطرق له اي من الأعضاء الكرام
(رأي شخصي)
:sleep:
الشبابي
15-02-2004, 12:38 PM
ياشباب مايصير واحد يدخل دوار ميتين ويصدم ويقول هذا بسبب السحب الامامي ...
لكن لأن القوة في نفس الكفرات اللي تتحكم بالاتجاه تكون السيارة راسية لكن في الدفع الخلفي الكفرات الخلفية تمشي للأمام واما الامامية هي اللي تتحكم فلو خرجت السيارة عن وضعها الطبيعي ستجد الكفرات الخلفية والتي لاتمشي في نفس اتجاه الخلفية تجعلك تتجه الى الوضع الغير طبيعي بسرعة ... ولكن تم التغلب بشكل كبير على هذه المشكلة في السيارات الاوروبية الفخمة بأنظمة الرساوة من تراكشن يفصل الدعسة ، ونظام التحكم الديناميكي بالثبات والذي يجعل كل كفر يمشي بسرعة مختلفة عند الوضع الغير الطبيعي ....
اخوكم الشبابي
بوأربع
15-02-2004, 02:49 PM
من خلال تجربتنا للدفع الخلفي لأكثر من خمس و أربعين سنة أقول الدفع الخلفي أفضل بكثير
حفيد الفاروق
15-02-2004, 04:39 PM
رد مقتبس من NOFEAR
بسم الله الرحمن الرحيم
مشكور أخوي للموضوع
أولا انا أرى ان الدفع الخلفي ارسى
ثانيا لاحاجة لي بدخول دوار او منحنى على سرعة تفوق ال60
ثالثا احتمالية انكسار الأكس لدى الدفع الأمامي أكثر بكثير وبالتالي الحادث تكبر نسبته وهاذا مالم يتتطرق له اي من الأعضاء الكرام
(رأي شخصي)
:sleep:
اي والله صح كلامك .
مالنا حاجة ندخ ل المنعطفات ب 60 .
وكلامك كله صح بصح
ACCORD-V6
15-02-2004, 05:39 PM
المعروف ان الخلفي هجته زي السلام والامامي اثبت
حتى انه في التفحيط يستخدمون سيارات دفع امامي
فيه كلام في راسي لكن يبغى واحد رايق ويشرح بالتفصيل ويمكن البعض مايفهمون لذلك اسمحولي
اسف جدا على هذه العجاله
الشبابي
15-02-2004, 08:00 PM
السحب الامامي اثبت جدارته وخصوصا في قطاع السيارات الصغيرة والمتوسطه حيث انه اقوى واقل استهلاك وارخص ولايحتاج الى انظمة ثبات تزيد من سعر السيارة ...
بالنسبة للبي ام والمرسيدس فيها انظمة قوية تجعلها تتغلب على السيارات السحب الامامي ...
ولو رأيتو الجولف والبورا فهي سحب امامي عدا انها مزودة بمانع انزلاق واللي جربوا السيارات هذي يعرفون انها راسية لأبعد حدود ...
وخلال تجارب احدى المجلات الامريكية اكتشفوا خلال تجاربهم في مقارنتهم السيارات اليابانية بالالمانية ان السيارات اليابانية ارسى على السرعات المنخفضة والالمانية ارسى بالسرعات العالية فتدون ان كثير ممن معاهم سيارات سحب امامي يغترون بأنفسهم لأنهم قادرين على دخول دوارات بسرعة جيدة ولكن في الخط عموما عندما تكون ماشي 160 وترمي بقوة ممكن تحوس معاك السيارة لكن في الالماني ماتحوس ...
اخوكم الشبابي
رد مقتبس من الشبابي
ولكن في الخط عموما عندما تكون ماشي 160 وترمي بقوة ممكن تحوس معاك السيارة لكن في الالماني ماتحوس ...
اخوكم الشبابي
وانا اشهد على هذا الكلام:cool: <=== اسال مجرب:blink:
RED Chevy
16-02-2004, 11:18 AM
رد مقتبس من الشبابي
السحب الامامي اثبت جدارته وخصوصا في قطاع السيارات الصغيرة والمتوسطه حيث انه اقوى واقل استهلاك وارخص ولايحتاج الى انظمة ثبات تزيد من سعر السيارة ...
بالنسبة للبي ام والمرسيدس فيها انظمة قوية تجعلها تتغلب على السيارات السحب الامامي ...
ولو رأيتو الجولف والبورا فهي سحب امامي عدا انها مزودة بمانع انزلاق واللي جربوا السيارات هذي يعرفون انها راسية لأبعد حدود ...
وخلال تجارب احدى المجلات الامريكية اكتشفوا خلال تجاربهم في مقارنتهم السيارات اليابانية بالالمانية ان السيارات اليابانية ارسى على السرعات المنخفضة والالمانية ارسى بالسرعات العالية فتدون ان كثير ممن معاهم سيارات سحب امامي يغترون بأنفسهم لأنهم قادرين على دخول دوارات بسرعة جيدة ولكن في الخط عموما عندما تكون ماشي 160 وترمي بقوة ممكن تحوس معاك السيارة لكن في الالماني ماتحوس ...
اخوكم الشبابي
كلامك صح والبولو اللي عندنا أرسى من الياباني كله، وكلام كل اللي ساقوها( بالخصوص الكامري والأكورد).
شكرا شباب على المشاركات الفاعلة ...
انا مشغول شويه ...
بس ودي لو اجد رد ((علمي)):help:
مؤيد اف1
16-02-2004, 02:19 PM
حبيت اضيف لكم شباب ان الدفع الامامي على سياره قويه ماينفع حتى الي عزمها عالي لان الامامي اذا فحط :headshak: مايوقف
خصوصا على الحلبات بتصير مشكلة Understeer يعني السياره لما تكون قوي وتروح لفة مايله على اليمين تشوف السياره تميل على اقصى السيار وانت كاسر خصوصا السيارات القويه والدخاخين من قدام تطلع للي يبا يتاكد ينزل مقطع فيديو الساب في اللفات وهي تفحط تهتز :D مساحة الفديو 42.2 ميجا بس يستاهل الفيديو (http://64.246.54.65/rf_videos/road_tests/TopGear_Saab95.wmv)
السلام عليكم ورحمة الله وبركاته
معليش انا مستعجل الحين لكن ارد لان ماجد مالقى الجواب الي يدوره
الموضوع كله تقريبا بسبب مركز الثقل
الدفع الخلفي له ميزات كثيره في التحكم لكن مشكلته ان ثقله موزع في الأمام والخلف وهذا يقلل من ثباتها
تبان هذي المشكله اكثر في الأماكن الزلقه
الدفع الامامي يحل المشكله بكون اكثر وزن السياره في مكان واحد
لكن له عيوب في التحكم
عشان كذا بورش حلت المشكله بوضع محرك خلفي و دفع خلفي ( اول من طبق هذه الفكره)
اعذرني ماجد مستعجل مره وبرضه ماني فاهم الموضوع تمام :D
في امان الله
CAMARO_350z
17-02-2004, 05:40 AM
بس بذي القوه باستطاعت السواق الصحيح أن يسوي حركات يحلم فيها الدفع الأمامي
المميز
18-02-2004, 06:19 AM
بسم الله الرحمن الرحيم
السلام عليكم ورحمة الله وبركاته
كلام سليم 100%
واللي جرب الماكسيما يعرف هذا الشي ولانشجع ان الواحد يدخل بسرعة 80 والا 90 مع شارع لكن هناك ثبات ملحوظ جدا جدا خاصة في الماكسيما حتى اني جربت ذلك مرارا وبكثرة والحمد لله رب العالمين فيه ثبات عجيب وانا أتكلم عن الماكسيما اللي معي موديل 99 والسبب لعله ان الوزن يزيد مع الألتفاف بالإضافة الى الدفع الأمامي مما يساعد على الثبات
والله أعلم,,,,,,
King 4x4
18-02-2004, 06:29 AM
رد مقتبس من CAMARO_350z
احم احم. :mad:
تقصد.
الزد للأبد. :black:
الشبابي
18-02-2004, 08:43 AM
المفروض ان الوكلاء عندنا يطلبون السيارات بأنظمة الرساوة اللي تنزل في امريكا وغيرها من الدول ...
اخوكم الشبابي