View Full Version : ابي نصيحتكم في شراء سياره اودي S8
الخارج عن القانون
16-02-2004, 03:22 PM
السلام عليكم
كيف حالكم
ياشباب انا عضو جديد معكم
وحبيتكم استشيركم في موضوع شراء سياره
بس ابي الي يعطيني رايه يكون عنده خبره من الموضوع
يعني يكون متاكد منه الموضوع .........................
افكر في شراء سياره ولقيت اودي s8 موديل 99 ماشيه 114000
قيمتها حوالي 75000 الف لون لؤلؤءي وابي اسال عن استخدام
السياره يعني من ناحية الخرابات ومن ناحيه سعر الصيانه ومن ناحية
قيمة وتوفر قطع الغيار وطبعا السياره من بره نظيفه وماعليها كلام
وهل سعرها مبالغ فيه وعندي سيارات ثانيه افكرها فيها اذا
كانت الاودي ماتصلح مثل الكزس400 و300 والمرسيدس الفئه E
وطبعا انا في السعوديه في المنطقه الشرقيه ابي نصيحتكم
ومشورين مقدما ياشباب :think:
mustang cobra
16-02-2004, 05:02 PM
بسم الله الرحمن الرحيم
اذا ما خاب ضني كاني عرفت السياره من مواصفاتها بس سعرها غالي شوي يعني المفروض يكون في الستينات بس لا تشتريها الا في الشتاء عشان تتدفا بسعر قطع غيارها النار:cry:
560SEL
17-02-2004, 06:16 AM
السلام عليكم ورحمة الله وبركاته
و الله يا اخوي السياره رائعه جدا و استعمالها ممتاز و هي من سيارت الفئه الاولى يعني منافسه قويه جدا للمرسيدس و ال BMW
لكن السعر مبالغ فيه جدا
عندنا في السعوديه سيارات أودي غير مرغوبه لعدة أسباب أولها الوكيل السئ جدا تصور عشان تغير زيت السياره يقولك خلها 3 ايام :confused: غير كذا أسعار قطع غيارها غاليه غاليه غاليه جدا
يعني باختصار بتتعبك .... السياره هذي يبيلها واحد فاضي جدا ما يهمه اذا دفع 10 الاف على صيانه دوريه و غيره
انا انصحك انك تتجه للكزس و المرسيدس
تحياتي
حتى انا مانصح فيها
لانها قديمة نوعا ما ..اذاً السيارة مستهلكه
سعرها جدا مرتفع اذا ماعلمنا ان سعر هالسيارات في سوق المستعمل لا يساوي شيئاً
قطع الغيار باسعارها الحالية غير معقوله جدا
صيانه الوكيل زفت وازفت من الزفت
فكر في الياباني افضل لك
وانا انصحك باللكزس
ايطالي
17-02-2004, 10:18 AM
اذا على السيارة نفسها .. فأنا استخدمتها فترة .. والسيارة ممتازة .. وومتعة .. بس لازم تتأكد ان للي بتشتريها تكون نظيفة .. وسعرها حلو بس ممكن تنزله شوي
بس المشكلة بالوكالة .. وكالة الاودي عندنا من اسوأ الوكالات بالسعودية .. وكثيريين يشتكون منها
وانصحك بتويوتا .. سيارة و وكالة :banana:
وبالتوفييق انشاء الله
حبوب بوظبي
17-02-2004, 11:02 AM
أنصحك باللكسز او المرسيدس
انا عندي مرسيدس E ومرتاح معاها اخر راحه
بس انا انصحك لما تشتري ... إشتري وارد الماني ... أنظف بكثير من الخليجي
إذا عندك وقت... روح الشارقه و انته بتشوف
من نظافة السيايير يعطونك ظمان أسبوع عالقير و المكينه و الشاصي... جربها و افحصها
انا قبل اسبوع كنت هناك حصلت E320 موديل 1999 فل ابشن وارد الماني
لونه سماوي... و من داخل جلد رصاصي ...... ماشي 58000 بس
مطلوب فيه 70000 درهم
و الكثير الكثير من السيارات اللي تطير العقل :shock2: :shock2: :eek:
الخارج عن القانون
17-02-2004, 02:34 PM
يعطيكم الف عافيه ياشباب على الردود والنصيحه
واذا امكن ترشحون لي سياره من هاذي الثلاث
لكزس 400 لكزس GS300 مرسيدس الفئه E
بتكون مستخدمه يعني مابين موديل 1999 الى موديل 2001
علما اني ابحث عن سياره تريحني على الخطوط لاني
اروح الرياض في الشهر مرتين الى ثلاث مرات وانا اميل
للالماني لانه اامن في حالة البنشر لاقدر الله تكون السياره ثابته
اكثر من الياياني بس ابي رايكم لاني ماعندي فكره عن الكزس
اعرف اني كثرت عليكم لاكني محتاج رايكم ونصيحتكم
:rolleyes: :rolleyes: :rolleyes:
حبوب بوظبي
17-02-2004, 04:27 PM
انا انصحك تاخذ مرسيدس (عن تجربه)
mustang cobra
17-02-2004, 04:37 PM
رد مقتبس من حبوب بوظبي
انا انصحك تاخذ مرسيدس (عن تجربه)
انا نفس الشئ عليك بE كلاس ابو عيون
الشبابي
17-02-2004, 04:51 PM
نصيحة ابعد عن اودي لوجه الله ...
ترى هذي سيارات خطيرة وممكن توديك في دهيه ...
والله اعرف ناس معاهم اودي اي 6 مبهذلتهم بهذله غير طبيعية ...
اذا كان واحد والله يحلف لي ان السيارة تطفي عليه صدفة بنص الشارع ... تصدق ؟؟؟
والثاني قفل عليه الدركسون وصار لاف على الاخير وثقيل ومارضى يرجع وغير المشاكل الكثيرة جدا جدا جدا وبالهبل وقطع الغيار الغالية جدا ، يعني تخيل صدام بـ 3000 ريال ... وين حنا ؟؟؟
وسياراتهم مبالغ بأسعارها بالنسبة لمميزاتها ...
نصيحة مجرب خذ مرسيدس وترى قطع غيارها ببلاش ...
او خذ لك بي ام وقطع غيارها حلوة ....
اخوكم الشبابي
ايطالي
17-02-2004, 05:55 PM
اذا خاطرك بالميرسدس .. فالـ اي كلاس سيارة حلوة .. وبتلاقيها بسعر حلو .. بس ليه ما تشوف البي ام :D
<------ تراني متعصب للبي ام :D
والله يعطيك خيرها ويكفيك شرها مقدما :)
الخارج عن القانون
23-02-2004, 03:21 PM
مشكورين ياشباب على النصيحه واسف على التاخير في الرد
وبالنسبه للي نصحني بالبي ام انا ما كنت حاطها في بالي
لان العالم تقول خراباتها واجد واذا كان الي سمعته خطا قولو
لي يعني البي ام عمليه ولا خرابتها واجد لاني لقيت بي ام
523 موديل 2001 مسيومه 65 المانيه ونظيفه ومواصفاته وممشاها حلو
RED Chevy
23-02-2004, 03:58 PM
السلام عليكم ورحمة الله وبركاته
الBMW مافيه مشاكل مثل قبل والدليل إنتشاره الكبير مقارنة بالثمانينات وصديق إخوي كان عنده 740 لاعن صيره ومن البحرين لي كويت وماصادته مشاكل( أشياء طبيعيه مثبل زيت قصر تناتيش يعني) والبنز محترم بس الاأودي مو مظمون( كأنك ماخذ فلكس) لكن البدي خلك مأمن على نفسك أقوى بدي شفته الألماني تصدق البولو مالنا صادمه سكس ويل مرتين ولا تعور الشاصي) بس خلك بين البنز والبي أم.
MuGeN
23-02-2004, 03:59 PM
أنصحك بال E
الإخوان ممكن يساعدونك في الأسعار ..
BeNz U R ThE BeSt :D
STS4ever
23-02-2004, 04:03 PM
الخارج عن القانون
اذا عجبك هالموديل خذه وماجاك علي اذا كان مو عملي او يخرب خرابات سببها سوء تصنيع او غباء او اي شي !! خلك من كلام الناس سياره معروووفه
انا صراحه ركبتها بس ماعجبني مستوى الراحه فيها وكمان المواصفات قليله شوي بس اعطال وخرابات انسى الا الاشياء المعقوله !
سلام
BoSaLem
23-02-2004, 06:31 PM
هلا اخوي خارج عن القانون
صدقني اجواء الخليج ما يصلحلها غير الياباني
انصحك حيييييييل بالكزس وعلي فكره عندي Gs300
ما عمري اشتكيت منه
بس انا انصحك انك تاخذ ال 400 شكله رسمي واقوي من
ال 300
سياره كشخه وحق خطوط ما يهمها شي وخرابات قليله
يعني مضمونه هذى نصيحتي لك وعلي راحتك :)
الخارج عن القانون
27-02-2004, 02:58 PM
الله يعطيكم العافيه ياشباب على النصيحه
ومدري كيف اشكركم
:shy:
Supra_Rider
27-02-2004, 04:30 PM
رد مقتبس من RED Chevy
الBMW مافيه مشاكل مثل قبل والدليل إنتشاره الكبير مقارنة بالثمانينات وصديق إخوي كان عنده 740 لاعن صيره ومن البحرين لي كويت وماصادته مشاكل( أشياء طبيعيه مثبل زيت قصر تناتيش يعني)
اضم صوتي لصوتك احنا كان عندنا 740 موديل 96 و كان ماشي تمام و الحين عندنا X5 موديل 2002 و بصراحه رهيب
ما فيه شيء مثل BMW
560SEL
27-02-2004, 04:41 PM
السلام عليكم ورحمة الله وبركاته
بالنسبه للمرسيدس و اللكزس فالاختيار بينهم محير جدا
كلهم متفقين في كل شئ تقريبا
سهولة الصيانه
قطع متوفره
سعر جيد عند اعادة البيع لكن في هذي النقطه اللكزس تتفوق نوعا ما على المرسيدس
ثبات ((في هذي النقطه المرسيدس أفضل بكثير))
انا انصح بالمرسيدس E
تحياتي